[المتحدث الرسمي لنفسي]

السلام عليكم ..

قبل كل شي انا شخص قديم هنا ومتابع بس من بعيد لبعيد ومن سكان بريده طبعا وقبل كنت أي شي اشوفه اجي واتكلم واقول ان هالشي خطا ولازم يتعدل وبعدها انقطعت عن الردود والكتابه ..

اليوم انا سجلت عشان اعلمكم عن مطعم مضيق صدري بشكل ماتتصورونه مع اني اخذ منه بااخر الليل بس مو كثير يعني ب 5 الشهور مره ومالي الا هو ومع ذالك اشوف فيه عيوب اكثر من غيره اللي هو الساعه 2 الكل يسكر الا هالمطعم لو تجيه الساعه 4 تحصله فاتح وكيف تبي تعرف انه فاتح انك توقف عند المطعم وتعطيه بس بوري ويطلع لك العامل اللي يشتغل ويقولك عطني طلبك وانتظرني بالسياره اجيب لك الطلب وكل شي موجود عنده االا الشاورما يوم عنده ويوم ماعنده اليوم طلبت منه وحصلت عنده شاورما بس الشاورما وانا اشوفها احس بتسمم وشلون لو باكلها واللي قهرني اكثر من كذا ان شخص دق عليه وطلب منه شاورما وهو ماشاف شكل الشاورما كيف هي ! تخيل انك تطبخ دجاج من العصر وطول الوقت على النار وان جاء اخر الليل تاكله تبي تشتهي الدجاج ؟ انا اكون مع الناس اللي يبي يقولون لو نطبخها من العصر ونحطها بالثلاجه واذا جاء الليل نطلعها ونطبخها مافيه مشكله بس اني اخلي الدجاج مكشوف طول اليوم واني العب ع زبايني واعطيهم اياه لا هذا مو معقول , انا والله ماودي اتكلم عشان مااقطع رزقه وبعد حرام علي لما اشوف الخطا اكثر من مره اسكت لان هذا يمكن يسبب لناس امراض بسبب هالدجاج المكشوف عنده طول اليوم ومماودي بعد اقول اسمه وكتبت هالموضوع عشان الناس تنتبه ب اخر الليل ماتطلب أي شي يحس انه مكشوف .. وشكرا

[مطرق الريحان]

طيب لاتطلب منه مالك ومال الامراض.
رح بيتكم ياخي وكل اي شي ياشيخ لوتمر ولبن احسن لك.
من وسخ هالعمال.اللي والله مافتح عشان صحتك فاتح عشان ريالك.
أمك وهي امك وتحبك وغالي عليه ماتقعد لين اربع فاتحه مطبخه.والشباب وحبهم للمطاعم ومطاريس هالعماله هم اللي ساعدو على انتشار هالمطاعم.

[fahad.5288]

مشكووور

[fahad.5288]

يعطيك العافيه

[سـ ـ ـارايـ ـ ـزر]

ولأن الشيء بالشيء يذكر


وجبة (الهمبرجر) التي اعتاد الكثيرون على تناولها ربما يومياً هي السبب الأولي لمرض السكري


فـ لو ماحصلك طبخ البيت أو تسكن لوحدك ، النواشف والمعلبات أرحم بكثير ، والله يحمينا شر الأمراض

[المتحدث الرسمي لنفسي]

اقتباس المشاركة الأساسية كتبها مطرق الريحان طيب لاتطلب منه مالك ومال الامراض. رح بيتكم ياخي وكل اي شي ياشيخ لوتمر ولبن احسن لك. من وسخ هالعمال.اللي والله مافتح عشان صحتك فاتح عشان ريالك. أمك وهي امك وتحبك وغالي عليه ماتقعد لين اربع فاتحه مطبخه.والشباب وحبهم للمطاعم ومطاريس هالعماله هم اللي ساعدو على انتشار هالمطاعم.

انا مااتكلم عن نفسي اتكلم عن الناس اللي تدق عليه وتطلب منه وهي ماتدري وش نوع الاكل هل هو زين او لا وبعدين مو الشباب بس بروحهم بعد العوائيل هم اللي ساعدو المطاعم انهم يفتحون بكل مكان وشوفي بنفسك ان طلعتو لعزيمه ولا لمكان مع اقاربكم ولو تجيبون عشاء من مطبخ كان ربع اللي عازمينهم ماياكلون رز ويطلبون من المطعم ولو تقولين لا بكذبك معليش لان هذا الواقع وبكل الناس فيهم هالعاده الشينه ..!

[المتحدث الرسمي لنفسي]

اقتباس المشاركة الأساسية كتبها سـ ـ ـارايـ ـ ـزر ولأن الشيء بالشيء يذكر وجبة (الهمبرجر) التي اعتاد الكثيرون على تناولها ربما يومياً هي السبب الأولي لمرض السكري فـ لو ماحصلك طبخ البيت أو تسكن لوحدك ، النواشف والمعلبات أرحم بكثير ، والله يحمينا شر الأمراض

انا معك ان اكل البيت افضل ولا فيه فرق بس انا اتكلم عن الناس اللي تطلب بااخر الليل ولا تدري ان الاكل كم له وهو يطبخ

[سلاف@]

اقتباس المشاركة الأساسية كتبها المتحدث الرسمي لنفسي انا مااتكلم عن نفسي اتكلم عن الناس اللي تدق عليه وتطلب منه وهي ماتدري وش نوع الاكل هل هو زين او لا وبعدين مو الشباب بس بروحهم بعد العوائيل هم اللي ساعدو المطاعم انهم يفتحون بكل مكان وشوفي بنفسك ان طلعتو لعزيمه ولا لمكان مع اقاربكم ولو تجيبون عشاء من مطبخ كان ربع اللي عازمينهم ماياكلون رز ويطلبون من المطعم ولو تقولين لا بكذبك معليش لان هذا الواقع وبكل الناس فيهم هالعاده الشينه ..!

+1
-------


المطاعم اكثر مُسبب لمرض الوباء الكبدي
الله يبعده عنا
--

من المفترض جميع العمالة بكل المطاعم يتم الكشف عليهم بفحص طبى معتمد على الاقل كل شهرين
نشتري منا ونعالج ابطوننا منا

--

[فكــر]

الخليجيون شعب غنى ونامي
ومتأثر بالنمط الغربي غذائيا
مع فرق اهتمام المنتج الصحي بين الخليج والغرب , وفى جميع نواحيه

ونزولا للواقع
قد لا الوم العزاب
ولكن الوم المتزوجين

وان كان ولا بد يجب اختيار المطاعم المشهورة

شكرا لصاحب الموضوع

[المتحدث الرسمي لنفسي]

اقتباس المشاركة الأساسية كتبها سلاف@ +1 ------- المطاعم اكثر مُسبب لمرض الوباء الكبدي الله يبعده عنا -- من المفترض جميع العمالة بكل المطاعم يتم الكشف عليهم بفحص طبى معتمد على الاقل كل شهرين نشتري منا ونعالج ابطوننا منا --

المفروض بس البلديه متعبين انفسسهم بتسكير المحلات اذا شافو عليها شي ويجلس شهر ويفتح ولا كانه صار شي له ..

[المتحدث الرسمي لنفسي]

اداره المنتدي ممككن الموضوع ينحذف ّ؟؟