 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
 |
|
|
أدوات الموضوع | طريقة العرض |
26-03-2005, 01:08 PM
|
#1 |
|
عـضـو
تاريخ التسجيل: Sep 2003
البلد: قصيم النماء
المشاركات: 514
|
ردوا عليه انا عجزت ارد
رساله
المرسل إليه : وطني الرساله : ..آهـ ياوطني .... كل عام وأنت بخير ياوطني .. تصدق أني أحبك رغم اللي تسويه فيني ياوطني .. آه ياوطني يمكن إنك ماتصدق بس الله العالم إني أحبك .. صحيح إن عليك حركات بس ماعليه تمون ياوطني .. صحيح إنك قهرتني أكثر من مره لكن أبمشيها لك .. تذكر ياوطني يوم تتبرع لذيك الدوله وحنا يالله لاقين شي ناكله ياوطني . وغيرنا مليون بعد مايلقون شي ياكلونه .. أكيد تذكر تصدق إني ساعتها جتني ضيقة صدر .. ماتوقعتك تسويها .. طيب ليه .. مايقولون الاقربون أولى بالمعروف .. وإلا إنت جايك شي مني وتبي تقهرني .. طيب ماتذكر يوم اخوي يتخرج من الجامعه ويقدم لك يبي وظيفه و تطنشه .. وتعين اللي أقل منه عشانه من آل فلان وعنده واسطه .. ليه ياوطني مو إحنا كلنا عيالك وإلا أنا اخوي ولد الشغاله ياوطني .. أكيد بعد تذكر ياوطني يوم ابوي يطيح مريض ويقولون علاجه في واحد من مستشفياتك الكبار.. ونجيك نبي فزعتك وتقول آسف ماأقدر عندنا زحمه .. وبعد يومين أقرى في الجريده وأشوفك جايب سوداني تعالجه على حسابك .. وفي نفس المستشفى صدقني في ذاك اليوم ماجاني النوم من القهر آه ياوطني .. أفا عليك بس ياوطني .. لهالدرجه حنا رخيصين عندك .. لاتقولي ماتذكر .. أو أخاف إنك تقول إنك تمزح معي الله يرجك ياوطني مزحك ثقيل .. إلا على فكره تصدق إني مادريت ان عندنا عيد باسمك ياوطني إلا قبل كم يوم...... ليه ياوطني ياخي على الأقل خل هالمناسبه مميزه مثلا عطونا إجازات في هاليوم .. ولا وزعوا حلاو علينا أهم شي ندري إن اليوم عيدك وإلا مستحي منا.. طيب الله يخليك يا وطني يابعد قلبي يا شرايك نفتح صفحه جديده وننسى اللي فات .. هاه وش رايك .. بس على شرط حركاتك ومزحك الثقيل خلها عنك .. وياليت بعد تسوي فينا خير وتدبرلخوي وظيفه قسم بالله ذبحته العطاله ولا عاد يجلس معنا ما ادري اشفيه .. ترى حنا شبابك نعجبك بس عطنا فرصه .. وياليت تكمل معروفك ياوطني وتخفض من أسعار البنزين والغاز .. تكفى ياوطني والله ذبحتنا ويكون بعلمك ترى مو كلنا تجار وعيال نعمه .. يمكن إنت ماشفتنا معذور ياوطني ولكن والله موجودين ناس مثلنا كثير لاتنساهم الله يرحم والديك ياوطني.. وبعدين سالفة الواسطات والعنصريات هاذي ياليت تتركها بعد كلنا عيالك وكلنا عيال تسعه .. ترى الواسطات والله ماوراها إلا الظلم والقهر للمساكين خلك عادل يابعد قلبي .. أنا داري إنك بتقول صعبه وإن المخرج عاوز كده .. صدقني داري ياوطني بس ياليت تحاول تفكنا منها على قد ماتقدر والله يعينك.. وحط في بالك ياوطني احنا عيالك واللي يمسك يمسنا وحنا نفديك باأرواحنا واموالنا وكل مانملك .. تامر شي ياوطني أنا إنتهيت من رسالتي .. وابيك تعرف إني أحبك وأموووووووت فيك ياوطني ..
