|
|
|
31-03-2005, 04:55 PM | #1 |
عـضـو
تاريخ التسجيل: Jan 2005
المشاركات: 132
|
انواع الشباب عند الاشاره ...
النوع الاول :
وهو الذي يستغل وقته ويرتب سيارته ويفتح دروج سيارته ويعفط في الفواتير ويرميها في الشارع وفجأه ماتدري الا وهو ناقز في المرتبه اللي ورا يرتبها .. ولا تستغرب اذا شفته ناط في شنطة السياره ( الرجال مرتب ) وتنفتح الاشاره والاخ مشغول في التنظيف .. النوع الثاني : وهو اللي تقول ان وجهه توه محتاج تنظيف ويسحب في المنديل وعلى خشمه واذا خلص طفى السياره علشان ينظف اذنه بالمفتاح وشوي ويقص اظافر يده وماتدري الا واهو مرفع رجله ويقص اظافر رجله هذا اذا كان معاه مقص اظافر والا ماعنده مشكله يقصها باسنانه ( قمة النظافه ) !! النوع الثالث: وهو اكثر واحد يفرح اذا وقف عند الاشاره علشان يبداء يستعرض ويرقص ويردح هو واخوياه ويرقصون السياره معهم !! النوع الرابع: وهو عكس الي قبله وهو الي يشغل شريط خالد عبدالرحمن (اى اغنية قديمة)وانواع التغلق والحزن وطبعا الاغنيه من كثر ماهي قديمه تشك انه مغنيها قبل توحيد المملكه ويكون وجهه مورم من الصياح!! النوع الخامس: وهو الي تقول توه مكتشف انه ابو وماتسمع غير هواشه على بزرانه الي مالين سيارته وماتدري الا وهو ساحب العقال ومخرب التشخيصه(يستعمل اساليب التربيه الحديثه)ويرجمهم بكرتون المناديل الي ماليه السياره والفضل يعود للمحطه البنزين لو تمر جنبهم عطوك منديل هديه!! النوع السادس وهو الي يستغل الوقت ويجلس يشخص ويرش عطر وشوي لايحط روج ومعلق الايرفون في اذنه ومشغل شريط (سيلين ديون)مسوي جو اجنبي!! النوع السابع وهو الي اذا شفته ترحمه وتقول ميت من الجوع وتشك انه جالس في مطعم مو في سياره الرجال ماسك الهمبرجر بيد والببسي والبطاطس بيد والشورما في حضنه والفطاير جنبه والبيتزا في المرتبه الي وراه ولا تستغرب لو شفته داب في مفطح!! النوع الثامن وهو الي تحس انه ماعنده وقت ابد ودايم بزي ولابس نظاره وخاتم ومبحلق في الجريده ومسوي زحمه في الشارع والي جنبه طفشان ومشتغل مسجات بالجوال !! النوع التاسع وهو الي سيارته زحمه مو ناس لا ماخلى ثوب ولا شماغ ولا بدله ولاجزمه حتى الشراب الا ومركبها (الله يكرمكم))معه عشان يكون تبديل الملابس اسرع عند الاشاره حتى البطانيه جايبه وماخذها معاه تعرفون الجو متقلب!! النوع العاشر وهو من يوقف عند الأشاره وهو بس يقز في هذي السياره وهذيك وعاد انواع الفنون لما تكوون السياره اللي جنبه فيها بنات وانواع الترقم والمغازل ويتميلح حتى لو كان شكله شين ومو هذاك الزود اهم شئ تناظره البنت لا ناظرته عطته اهتمام برد قلبه مالت بس وش تميلح عليه .. الأباتشي(10)
__________________
|
01-04-2005, 09:33 AM | #2 |
عـضـو
تاريخ التسجيل: Feb 2005
البلد: بريده
المشاركات: 736
|
كل ذولا واقفين عند الاشاره
وش لون قدرت تشوفهم كلهم والله من الشرافه___تراي امزح ياحليلك يا اف15
__________________
|
01-04-2005, 06:48 PM | #3 |
تاريخ التسجيل: Jun 2002
البلد: الريـــاض
المشاركات: 3,864
|
هههههههههههههههه
المشكلة اللي يلعب بخشمه عند الإشارة .. تلقاه داخلن جو .. بعضهم والله إني أخاف على عينه من إصبعه اللي يدحوسه .. بوركت ,,,
__________________
أعاذل ذرني وانفرادي عن الورى *** فلست أرى فيهم صديقاً مصافيا
نداماي كتبٌ أستفيد علومها *** أحباي تغني عن لقائي الأعاديا وقد جلت في شرق البلاد وغربها *** أنقب عمن كان لله داعيا فلم أجد أر إلا طالباً لوجاهةٍ *** وجمّاع أموال وشيخاً مرائيا قبضت يدي عنهم وآثرت عزلـــةً *** عن الناس واستغنيت بالله كافيا |
01-04-2005, 11:15 PM | #4 |
عـضـو
تاريخ التسجيل: Feb 2005
المشاركات: 82
|
والله مصيبة
أنا أقول لك يالطير لقد شاهدت واحد يرفرف بخشمه عند الاشارة |
05-04-2005, 04:44 PM | #5 |
عـضـو
تاريخ التسجيل: Aug 2004
البلد: Qassim
المشاركات: 2,842
|
تانسيم
سلاااااااام
__________________
إذَا أَنْتَ لَمْ تَعْشَقْ وَلَمْ تَعْرِفِ الهَوَى*** فَقُمْ واعْتَلِفْ تِبْنَاً فَأَنْتَ حِمَارُ |
05-04-2005, 10:22 PM | #6 |
عـضـو
تاريخ التسجيل: Jan 2005
المشاركات: 132
|
مشكورييييييين
__________________
|
الإشارات المرجعية |
|
|