 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
 |
|
|
أدوات الموضوع | طريقة العرض |
24-07-2006, 10:48 PM
|
#1 |
|
عـضـو
تاريخ التسجيل: Jan 2004
البلد: .. يا حلالات يا بريدة ..
المشاركات: 2,165
|
:: مواقف مع الجن :: مني ومنك :: شاركونا :: لا أحد يخاف ::
السلام عليكم ورحمة الله
يالله حي الشباب بسم الله علي الرحمن الرحيم أعوذ بكلمات الله التامة .. من كل شيطان وهامة .. ومن كل عين لامة أحبتي الجن مخلوق موجود وذكر في الكتاب والسنة لا يجوز إنكاره هذي نقطة اللي بعدها في هالصفحة نبغى مواقف وقصص حصلت لكم أو سمعتوا عنها مع الجن وللأهمية ممنوع اصطحاب الكذب والقصص الخرافية وليس من المهم أن نصدق أو تصدقوا ما يقال يعني باختصار لا نشغل بعضنا بصحة القصة من عدمها وكلن وذمته  يالله ما أطول عليكم أنتظر قصصكم الرائعة ولي عودة لا أحد يخاف يا شباب
__________________
::
:: آخر من قام بالتعديل الليـزر; بتاريخ 24-07-2006 الساعة 10:53 PM. |
|
|
|
25-07-2006, 03:18 AM
|
#2 |
|
عـضـو
تاريخ التسجيل: Jan 2004
البلد: .. يا حلالات يا بريدة ..
المشاركات: 2,165
|
وش دعوى
كل ذا خوف ؟! وين الناس وين الشباب ؟! خوذوا موقف من موثوق يقول لي أحد الشباب وحنا كاشتين هناك بهالمكان اللي معروف شوي بالجن طبعاً هم بنقرة يقول نسمع حولنا أصوات أرسلوا اثنين بموترهم هايلكس رقوا الطعس الأول وهم نازلين شافوا نار ما حولها أحد ما دريوا إلا يوم طفت حسوا إنهم واهمين يوم تعدوا المكان والتفتوا وأثر النار مشعللة من جديد رجعوا المهابيل قالوا نبي نخلي النار بين الكفرات يوم ارجعوا بسرعة وإذا هي تطفأ أيقنوا أنهم من إخواننا الجن رجعوا لاخوياهم ولا علموهم طبعاً قالوا ما فيه أحد يمكن ناس بعيدين الله يحفظنا وإياكم قولوا آمين ننتظر مواقفكم الرائعة لا تبطون ! ! !
__________________
::
:: |
|
|
|
|
25-07-2006, 03:25 AM
|
#3 |
|
عـضـو
تاريخ التسجيل: Sep 2003
البلد: بين دفات الكتب !
المشاركات: 11,880
|
أبد طال عمرك .. أمس كنا نلاحق أنا والأهل بعرصي أزرق كبر قريح بالمستودع واختفى باسم الله الرحمن الرحيم هههههههههه !
غير هاض ما بعرف . وإنّ شاءالله إني منب عارف ، ولا ودي أعرف !
__________________
[POEM="type=0 color=#000000 font="bold medium 'Simplified Arabic', Arial, Helvetica, sans-serif""]لمتابعتي عبر التويتر أو الانستغرام: @ibradob[/POEM]
|
|
|
|
|
25-07-2006, 03:31 AM
|
#4 |
|
عـضـو
تاريخ التسجيل: Jan 2004
البلد: .. يا حلالات يا بريدة ..
