[ALGENERAL]

بسم الله الرحمن الرحيم
السلام عليكم ورحمة الله وبركاته

ياناس أنا أخترت أقتصاد وإدارة تحضيري لكن أكتشفت أنهم يحطونك في كلية أسمها كلية المجتمع (جامعة القصيم طبعا) مافيها مكافئة ولاشي وشؤون الطلبة يقول ماتقدر تحول إلا بعد مضي سنة ومعدلك لازم يكون 4!!!!!
في الكليات الأخرى فصل واحد وتقدر تحول وفيه مكافئة!!!
أنا أنكبت صراحة تكفون كيف أقدر أحول إلى كلية العلوم إعداد علوم طبيعية هل فيه حل؟
أراجع المقر الرئيسي هل يساعدوني؟ هل يوجد أستثنائات بحيث أحول بعد فصل؟
أحياناً أقول أسحب ملفي ثم لطوي قيدي سنتين أروح لهم وأحاول أنه يستثنوني ثم أقدم الفصل الثاني؟؟ لأن فيه أستثناء لكن مادري وين بالضبط مقرهم في الجامعة
مع العلم مشاء الله نسبتي في الثانوية والقدرات تأهلني
أرجو المساعدة

[O X Y G E N]

روح لنفس كلية المجتمع واسئل بنفسك عن طريقة التحويل منها أكيد في عندهم عمادة القبول والتسجيل

[ريح الغضا]

بعد ترم تقدرين تحولين
او اذا كان عندك واسطه
اما الشؤون يجبون لك الموت ماساعدوك بشي

[ALGENERAL]

اقتباس المشاركة الأساسية كتبها o x y g e n روح لنفس كلية المجتمع واسئل بنفسك عن طريقة التحويل منها أكيد في عندهم عمادة القبول والتسجيل

راح أسئلهم إن شاء الله

[ALGENERAL]

اقتباس المشاركة الأساسية كتبها ريح الغضا بعد ترم تقدرين تحولين او اذا كان عندك واسطه اما الشؤون يجبون لك الموت ماساعدوك بشي

أنا أخوكي,,, متأكدة أن بعد ترم أقدر أحول في كلية المجتمع؟ هم يقولون ماتقدر!
وأنا بأذن الله راح أحاول وأتصل بالمقر الرئيسي لعل وعسى

[ريم العماري]

رح للمقر الرئيسي واستفسر احسن
@sss901 هذا حساب الاستاذ سلطان المشيقح بالتويتر بكلية المجتمع بيفيدك ان شاء الله


دعواتكم

[ALGENERAL]

حالتي حاله أتمنى مزيد من الأقتراحات
يقولون أن لا جا وقت التحويل ماتحول إلا لكلية المجتمع للبعنيزة.!!!

[SMOo]

أسأل شؤؤن الطلاب بالجامعة بيعطونك كل المعلومات عن هالشي ؛ ومآ آنصحك تسحب ملفك آدرس باقتصاد واداره يمكن يعجبك القسسم وتمشي فيه آو ترفع معدلك وتحول لكلية العلوم . . وبكل الحالتين مارآح تخسر شي ؛ بعكس لو تسحب ملفك بتضيع عليك سنه و بعده ماتدري آحتمآل يقبلونك آو لآ . .
وآنصحك بالاستخارة قبل كل شي وربي بيدلك على اللي فيه خير لك . .

[ALGENERAL]

اقتباس المشاركة الأساسية كتبها smoo أسأل شؤؤن الطلاب بالجامعة بيعطونك كل المعلومات عن هالشي ؛ ومآ آنصحك تسحب ملفك آدرس باقتصاد واداره يمكن يعجبك القسسم وتمشي فيه آو ترفع معدلك وتحول لكلية العلوم . . وبكل الحالتين مارآح تخسر شي ؛ بعكس لو تسحب ملفك بتضيع عليك سنه و بعده ماتدري آحتمآل يقبلونك آو لآ . . وآنصحك بالاستخارة قبل كل شي وربي بيدلك على اللي فيه خير لك . .

كلامكي صحيح أختي, لكن هذا لو في كلية غير كلية المجتمع
تصوري يقولون ماتسوون مع خريجي البكالريوس من كلية إدارة الأعمال هههه أجل وش الفايدة!
والمشكلة إني علمي ونسبتي مشاء الله تأهلني لتخصاصات علمية لكن تعرفين طالب جديد وماكنت أعرف شي وأنكبت في هالكلية ألي طلعت للي معدلاتهم نازلة!
علشان كذا أنا خلاص مابي هالكلية لو أيش! وأيضاً واجهت مشاكل في السكن بدون مكافأة الوضع صعب

[أهواك يابريده]

عشان مكافأه تضيع مستقبلك

ياخي كلية المجتمع يتساهلون معك وأسهل من الجامعه

ويكفي المشوار والله إن تنهبل من التردد

الله لا يحيجك للمكافأه

فيه طلبه الدراسه يمين وهم يسار ومشو وتخرجو وتوظفو

بفضل الله ثم دخوله للكليه

ماقالو مافيه مكافأه أبسحب ملفي

[ALGENERAL]

اقتباس المشاركة الأساسية كتبها أهواك يابريده عشان مكافأه تضيع مستقبلك ياخي كلية المجتمع يتساهلون معك وأسهل من الجامعه ويكفي المشوار والله إن تنهبل من التردد الله لا يحيجك للمكافأه فيه طلبه الدراسه يمين وهم يسار ومشو وتخرجو وتوظفو بفضل الله ثم دخوله للكليه ماقالو مافيه مكافأه أبسحب ملفي

أنا أحتاج المكافاة للسكن لأني ما أسكن ببريدة ياخوي والإجارات نار, المكافاة تساعد

[أهواك يابريده]

اقتباس المشاركة الأساسية كتبها algeneral أنا أحتاج المكافاة للسكن لأني ما أسكن ببريدة ياخوي والإجارات نار, المكافاة تساعد

الله يرزقك ويسهل أمرك

[SMOo]

اقتباس المشاركة الأساسية كتبها algeneral كلامكي صحيح أختي, لكن هذا لو في كلية غير كلية المجتمع تصوري يقولون ماتسوون مع خريجي البكالريوس من كلية إدارة الأعمال هههه أجل وش الفايدة! والمشكلة إني علمي ونسبتي مشاء الله تأهلني لتخصاصات علمية لكن تعرفين طالب جديد وماكنت أعرف شي وأنكبت في هالكلية ألي طلعت للي معدلاتهم نازلة! علشان كذا أنا خلاص مابي هالكلية لو أيش! وأيضاً واجهت مشاكل في السكن بدون مكافأة الوضع صعب

بعض آلآقسآم بكليه المجتمع تكون آنتقالي ؛ أي ينتقل لجامعة المليدآء يكمل سنتين وتصير خريج بكآلوريوس ؛ لكن مآ أدري عن آلآآقتصآد وآلآداره تقدر تكمل آو لآ . .

يمكن صعبة عليك من ناحية المكآفأة تكمل بكلية المجتمع ، لكن مالك آلآ تضغط ع نفسك هالترم وترفع معدلك لـ 4 عشآن تحول لآن آلتحويل يكون بعد مضي فصل دراسي 1 < وتأكد من هآلشي قبل تقرر !
لآن آلآنسحآب من آلجامعة ع مآ آظن آنك ما ترجع تدرس الا بعد سنتين من آنسحابك . .
آنصحك تطرح مشكلتك بملتقى طلبة جامعة القصيم و بيفيدونك . .