[جداوية1]

السلام عليكم ورحمة الله وبركاته

قبل لاأسألكم حابه اعطيكم نبذه عني عشان تعيشوا الجو معاي شوي وتقدموا لي أفضل استشاره

أنا من مواليد جدة وأم لثلاثة أطفال طلعت لأمريكا مع زوجي قبل 12 سنة وزوجي عضو هيئة تدريس متخرج من الولايات المتحدة جاته وظيفة في جامعة القصيم في حي المليداء أستاز مشارك في قسمٍ ما (اعتذر عن ذكر القسم ) راح نسكن القصيم على الصيف إن شاء الله بعد شهر تقريباً ف حابه أسألكم ايش أفضل الأحياء السكنية من ناحية الهدوء والأمان والجيران لأنو انا إنسانه اجتماعيه وأحب الناس وايش الأفضل نسكن شقة دور ولا نستأجر فيلا وهل اقدر القى سكن قريب من الجامعة عشان جوزي مايتعب مع دوامه وكمان أفضل المدارس الإبتدائية والمتوسطة للبنات وكمان حضانات الأطفال كيف نظامهم وأسعارهم ومعليش حتعبكم معاي ايش أفضل الأماكن السياحية لأنو أنا من الناس اللي ماتحب قعدة البيت أحب اخرج كل يوم أتمشى وامشي أطفالي ومررره شكراً لكل شخص يرد علي

[فخر القصيم]

وعليكم السلام ورحمه الله
حياكم الله واهلا وسهلا بكم

المليدا تبعد عن بريده تقريبا 20 الى 15 كيلو مو بعيده
لذا فالافضل من نظري السكن في شمال بريده
ليكون المشوار اسهل وبعيد عن زحام الوسطو واقرب لطريق الجامعه السريع


سلطانه -- قرطبة -- الراشديات

هذه الاحياء من وجهه نظري مناسبه

[شاليه ساكورا]

أفضل أحياء للسكن :

شمال بريدة ( الريان / قرطبة / النهضة / الفايزي / سلطانة )

ويتوفر فيها مدارس وروضات اطفال وجميع الأسواق الشهيرة ..

والسكن متوفر : شقق مجمعات ( عمائر 4 / 5 أدوار ) شقق مستقلة بمداخل خاصة / دبلكسات / وأدوار

والأسعار من 20 - 25 الف بالنسبة للشقق الكبيرة بمداخل سيارة خاصة

[نجمة الليل،،،]

الريان احسه حلو وقريب لكل الخدمات
عاد انتي ياعسل طلباتك هذي ماتلاقينها بموقع واحد

[سكاكي ببريدة]

الله يعينكم على بلواكم

[بريداوي2000]

السكن ماقصرو الشباب

باقي المواقع السياحية فهذي عاد الله يعينك ماعندنا غير النفود بالشتاء بس وباقي السنه اقضيها الله يعينك بين مولين النخيل او العثيم بس ولا صح نسيت منتزة الملك عبدالله تم افتتاحه قريب ولا كن يبي لك درع حمايه من الناموس يعني بالعربي وفري طلعاتك لجدة بالاجازات احسن لك

[مدله الوجعان]

حي قرطبة ممتاز جدا وهو حي شمال الداائري وقريب ومختصر جدا للجامعه المذكوره وفقكم الله لما يحب ويرضى وحياكم الله

[متوهق]

و عليكم السلام

اولا حللتم اهلا وو طئتم سهلا

نيابة عن اهل بريدة يشرفنا انضمامكم الى تعدد سكان بريده وما يشرفنا اكثر هو انكم من غرب بلادنا الحبيبه اشرف بقعه على وجه المعموره

ويسعدنا خدمتكم

غالبا شمال بريده هو الافضل و الوحدات السكنيه كذلك الانسب اي فيلا او جزء دبلوكس من فيلا
وللمعلوميه الاجار هنا ارخص بكثير عن ما هو بجده و نسئل الله لكم التوفيق وراحة البال