 |
|
|
|
|
07-08-2006, 01:43 PM
|
#1 |
|
عـضـو
تاريخ التسجيل: Feb 2006
المشاركات: 269
|
تماسكت حتى لا أفقد البقية ال.....
سالفة على الطاير أتمنى تعجبكم إن شاء الله :
ذات عصر أحد الخميسات والديرة خالية من أهلي .. كلهم مسافرين ما عداي جالس أحوس وأتبطح .. وأجي وأروح .. أبي الوقت يروح بلا ملل وأكسر حاجز الرتابة والروتينية القاتلة في حياتي .. حيث من شدة الروتينية سايرة حياتي بالدقيقة والثانية .. حتى بات جدولي اليومي محفوظ عن ظهر قلب وبلا مفاجآت يعني ما يحتاج أتذكر .. *** في ذاك اليوم قررت أكسر الروتين ولاي خابر لي في أحد الأرياف .. منظر جمالي رائع بيوت طين شكلهن روعة بمعنى الكلمة تأخذ العقل .. كل يوم ودي أورح وأتعيجز أو أكسل .. المره ذي مسكت معي إني أروح لمهن .. ولا خبري عتيق على ما يقولون مهدمات ماعدا بيت وحده هي أحسنهن .. قلت بنفس نو بروبلم ( ما يعرف إلا هي ) العوض ولا القطيعة .. *** كان الوقت تقريباً نص العصر .. وأفرق لم البيت وألبق السيارة وأنزل .. وبهاللحظة تمر هايلكس 2006 غمارة بييييييييييب ومسوي دويس الرجال وألتفت لمه وأشر له بيدي أرد عليه السلام أعرف أنه ما سلم بس استهبل >>> شين الطفش .. البيت منظره حلو متماسكه وبوسطه نخله طويلة مطلعة بس طايره ومحتحته مهنا اهتمام .. وأدور علي البيت أدفقده من برا وله خيال تهول العقل ناقص الكمره علشان أصور >>> والله من زين التصوير . وألقى باب الحوش مفتوح على الآخر يخيلك على الفتحة إن البيت به أحد .. بالغالب تلقى الباب طايح أو منكسر أو مسكر أو نص فتحه وناشب بالتراب من تحت .. وأحرك الباب وله بحاله جيدة .. أدخل تقسيم بسيط يدل على بساطة أهل البيت .. أول ما تدخل الحوش بطرفه الأيمن البرج ( مكان قضاء الحاجة ) أعزكم الله . وقبال البرج بالطرف الآخر غرفة مطرف بابه والدريشه على الحوش مسكره .. وعلى يسار الباب درجه للسطح وتحت الدرج مغاسل يغسلون فيها الآواني وثيابهم وعلى الحايط وتد معلق عليه السفرة باقيه إلي هالحزة .. وبالطرف الأيسر غرفة صغيرة يمكن 2*1.5 بلا درايش .. وبين الغرفتين جلسه حقة قهوة وشبة الظوء .. وبوسط الحوش هالنخلة الطويلة .. يبدو إني دخلت في قسم واحد وإلا البيت شكله من برى تسبير . وأيمم وجهي للغرفة اللي بآخر البيت من يمين وأفتح الباب شوي .. وله ظلمة مهب اللي أنت تبي وطويلة طول مهب معقول .. اللافت للنظر البيت كله نظيفه ومرتبه ومابه وساخة تحس إنه ماله 10 سنين مهجورة .. بس الغرفة ذي غير تعرفون وش معنى غير يعني مثل جده غير >>> إهه بدا ينكت .. به زولية حمراء مكومة على بعضه وعليه تراب الدنيا وصندوق أكثر ما تشوف عش العنكبوت والسقف حالته حاله بعضه طايح الخشب حقه وبعضه تقل وده .. وفوضى مهيب صاحية وشحن تراب ودولاب بوسط الغرفة معطين قفاوه مغطي باقي الغرفة .. باختصار الغرفة شكله مهيب بالحيل ترتاع من أول نظرة حبيتك ( صح ماله دخل حبيتك ) قلت يارجال خل أدخل وأشوف .. صح نسيت أقولكم شي أنا جاي بكامل أناقتي ثوب نظيف توي لابسه وشماغ ومشخص بعد لا وزود على ذلك متعطر >>> ما أدري وشوله .. الرجال رسمي حتى برحلاته >>> ما دليت الرسمية .. وأمشي وسط الظلماء إلا من نور خفيف من عند الباب وكل ما تعمقت كل ما زانت .. وأحط ايدي على الدولاب بععععععععععععع وش ذا ؟! بعرصي