[سي السيد]

السلام عليكم ورحمة الله وبركاته

اخبار اعضاء المنتدى انشاءالله طيبين

هذي اول مشاركه لي وانشاءالله يعجبكم الموضوع



بما اننا في منتصف الاجازه تقريبا
وبما ان اكثر اعضاء المنتدى ناس واضح عليهم الاحترام (الله يحفظهم) يعني الواحد يحترم ردودكم و آرائكم



انا رجال توي متوضف ولله الحمد وعزوبي طبعا
وما ادري اعرس والا استمتع بعزوبيتي شوي ولاحقين على العرس


البابا يقولي: اعرس علشان يكبرون عيالك وانت توك ما شيبت.
والماما تقولي: اعرس لانه جايزتنله وحده ما ادري من وين طالعتنلي (شكله تبي الفكه مني) (لا تقولون هو اللي يبي بس ملزقه بالماما )
واخواني يقولون لي: متى تعرس (شكلهم يبون غرفتي :D )
واخوياي يقولون لي: نصيحه لا تعرس (ولا واحد منهم معرس)


فحبيت اسئلكم انتم عن العمر المناسب للزواج برأيكم.( مع العلم بأن عمري 24 لان بعضكم يقول كم عمره)



فيا ليت تعطوننا رأيكم... ومشكورين مقدماً

[المستشار]

كم عمرك يا أبو الشباب ..
و أرسل لي سيرتك الذاتيه ، بملف علاقي ..
و شهادة حسن سيرة و سلوك ، و أدرس حالك و أرد عليك ..

[ajmn]

اقتباس والماما تقولي: اعرس لانه جايزتنله وحده ما ادري من وين طالعتنلي (شكله تبي الفكه مني)

أقول قم بس نم ..
قال الماما . . مسيكينة هالماما . . تحبون هالبنات و تقولون ماما تبيها . .
- - - - - - - - - - - - - - - -
شف حبيبي أنت ما قلت لنا كم عمرك .. يمكنك شايب عمرك 30 و توك توظف
لكن أقول إذا الأسباب متهيئة لك . . و تحس إنك بتقدر على العرس . . طب و استانس ..
و إنتسان تقول لا متخوبل شوي . . اصبر لك سنة لمين تصمل على الوظيفة ..
و الله يا حبيب قلبي يوفقك و لا تنسى عاد تعزمنا بس بغير الرصافة . . ما علينا زود حرايق . . الله يعوضهم . .

[المستشار]

اقتباس ما علينا زود حرايق

هههههههههههههههههههههههههههههههههههههههه
ههههههههههههههههههههههههههههههههههههههه
هههههههههههههههههههههههههههههههههههههه

[سي السيد]

ما عطيتوني رأيكم

[مدحت شوقي بريده]

يقول عيد .. اقول سقها وقزز ..
وأنا اقولك .. اقول سقها وأعرس ..

وش عقب الأربع وعشرين ..
وأي عزوبية وأي هبااااااااااااااااااااااب ..
يابعدي شف حاااالك هاللحين ماأحد معطيك وجه بالبيت كلن بلش بحاله .ز
يالبي اميمك ماهنا احسن منه الين يجي الشايب .. همن تنساااااااك وتنسى مندوبك ..
وخواتك كل وحدة ماسكه جوااال ترسل على شريط المجد الصيفيه أو الاطفال ..

وإخوانك داقين حوله .. ماجابوا خبرك الا اذا خربت سيارة واحد منهم .. قام يتلحوس عندك ..

لكن اذا جت الغاااااااااالية ..
تبي تشوف الدلع والحنااااااااااااان ..
وتبي تشوف ان حياااتك تغيرت 452865 درجة على مقياس فيثاغورس ..
أو فيثاغورس ماعنده مقيااااااااااس .. ايه ميخالف يشرون لوه أهله ..

المهم شف يالبي ..
تبي تحس بالوجود .. تبي تحس ان فيه أحد يسأل عنك .. ينتظرك ..
وياااااااااااااااله عليك ..
فيه إنساااااااااانه تشاركك همومك وغمومك .. وتفرح لفرحك ..

يالبي سقها وإعرس ..

[المحايد26]

سم بالله
وتوكل على الله

[سراج الخير]

استخر الله في أمرك .

وفقك ربي لما يحبه ويرضاه ..

["الكاتم"]

أنصحـــــــــــــــــك نصيحة لاتعرس انتبه

كل عمرك تقعد مع شباب همن اتخربه تقعد مع بنت وش هالكلاااااااام . ههههههههه

لكن خذ من نصيحة

يقوول القاتل :

أول عمرك ملك (يعني ترووح وتجي وكل شيء قداااااااااااام بس تقوول مشينا وتهف مايطري على بالك أحد )

همن خــــــــــــــــادم (يعني تخدم زوجتك وعيااااااااالك طلبات روحات جيات ولا كشتااااات بس ضيقة صدر )

همن مخدوووم ( يعني لاشيبت يخدموونك الي أنت خدمتهم )

أنا ماأقوووول لاتعرس أبد بس استانس وكشت ورح سفريات وتعال لاطاح الي بالراس وودك ترك

اعرس ويالله لك الحمد


محبك كت كت

["الكاتم"]

ايه ياأبو محمد بعد ال24 كل خير

الولد بزهرة شبابه خله يرووووووح ويجي همن لمنه مل يعرس ويالله من فضلك

أولا

محبكم كت كت

[ستي ماستر]

اقول سي السيد نصيحه لك لا تسمع كلام اخونا الكاتم حفظه الله
تمبسط سفرات وروحات وجيات ان كثرة حدة اسبوعين بالسنه

بس العرس انشاءالله بتمبسط على طول وبنفس الوقت تصير السفريات له طعم احلا

طع شوري وتوكل على الله ولا تنسى تستخير

[ajmn]

اقتباس المشاركة الأساسية كتبها الكاتم ايه ياأبو محمد بعد ال24 كل خير الولد بزهرة شبابه خله يرووووووح ويجي همن لمنه مل يعرس ويالله من فضلك أولا محبكم كت كت

كلامك خطييير أخوي . .
الحين الرسول صلى الله عليه و سلم يقول : أيها الشباب من استطاع منكم الباءة فليتزوج . .
وحضرك تقول لا تعرس . .
أنت إما إنك تمزح . .
أو صغير ما تفهم معنى الكلام اللي تقوله . .
وبعدين وش سفرياته هذي . .
يعني مع زوجته ما يروح سفريات . .
يا أخوي إذا أنت ما تمزح بكلامك هذه . . فأتمنى منك تراجعه مرة ثانية حبيبي . .
ورب كلمة قالت لصاحبها ( دعني ) . .
تحياتي لك و لك العزوبيين ..
الله يزوجكم . . .

[القناص]

اقتباس المشاركة الأساسية كتبها أبو محمد النجدي [align=justify] الغريب اللي ينصحك بألا تعرس هم [ العزوبية ] فلا أعرف كيف حكموا على شيء لم يجربوه وعلى أمر لم يعرفوه ! المهم أخي الغالي ... تزوج ففي الزواج بركة . وهل بعد الــ24 شيء ! ؟

يحق لك تقول هالكلام ابومحمد ..

وتبدي لك الأيام ماكنت جاهلا ..


أبوياسر[/CENTER]

[الصارخ]

[align=justify]

شرعنا لا ينطق عن الهوى ...
وهل سيقال عنك إذا تزوجت في هذا العمر أنك مبكر ...
لا أعتقد ذلك .. بل (متأخر)
استعن بالله ولا تعجز ..

[/CENTER]