[أبو رياض]

أطلقت شركة الاتصالات السعودية "الجوال" خدمة تمكين وهي خدمة جديدة لعملاء الجوال ..
حيث يمكن هم استخدام البطاقات المسبقة الدفع والتحدث بتكلفة البطاقة دون احتساب أي تكاليف أخرى ..
يعني بالعربي لو جوالك مفصول أو غير مفصول تاخذ بطاقة إعادة الشحن"سوا" وتشحن الجوال مثل طريقة مستخدمي بطاقة سوا وتكلم على كيفك بمبلغ البطاقة الي شحنتها ..

وفي نظري إن هذي الخدمة راح تنفع ثلاثة شرائح من المستخدمين وهمـ:
-مستخدمي النت عن طريق الجوال .
-مستخدمي الإتصال الدولي .
-والي جواله مقطوع .:D


تذكر
وش ينفع رقمي بدون تغطية ..:D

[meto]

يا حبيلك يابورياض خدمه جميله من حبيبتنا شركه الاتصالت ههههههه

[ولد_الصفراء]

اظن موبايلي تبي تعلن افلاسه عقب مامسك الادارة الدكتور محمد بن سليمان الجاسر

[#ابومالك#]

والله خوووش خدمه

مررره حلوه لاكن في نطل

سوى غير محسوب عليهم رسوم شهري

يعني انت تكون اغلى(( المشترك))

حاسبين صح ما يصح علينا . . .

طيب كيف ادخل رقم البطاقه ؟؟؟

[سليل المجد]

اقتباس المشاركة الأساسية كتبها ولد_الصفراء اظن موبايلي تبي تعلن افلاسه عقب مامسك الادارة الدكتور محمد بن سليمان الجاسر

ما خبرت ان رئيس شركة الأتصالات الجاسر

وللا قصدك الي ببريده ؟؟

[أبو رياض]

اقتباس المشاركة الأساسية كتبها meto يا حبيلك يابورياض خدمه جميله من حبيبتنا شركه الاتصالت ههههههه

تسلم لي ياغالي ..

لكن من حبيبتنا وهي أكلة العالم أكل ..

* معلومات إضافية عن الخدمة وطريقة استخدامها :

- هذه الخدمة تسمى شحن الجوال العام " الفاتورة " بكرت شحن من سوا .
- يعني لو انفصل جوالك العام بسبب الحد الائتماني "استقبال " ، او انفصل بسبب عدم السداد " استقبال وارسال " او حتى لو ما انفصل ، تقدر تاخذ كرت شحن سوا " 10 ريال او 50 ريال او 100 ريال " وتكلم بجوالك العام .
- والطريقة سهلة تتصل على 1500 وتشحن جوالك مثل "سوا " واذا جيت تتصل على رقم لازم تضغط قبل الرقم نجمة ثم ثمانية ثم الرقم المطلوب مثلا :
8055xxxxxxx*
- وايضا حتى لو ماكان عندك "صفر دولي " عادي اشحن جوالك واتصل دولي مثلا :
80096655xxxxxxx*
وهذي تفيد الناس الي مايحبون يضيفون الصفر الدولي
- وميزة هالخدمة ايضا ان الارقام الي تتصل عليها ماتبين في الفاتورة نهائيا ولا يجيك تقرير بها .
- وايضا تقدر تشحن جوالك باي وقت حتى لو منفصل ارسال واستقبال ، اهم شي ما يكون الجوال ملغي نهائيا.
- وايضا حتى لو جوالك موب مفصول ومكالماتك وصلت 200 ريال مثلا وتبغى الفاتورة بس تصدر بهالمبلغ عادي اشحن جوالك بكرت "شحن سوا " وقبل اي رقم تتصل عليه اضغط على" 8* " حتى ينخصم من الشحن ولا ينحسب على الفاتورة .
- هالخدمة بتفك الناس الي ينفصل جوالهم في اوقات حرجه ويمكن تسدد ويقولون لك 902 بعد 24 ساعة يشتغل بسبب نظامهم "الدايخ " وانت مضطر تكلم فعادي اشحن وكلم .
- وايضا تقدر تحط جوالك حد ائتماني منخفض 300 ريال ، ولو انفصل تشحنها وتكلم . - وايضا بعض الناس فواتيرهم مثلا توصل 1800 او 1000 وينفصل بسبب الحد الائتماني او بسبب الفاتورة قبل "العيد " باسبوع " وتلقى الشخص طفران فعادي يشحن ب100 او 200 ويكلم فيها .

[أبو رياض]

اقتباس المشاركة الأساسية كتبها ولد_الصفراء اظن موبايلي تبي تعلن افلاسه عقب مامسك الادارة الدكتور محمد بن سليمان الجاسر

أنا توي اقتنع إن موبايلي شركة منسمة .... أجل اللهم إني صائمـ :D

بعذرهمـ دقوهمـ دق

[أبو رياض]

اقتباس المشاركة الأساسية كتبها #ابومالك# والله خوووش خدمه مررره حلوه لاكن في نطل سوى غير محسوب عليهم رسوم شهري يعني انت تكون اغلى(( المشترك)) حاسبين صح ما يصح علينا . . . طيب كيف ادخل رقم البطاقه ؟؟؟

لا ياحبيبي عملاء "سوا" لازمـ يستخدمـ بطاقة إعادة الشحن ..

أما هذي الخدمة لعملاء الجوال يعني تستخدمها زيادة فقط ..

فحمت !!

عاد لاتزعل علينا يابومالكـ ترى حنا نحب الغشمرة ..

على فكرة ترى ألوان إعلانهمـ جازتلي مررررررة

( وش ينفع رقمي بدون تغطية )