 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
 |
|
|
أدوات الموضوع | طريقة العرض |
18-10-2001, 08:03 AM
|
#1 |
|
عـضـو
تاريخ التسجيل: Oct 2001
المشاركات: 1,061
|
بـــرجــس والــجــوال
أنا انسان على قد حالي واموري الماديه والأجتماعيه والعائليه
بالمتوسط . [ الله من زين افتتاحية الموضوع .. شكله مشروع شحاذه  ]ابشركم متوظف وعندي بيجر وسياره، صحيح إن نص راتبي ياكله البنزين الي بدون رصاص ( والي قاهرن ليش حاطينه بدون رصاص؟!! الظاهر انهم خايفين علينا نترامي فيه ونتذابح ) مره من المرات اجتمعت انا ونفسي المصونه ثم قررت بعد الاجتماع والتداول اني اطلّع جوال مثلي مثل غيري من المواطنين ، يعني أنا ناقص اذن والا رمش . خرجت بعد الاجتماع بالتوصيات التاليه [ ترفق يالجنة سعودة محلات الخضار ] :( 1 ) القرار باستخراج جوال ولا هوب اي جوال .. جوال عائلي يخزن ثمانية ارقام . ممكن تستغربون اني قلت توصيات ولا كتبت الا توصيه وحده !! لاني اسوي مثل اللجان تجتمع وتطلع بكم هائل من التوصيات وهي كلها خرطٍ فاضي ولا يطبق منها شيء!! يعني لو يختصرونها ويجمعونها بتوصيه وحده كان اصرف واوفر لنا ولهم . المهم عقب ما قررت اطلع جوال عائلي، عزمت اني أبدأ باول الاجراءات ... [ قررت وعزمت وانت ماعندك ماعند جدتي ] .. رحت أول شيء للبنك ودفعت 400 ريالا .. ريال ينطح ريال ثم بعدها طلعت لشركة الاتصالات . وصلت لمبنى الاتصالات وأخذت نموذج تعبئة طلب التقديم وعبيته ثم أرفقت معه صورة بطاقتي .. ثم مسكت سرا مع اللي واقفين لين وصلن الدور ، عطيت الموظف الطلب وصورة البطاقه يوم جيت ابمشي قال لي الموظف : وين يابوالشباب؟!! انا في البدايه احسبه ينفخ لان النفس به شيء على الاتصالات كم مره يفصلون البيجر من دون سبب !!! بغيت أتهور وأرد واقول وش اللي وين؟!! أنا داخل بيت ابوك؟!! .. لكن مسكت أعصابي . قلت : فيه شيء ناقص؟! قال : اصبر علشان تاخذ الشريحه . قعدت اتذكر وين سامع كلمة شريحه من قبل .. الشريحه .. الشريحه . قلت : وش شريحته ؟!! قال : شريحة الجبن بالمربى ( وكرها ضحكه .. حتى اللي صافين بالسرا ضحكوا!! هالمنافقين يجاملون الموظف على حسابي ) ثم قال : ايه الشريحه .. انت منتب جاي تطلع جوالِ؟! قلت : ايه جاي اطلع جوال . قال : شكلك ماتعرف الشريحه .. الظاهر انك من حقين البياجر . حسيت ان السالفه بدت تمصخ .. الأخ قاعد يرادن بالكلام والخلق وراي الف . بيني وبينكم انا خفت تجين رفسه او لكمه خطافيه من الي ماسكين سرا وراي ، تعرفون ربعنا مايصبرون ابد ومايدانون شيء اسمه نظام وإتيكيت !!! المهم مالكم بطوالة السالفه .. مد لي الشريحه وانا بين مصدق ومكذب، معقوله إستلمت الشريحه بهالسهوله؟!! معقوله طلعت رقم جوال بهالسرعه؟!! أنا