 |
|
|
|
|
24-08-2005, 03:11 AM
|
#1 |
|
عـضـو
تاريخ التسجيل: Jan 2005
البلد: بريدة ـ الاسكان 4 شرق مسجد كعب الإحبار <<< ييزي ؟
المشاركات: 8,848
|
مذكرات بزر من السعودية ..
للأمانة : م ن ق و ل ...
هذه كلمات مسروقة من دفتر طفل كتبها بعامية اللغة..ودهشة السؤال السبت:فتحت عيوني..أدور عن نور..أمروني: غمض ..و...غمضت..بعدها ما شفت لا ابيض ولا اسود! الأحد : كنت أسمعهم يقولون: ألع.. أبوك ! , يا حمار , يا حيوان , يا ثور , يا بقرة , يا لوح , يا جدار ...فتوقعت إني في حديقة حيوانات .. فتحت عيوني أبغى أشوف الحيوانات .. قالوا لي : " ما يصلح تشوف قلة أدب " سألتهم : طيب .. في عصفور؟؟ صرخوا في وجهي: انطم وغمض ..!! الاثنين : سمحوا لي أشوف التلفزيون .. كنت لحالي منسجم مع أفلام كرتون..دخلت أمي .. وكان ابو عائلة ادمز (يبوس) أمهم .. ركضت أمي .. غيرت القناة .. وصرخت بأعلى صوتها .. "عيب عليك..قاعد تشوف قلة أدب ..!! " ناظرتها بكل براءة وانا متعجب من اللي صار : "طيب وش صار؟؟أبوهم يبوس أمهم !! " قالت لي وهي معص به مرررررررررررره ( التبويس..قلة حياء!! ) بعدها بأسبوع..شفت امي تسلم على ام الجيران و(تبوووووسها)..قلت لها وانا كلي أسى"يا ماما..التبويس قلة حياء!!.." الثلاثاء:كانوا بنات خالتي عندنا.. وكنت الولد الوحيد اللي يلعب معهم .. وأبوي بس يبحلق عيونه فيني وين ما رحت ووين ما جيت.. بعد ما راحوا .. ناداني أبوي وقال : "عيب الواحد يجلس مع بنات..قلة أدب..!" بعدها بكم يوم .. كان أبوي جالس مع عماتي .. ناظرته بطرف عين ( وتبون الصدق نقدت عليه) .. وقلت له : "اللي يجلس مع بنات..قليل أدب!!" الأربعاء:كنت اسمعهم يقولون (صدام قوي) .. وأعجبني ... بعد الأزمه..قالوا (حرامي ومجرم) .. سألتهم:كيف؟؟!!..قالوا :"حرامي ومجرم..وبس..واسكت..!" وكنت أسمعهم بعد يقولون ( جيم كاري .. فاسد ) .. فكرهته على طول .. وكانوا يشوفون أفلامه.. ويضحكووووووون..كنت أسألهم"ليه تضحكون ؟!.. ما تقولون انه فاسد "...قالوا..ورا ما تنطم بس.!؟؟ الخميس : أبوي يق ول التتن حرام .. واللي يدخن يدخل النار.. وفي يوم شفت ابوي جالس مع صديقه أبو حمد .. وأبو حمد ماسك السيجاره بيده .. وقفت وسألت ابوي "طيب اللي يجلس مع اللي يدخنون .. يدخل النار بعد ؟!!! " الجمعة:أسمعهم يقولون..ان اللي يطول في مكالمته يغازل..واللي يروح للسوق يغازل..واللي يعرف انترنت يغازل...وامي تطول على التلفون,,وتروح للسوق,,وتطقطق على الكمبيوتر..رحت لأبوي وانا مصدوووووووووم"" أبووووووووي الحق ....................... أمي تغازل ..  دمتم بحفظ الله
__________________
في بريدة ستي .. كانت لنا أيام : http://www.buraydahcity.net/vb/showthread.php?t=262111 ( قلب حب 1 ) |
|
|
|
24-08-2005, 08:49 AM
|
#2 |
|
عـضـو
تاريخ التسجيل: Apr 2002
البلد: فوق راس كل واحد بالربوة
المشاركات: 1,611
|
ههههههههههههههههههههههههههههههههه
والله ياهو الطفل عجزت اوصفه والله حلوة مشكوووووووور اخوي والله انك مبدع ننتظر المزيد من الابداعات .... ,,, |
|
|
|
|
24-08-2005, 10:51 AM
|
#3 |
|
عـضـو
تاريخ التسجيل: Mar 2003
البلد: بريده (رضي الله عنه)
المشاركات: 13,063
|
تنسيمم ياخلفهم
وينك من زماااااااااان والله ياهو على نياته أجل ابوه بين عماته ويقول والله عيب قلة ادب هههههههههههههه سراحه ذي تنسيممممم متشكرين يا البي
__________________
|
|
|
|
|
24-08-2005, 11:45 AM
|
#4 |
|
عـضـو
تاريخ التسجيل: Mar 2005
المشاركات: 275
|
علم تربية الاطفال ..
يجب أن ندرك ونحن نربي اطفالنا .. أن الطفل ..يفهم .. ويقتبس .. ويحلل .. ويقارن .. ويسأل .. ويطبق .. وليس كما يظن الكثيرمنا .. "ما عنده سالفه" الطفل سريع التأثر .. ومتى ما كانت تصرفتنا و اقوالنا مطابقة لما نلقّنه لهم عندها ..فقط .. نكون قد بدأنا التربية .. تحياااااااااتي ؛؛؛.
__________________
[line] 'طفشان ..... ليه ؟ مدري !!!!ينجرح قلب .. لكن ترتفع هامه والله إني لاموت .. ولا ينحني راسي |
|
|
|
|
24-08-2005, 03:52 PM
|
#5 |
|
عـضـو
تاريخ التسجيل: Aug 2003
البلد: يحول ياللي ماله [بريد5]..!
المشاركات: 3,881
|
أقترح أن ينقل للعام لأنه موضوع ليس طريف وإنما واقعي
__________________
°•.?.:GooD ByE:.?.•° |
|
|
|
 |
| الإشارات المرجعية |
|
|
النمط المتتابع
