قسمن

moodyjoody · 27-04-2006, 12:28 PM

سلام عليكم

اختنا حايلية تقول عد سابع رصيف وتلاقي منتدى سواليف كشكوليه

عاد يقالها وصفت لي ما تدري ان حدي عدد خمسه واوقف :D <--- معه خامس ابتدائي بدون شهاده

وعلى طاري الدراسه وبلاويها عندي لكم سالفتن ماهنا حليلها بس ناشبتن بحلقي من يوم انا صغير

اسمعوااو مدري اقرأوا :

هذا يوم كنت بالابتدائي كنت ابو الدفاره كلها .. يعني دافووور ولا اقدعها دافور ..

المهم حطوني مدير الاذاعة المدرسيه <--- خذوا بالكم الولد مو سهل من كان صغيررررر

وكان فيه واحد الله يذكره بالخير يساعدني ..

هو كان يقرأ القرآن وانا كنت اقرأ الحديث الشريف كشئ متفق عليه <--- متفق عليه مو يعني

البخاري ومسلم ؟ لالالالا .. يعني احنا كنا متفقين عليه <--- لا يكثر هرجك وكمل لا الخك كف

بعد كذا نبدأ نقرأ اي شئ حسب ما نشوفه وكان احلى شئ نسويه هو موضوع

قـــل ولا تـقـل مرررره كشخة هالموضوع .. اعطيكم نبذه عنه :

الموضوع كان يدور حول اننا نقول كلمة فيها نوع من الـبــرسـتـيــج فمثلا نقول :

قـل شـبــاك ولا تـقــل دريـشــه

قـل عـلـبــه ولا تـقــل قـوطـــي <--- تـحـسـون انـنــا مـتـخـلـفـيـن صــــح ؟؟

قـل جـزمـة ولا تـقـل كـنـــادر <--- وربي ماعندكم احد ابد عشان كذا فشلنا بالدراسه

قــل بـطـيـخــة ولا تـقــل جـحــــه <--- متى يـجــي الجـح ؟؟؟ اشـتـهـيـتـهـا

قـل يـامـال الـعـافـيـه ولا تـقـل يـامــال الـمـاحــي اللـي يـمـحـيـك ونـرتــاح مـنـك

المـهــــــم .....

في يوم من الايام قلت له انا ابغى اقدم موضوع قــل ولا تـقـــل .. قــال لأ .. انا بقدمه

كلمة مني كلمه منه تهاوشنا وما تسمعوا الا .... دووووووف آآآآآآآآي <--- بكس على وجهه

<--- مجرم من يوم كنت صغيررررر

وماتسمعوا الا ... آآآآآآآآآي عيني

يمممممممممماااااااااه

المشكله وين كانت ؟؟؟

المشكله كل هذا يحدث والاذاعه المدرسيه شغاله وبـيـتـهـم جنب المدرسه وامه كانت كل

يوم تتسمع لولدها ... ويوم سمعت الضرب ما تشوفون الا باب المدرسة الأم تضرب فيه

وتصيح وتقول ولدي ولدي

المهم الكل بالحاره سمع احداث الفلوجه اقصد احداث الاذاعه ضرب وصياح وحاله مايعلم فيها الا رب العباد ....

المدير : افتح الباب ياصبي ترى نكسره وندخل عليك

انـــا : طيب طيب لحظة بس مدري وين المفتاح <---- يبغى يمسح الدم اللي على وجه الولد زميله

المدير : اقول افتح احسن لك

انــــا : طييييييييييييييب

الولد زميلي : آآآآآآآآي عيني .. آآآآآي سني .... راسي

انـــا : والله لو ما اكلت تبن وسكت وربي اذبحك وادفنك تحت الاذاعة يا ثور <-- انت مو رجال ؟؟ ليه تصيح ؟؟

المدير : يا ولد افتح وجع

انـــا : يابن الحلال اصبر مدري وين المفتاح

انـــا : انت اسكت اسكت ازين لك والا ترى بالطلعه بذبحك برررراااااا

المهم بعد فترة فتحت الباب .... لحظة اصور لكم الوضع :

