[النبراس]

السلام عليكم وبعد/
قاموس الفيرز زبادي ..وشرحه كتاب قضاء قدر((أحسبه صحن))

@هذا درس لغير الناطقين بلغة أهل بريده وضواحيها....

#تسذا ... المعنى واضح يعني هكذا ولازم تقوله وانت ماد براطمك لتحت

#هنيا .... يعني . هنا . " حط العشا هنيا " يعني هنا

#مير .... والله الورطه وش معناه ذي

#غديه او غديها .... يعني كوده او كودها ... (( يعني بيفهمون الثانيه )) ,,,,,,,,, مثل ما يقول الابو لولده التسبير " رح ادرس كود اخوانك يغارون منك ويذاكرون " او رح ادرس غديك تنجح باتسر وتطلع دختور ...

#صزز ..... يعني صدق والا صززيه يعني صدقيه

#إشحطه ,,,,, يعني كزه ماله معنى ثاني

#كمخه , ؟؟؟؟؟؟؟؟ بس انها شينه يعين اذا واحد قاله لك تراه يسبك

#دلخ ,,,,, انظر اعلاه

#وفيه كلمه معناها " لا" بس صعب كتابته ممكن تصير تسذا (( لقعه )) ولازم تصر براطمك وتسحب لسانك جوا وتطلع معك الكلمه ,, وبعد فيه " ءء " وتطلع من الحلق مثل اذا جيت لبزر وقلت له عطن الكوره بيقول لك " ءء " وبيرفع خشته فوووووق وهو يقوله ...

#منهو .... من هو وانتهينا

#اشبك البلا فشكلك ..... مهيب تبعنا هذي حقت الحجاز

#مهيب والا مهوب ... بالعربي ( ليس ) مثل " هذا التفتر مهوب لتس يانوير هذا التفتر لاختس دليّل "

#هق وتي .... يعني ( اظن ) مثل " هقوتي انه هنيا "

#توحي ..... تسمع ,,, اذا جيته تسلم على شايبن من شيابكم تدنق على راسه وتقوله مساك الله بالخير بيقول لك وشوووو ,, بتقول له انت توحي (( في وسط اذنه لأغديه يسمعك ) وبيقول لك من انت ولده ... الخ "

#تباوووو ,,,, هذا اذا كنتم بتلعبون كوره (( ولازم تكون كورة موز )) لازم يروح كل اثنين يتحسون بيناتهم , ويقول الاول انا بردقانه والثاني تفاحه ويرجعون ويقولون يابردقانه ياتفاحه (( والله لو يستخدمونها في كاس العالم اصرف من هالقرعه ))

#يوووووووووووووه نسيت اهم كلمه ,,,,,
كتر ,,, ويقول الواحد لاخوه وهم يلعبون مليحق ..والله ياهو كتر أي تعب

#تشلق ,,, يعني تشلق وشلون اقولها ذي ؟؟؟؟ يعني تقطع

#جغمه ,,,, يعني جغمه !

#بهواك ,,,, يعني بكيفك .... تقول لواحد تعال معنا ... ويقول لك لا منيب جاي ,, ترد عليه "بهواك "

#بعدي ...... مهوب بعدي يعني بعدي بس بعدي .... يعني مثلا يقول الابو لولده ,,, بعدي ابوي بس مدري وشلون تنشرح

#امصع ..... يعني اسحب بقووووووه مثل الام اذا قالت لولدها تراني بمصع اذنك لو ما درست

#امحق ... هذي محتارين فيها العلماء بس انشا الله خير وبيطلعون له تصريفات للماضي والمستقبل ,,,, واللي عنده مثل عن امحق يلحقن لاني تورطت بهالكلمه

#يدربي ...... يعني يدحرج .... مثل واحدن من الشباب اسمه مدربي رويسه ....

#دنينه .... سياكل الأولين من اول (( ااااان اااااااان )) ترا الاصوات لازم اللاعب هو اللي يطلعها (( حلوه اللاعب ,, اقصد المبزره اللي يلعبونه من اول ))

#دبق .... اسالو البنات القديمات يعلمونكم اللعبه وطريقته ..... كل ما ضاع زرار والا صاموله والا اي شي من القطع الصغينونه ,, دوره عند البنات ,, يجمعونه ويلعبون بها دبق

#كنادر .... جزمه

#زبيريه ..... نوع من النعال وهو احسن مبيد للصوارير ((والبعارصا)) ! والحشرات الزاحفه الاخرى

#سرسري ....... يعني سربوت سربوت ........ يعني داشر داشر ,,,,,,, يعني صايع في الشوارع وهو اسهل واحد يطيح في التتن تتن ......... دخان برندا ..... ميراندا,, لان اول واحد قاله ببريده كان مزكم وقال براندا محلي .........

#مصدي ياخزياه ....... اكثر من يقولها العجز الله يخليهم لنا ولا يحرمنا من حتسيهم

#ديرمه ....... روج الاولين..

# يصطر ......... يصفق مثل ترا ابصطر كف يعني بصفقك كف

#سواني ,,, رح للجنادريه وانت تعرف وشي

#زبيل .,,, وانت رايح للجنادريه تشوف السواني اسئل عن الزبيل

#سماط ,,, لا تروح للجنادريه , رح لاقرب محل مواعين وقل عطن سماط ,,,,, مفرش ناكل عليه ومنول نسميه سفره

#دارسين ,,, عودان يحطونه الحريم مع الاكل بس مدري وشي

#ملاس ,,,, ننتسب به الغدا

#مراصيع ,, وفي روايه اخرى رصع ,,, اسالو الحريم ويعلمونكم عنه

#صبيب ! ,,,, انظر اعلاه ,,, هو نفسه بس بطريقه ثانيه

#ترم ترم ,,,,, فلم كرتون نسميه منول ترم ترم وبعض البزران يسميه ابو تتنه (! ( اللهم لك الحمد )) وغيرهم يسميه ابوذنب (( ياربي لك الحمد )) وعيال النعمه يسمونه النمر الوردي

#العووى ,,,,, منطقه غير معروفه احتارو فيها اكبر علماء الجغرافيا والتاريخ والفلك والاثار في تحديد مكانها ودايمن تقول الام لولدها اذا ازعجاها " رح لم العووى "

#عويفيت الله هذي الكلمه عقدت كل البزران دايمن تستخدمه الامهات لتخويف البزران اذا بغو يطلعون للشارع بالليل وتقول ترا بتجيك عوايفيـت الله

#جغمه = جرعه

#انتسلع + اذلف = فارق (go away)!