__________________
|
|
|
26-03-2005, 02:56 PM
|
#2 |
|
عـضـو
تاريخ التسجيل: Jan 2005
البلد: بريدة ـ الاسكان 4 شرق مسجد كعب الإحبار <<< ييزي ؟
المشاركات: 8,848
|
 لقد أسمعت لو ناديت حيا ولكن لا حياة لمن تنادي  سلااااااااااااااااااااام
__________________
في بريدة ستي .. كانت لنا أيام : http://www.buraydahcity.net/vb/showthread.php?t=262111 ( قلب حب 1 ) |
|
|
|
26-03-2005, 04:54 PM
|
#3 |
|
عـضـو
تاريخ التسجيل: Feb 2005
البلد: واحة النجوم
المشاركات: 3,304
|
الوطن يرد :
سلامك والله وأعذرني أنا بلش بأكثر من 23000000 تبين أنتبه لك .. يمكن أفضي لك وأرد .. بأمان الله ..
__________________
(يابني أركب معنا ) .. لم أعد أكتب بمعرف [ أبوفارس الخالدي ] وذلك لوجود من انتحل هذا الاسم في منتديات كثيرة وهو ليس لي مع فائق الود والتحية . |
|
|
|
26-03-2005, 06:31 PM
|
#4 | |||||||||||||||||||
|
عـضـو
تاريخ التسجيل: Mar 2005
المشاركات: 33
|
انت مبدع يازورق ومثلك لايجب ان يصيبه الاحباط.. الرزق ليس بيد الوطن حتى تحبط اسعى واجتهد وسترى الخير.. التوفيق ليس بيد الوطن اجتهد واطلب العلم وسيرفعك الله بفضله.. لاتنظروا لما بأيديهم ولو كان حقكم.. فلن يعود عليكم ذلك الا بالاحباط والفشل والحقد.. انهضوا شبابنا بكل ارادة الشباب الجباره واسعوا للعلم والعمل بكل طاقاتكم.. فإن بنيتم الوطن فلم تبنوه لأجلهم.. ستبنونه لكم ولنا ولأحبابنا.. شكراً لك. |
|||||||||||||||||||
|
|
|
26-03-2005, 06:46 PM
|
#5 |
|
عـضـو
تاريخ التسجيل: May 2003
البلد: بريدة
المشاركات: 572
|
أم المقداد من هم ؟؟؟؟
__________________
هلا وغلا :a |
|
|
|
26-03-2005, 06:58 PM
|
#6 |
|
عـضـو
تاريخ التسجيل: Mar 2005
المشاركات: 33
|
حياك الله ابوغريب
هم الله يسلمك اللي تكلم عنهم المبدع الزورق في موضوعه.. تمقل بالموضوع زين وتعرفهم الله يوفقك.
__________________
|
|
|
|
26-03-2005, 07:19 PM
|
#7 |
|
عـضـو
تاريخ التسجيل: Apr 2002
البلد: حيث السمو يكون .
