[خوي السرور]

بسم الله الرحمن الرحيم
السلام عليكم و رحمة الله و بركاته

حيا الله الشباب المسلم ..

الصراحة أن الردود بالجزء الأول غير مشجعة <<< يحسبه زينه من شينه ماردوا وبعدين يالطماع أربعطعش رد وش تبي أكثر !! <<< طيب لاتلعن ..
.................................................. ......................
الجزء الثاني " طريقي في السفر "

وحنا قاعدين بهالحال دق علي المتحرك ..

نعم .
المتحرك : سلام عليكم ..

أنا : وعليكم السلام ..

المتحرك : سمعت أنكم كاشتين بطريق القصيم ؟؟

أنا : إيه <<< جحه مايعرف يجحد ..

قالي خلاص حنا جايينكم بالطريق ..

يوم جوا أثر معه المشرف العام " بريدة بالأنقليزي" ..

المتحرك نزل أثر معه لعبة سيارة شرطة بريموت وماغير يضحك !!
أمّا المشرف العام فياهو طير بر صحيح <<< يتمصلح ..

بعد أن سولفنا .. ليث الغاب صك الكتاب حقه وأشغلنا جوعان " ياكرهيله هالدب هههههه لاتزعل يابو عاصم الدعوى مزح "

قال المشرف العام : أنا لها أبطبخ لكم نثرية بالرااااااااااس بس أنت ياخوي السرور رح جب لبن <<< شغالتن عنده يحسب أنه بتله مشرف حتى بالكشتة ..

قلت له : سم آمر وأحمي الموتر وأروح ..

رحت دخلت البقالة أثر الهندي " التويجري " ويسولف مع عيال عمه مجمعهم بالبقالة على طاري التويجري ياكثر عيال عمه ياجماعه لو يشوف بطه ميتة بانفلونزا الطيور قال الله يرحمتس ياولد عمي !! <<< وهـ ياشين اللي يتلزق ..

يوم جبت اللبن من الثلاجة وأبحاسب ويعيي !! قال منب بايعن لك !!
وراه ؟؟
يقول : كفيلي مافي ينطي فلوس !!
هكيت عليه هالمخفة وخليته يبيع لي اللبن ..
رجعت أثر المتحرك متهاوشن مع الشجاع !! خير ؟؟
المتحرك يمزح مع الشجاع وجدع عليه قبون ـ القبون : حشرة جميلة لونها أسود تشبه الخنفساء بشك كبيييييييير تجدها دايمن تهجول بالبر إيه بعذره مركبن دبل وكفرات عراض ـ
ويحط المشرف الغداء والله ياهو شيييييييييي ((ـ مهب زين بس تعرفون نباري الساس ـ .)).<<< ظلل النص هنا

أظلمت العين ـ أي غابت الشمس ـ ويقول أبو فهد " المنخرش " نبي نمرح بذا ..
وأستغله وأبدا أقص على الشجاع هالخكري قصص عن الجن ..

ويشغلنا يوم جينا ننام شفت حمار ويوم جيت أهشه أختفى ..
شفت واحد يركب موترك يالمنخرش ..

ليث الغاب الله يجزاوه خير ما أمدانا نتسدح ألا وهو نيم ويهلوس بأحاديث رياض الصالحين ..

أصبح الصبح أثر الشجاع ناشرن سرواله على حبل ويقول ممطره البارح وربص فراشي !!

رجعت للرياض وعقبه حرمت أرد على مكالمة بطريق السفر ..

أ.هــ
:D :D :D

[المسفهل]

اقتباس أصبح الصبح أثر الشجاع ناشرن سرواله على حبل ويقول ممطره البارح وربص فراشي !!

ههههههههههههههههههه

تراو صاز الشجاع .. المطر جاء على مكانه بس >> أحمد ربك يا الشجاع دافعت عنك .. بس عطن حسابي

بعدين أنت يا خوي السرور .. وش عندك تدافع عن الكفيل وما غير مدح بٌه ..

وعاد أبو عاصم دايم مشغلكم ( يالله خلونا نقرأ رياض الصالحين ) ومره ( جوعان ) ومره ( يشغلكم وهو نيم )

تشكرات أفندم .. وسعت صدورنا وضحكتنا ..

[الـصـمـصـام]

أحد يكشت مع مهابيل !!!
كل واحد يقول للثاني أنا اعقل منك ...
حتى راعي رياض الصالحين .. تراه موب أكاللي ..

تسلم على خرابيطك الحلوة ...
يابو الخرابيط

[alhaoy]

هههههههه

الله يوسع صدرك يا خوي السرور ...

بعدين وراك على الشجاع ؟؟؟ شكله حنين والله ...

مشكوووووور .

[خوي السرور]

أشكركم على المرور ..