 |
|
|
|
|
19-10-2005, 07:28 PM
|
#1 |
|
عـضـو
تاريخ التسجيل: Jan 2005
البلد: بريدة ـ الاسكان 4 شرق مسجد كعب الإحبار <<< ييزي ؟
المشاركات: 8,848
|
الآن مغامرات العصل .. مغامرة الأولى : " العصل يحقق في أمريكا " !!!
السلام عليكم ..
تسيف الحال .. معكم اليوم حبيب الكل (( العصل )).. أووووووو تش تش تش <<<تصفيق .. أوه أحرجتون وأحرجتوا عصاقيلي .. المهم سالفتي اليوم سالفة .. أنا من يوم التفجيرات حقت حدعش سبتنمبر وأنا مقلقن شي .. العماير حقاتهم طايحات صدز ولا تلفيق إعلامي ..  علشان تسذا قررت أروح لم أمريكا وأتأكد .. :suu رحت لم أبوي وهو يتقهوى المغرب وأحب راسه .. :o يوم حبيت راسه قاللي : هاه وش وراك ؟؟ حبت الراس ماجت من خير .. :D أنا : تبي الصراحة يابيي .. ودي أروح لم أمريكا .. الوالد : وشي أمريكا ذي هي قريبة لم صعافيق ؟؟  أنا : إيوه ماشاء الله عليك يابيي حوله تبعد عن صعافيق عشرين كيلو متر .. الوالد : إيه وكم تبي تقعد به ؟؟ أنا : يعني أسبوع أو شهر .. الوالد : الله يحفظك .. أنا : مع السلامة ..  ..............(( العصل في الطائرة )) ................... بعد مكاسر مع الباكستاني حق الليموزين أقوله أنا بنص السعر علشاني ما أخذت ألا نص مكان وهو يعيي ..  والحمدلله أخيرا أقتنع .. :D المهم رحت لم الطيارة وركبت وشغلوا وقعدوا يحمون الموتر شوي همن مشينا .. يوم مشينا ويقعد يميني أمريكي ويساري بريطاني .. عاد وحنا بالطريق طايرين قال الأمريكي للبريطاني : shoof aly bgnbk nheeeef mrh عاد البريطاني يقول : yah sklh mtdnz fy amod khrb (( الترجمة : الأمريكي : شوف اللي بجنبك نحييييف مرة !! البريطاني : ايه شكله متطنز في عمود كهرب !! )) أنا حسيت أنهم يحشون بي المهم ماعطيتهم وجه خصر الكلب سنّة .  .ووصلنا لم أمريكا .. ..............(( العصل في أمريكا ))....................... يوم وصلنا وأروح أركب تكسي يوم ركبت وأقوله لو سمحت ودن لم هوتيل يعني فندق .. أستاجرت شقة ونمت ويوم جاء الصبح وأقعد أدور بأمريكا .. وأنا قاعدن أدور وأشوف شي مهب عااادي حريم مضيعاتن ملابسهن وأقعد أدور وأنا مغمض ..  المهم وأنا أتمشى بأمريكا وأحقق في القضية وألقا جذع نخله طايحن بوسط الشارع <<< أنا معي علم أنكم تقولون وشلون نخلة بأمريكا لكن أنا بنفسي ما أدري وشلون (( لاتدققون )) ..  المهم وأجي وأتذكر أن لي أجر لامني شلته عن الطريق .. حاولت أبعده عن الطريق لكنه ثقييييل المهم وأقعد اتلفت وألقا واحدن أمريكي يمشي وأناديه .. قال : وت يو وانت <<<< وش تبي بين قوسين .. قلتله : غديك تعاونن نشيل هالجذع عن الطريدز .. قالي : وات!! آر يو كريزي <<< أنت مهبول ؟؟ راح وتركن لحالي المهم حاولت وتذكرت أنه بكتاب القراءة حق رابع نملة قعدت تحاول تشيل حبة قمح وعجزت وحاولت لما نجحت وأجي وأقلده وأقعد أحاول لما زحيته زح عن الطريق ..  ............(( العصل يصادق بوش )) ....................... ما أمدان أنفض كمومي وإيديني عن الغبار ألا ويمر موكب رئيسهم (( بوش )) ويوم شافون يحسبونن أنقذت سيدهم ويقعدون يشكرونن وقالي (( بوش )) : كمون جو آند مي <<<< تعال معي يارجل .. أنا ماصدقت خبر قلت خل أحجر له أقوله صدز طايحاتن عمايركم ولا أنكم تسذبون .. :a وحنا رايحين لبيت بوش قعدنا نسولف وحنا على هالحال لاحظت أن به وحدة عبدة راكبة معنا !! سألت بوش : من الأخت هذي جوزك <<< وفي رواية زوجك ؟ قاللي : نو ذيس ماي فرند <<<< لا هذي صديقتي كوندرايس <<< هو كذا أسمه ؟؟ وصلنا للبيت الأبيض وتغديت مع بوش وطلبت كاس لبن وأقعد أتاغر ما أدري ليش قعد يهوشن بوش هو وصديقته كندرايس !! وحنا نتغدى قلت لبوش : يا أخ بوش وراك على أخواننا العراقيين والأفغانيين ؟؟ قال : بليز ذيس ماي جوب بليز دونت ... الخ <<<<<< أرجوك هذا عملي لاتتلقف .. المهم قعدنا نسولف وأشوي وأخليه يتزاعل مع شارون لكن فكه الله ..  ...........(( العصل يتهاوش مع بوش )).................... تفاجأ بوش يوم سألته هل صحيح أن عمايركم طايحات ؟؟ قاللي بوش : وات ؟؟ <<< وشو ؟؟ أنا : برجي التجارة حقاتكم صدز صار عليهن حادث وطاحن ولا لا ؟؟ بوش : جيت آوت <<< أطلع برا .. أنا : ليش ؟؟ بوش : كمون جيت آوت <<< يالله أطلع برا .. أنا يوم قال تسذا وأنقهر من هالخواجة وأقعد أسبه وأسفل به لما بغى يصيح .. ويجون حراسه ويطلعونن وعطون تذكرة للطيارة ورجعون للرياض ..  .................................................. .. ماذا نستفيد من هذه القصة ؟؟ .................................................. ... 1 ـ لاتصادق بوش حتى لو عطاك نص فلوسه .. 2 ـ تأكد أن أبراج التجارة صدز طايحات لايهك عليك أبليس .. 3 ـ لامنك رحت لم أمريكا غمض عيونك لأن هناك بتله يضيعن ملابسهم .. وتقبلوا تمطيخاتي الحارة .. وأنتظروني في مغامرتي الجاية .. في أمان الله ..