كنت ناوي افصل ثوب جديد واطق لي شماغ ابوبصمه ثلاثيه علشان مراسم استلام شريحة الجوال من الاتصالات .. ما تخيلت ان الموضوع يبي ينتهي بمثل هالسهوله والسرعه !! فعلا العولمه تسوي اكثر ولا هيب بسيطه . الله يالدنيا .. تطورت الاتصالات وصرنا مثل الدول المتقدمه . الله يذكر ايام التقديم على البياجر بالخير .. كنا نمسك سرا لمسافه كيلو!! يجي الواحد الساعه 11 صباحاً ولا يطلع الا الساعه 3 عصرا ( والله اتكلم من جد وليست مبالغه ) وليت البيجر عقب هالتعب يطلع بسرعه، يبيله كم شهر علشان يتكرمون ويصرفونه لك!! طلعت من مبنى الاتصالات وأنا كلي فرح وسرور بإستلام هاللي يسمونه الشريحه واتمقل به واناظره واقول سبحان الله هذي تكلم منها على أي مكان في العالم!! والله التوقودم المنتاز :D في المساء قررت [ عودنا على قررت وعزمت ] إني أقوم بجوله خاطفه لمحلات بيع أجهزة الجوالات من أجل الوقوف على أسعارها وأنواعها [ ترفق انت وجولتك ياوكيل الوزاره ]وصلت للمحلات وعينك ماتشوف الا النور أمة محمد كلها مجتمعه .. أهل الرياض كلهم هناك !!! بيني وبينكم توقعت ان فيه توزيع شرهات لكن عقب مادققت بايدين الشباب عرفت انهم جايين يشترون جوالات او يستبدلون اللي معهم . دورت مكان علشان أركن العربيه والحمد لله لقيت اقرب مكان يبعد عن المحلات كيلو ونص .. يمدحون المشي بانه رياضه مفيده للجسم . قلت اببدأ بأول المحلات واخذهن قصص ( قصص لغير المتحدثين بالقصيميه تعني واحد واحد ) دخلت اول محل .. سلام . . وعليكم السلام . يالله حيه .. وشلونك؟ كيف حالك؟ عساك طيب؟ [ الظاهر انك داخل بيت جدك مهوب محل اتصالات ] سالت البائع : بكم اسعار الجوالات؟ البائع: مو سوا تختلف القيمه من جهاز لجهاز، انت شو بدك من جهاز؟؟ عنّا كتير من الأجهزه الحلوه . قلت : وش هالحتسي يابو الشباب؟!! ذبحتكم القنوات اللبنانيه !! البائع : شو عم بتئول خيو؟!!! أنا سعودي . قلت : هاهاهاهاها وقسم بالله انك ضابط اللهجه .. بس لا يكثر واحتس زين . البائع : خيو .. انتا بدك تشتري والا جاي تتمنزر( تتمنظر)؟!! قلت : شكلك قلبتها جد؟!! رفعت إيدي أبعدل عقالي لانه شاركني الضحك على الأخ .. ومير يقمز زبون من أخر المحل ويمسك إيديني ويقول : تعوّذ من إبليس يارجال .. واقصر الشر . أنا :  ؟؟؟!!! جاني نوع من الزعاطه وشوفة النفس عقب ما طب علي سنوكا ومسك ايديني .. ومير اطيّر عيوني وابدأ ارفع صوتي والجلج يعنني حمقان ، قلت كلام واجد ما ادري منين طلع . من ضمن الكلام اللي انا قلته : الشرهه مهيب عليك ولا علي اللي وظفك .. الشرهه على اللي اقترح السعوده ووظف السعوديين اللي مايعرفون يتعاملون مع الزباين ولا عندهم اسلوب .. هذي فايدتنا من السعوده اللي بذونا به . وأنا الجلج وازاعق شفت اغلب الزباين