 |
|
|
|
|
16-11-2006, 01:24 AM
|
#1 |
|
عـضـو
تاريخ التسجيل: Jul 2006
المشاركات: 288
|
يامُدمن ياخطير .. سويتها وركبت " التطوّر " عـرض !
سلخييييييير جميع ...
هلا بحقون المنتدى ..  هلا بالمصافيق المخاقيق .. هلا بنور العين .. وورد الزين وشوق القرب وروح البيَن .. ! هالايام بدى البرد يجي .. وانا عاد مستعد من العام .. يعني " خلاقيني " هي هي .. ماغيّرت فيها شي .. راح أغسلها مرّتن ثانيه .. واكويها والبسها .. ولا من شاف أو درى ! عالعموم .. أنا أنقطعت عن المنتدى .. الله يقطع " سرّ دحيّم " .. بسبب ضروف بسيطه .. لعلي ذكرتها لكم مُسبقاً عاد اليوم حبيّت أبشّركم أني ركبت التطوّر " ركوب الآدمي للحمار المنفهق " ..  تطوّرت مثل هالعالم .. وشريت جوّال .. تركنا البيجر أبو تحويله .. ودخلنا في ( أُسّ التطوّر ) التكنولوجي ... ! صراحه .. كانت نفسي تراودني من زمان ( مافيه مراوده إلا ووراها شرّ .. الله يكفينا شرّها ) ! .. كانت نفسي تراودني من زمان أني أتطوّر وأشتري جوّال .. تراودني أترك البيجر .. لأن زمانه ولّى وراح .. ! :D شديت من همّة نفسي .. ودبّرت نفسي بكم ريال .. وزرقت أنا و ( علي ولد السرسري ) لراعي محل جوّالات .. وطقيّت لي أحسن جوّال .. وخذت من عنده بعد ( حبل غسيل ) قصدي ( حبل رقبه ) .. عشان أخلّي الجوّال " يتدودل " على رقبتي قدّام الناس .. ويدرون أني رجّال " مقرش " وأمشّ خشمي بـ " خمسه ريال " ! قال راعي المحل .. مافيه إلا " جهاز مستعمل " .. راعيه بنقالي .. ومستخدمه إستخدام " حشمه " .. وماأستخدمه إلا سنه ونصف بس .. بنعطيكياه بكرتونه ومعاه بعد " شاحن " ودفتر تعليم بثلاث لُغات ! .. وافقت .. وطمرت به للبيت .. وجمعت إخواني .. وشغّلنا الجوّال .. من يوم شغّلته أرتعت .. طلعت يد رجّال كبير تسلّم على يد " بزر " صغيّر ! .. قلت في نفسي ( أدام هذي أوّلها .. ينعاف تاليها ! ... يعني بدينا بالخربطه والحركات الوِحشه ! ) ... !  فرفرت فيه شــــوي .. رحت يمين وشمال .. واخواني واقفــين على راسي .. تقولون " مجتمعين على ذبيحه " ! عاد آلحين أكتب لكم هالموضوع .. وانا سادحن الجوّال قدّامي .. مبسوط للآخر .. وأحسّ أني " أدّ الدُنيا " .. ! كل المواقع اللي تصفّحتها اليوم عن ( الجوّالات ) وكيف تحط جوّالك على الهزّاز .. وكيف تخلّي جوّالك " يشّر بدون صوت " ! قريت عن الجوّال أني أقدر مرّه أخليه يتصل وانا قاعد عنه بعيد .. وأقدر مرّات أخليه يصايح من دون ماجيه ! تطوّر عظيم في حياتي ... وبدايه موفّقه .. ومسيره عظيمه نحو " الدخول في التكلونوجيا عرض " مطلوب من كل من دخل في موضوعي أنه يسعفني باي شيء .. !  صوره .. مقطع .. رساله .. فيروس .. أي شي .. المهم خلوّني أحس أني صرت مثلكم .. أتكلّم .. أسمع .. أحتسي من ورا السماعه ! سلام ! = = = صورة جوّالي .. جعله يتربى في عزّي .. وعزّ الحكومه << لزوم نمدح في الحكومه هالأيام !  |
|
|
|
16-11-2006, 01:31 AM
|
#2 |
|
عـضـو
تاريخ التسجيل: Aug 2005
البلد: بالرياض
المشاركات: 544
|
ههههههههههههههههه
على هالجه قلت هالحين أن ثلاث وسبعين طلع ذا هذا الظاهر يستخدم حصاة الحين |
|
|
|
|
16-11-2006, 07:50 AM
|
#3 |
|
Guest
تاريخ التسجيل: Nov 2006
البلد: سعودي ياحبيبي
المشاركات: 24
|
هههههههههههههههههههه بس حبيبي والله الصوره طلعت الجوال حلو ومن شكله جديد طيب للبيع وهل فيه ضربات خخخ مدمن شاهي والله نفسي في شاهي بس مو حاصلي الوقت هذا الناس نايمه خخخخ تشكر يا اسنكرس على الزياره خخخخ قصدي الله يعطيك العافيه يا خمران شاهي على الموضوع الهادف والمفيد للورعان خخخ اقصد للبراعم يؤيؤ لا للرجال بس لايعصبون علينا
|
|
|
|
|
16-11-2006, 08:15 AM
|
#4 |
|
عـضـو
تاريخ التسجيل: Nov 2006
البلد: بـــريده
المشاركات: 17
|
واخزياااااااااااااااااااااااه البنقالي انظف منا شوفوا جواله الله يخلف على امهاتنا
|
|
|
|
|
19-11-2006, 07:56 PM
|
#5 |
|
عـضـو
تاريخ التسجيل: Oct 2006
البلد: بجنب بيت الجيران!!!!
المشاركات: 763
|
أحلى مبرك البيت!!!!!!!!!!!--فاهم صح
__________________
[[ayub0559@hotmail.com]] ]][[لاظاق صدرك من صواديف الأيام###دور على اللي آخر اسمه تميمي أتشرف بزيارتكم على الموقعwww.7u7u7u.com |
|
|
|
|
19-11-2006, 09:21 PM
|
#6 |
|
عـضـو
تاريخ التسجيل: Jul 2006
البلد: بريدة تالقي وللحضور تبسمي
المشاركات: 591
|
الله يطعمك من خيره ويكفيك شره مشكور مدمنوووووووووووووووه
__________________
|
|
|
|
|
01-12-2006, 12:34 AM
|
#7 | |||||||||||||||||||||||
|
عـضـو
تاريخ التسجيل: Jul 2006
المشاركات: 288
|
يعني أنت حاقرني .. ومايدريك .. يمكن جوّالي أبرك من جوّالك واهله حمايل وعيال ناس 
|
|||||||||||||||||||||||
|
|
|
 |
| الإشارات المرجعية |
|
|
النمط المتتابع