المشاركات: 2,165
|
يهديك الله
لعل الله يرزقك موقف تسطره لنا بذيا الله يحفظك ويخليك لنا أبو معاذ بانتظار الأحبة
__________________
::
:: |
|
|
|
|
25-07-2006, 04:09 AM
|
#5 |
|
عـضـو
تاريخ التسجيل: Feb 2002
البلد: بلاد الحرمين
المشاركات: 2,223
|
أنا عندي موقفين
الأول لي والثاني لشخص قريب لي عندما كان يقرأ على الناس الأول كنا مره من المراريت طالعين بالجرّاد وبالشتاء كنا شابين ضو وحنا أربعه طبعاً تعشينا من مطعم خالد وقعدنا نتدفى بدينا نسمع أصوات قراطيس وخرابيش حنا نحسبه صوت جرايد لأن حولنا قراطيس كثر قريح ونحسبهن قراطيسنا الوضع طول وحنا إيقالنا جزومين دوت كوم المهم بدت تطلع تقل نقوط بيض صغيرااااااااات حنا يوم شفنا الوضع بدى كل واحد يناضر الثاني قمنا وضفينا الفرشة بسرررررررررررررررعة وتركنا الضو للجماعة الجدد وكان معي أثنين من أعضاء المنتدى ما ودي أذكر أساميهم المهم الموقف الثاني يذكر لنا شخص من لسانه وهو من الأشخاص المعروفين بالصلاح نحسبه كذالك من المعروفين بالقرائه وتفسير الأحلام يقول كنت ذاهب إلى المسجد فجر يوم من الأياااام وعندما وصلت الباب كان هناك قط يقول عندما رأيته حسبته خاروف من كبره كبيييييير مره أسسسسسسسسود مره حتى عيونه يقول سميت الله وذكرته يوم بدى يتدربى البس بسرررعة ودخل تحت سيارة ثم أختفى بعده ما أدري وين راح ====== تذكرت موقف ثاني للشخص نفسه يقول يوم أنا أقرى على الناس جان رجل وقريت عليه وعيا يطلع الي به الا بالغصب وقالت لي الجنيه تشوف والله لأوريك بالليل لا أخليك ما تنام يقول أنا الوضع عندي عادي المهم قمنا الساعة 2 بالليل على أصوات حصى تقول بالجمرات بالصطح طخ طخ طخ طخ الجنية جامعتن حارتهم وجايين يفزعون معه يقول رقيت للصطح ومعي مكنسه أم عصا وبديت أهوشهم وأهددهم وأقول والله أن جيتوا مره ثانيه ياحمير لا أقرى عليكم سورة البقرة وهواش وقرآئت قرآن لمين ما شفت غبارهم ====== وتذكرت موقف ثالث له أيضاً وهو يقول يوم كنت أدرس بالحفر كنت مره طالع للبر لحاااااااااالي المهم مبوبز أنا قاعدن أطبخ الغداء الظهر طبعاً يقول ما دريت ألا وهاليدين اللي سووووووود وأظافر طول قريح جن على كتوفي يقول أنا يوم شفت تسذا على طول بديت بسورة البقرة ما قعد خمس ثواني الا وهو رايح ألتفت يمين ولا لقيت شي طبعاً كمل طلعته ما عنده أيييييي مشكله الله يجعلنا لو نصفه تحياتو مسترعطوووووووووووووش = أبوبريدة =
__________________
هذا التوقيع لي ولمن يريده من أعضاء المنتدى |
|
|
|
|
25-07-2006, 06:28 AM
|
#6 |
|
عـضـو
تاريخ التسجيل: Jan 2004
البلد: .. يا حلالات يا بريدة ..
المشاركات: 2,165
|
الله يخليك يا غالي
مشاركة جداً رائعة كذا الأعضاء والا بلاش تسلم لي والله وما زلنا بانتظار الإخوة قصتي أبأجلها شوي وعندي واحد من الأقارب مليان مواقف مع الجن عاد إما أجيبه لكم بذيا والا أرويهن لكم بحول الله كونوا معنا
__________________
::
:: |
|
|
|
|
27-07-2006, 08:05 AM
|
#7 |
|
عـضـو
تاريخ التسجيل: Mar 2006
البلد: ببريدة..!
المشاركات: 560
|
أنا أعرف وأحد طالع للبر ولقا فرشه
بمكانهم هو على نياته جاء ونفض الفرشه الا وشي طلع من الفرشه شي أسود  هج الجني
__________________
|
|
|
|
|
| الإشارات المرجعية |
|
|
النمط المتتابع