بالمحل يناظرونن بنظرات غريبه !! الظاهر انهم نقدوا على كلامي السابق .. بس ماعلي منهم اهم شيء طلعت اللي بقلبي . سحبن اللي كان ماسكن وجرن برا المحل وقال : يارجال إدحر الشيطان ورح لاي محل غير هذا . قلت : ياخي ماتشوفه يستهتر بالزباين ويتكلم لبناني!! قال : يخوي هذا متسعود وماخذ الجنسيه ولا هوب سعودي اصل . قلت : طيب ليش يلبس ثوب وشماغ؟! المفروض يلبس بدله وبنطلون [ ما عرفت احتسي من قوة الصدمه ] قال : رح لمحل ثاني يابن الحلال وانتهى الموضوع . عدلت شماغي وغالوقتي اللي رجعت وراء واسترجعت شيئاً من انفاسي المبعثره على أرصفة الزمن وسحبت نفسي للمحلات الثانيه . دخلت المحل الثاني وسألت عن الأسعار .. رد على هندي : هذا كله جوال معروض قدامك ومكتوب عليه سعر . قلت : طيب طلع لي واحد خل اشوفه واكتشف مميزاته . الهندي : هازا مايطلع .. انتا شوف من برا بس . قلت : يالحمار تحسبن ابسرقه اذا طلعته؟!!! الهندي : كفيل كلام : زبون يشوف جوال من بعيد بس . قلت : طز فيك وفي كفيلك [ عصب رامبو ] .. تبين اشتري سمك في بحر؟!! جدعت هالكلمتين وعطيته مقفاي . طلعت من محل الهندي وقلت ياولد الوضع شكله متأزم . . من يوم قعد يضحك موظف الاتصالات على سالفة الشريحه وأنا داري إن الأمور مدحدره.. ابدخل المحل الثالث يا اشتري منه والا ابهون عن السالفه كله .. والله يجيب العواقب سليمه . دخلت المحل الثالث وسلمت ثم قلت : وش انواع الجوالات عندكم؟ كان فيه شاب سعودي طمر من مكانه وبدأ يرحب ويهلي وجاب خمس جوالات ونثرهن قدامي على قزازة العرض وقعد يشرح مميزات كل واحد منهن ويتكلم عن سعره .. بصراحه أعجبني هالشقردي اللي يفتح النفس ويسر الخاطر . عقب ماخلص من شرحه وكلامه عن الاجهزه اخترت واحد من الجوالات بدون ما اكاسره .. مديت له القيمه وطلعت . الجوال معي الان وكل يوم اكتشف ميزه من مميزاته .. لان السنافي يوم كان يشرح لي مواصفات الاجهزه ما كنت مركز معه .. كنت مسلهم وجالس اقارن المتسعود الاول اللبناني والهندي بهالشاب الطيب واقول : ((( يازين سمننا في دقيقنا ))) . :D:D .
__________________
    انتبه .. سيتغير التوقيع بين كل فتره واخرى .. كن معنا :)  آخر من قام بالتعديل برجس; بتاريخ 18-10-2001 الساعة 08:21 AM. |
|
|
18-10-2001, 08:53 AM
|
#2 |
|
عـضـو
تاريخ التسجيل: Sep 2001
البلد: بريدة
المشاركات: 1,286
|
ههههههههههه
هههههههههههههه هههههههههههههههه ههههههههههههههههه الله يعطيك العافيه ( برجس ) والله إنك تستاهل : 7 7 7 7 7 7 7 7 7 7 7 7 7 7 7 7  بس لي ملاحظات : والله التوقودم المنتاز من وين الأخ... جيزاني ساكنن بالبر. أركن العربيه الوعد الإسكندريه . بس خل عنك موضوع منتاز وفيه شي من التقدم بس لاتسرع بالعربيه تصدم . 
