[طير غيمار]

قصة راعي طير ضاع منه

وهذه قصة على راعي طير من أهالي الشمال كان واحد من هل الجنوب نزح للشمال لبعض الأسباب وكان له والد صقار مولع بالطيور وله ولد بار فيه والصيد موجود وهو دايم مع الدبش ويصطاد وفي يوم اجتمع مع راعي الشمال وهم بعيدين عن بعضهم بالمنزل ولكنهم اجتمعوا فقال الشمالي وش يصيد طيرك قال صيده على قدره ارنب وسمق والشمالي معه حر كبير يصيد كثير من الخباري قال الشمالي انا واياك اليوم اخويا يكفينا طيري طيرك اربطه بالقش وحنا حوله وابتدوا بصيد الحباري وغفلوا عن الطير المربوط ، طير الشمالي رأها وذبحه فقام الجنوبي يتأسف على طيره قال ما يسوى هذا الندم قال بلاي والدي يسوى عنده شئ كثير قال ابا اعطيك طيري ووالدي مثل والدك ابقول له غدى قال طيري ما يسوي عنده شئ كثير قال ابا اعطيك طيري ووالدي مثل والدك ابقول له غدى قال طيري ما يسوى عشير طيرك واقسم عليه اذا ما اخذته اني لأذبحه فأخذه الجنوبي وعندما وصل والده قال لأبوه غدى وكان يسوى عن ابله كلها وندم ولاجاه نوم شب ناره وسهر عليها اما الجنوبي رأى ابوه الطير الكبير قال منين لك هذا فأخبره القصه فقال اخطيت يا ولدي هذا الطير غال عند راعيه ويسوى عنده شئ كثير قال ارجع به بهاليل قال ما ادله قال تلقاه ما نام تلقا ناره تدلك وفعلاً مشى صوب العرب ودلته النار عندما وصل النار إلا يتسلا بالربابه ويغني بطيره اللي ضاع قال ابشر بالطير وهو يفقع ناطحه قال ابشر بالبشاره فأعطاه حصان قال ما اخذه ابي بعير يكفي قال هذا ثمنه كثير وهو لك مني واذا ما اخذته ذبحته فأخذه واتا لوالده قال ليش تأخذ حصانهم وقال الولد والا يبي يذبحه قال الوالد الولد والوالد كلهم سوى اما الأبيات :

تطلعوا بانظاركم يا مداوير /// للأشقر اللي بايسر الجو حامي

غداً به برق النحور المعاشير /// وابعد سمامه عن مقابل سمامي

واطيري اللي كن عينه سناكير /// حاطوب ما تبرد كقوفه دوامي

وش عاد اما ريبه جميع الصقاقير/// عقب اشقرٍ عدل الجناحين شامي

كنه غلامٍ فاشحٍ له على بير /// متمشلحٍ يسقي قطيع ظوامي
تحياتي للجميع

[أبوجبل]

اهل وسهلا بك يا طير غيمار


أبيات حلوه
وقصة شيقه



الله يسلمك لا تحرمنا من مواضيعك الممتازه



/ــــــ/ــــــ/ـــــــــــــــــلام

[سراج الخير]

القصة يبي لها تنسيق شوي ..



واطيري اللي كن عينه سناكير /// حاطوب ما تبرد كقوفه دوامي

عاد البقية روعه

[السيد دكتـور]

تسلم يا طير غيمار على هالقصه ..




خيااااااااااااااااال وحماس ..





بس يبيلها تنسيق ........



ولك جزيل الشـــ من محبك السيد دكتور ــــر

[طير غيمار]

أبو جبل:
تشكر على المرور وأبشر باللي يرضيك
--------------------------
سراج الخير:
أشكرك على مرورك وأبشر ننسق المواضيع الجايه لا نه جايتن عبر البريد كذا

شكرا على الملاحظة
-------------------------
السيد دكتور:
الشكر موصول لك ايضا على الإطلالة النيرة

وحلوه منك ولك جزيل الشر<------------------ المره الثانيه اكتب زين
---------------------------

والشكر موصول إلى كل من واق علينا وراح

تحياتي للجميع

[الوافي]

رائعة ياطير غيمار

[ابوأمين]

تطلعوا بانظاركم يا مداوير /// للأشقر اللي بايسر الجو حامي

غداً به برق النحور المعاشير /// وابعد سمامه عن مقابل سمامي

واطيري اللي كن عينه سناكير /// حاطوب ما تبرد كقوفه دوامي

وش عاد اما ريبه جميع الصقاقير/// عقب اشقرٍ عدل الجناحين شامي

كنه غلامٍ فاشحٍ له على بير /// متمشلحٍ يسقي قطيع ظوامي

[سليل المجد]

تسلم قصه جميلة

وقصيدة اروع

[طير غيمار]

أبو محمد النجدي:
ومن قال يسلم والله يسلمنا واياك من النار
وأشكرك على الاطلالة والف الف شكر
-----------------------------------------
الوافي:
مرورك علينا أروع
ولك مني الف شكر
ولا تبخل علينا بالمسايير
------------------------------------------
آدم:
والله القصيده رائعه اللي انت كاتي
شكرا لك والشكر موصول للوليد الصغير اللي
حدر أسمك....
-----------------------------------------
هرهور:
عسى تسلم من الشر يمناك
الرائع مرورك علينا
----------------------------------------
الشكر كذلك موصول للي قروا القصة والقصيدة
وهجوا
---------------------
تحياتي العطره للجميع