اذاعه مدرسية لا زالت مفتوحة اون لاين على الحي كله والجميع سمع ما حدث

دم في وسط الغرفه

شخص نايم على ظهره ويسيل منه الدم ويبكي

احد المايكات للاذاعه مرمي على الارض وبه قليلا من الدم <--- ضاربه بالمايك

حاله من الذهول تعتري المدير والوكيل وشخص واقف ويضحك هكذا ---->

<--- هذا انـــــــا الله يطــول بـعـمـري ويـحـفـظـنــي

المدير : وش سويت ياصبي لا بارك الله فيك

انـا : لا بس عشان نأدبه لان الظاهر ان اهله ما ادبوووووه

المدير : انت المدير والا انــــا عشان تأدب الناس ؟؟؟

انـــا : لا الظاهر انك ما تقوم بواجباتك على اكمل وجه

طررراااااااااخ <--- كف من المدير على وجهي ويسحبني على غرفته

شــــوي نسمع : ويوي ويوي ويوي

<--- الاسعاف من بعيد لنقل الجرحى والمصابـيـن

تم نقل الطالب شفاه الله الي حيث لا اعلم وتم سحبي لغرفة المدير وهات يا تحقيق وانا

بكل ادب منزل راسي كأني ماسويت شي <---- قلت لكم انا مثل البنوته الكويسه

بعد المداوله بين المدير والوكيل قرروا سحب ادارتي من الاذاعه ... ولم يـكـتـفــوا بذلك

عـيـــال اللـذيـنـــا بل طلبوا مني عدم الحضور للمدرسة الا بولي امري ...

ابوووووي

بسيطه .. يابسطك يابووووي

اللحين اجيبه <--- لعب على ابــوه وقال له ان الولد يقول شرايك نشرد من المدرسه

<-- ابــو الافـكـــار انـــا .. وانا طالب مجتهد ما يرضيني هالشــــي

حضر والدي حفظه الله وبارك به وعــم بـنـفـعـه الجميع

كتبوا تعهد على ابوي وقالوا عشانه صغير والا كان ارسلناه لدار الاحداث

انا ما عـجـبـنـي كلامه ولم ترق لي كلمة دار الاحداث فـحـقــدت على مدير المدرسه

وقررت الانـتـقـام منه ليش يقول عني هالكلام وانا حليل

في يوم من الايام كنت معدي من عند باب مكتب المدير ... فجـــــأة الغرفه مفتوحة والمدير غير موجوووووود ...

الشـيـطـــان : فـرصـتــك يــا صبي لا تـتـــرك حـقـــك وثـــارك

دخلت المكتب وهات يا تقطيع بالاوراق وتعديل بدرجات الطلاب اما تخفيض أو زياده

وتخريب لكل ما تصل له يدي ... فجــــــــــأة

مدير المدرسة يقف على رأســـــــــــــي .. تم فصلي من المدرسة ولله الحمد ... ورحت

مدرسة خاصة وصرت بـعـدها حـلـيـل مـامـثـلــي احـــــد ابـــد ابـــــد

بعد ثلاثة اشهر من الحادثه نما <--- لا تفوتكم الكلمة

نما الي علمي ان الولد اللي ضربته

دخل في غيبوبه لمدة شهرين وهو يعالج في خارج المملكة لمدة شهر اثر الاصابات

كما نما الي علمي ايضا انه ترك الدراسه وما كمل ... واللحين هو يـشـتـغـل بمحل قطع غيار

سيارات <--- كان ودي يكمل دراسه

كان اشوفه اللحين دكتور أد الدنيا

لـيـه تـــرك الـدراســــه مع انـي ما سـويــت فـيــه شــــئ وقـسـمـــن

عاد شفته قبل سنه كان يمشي على كرسي متحرك مدري ليــــه

وسلامتكم

فهد703 · 27-04-2006, 03:18 PM

هههههههههههههههههه

الصراحه انك حليل اعدمت مستقبل شخص مسالم وتقول انك حليل
واذا شفت زميلك مره ثانيه سلم لي عليه

مستر مهستر · 27-04-2006, 06:28 PM

يامجرم
يا قوي بقس يسوي كذا ...
ليت من صنك بهالمكرفون .....

^
^
^
أمزح معك << خايف لاتصنه ...