__________________
تسعدني زيارتكم لموقعي الشخصي
www.badr.cc |
|
|
|
18-10-2001, 02:36 PM
|
#3 |
|
Guest
تاريخ التسجيل: Sep 2001
البلد: Buraydah city
المشاركات: 1,166
|
ههههههههههههههههههههههههه
ههههههههههههههههههههههه هههههههههههههههههههه ههههههههههههههههه ههههههههههههههه ههههههههههههه ههههههههههه ههههههههه ههههههه ههههه ههه ه ههه ههههه ههههههه هههههههه ههههههههه هههههههههه ههههههههههه هههههههههههه ههههههههههههه هههههههههههههه ههههههههههههههه ههههههههههههههههه ههههههههههههههههه ههههههههههههههههه هههههههههههههههههههه ههههههههههههههههههههههههه تسسسسلم والله يالغااااااااااالي اجل استرجعت شيئاً من انفاسي المبعثره على أرصفة الزمن اخس يابو الطيب:D الله يعطيك العافيه
|
|
|
|
18-10-2001, 02:48 PM
|
#4 |
|
عـضـو
تاريخ التسجيل: Sep 2001
البلد: المريدسية
المشاركات: 95
|
السلام عليكم
هلا ببرجس
والله ان موضوعك هاذا انه منتاز جداَ بس تعال ابقولك كلمة راس 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 7 شكلك علّه وماتدخل مكان الا وتدعيه زيطه :D  :D بس ياحبي لك انت ومواضيعك
__________________
احبك حب لو يرمى بصحراء *** غدت بنيان وبحــور ومـواني احبك حب لو يرمى بغـــابة *** نزل بوحوشها عطف وحناني * * * * * * * * * لو كل من يضحك بوجهي صديقي *** كـان البنـات أخير ضحك وتمــازيح وين الصـديق الي طـريقه طـريقي *** اللي يعضـدني اليـا جيت ابي اطيح * * * * * * * * * اجمل ما يكتشفه الأصدقاء المخلصون هو انهم يستطيعون العيش منفصلين دون ان يفترقوا |
|
|
|
18-10-2001, 03:16 PM
|
#5 |
|
عـضـو
تاريخ التسجيل: Sep 2001
البلد: &^ ضراس المحتلة ^&
المشاركات: 3,476
|
ماشاء الله الحقيقة مانقول الا مبروك لأخونا برجس على الجوال وتقطعه
بالعافيه ان شاء الله .............. لكن اسمك الي تعبت .. تروح الله يهديك تطلع عائلي .... على طاري العائلي يقولون به واحد راح طلع جوال عائلي . جا لم خوياه قال ههاهاهاهاهاها أبشركم طلعت جوال عائلي وانا عزوبي .... يانااااااااااااااا لعبت عليهم ......... ((ماله داعي صح)) وعلى طاري العائلي يقولون به جوال مضلل وراه ____ علشانه عائلي _________ والله يانا قدييييييم .... بيت الطين بدت تكوح من عند اثمي ............................................. تراي خابرن لك جوال ... التاج للبيع مع ضمانه على فكرة ترا كل هالسالفة علشان أقول لك تراي معي لك جوال للبيع مهب جود . . . . . . .
__________________
 |
|
|
|
18-10-2001, 03:51 PM
|
#6 |
|
عـضـو
تاريخ التسجيل: Sep 2001
البلد: (( العالم المجهول ))
المشاركات: 2,568
|
ههههههههههههههههههههه
تسلم والله ..... الصراحه الجوال العائلي ارحم
__________________
حسبي الله ونعم الوكيل  ((( على هذا الرابط معاً لمكافحة الغش التجاري وإستغلال الناس ))) http://www.commerce.gov.sa/mok2/form.asp |
|
|
|
19-10-2001, 02:19 AM
|
#7 |
|
عـضـو
تاريخ التسجيل: Oct 2001
المشاركات: 1,061
|
ذيبان /
مافيه داعي للتصفيق :o خيرك سابق وانا اخوك <==== وش دخل هالجمله ؟ مشكور على الرد ابوقلبين / اما ضحكتك فهي حركه تحس انها متعوب عليه اجل جازت لك الجمله الحداثيه على ارصفة الزمن؟ عندي مثله واجد بس انت اشر وانا مستعد مشكور على الرد الشفره / والله اني حبيب ومنيب علّه وتحطن على الجرح يبرأ :D مشكور على الرد يالغالي سعفه / ياخوي داخلن تنكت بموضوعي؟!!  ترا فتح موضوع مايبيله شيء كل الدعوى ضغط زرار وانتهت السالفه . لا عمرك تعوده الله يصلحك هههههههه امزح معك يالغالي <===== يحلفون ان معه صك على مواضيعه بكم سيم جوال التاج؟ سيم والا حديده؟ :D:D مشكور على الرد الذهبي / وراوه ماسكن بطنه هاللي بردك؟! عسى ماشر؟!! شكله بوه سهال اللهم ياكافي يعطيك العافيه على قراءة الموضوع والرد .
