[مهند2003]

السلام عليكم جميعا

أكاد اجزم أن تجىء الانتخابات الثانية بعد كم سنة والحالة على ما هي عليه ( حطني لقيتني ) والسبب هو :
أن غالبية من رشحوا انفسهم هم عالة على الديرة من قبل اعنبوهم بريدة تقل ما وجدت الا اليوم ؟ يوم جت المناصب والترزز والتبعظز قاموا يصايحون حنا نبي نخدم وحنا وحنا وينكم من قبل ؟ وكيف نرجى منكم شيء عقب الي شفنا منكم .
منكم من هو صاحب شركة أو مؤسسة مقاولات أقول من جعل البلدية تحفر الشوارع بالشهر مرتين او ثلاث الا من سوء تنفيذكم وشغلكم . لا بعد ومخالفتكم ماليه البرح والشوارع.
- وانتم يالعقاريين ماذبحنا الا مخططاتكم وما رفع قيمة الاراضي الا انتم وتصيحون اليوم المنح المنح ..ههه .
- وانت يالموظف صراحة هل انت تعمل بما يرضي الله للمراجع ومن اجل خدمة البلد اذا جلست في مكتبك . بعدين تعال قلي متى لقيناك بدوامك .
- وانت يا اللي شاركت بندوات ومحاضرات ومؤتمرات بالداخل وبالخارج بالله عليك هالندوات كانت وش فيه صدقنى انك رايح على شأن الانتداب والا على شأن تضيف شهادة تتبيزع به على غيرك والا على شأن يقولون ربعك أنك مهم ، وما أظن أنه في سبيل خدمة وتطوير البلد والا تبي تجيب لنا شىء جديد .
- وانت يا اللي ألفت عدة كتب وكتبت عدة دواوين أقول بله وأشرب ميتها ، بالله عليك الكتب اليوم تقرأ ؟ الكتب مركونه بالمكتبات للزينة على شأن يقال هذا قاري ومطلع ومثقف ، بعدين قلي كتابك وش موضوعه يأبن كثر والا أبن عبد ربه - أزين - .
- وانت يا اللي تقول الفت قصايد وشعر بالله عليك وش ألفت (البرتقالة والا البيدجانه والا خطابة) الله يرحم حالك القصايد والشعر وش تبي تسوي لي تبهن يطردن عن النامس أو يبعدن عن ريحة مياه المجاري أو غبار الحفريات أو مسببات الحساسية الى ذبحت الناس.
- وانت يا اللي تقول انك اخصائي اجتماعي قالوا لك ان بالبلدية أو بالمجلس مجانين بالله عليك شف حالك صلحها وبعدين تعال يمكن نحتاجك .
- بعدين انت يااللي تقول انك تعرف انجليزي ما أظن هنا حاجة لك لو كانت لغتك أوردو لاحتجناك لكثرة من يتكلموا هاللغة عندنا .
وعلى طاري اللغة هاذولا منهم على كفالته سؤال موجه للمنتهين بحرف الياء .
- صراحة خدمة الديرة ما تبي شهادة ولا تبي منصب ولا تبي وجاهة ولا تبي لغة وبأختصار تبي واحد يهمه أمر البلد من قلب وحريص عليه مثل حرصه على نفسه مهب أي كلام .

والغريبة الي فيهم الخير والبركة وبهم ينشد الظهر ( مجلدين ) وما حركوا ساكن !!!.



المصدر
http://www.brydah.com/ib/index.php?showtopic=5253

[فليت بن قنه]

شي بس لتسكيت العالم الخارجي

دمقراطيه على قيد التنفيذ

[الساطع1]

صح لسانك اخي الكريم يا مااحتاجت بريدة ولا لقينا من يفزع من اصحاب اللوحات وخاصة المترززين بصورهم يا ما ذبحونا بعض اصحاب المكاتب العقارية بسرقة المساهمات وسرقة المخططات وغيرذلك الكثير ومن هالنوعية من رشحوا انفسهم وقد اثناء عليهم مشائخ خطاءاً لانهم حقيقة لايعرفونهم اللهم انه القى عنده محاضرة اوتبرع بكم قرش من اجل يغطي سرقاته والتى فاحت ريحتها عند الناس نحن لم ننسى الدكتور سليمان الضحيان حين كتب عن طرق بريدة وذكر المواصلات واجرامها في دائري بريدة حين جاء وزير المواصلات الى بريدة فشكى لمن يسمون انفسهم كبارالأهالي كتابات هذا الدكتور المخلص فقلوا له هذا رضيع من رضعاننا نجيبه ونؤدبه وانكروا كل مكتب الدكتور سليمان دفاعاً عن مدينته