ح ـايلـــيـة · 27-04-2006, 06:37 PM

هههههههههههههههههههههه
وراك ما دليت؟؟ التوصيف واضح صح <<امحق توصيف..بيتنا ما ادله..خخخخخخخخخخخخخخ

بس الصراحه حطمت مستقبل الولد..يحوووووووووول ينرحم ..
تصدق انت مجرم خطير..بس تراك حليل المايك هو الي حطم مستقبل الولد مب انت <<ترقع ههههههههه

يسلموووووووو خيوووووووووو على هيك موضوع ..

اختكم..
د.حايليه..اطعم من الكراث والفقع..

moodyjoody · 29-04-2006, 01:04 PM

اخي الفاضل / فهد 703

عندي سؤال مهم هالــ 703 اللي تجرجرها ورى يوزرك من محل لمحل وش سالفتها ؟

مستر مهستر :

مسكني المايكروفون وابشر بسعدك

اختنا حايليه /
الولد رايح فيها من قبل يعني جات على ضربتي له ؟ هو بس كبر الموضوع الله يصلحه
<---- الرجال مشلول بسببه ويقول كبر الموضوع خخخخخخخخ

طموووح · 29-04-2006, 01:17 PM

خخخخخخ الله يقطع شيطانك وراه تسذا كل النجاسة بك

أتوقع لو يوزعونه على عيال حارتكم لكفت

هم

بدر الليل · 29-04-2006, 05:59 PM

يامجرم وين ملفات الجرائم عنك تسان تحقيقات وشغل

وبعدين إحمد ربك إنهم ماودك لم دار الأحداث
مششككوورر أخي moodyjoody على القصة

27-04-2006, 12:28 PM	#1
moodyjoody عـضـو تاريخ التسجيل: Apr 2006 المشاركات: 10	قسمن سلام عليكم اختنا حايلية تقول عد سابع رصيف وتلاقي منتدى سواليف كشكوليه عاد يقالها وصفت لي ما تدري ان حدي عدد خمسه واوقف :D <--- معه خامس ابتدائي بدون شهاده وعلى طاري الدراسه وبلاويها عندي لكم سالفتن ماهنا حليلها بس ناشبتن بحلقي من يوم انا صغير اسمعوااو مدري اقرأوا : هذا يوم كنت بالابتدائي كنت ابو الدفاره كلها .. يعني دافووور ولا اقدعها دافور .. المهم حطوني مدير الاذاعة المدرسيه <--- خذوا بالكم الولد مو سهل من كان صغيررررر وكان فيه واحد الله يذكره بالخير يساعدني .. هو كان يقرأ القرآن وانا كنت اقرأ الحديث الشريف كشئ متفق عليه <--- متفق عليه مو يعني البخاري ومسلم ؟ لالالالا .. يعني احنا كنا متفقين عليه <--- لا يكثر هرجك وكمل لا الخك كف بعد كذا نبدأ نقرأ اي شئ حسب ما نشوفه وكان احلى شئ نسويه هو موضوع قـــل ولا تـقـل مرررره كشخة هالموضوع .. اعطيكم نبذه عنه : الموضوع كان يدور حول اننا نقول كلمة فيها نوع من الـبــرسـتـيــج فمثلا نقول : قـل شـبــاك ولا تـقــل دريـشــه قـل عـلـبــه ولا تـقــل قـوطـــي <--- تـحـسـون انـنــا مـتـخـلـفـيـن صــــح ؟؟ قـل جـزمـة ولا تـقـل كـنـــادر <--- وربي ماعندكم احد ابد عشان كذا فشلنا بالدراسه قــل بـطـيـخــة ولا تـقــل جـحــــه <--- متى يـجــي الجـح ؟؟؟ اشـتـهـيـتـهـا قـل يـامـال الـعـافـيـه ولا تـقـل يـامــال الـمـاحــي اللـي يـمـحـيـك ونـرتــاح مـنـك المـهــــــم ..... في يوم من الايام قلت له انا ابغى اقدم موضوع قــل ولا تـقـــل .. قــال لأ .. انا بقدمه كلمة مني كلمه منه تهاوشنا وما تسمعوا الا .... دووووووف آآآآآآآآي <--- بكس على وجهه <--- مجرم من يوم كنت صغيررررر وماتسمعوا الا ... آآآآآآآآآي عيني يمممممممممماااااااااه المشكله وين كانت ؟؟؟ المشكله كل هذا يحدث والاذاعه المدرسيه شغاله وبـيـتـهـم جنب المدرسه وامه كانت كل يوم تتسمع لولدها ... ويوم سمعت الضرب ما تشوفون الا باب المدرسة الأم تضرب فيه وتصيح وتقول ولدي ولدي المهم الكل بالحاره سمع احداث الفلوجه اقصد احداث الاذاعه ضرب وصياح وحاله مايعلم فيها الا رب العباد .... المدير : افتح الباب ياصبي ترى نكسره وندخل عليك انـــا : طيب طيب لحظة بس مدري وين المفتاح <---- يبغى يمسح الدم اللي على وجه الولد زميله المدير : اقول افتح احسن لك انــــا : طييييييييييييييب الولد زميلي : آآآآآآآآي عيني .. آآآآآي سني .... راسي انـــا : والله لو ما اكلت تبن وسكت وربي اذبحك وادفنك تحت الاذاعة يا ثور <-- انت مو رجال ؟؟ ليه تصيح ؟؟ المدير : يا ولد افتح وجع انـــا : يابن الحلال اصبر مدري وين المفتاح انـــا : انت اسكت اسكت ازين لك والا ترى بالطلعه بذبحك برررراااااا المهم بعد فترة فتحت الباب .... لحظة اصور لكم الوضع : اذاعه مدرسية لا زالت مفتوحة اون لاين على الحي كله والجميع سمع ما حدث دم في وسط الغرفه شخص نايم على ظهره ويسيل منه الدم ويبكي احد المايكات للاذاعه مرمي على الارض وبه قليلا من الدم <--- ضاربه بالمايك حاله من الذهول تعتري المدير والوكيل وشخص واقف ويضحك هكذا ----> <--- هذا انـــــــا الله يطــول بـعـمـري ويـحـفـظـنــي المدير : وش سويت ياصبي لا بارك الله فيك انـا : لا بس عشان نأدبه لان الظاهر ان اهله ما ادبوووووه المدير : انت المدير والا انــــا عشان تأدب الناس ؟؟؟ انـــا : لا الظاهر انك ما تقوم بواجباتك على اكمل وجه طررراااااااااخ <--- كف من المدير على وجهي ويسحبني على غرفته شــــوي نسمع : ويوي ويوي ويوي <--- الاسعاف من بعيد لنقل الجرحى والمصابـيـن تم نقل الطالب شفاه الله الي حيث لا اعلم وتم سحبي لغرفة المدير وهات يا تحقيق وانا بكل ادب منزل راسي كأني ماسويت شي <---- قلت لكم انا مثل البنوته الكويسه بعد المداوله بين المدير والوكيل قرروا سحب ادارتي من الاذاعه ... ولم يـكـتـفــوا بذلك عـيـــال اللـذيـنـــا بل طلبوا مني عدم الحضور للمدرسة الا بولي امري ... ابوووووي بسيطه .. يابسطك يابووووي اللحين اجيبه <--- لعب على ابــوه وقال له ان الولد يقول شرايك نشرد من المدرسه <-- ابــو الافـكـــار انـــا .. وانا طالب مجتهد ما يرضيني هالشــــي حضر والدي حفظه الله وبارك به وعــم بـنـفـعـه الجميع كتبوا تعهد على ابوي وقالوا عشانه صغير والا كان ارسلناه لدار الاحداث انا ما عـجـبـنـي كلامه ولم ترق لي كلمة دار الاحداث فـحـقــدت على مدير المدرسه وقررت الانـتـقـام منه ليش يقول عني هالكلام وانا حليل في يوم من الايام كنت معدي من عند باب مكتب المدير ... فجـــــأة الغرفه مفتوحة والمدير غير موجوووووود ... الشـيـطـــان : فـرصـتــك يــا صبي لا تـتـــرك حـقـــك وثـــارك دخلت المكتب وهات يا تقطيع بالاوراق وتعديل بدرجات الطلاب اما تخفيض أو زياده وتخريب لكل ما تصل له يدي ... فجــــــــــأة مدير المدرسة يقف على رأســـــــــــــي .. تم فصلي من المدرسة ولله الحمد ... ورحت مدرسة خاصة وصرت بـعـدها حـلـيـل مـامـثـلــي احـــــد ابـــد ابـــــد بعد ثلاثة اشهر من الحادثه نما <--- لا تفوتكم الكلمة نما الي علمي ان الولد اللي ضربته دخل في غيبوبه لمدة شهرين وهو يعالج في خارج المملكة لمدة شهر اثر الاصابات كما نما الي علمي ايضا انه ترك الدراسه وما كمل ... واللحين هو يـشـتـغـل بمحل قطع غيار سيارات <--- كان ودي يكمل دراسه كان اشوفه اللحين دكتور أد الدنيا لـيـه تـــرك الـدراســــه مع انـي ما سـويــت فـيــه شــــئ وقـسـمـــن عاد شفته قبل سنه كان يمشي على كرسي متحرك مدري ليــــه وسلامتكم