__________________
انتبه .. سيتغير التوقيع بين كل فتره واخرى .. كن معنا :) |
|
|
|
19-10-2001, 03:31 AM
|
#8 |
|
عـضـو
تاريخ التسجيل: Sep 2001
المشاركات: 785
|
الله يقطع سعادة سمو شيطانك ياأمير الطهبله
السلام عليكم ........................................وبعد:
بصراحه موضوع يقطع السبد والمصارين ... وش السالفه أنت محلوف عليك إلا تسوي بنا سذى ترى ما منا ياخوي.. <<=======(واحد يمون) بس تعال أبيك إنزل تحت بلحالك: ٌ^ ^ ^ ^ ^ ^ ٌ^ ^ ^ ^ ^ ^ ٌ^ ^ ^ ^ ^ ^ ٌ^ ^ ^ ^ ^ ^ ٌ^ ^ ^ ^ ^ ^ السر الأول: كم الرقم علشان أرسلك رسايل.. السر الثاني: لا ترقم البنيت... نراي أمزح منتب راعي هالحركات وأنت أرفع منه وأعظم وأجل وأكبر و... .<<<=========...((مسك خط)):D والله موضوعك زين وأزين مابه/ #اجتمعت انا ونفسي المصونه #خرجت بعد الاجتماع بالتوصيات التاليه [ ترفق يالجنة سعودة محلات الخضار ] : أدري إني بجيح وطولت عليك ودمي ثقيل بس وش أزين لا تلومن تراي ###### ...:D أخوك الصغير وخادمك المطيع مجنون هند 
__________________
عفواً .. يمتع وضع الإيميل بارك الله فيك .. وشكراً .. [BLINK]××××××××××××××××××××××××[/BLINK] [BLINK]عزيزي المشرف للمرة الثانية لا تضع خربشاتك هنا !![/BLINK] آخر من قام بالتعديل بدر الشايع; بتاريخ 22-10-2001 الساعة 03:43 PM. |
|
|
|
19-10-2001, 02:07 PM
|
#9 |
|
عـضـو
تاريخ التسجيل: Sep 2001
البلد: الرياض
المشاركات: 71
|
<center><br><font color="red" size="6"><marquee direction="right">ها ها ها ها ها ها ها ها ها ها ها ها ها ها ها ها ها ها ها ها ها ها ها حلوه حلوه مشكور اخوي برجس تقبل تحياتي</marquee>
__________________
[swf=http://mypage.ayna.com/labolabo2002/al.swf][/swf] |
|
|
|
19-10-2001, 03:56 PM
|
#10 |
|
عـضـو
تاريخ التسجيل: Sep 2001
البلد: ((( مدينه المحبين = بريدة = الخضراء )))
المشاركات: 2,428
|
ههههههههههههه
هههههههههههههههههههه
والله يابرجس قاعد اقراء واتخيل شكلك والسلام عليكم |
|
|
|
19-10-2001, 06:30 PM
|
#11 |
|
عـضـو
تاريخ التسجيل: Sep 2001
البلد: بريدة- الفايزيه - بيتنا
المشاركات: 59
|
يابرجس الله يعطيك العافيه ..
ودي أناظر شكلك وانت رايح تشتري جهاز جوال . على فكره وش الجهاز اللي شريت ...... واحد شروف:D
__________________
ماكنت أظن الزين يكمل بمخلوق *** إلا أنت في عيني جمعت الحلاوه أخوكم : فرفوش : FRFOSH |
|
|
|
19-10-2001, 06:31 PM
|
#12 |
|
عـضـو
تاريخ التسجيل: Sep 2001
البلد: بريدة- الفايزيه - بيتنا
المشاركات: 59
|
يابرجس الله يعطيك العافيه ..