زرق من فوق إيدي هذي أوله ينعاف تاليه .. وأتمقل بالغرفة وش ذا الغرفة ياربيه قذارة مهيب صاحية .. ماش عجزت أشوف آخر الغرفة وأمشي خطوة ودب ورنعة مع الخشة .. وش السالفة أثري وطيت على عسيب من العسبان الملتوية .. وأطلع الجوال أبنور الغرفة وأسمع خرفشة وطقطقة يماااااااااااااااااااااااااااه .. وأنا ألتفت أدور الصوت ولا شعورياً أمشي للأمام .. طق طق وأضرب بريك وجلنط وارده لنمره يوووووووووووووه . وش .. ما .. يي .. يي .. وأناظر تحت وله خفس .. والطقطقة يطيح حصى يعني لو متقدم شوي كان كنت بخبر كان وأخواته من رفع المبتدى ونصب الخبر والنصب ذا شكله طرحي أرضاً .. وأنور على الحفرة عاد من زين نور الجوال وجوده كعدمة .. وأنا قاعد أطالع في الحفر أجلس كجلسة انتظار يعني مبوبز .. وأتلفت في الحفرة يمين يسار خفس مهب صاحي ما تشوف قاعه .. وأنا بكامل انسجامي وجهة وجهي لليمن وأشوف بطرف عيني شي يتحرك يسار .. ما تحمست للموضوع قلت شكله شي يتدودل وله كل ماله يقرب .. والتفت لمه وأشقص بمكاني ولا شعورياً أقاف ويتصلبٌ ركبي وأعجز أتحرك .. وأدور الريق ولا ماهنا ريق وأحتر وأعرق .. بس تماسكت حتى لا أفقد البقية الباقية من أعصابي وعلشان ما أطيح ويغمى علي بذا المكان همن عاد من إبيجيب خبري .. وأحاول أهدي أعصابي وقلت فرصة خل أشوف قبل ما أنسحب وأنا كلي روعة وكل مالي أحس بالإنهيار وأدقق باللي قدامي خشم رايح يسار عين حمراء واللي فوقه اسود وشعر معربد مغطي باقي الوجه وبراطم متشققه ما أدري هو يضحك وإلا يصيح هو شايب وإلا عجوز هو بزر وإلا كبير هو إنس وإلا جن .. شكل غريب بمعنى الكلمة ومو مبين شكله بالحيل وكل ماله يقرب قلت ياولد هج مالك ومال المشاكل .. أبرفع رجلي وله ثقيله أسحب روحي وانتصف بالغرفة وأنا بالرمق الاخير من الصحوه أسمع صياح بعير ورى راسي أبلتفت وتجين ذيك الخبطة على راسي كف محترم مهب صاحي .. بعده إن (......) غير موجود في الخدمة مؤقتاً بليز مسز (.......) ... *** العصر وفي نفس الوقت الذي نزلت فيه من السيارة .. تجخخخخخخخخخخخخ جلنط وغبرات .. راعي الهايلكس يلبق ألو ( .................................................. .. ) . وي .. وي .. وي الاسعاف والدوريات والدفاع المدني وصاحبنا راعي الهايلكس .. رجل الأمن لراعي الهايلكس : وش السالفة ؟!.. راعي الهايلكس : الرجال صاحب السيارة هذي شفته البارح نزل وماله آثر الحين علماً بأنه مهب لهم البيت ذي ووقفته تدل على إنه جاي يتمشى .. جيبوا الكشافات ويمين ويسار وينخلون البيت نخل .. وراعي الهلي سابقهم يدور معهم دخل قبلهم الغرفة ومعه ضوياته .. طلع يناقز وبه خوف وارتباك .. ... : وش فيك . راعي الهلي : لقيته طايح بالغرفة .. شكله ميت .. جابوا الكشافات أناروا الغرفة وجاء الاسعاف وتشك .. تشك .. وكم صورة .. الشماغ طايح الطاقية شبه منفسخه ومايله .. وشوي كدمات على الوجه .. وخشم مقطر كم حبة من الدم .. ونعله مقطوعه لكم الكرامة .. والثوب منشق .. واليد ملتوية خلف الظهر .. الشكل العام مستلقى على بطنه .. وحاله يرثى له .. النهاية .. |
|
|
|
07-08-2006, 09:29 PM
|
#2 |
|
عـضـو
تاريخ التسجيل: Jan 2005
البلد: بريدة ـ الاسكان 4 شرق مسجد كعب الإحبار <<< ييزي ؟
المشاركات: 8,848
|
أسلم وش صار ،، تحمست الصدز ..