27-04-2006, 03:18 PM	#2
فهد703 عـضـو تاريخ التسجيل: Mar 2006 البلد: اكيد بريدة المشاركات: 1,138	هههههههههههههههههه الصراحه انك حليل اعدمت مستقبل شخص مسالم وتقول انك حليل واذا شفت زميلك مره ثانيه سلم لي عليه __________________ الهي كفـاني فخــراً ان تكـون لـي ربــاً وكفـــانـي عــــزا أن أكــون لك عـبــداً [flash=http://www.c5c6.com/File/1159226426.swf]WIDTH=400 HEIGHT=150[/flash] أنت الزائر رقم

27-04-2006, 06:28 PM	#3
مستر مهستر عـضـو تاريخ التسجيل: Mar 2006 البلد: الرياض..عاصمتنا المشاركات: 207	يامجرم يا قوي بقس يسوي كذا ... ليت من صنك بهالمكرفون ..... ^ ^ ^ أمزح معك << خايف لاتصنه ... __________________ بالخير : 12 مااقدر على فرقاكم ياسبحان الله

27-04-2006, 06:37 PM	#4
ح ـايلـــيـة وقع مختلف تاريخ التسجيل: Feb 2006 البلد: الرِيَاضْ ❤ , المشاركات: 5,788	هههههههههههههههههههههه وراك ما دليت؟؟ التوصيف واضح صح <<امحق توصيف..بيتنا ما ادله..خخخخخخخخخخخخخخ بس الصراحه حطمت مستقبل الولد..يحوووووووووول ينرحم .. تصدق انت مجرم خطير..بس تراك حليل المايك هو الي حطم مستقبل الولد مب انت <<ترقع ههههههههه يسلموووووووو خيوووووووووو على هيك موضوع .. اختكم.. د.حايليه..اطعم من الكراث والفقع.. __________________ • ما من رُوحْ ما تُروح !

29-04-2006, 01:17 PM	#6
طموووح عـضـو تاريخ التسجيل: Feb 2006 البلد: لاحول ولا قوة الا بالله المشاركات: 1,049	خخخخخخ الله يقطع شيطانك وراه تسذا كل النجاسة بك أتوقع لو يوزعونه على عيال حارتكم لكفتهم

29-04-2006, 01:04 PM	#5
moodyjoody عـضـو تاريخ التسجيل: Apr 2006 المشاركات: 10	اخي الفاضل / فهد 703 عندي سؤال مهم هالــ 703 اللي تجرجرها ورى يوزرك من محل لمحل وش سالفتها ؟ مستر مهستر : مسكني المايكروفون وابشر بسعدك اختنا حايليه / الولد رايح فيها من قبل يعني جات على ضربتي له ؟ هو بس كبر الموضوع الله يصلحه <---- الرجال مشلول بسببه ويقول كبر الموضوع خخخخخخخخ

29-04-2006, 05:59 PM	#7
بدر الليل عـضـو تاريخ التسجيل: Apr 2006 البلد: مدينة بريدة المشاركات: 199	يامجرم وين ملفات الجرائم عنك تسان تحقيقات وشغل وبعدين إحمد ربك إنهم ماودك لم دار الأحداث مششككوورر أخي moodyjoody على القصة