__________________
في بريدة ستي .. كانت لنا أيام : http://www.buraydahcity.net/vb/showthread.php?t=262111 ( قلب حب 1 ) آخر من قام بالتعديل خوي السرور; بتاريخ 19-10-2005 الساعة 07:31 PM. |
|
|
|
19-10-2005, 07:49 PM
|
#2 |
|
عـضـو
تاريخ التسجيل: Sep 2001
البلد: حولك
المشاركات: 7,887
|
عاد وحنا بالطريق طايرين قال الأمريكي للبريطاني : shoof aly bgnbk nheeeef mrh
هههههههههه هههههههههه هههههههههه هههههههههه و بالقلينزي . . hhhhhhhhhhhhh hhhhhhhhhhhhhhhhhh hhhhhhhhhhhhhhhhhhh
__________________
.
 . |
|
|
|
|
20-10-2005, 04:17 AM
|
#3 |
|
عـضـو
تاريخ التسجيل: Aug 2005
المشاركات: 60
|
i see you in gontnamo
حلوة منك حبيبي أخوي السرور . |
|
|
|
|
20-10-2005, 04:11 PM
|
#4 |
|
عـضـو
تاريخ التسجيل: Oct 2005
المشاركات: 946
|
ما شاء الله عليك يا خوي السرور متمكن من اللغة الأنجليزية ..
|
|
|
|
|
20-10-2005, 06:10 PM
|
#5 |
|
عـضـو
تاريخ التسجيل: Dec 2004
المشاركات: 5,253
|
أووووووووووووووووف الله يانت منسم تسلم على هيك مواضيع أقول ممكن تدرس خصوصي إنقلش >>>>> عز الله توهق :،:،:،:،:،:،:،:،:،:،:،:،:،:،:،:،:،:،:،:،:،:،:،:  A B R R A I D
__________________
|
|
|
|
|
20-10-2005, 11:51 PM
|
#6 |
|
عـضـو
تاريخ التسجيل: May 2005
المشاركات: 6,050
|
الله يقطع أبليسك 00 قطعت مصاريني 00
أعنبوا أبليسك منين تجيب هالحتسي 00 حتى توقيعك نكته 00 هذا خبري بك خوي السروووووور 00 |
|
|
|
|
24-11-2005, 11:05 PM
|
#7 |
|
عـضـو
تاريخ التسجيل: Jun 2005
المشاركات: 64
|
إلا على فكره بما أنك ذهبت لأمريكا لدي أسألة حولها لكي ما أتوهق وألعب على أبوي ورح مثلك ويهزئن الحقير بوش
1ـ هل سدز إنك شفت نخله وهل النخله مطلعه وعسى مابه شيص وعسى نماه زين 2ـ هل ولقيت ظلع(تل جبلي)مثل مايكون عندنا في أدغال الربيعيه 3ـ نبي الصرحه يوم شفت الحريم هل غمظت أو كان فيك نخوه وحاولت المساعده على تدوير الملابس(الله يستر بس منك ياخوي السرور) الأخير وهو المهم والجاد عسى بوش ماغداك خنزير (لأنه افضل شيئ عندهم ولأنه هو كريم فهو يقتل المسلمين في العشرات ولا يبالي) المرسل مهب المنتصر لدين الله لكنه (المكيرش) |
|
|
|
|
25-11-2005, 02:41 PM
|
#8 |
|
عـضـو
تاريخ التسجيل: Mar 2004
البلد: الرياض
المشاركات: 1,644
|
ههههههههههههههههه
الله يقطع بليسك وش هالحركات .. لا وفلتت إنقليزي وترجمه والله ياانت تنفع تصير مترجم بقناة الجزيرة أجل رحت لأمريكا اجل ونااااااااااااااااااااااااسه حول الصعافيق أقول هذولي اللي مضيعات ملابسهن عساك عاونتهن على الستر !! ههههههههههههههههه طبعا وأنت مغمض تحياااااااااااتي لك
__________________
رحم الله والدكـ ياابا عبدالعزيز ..
اللهم أسكنه فسيح جناتكـ .. وأجعل قبرهـ روضه من رياض الجنة |
|
|
|
|
25-11-2005, 03:18 PM
|
#9 |
|
عـضـو
تاريخ التسجيل: Feb 2002
البلد: بريدة
المشاركات: 308
|
مشكور أخوي خوي السرور ...
بس اللي يجلس مع بوش ماله فخر (( لآنه جالس مع طفل جاهل )) . |
|
|
|
 |
| الإشارات المرجعية |
|
|
النمط المتتابع