المشاركات: 3,480
|
السلام عليكم ورحمة الله وبركاته
تحية طيبة وبعد الغالي : الزورق ========== جميل ماقلت وكل مواطن يتمنى من وطنه هذا أن يراعيه ويقدم له كما هو يتفنى من أجله ============ ولي عتب عليك في قولك ^^^^^^^^^^^^^^^^^^^^^^^^^^^^ إلا على فكره تصدق إني مادريت ان عندنا عيد باسمك ياوطني إلا قبل كم يوم...... ليه ياوطني ياخي على الأقل خل هالمناسبه مميزه مثلا عطونا إجازات في هاليوم .. ولا وزعوا حلاو علينا أهم شي ندري إن اليوم عيدك وإلا مستحي منا.. ********************************************* أخي أنت تعلم أن مثل هذه الأعياد من المحرمات والمسلمين ليس لديها إلا عيدين والسلام عليكم ورحمة الله وبركاته
__________________
 |
|
|
|
26-03-2005, 08:26 PM
|
#8 |
|
عـضـو
تاريخ التسجيل: Feb 2005
البلد: ارض الخير
المشاركات: 603
|
صحيح نحبك يا وطن بس حطنا حقنا منك
__________________
إذا لم يرضيك ماخــــــطه قلمــي 0000 فاقرأ اسمي مرة أخــــــرى 000 وان كان حُبــي لـلسعوديّة جريمـــة 000 فليشهد التاريخ أني مُجرمــاً 000 ************* لا تبخلوا علي من توجيهاتكم سبحانك اللهم وبحمدك أشهد أن لا إله إلا أنت أستغفرك وأتوب إليك |
|
|
|
26-03-2005, 08:41 PM
|
#9 |
|
عـضـو
تاريخ التسجيل: Sep 2001
البلد: ((( مدينه المحبين = بريدة = الخضراء )))
المشاركات: 2,428
|
:::: لو تبتل تهرج عن الوووطن ماعطوووك وجه
::: لكن توووكل على الله وووولاتعتمد على الوطن
__________________
رب رمضان رب بقية الشهور اغتنمو مابقي من أيامكم في العمل الصالح ..
|
|
|
|
26-03-2005, 09:00 PM
|
#10 |
|
عـضـو
تاريخ التسجيل: May 2003
البلد: .buraydahcity.
المشاركات: 3,435
|
اهلا بالزورق ..
كتابة اكثر من رائعة .. تستحق الشكر .. فشكرا لك ،، أعجبتني تلك المقوله **وبعدين سالفة الواسطات والعنصريات هاذي ياليت تتركها بعد** وكثر منها
__________________
. . لا إله إلا أنت سبحانك إنا كنا من الظالمين..
اللهم أعنا على ذكرك وشكرك وحسن عبادتك .. استغفر الله وأتوب إليه.. |
|
|
|
27-03-2005, 12:44 AM
|
#11 |
|
عـضـو
تاريخ التسجيل: Jan 2002
البلد: بأرض الله
المشاركات: 669
|
السلام عليكم ،،
الموضوع جميل جداً .. لكن العتب .. في حديثك عن العيد .. فلقد افتى بتحرمه الشيخ ابن باز .... وأنه من البدع المحدثه .. الردود كثيرة .. لكن لم يستدرك إلا واحد .. غفر الله لك أخي .. |
|
|
|
27-03-2005, 01:22 AM
|
#12 |
|
عـضـو
تاريخ التسجيل: Mar 2005
المشاركات: 33
|
جزاكم الله خير بس ماانتبهنا للعيد الله يكثر امثالكم.
__________________
|
|
|
|
27-03-2005, 02:33 AM
|
#13 |
|
كاتب و أديب
تاريخ التسجيل: Apr 2002
المشاركات: 756
|
يوما ما ..
سأسكن هناك بعيدا .. سأسهب في مخيلتي .. سأتربع في مهب الريح .. سأنتقل إلى عمق آخر .. عزيزي .. إن شئت كن أنت .. وإن لم تشأ فكن كما يراد لك أن تكون .. هكذا هي فلسفة الحياة ..
__________________
إذا كنت تقرأ ما يعجبك فقط .. فثق أنك لن تتعلم
|
|
|
|
27-03-2005, 12:30 PM
|
#14 |
|
عـضـو
تاريخ التسجيل: Nov 2004
المشاركات: 94
|
بالصميم
__________________
المحفرمابوه شئ |
|
|
|
| الإشارات المرجعية |
|
|
النمط المتتابع