ودي أناظر شكلك وانت رايح تشتري جهاز جوال . على فكره وش الجهاز اللي شريت ...... واحد شروف:D
__________________
ماكنت أظن الزين يكمل بمخلوق *** إلا أنت في عيني جمعت الحلاوه أخوكم : فرفوش : FRFOSH |
|
|
|
20-10-2001, 02:19 AM
|
#13 |
|
عـضـو
تاريخ التسجيل: Sep 2001
البلد: بريدة ...
المشاركات: 1,295
|
كركركر هههههههههه كركركر هههههههههه كركركر ههههههههههه كركركر
هههههههههههههههه كركركركركركركركركركركركركركركركركركركركركركركركركر
ههههههههههههههههه كركركركركركركركركركركركركركركركركـركركركركركركر هههههههههههههههههه كركركركركركركركركركركركركركركركــركركركركركركر ههههههههههههههههههه كركركركركركركركركركركركركركركركـركركركركركركر هههههههههههههههههههه كركركركركركركركركركركركركركركــركركركركركركر هههههههههههههههههههههه كركركركركركركركركركركركركركــركركركركركركر ههههههههههههههههههههههههه كركركركركركركركركركركركركـركركركركركركر ههههههههههههههههههههههههههه كركركركركركركركركركركركـركركركركركركر ههههههههههههههههههههههههههههه كركركركركركركركركركركـركركركركركركر هههههههههههههههههههههههههههههههه كركركركركركركركركــركركركركركركر ههههههههههههههههههههههههههههههههههههه كركركركركركركـركركركركركركر هههههههههههههههههههههههههههههههههههههههه كركركركركــركركركركركركر هههههههههههههههههههههههههههههههههههههههههههه كركركـركركركركركركر هههههههههههههههههههههههههههههههههههههههههههههههههه هه موتن من الضحك الله يغربشـــــــــــــــــــــــــــــك لو كل من شرا الجوال مثلك تسان ماتوا الناس وتســـــان أنواع المشاكل عند الطائر الجوال ـــــــــــــــــ
__________________
 يقول شيخ الإسلام تقي الدين أبو العباس أحمد بن تيمية - قدس الله روحه - :
(إن أكثر بني آدم قد يفعل بعض المأمور به، ولا يترك المنهى عنه إلا الصديقون، كما قال سهل؛ لأن المأمور به له مقتضى في النفس وأما ترك المنهى عنه إلى خلاف الهوى ومجاهدة النفس فهو أصعب وأشق، فقل أهله، ولا يمكن أحداً أن يفعله إلا مع فعل المأمور به، لا تتصور تقوى وهي فعل ترك قط) [مجموع الفتاوى ج 20 ص 85] آخر من قام بالتعديل ياسر البريداوي; بتاريخ 20-10-2001 الساعة 02:23 AM. |
|
|
|
20-10-2001, 02:51 AM
|
#14 |
|
عـضـو
تاريخ التسجيل: Sep 2001
البلد: BURAYDAH
المشاركات: 1,106
|
تسلم يمينك برجس
ههههههههههههههههههه
هههههههههههههههههه ههههههههههههههههه هههههههههههههههه ههههههههههههههه هههههههههههههه ههههههههههههه هههههههههههه ههههههههههه هههههههههه ههههههههه هههههههه ههههههه هههههه ههههه هههه ههه هه ه ه ه ه ه ه ه ه ه هه ههه هههه ههههه هههههه ههههههه هههههههه ههههههههه هههههههههه ههههههههههه هههههههههههه ههههههههههههه هههههههههههههه ههههههههههههههه هههههههههههههههه ههههههههههههههههه هههههههههههههههههه ههههههههههههههههههه :D كيف حالك اخوي العزيز برجس ...... ان شاء الله بخير . <<<------------------ اعذره على التأخير ...... لكن ما فات الى الشر . لكن تبي الصراحة ......... قصتك غير طبيعية .......... وشكلك من النوع اللي ( يتنرفز ) لكن معذور ........ كل السلبيات اللي ذكرتها واقعية ........ مير سالفة السرى هذي من جد متعبه . مشكور اخوي برجس ..... وننتظر جديدك. ................ تحياتي لك . |
|
|
|
| الإشارات المرجعية |
|
|
النمط المتتابع