#وشذا = ماهذا؟

#هو= عبرة تدل على التعجب

#الحويش = فناء الدار

#لابد = مختبأ

#سذا زين = كذا زين؟
===============================

طبعاً أنا أخذت هذي الفكره من أحد المنتديات وسيت الكلمات القصمنجيه ومعناه.....

ولكم تحياتي،،،،
أخوكم الصغير وخادمكم المطيع
مجنون هند

[PEACE]

الله يعطيك الف عافيه
موضوع حلو
بس حبيت اوضح بعض الكلمات للي منت فاهم معناها
# مير – تأتي بمعنى لكن و تستخدم ايضا لقطع الكلام و الدخول في موضوع اخر مثل لو واحد يتكلم معك ويقول ( اليوم شفت صالح ..... ويعدين انت تقطع عليه الكلام و تقول( مير وش صار عليه توظف؟)

وفيه بعض الأخطاء مثل
# هنيا – هذي عند البدو مهب عندنا حنا ننطقها (هنا) بس بطريقة تخنلف عن طريقة اهل الرياض , ( ننطقها بسرعة)

وفيه بعض الكلمات حبيت أني أضيفها مثل
# سناوه – و نعني لعب عليه او ضحك عليه او نصب عليه
# تسل – وهذه الكلمة تقال اذا واحد مثلا جالس على شماغك و انت تبي تسحبة من تحته وعيا ينسحب لأنه دب تقولة ( تسل ) يعني ابعد
# وخر – وتعني ابعد
# ترا ابا اصنك – و تعني ترا ابا اضربك
# ترا ابا ارنك – و تعني ترا ابا اصيحك
# تسم – تقوم مقام ( كم ) الاستفهامية
# يتدودل – و يعني يتمرجح وعلى وشك السقوط
# يتطرطب – اذا كان الكم حق ثوبك وسيع يطلق عليه هذة الكلمة
# صاير الباب – و تعني خلف الباب
# طرف الباب – بتشديد الراء و تعني اغلق الباب
# طس – و تعني قارق او اذلف
# بس – و تعني الحيوان الأليف الهر او القط ( بس عندنا مهب اليف )
# مسط – و تعني طاح او وقع
# اعنبه + طنيبه + طرنبه + هدر– و تطلق على الغبي
# بو – وتطلق على عديم الشخصية
# قعيطي – و تطلق على البخيل
# سفله – تطلق على الداشر
# سحات – تطلق على من يسهر في الليل و ينام في النهار وهي ايضا تطلق على حيوان الخفاش او الوطواط
# ارعص – و تعني اضغط
# اولاه – و تعني تكفى
# لا تمحط + لا تمزع - أي لا تشوت الكورة بقوة
# حه – يقولها اللاعب عن تسديد الكرة لكي تعطيه دفعة معنوية
# قدة – وتطلق على المرمى
ــــــــــــــــــ وباقي اهم كلمة ـــــــــــــــــــــــــــ
## به – و تعني موجود
-------------------------------------------

واذا تذكرت اشياء ثانية بقولها

[الليث]

# تسبدي _ يعني كبدي أو بطني
# تفو عندالله سعة _ كلمة تقولها العجز
# تدلب _ يعني تأتي بكثرة (مثل يقول واحد الناس بدت تدلب علينا يعني جاء ناس كثارين )
# إمتسنه _ إلحق عليه (امتسن الرجال يعني إلحق عليه )
# فرّي _ يعني خليكي حمقه
# لقعه _ (شكلي ورطت !! الله يهديك يامجنون هند ) يعني تقريباً إنقهر سادة
# إزّهم عليه _ يعني كلم عليه بالتلفون
# دوتس _ يعني خوذي ..
# ديور _ رجع من نفس طريقه بنفس الوقت
# ولّع _ يعني شغل اللمبه (مصباح الكهرب !!!)
# لزِّم _ أكد أو شدد أ كرر ….يعني لقالك واحد لزّم على فلان يجينا باتسر (بكرا ) قصده أكد عليه يجينا ..
# طبلون _ عدّاد سواءً الكهرب أو المروحة
# أمّطع يمين _ أقسم بالله
# بطران _ (فلان والله إنه بطران يعني رهيييييييييييييييب )
# قحفية _ طربوش البزارين
# دلاّهة أو لهايه _ رضّاعة البزر
# الرَّواد _ حوض النخل
# محقان _ شيء علويه واسع وتحتيه ضبق علشان تصب شيء في جيك إثمه صغير.. أو حق النبيطة
# صفريه _ القدر اللي نطبخ به
# حدر _ يعني تحت
# طوفرية _ الصينية اللي نحط بها البالات والفناجيل
# نومليه أو قطيفة _ الفرشة اللي نقد عليها
# طفّاي _ يعني فيش أو مفتاح الكهرب

===========
الترجمة قديمة وراح يكون هناك إصدارت جديدة ؟؟؟
:D :D :D :D :D :D :D :D :D :D :D :D :D :D :D