__________________
في بريدة ستي .. كانت لنا أيام : http://www.buraydahcity.net/vb/showthread.php?t=262111 ( قلب حب 1 ) |
|
|
|
|
07-08-2006, 09:49 PM
|
#3 |
|
عـضـو
تاريخ التسجيل: Feb 2006
المشاركات: 269
|
تحييييييييييييه قويه
أشوى خوي السرور مريت جاي أمشي ألف أنزل هالقصة لأني عارف إن الشباب هنا يشجعون اللي ما يتشجع بس تحطمت لوم ماشفت ردود ، بس قلت لعل وعسى أدخل وأشوف وأثرك راد يعطيك العافية . شكلي أصيح وأنا أكتب الرد .. تعرف بعض القصص ما ودك تكمل للنهاية لأنه تبيخ والعقدة ما تحتمل نهاية وهذا الاسلوب يسمى في الأدب العربي : " بالتراجيدي " . >>> إيقالي أعرف |
|
|
|
|
07-08-2006, 10:00 PM
|
#4 |
|
عـضـو
تاريخ التسجيل: Jan 2005
البلد: بريدة ـ الاسكان 4 شرق مسجد كعب الإحبار <<< ييزي ؟
المشاركات: 8,848
|
رجدك ذاك أبو عيون اللي بقصك ،، أقول كمل القصة ولاّ عطن حق الرد ..
__________________
في بريدة ستي .. كانت لنا أيام : http://www.buraydahcity.net/vb/showthread.php?t=262111 ( قلب حب 1 ) |
|
|
|
|
08-08-2006, 03:36 AM
|
#5 |
|
عـضـو
تاريخ التسجيل: Jul 2005
البلد: في الدنيا!
المشاركات: 461
|
واوك والله ياانت روائيل ازين من دان براون كاتب رواية شفرة دافينشي اشهر رواية بالعالم
الله يرحم والديك كمل تراي على اعصابي كمل ولاترى بصيح
__________________
سيفي قلمي .. فأبداعي من نزف حبره |
|
|
|
|
08-08-2006, 08:02 AM
|
#6 |
|
عـضـو
تاريخ التسجيل: Jul 2006
البلد: بريدة تالقي وللحضور تبسمي
المشاركات: 591
|
الحلقة الثانيه ياطويل العمر
__________________
|
|
|
|
|
08-08-2006, 09:45 AM
|
#7 |
|
عـضـو
تاريخ التسجيل: Jun 2006
البلد: زمن الغربة . . .
المشاركات: 157
|
تكفى كمل تراي متحمس
__________________
 كل الشكر للمصمم الرائع ajmn [ سبحان الله وبحمده .. سبحان الله العظيم ]
|
|
|
|
|
08-08-2006, 10:04 AM
|
#8 | |||||||||||||||||||
|
Registered User
تاريخ التسجيل: Jun 2006
البلد: سلامي عليكم يالسعودية
المشاركات: 456
|
روعتنا يا ابو الشباب سالفه حلوه وين مكان البيت القديم ودي اشوف شكلها |
|||||||||||||||||||
|
|
|
|
08-08-2006, 10:22 AM
|
#9 |
|
عـضـو
تاريخ التسجيل: Jul 2006
المشاركات: 200
|
قصه صدقيه ولا تسذب؟؟؟؟؟
كمل الله يسلمك..
__________________
[img]  [/img]
|
|
|
|
|
09-08-2006, 12:53 PM
|
#10 |
|
عـضـو
تاريخ التسجيل: Feb 2006
المشاركات: 269
|
خوي السرور خذ حق الرد ماهناش كمالة
اللي بعده |
|
|
|
|
09-08-2006, 12:54 PM
|
#11 |
|
عـضـو
تاريخ التسجيل: Feb 2006
المشاركات: 269
|
عرق الأثلة هالحين دان براون أحسن من نجيب الكيلاني
مشكور على المرور ومافيه كماله يالله البعده |
|
|
|
|
09-08-2006, 12:55 PM
|
#12 |
|
عـضـو
تاريخ التسجيل: Feb 2006
المشاركات: 269
|
السابح 80 يقولون طويل العمر هو إبليس مهب أنا الله يحفظك
كلنا للي قبلك ماهنا كماله يالله اللي بعديه |
|
|
|
|
09-08-2006, 12:56 PM
|
#13 |
|
عـضـو
تاريخ التسجيل: Feb 2006
المشاركات: 269
|
أيام مشكور على المرور وماقيل يقال لك
إيه صح نسيت أشكرك أخوي السابح على المرور |
|
|
|
|
09-08-2006, 12:57 PM
|
#14 |
|
عـضـو
تاريخ التسجيل: Feb 2006
المشاركات: 269
|
اسنكرس مشكور على المرور
البيت سلمك الله شفت لفرقة يسار يجنك البيوت على يمين |
|
|
|
 |
| الإشارات المرجعية |
|
|
النمط المتتابع
