|
|
|
28-11-2006, 12:17 PM | #1 |
عـضـو
تاريخ التسجيل: Sep 2006
البلد: بريدة
المشاركات: 16
|
وش دعوا اللي ساكن بالافق أو الريان أو الاسكان تحسب نفسك بالتحلية تراك ببريدة
كارفور يبي يفتح ببريدة
1-يا ناس وش فيكم كل ماجاء شي زين لقينا واحد اواثنين يخوفون <<ترا هذي من علامات الساعة>> كثرة الاسواق و كثرة الأمطار من علامات الساعة بديت أخاف انا وش الحل .................... 2- كارفور يبي يفتح بالتخصصي وليش يااللي تبي كل شي عندك بالشمال لاطريت الجنوب عندك تقول طاري نار جهنم <<الجنوب أعوذ بالله >> القهررر تلقاه ماله اسبوعين طالع من الشماس أعرف واحد ساكن بالشمال ويشتغل بالاتصالات اللي بالجردة والله ما تصدقون جاحد عن الناس انه يشتغل بالجردة........................................... ......... وش دعوا اللي ساكن بالافق أو الريان أو الاسكان:a وغيره البشر مسكن الأعراب تحسب نفسك بالتحلية ترااااااااااااك ببريدة |
28-11-2006, 05:33 PM | #2 |
عـضـو
تاريخ التسجيل: Aug 2006
المشاركات: 20
|
ههههههههههههههه
طيب أنت وين أنت ساكن قل الصزز |
28-11-2006, 08:45 PM | #3 |
عـضـو
تاريخ التسجيل: Nov 2006
المشاركات: 16
|
(تراك ببريده)يابوحمد على هونك شكلك انسان طاف بالتحليه وبعدين ابعطيك فايده ابغاه تكون براسك الفضل لله ثم لاهل بريده ابائنا واجدادك هم اللي وقوفوا مع الملك عبد العزيز ايام الحرب وفتحوا الرياض والشرقيه والغربيه والجنوبيه يعني مايكفيك!!! واخرتها تقارن بين بريده بعزها كامله بشارع واحد استح !!
هذا وتروح تقول تراك ببريده!!!! لك الفخر انك ببريده وياسفاب بريده عليك وعلى اشكالك كم من واحد يتمنا يجي يعيش !!! |
28-11-2006, 11:24 PM | #4 |
خبير تقنية حديثة
تاريخ التسجيل: Jul 2006
البلد: أينما وجدت الابتسامة :)
المشاركات: 5,034
|
كيف الحال . . .
__________________
إذا انقطع المطر . . فلا تلم الأرض على جفافها . . |
29-11-2006, 11:44 AM | #5 |
عـضـو
تاريخ التسجيل: Sep 2006
البلد: بريدة
المشاركات: 611
|
خلنا صريحين يابوحمد:
لو انت تاجر وتبي تفتح مجمع تجاري ضخم زي جيان او كارفو اكيد راح يكون من معالم المدينه الحديثه. ومعالم المدينه الحديثه من الصعب ان تنشأ في الشماس ولا في حي العجيبه صح ؟؟؟؟ يعني لازم يكون في حي له شوارع واسعه ومخططه تخطيط جيد وقرب مباني حديثه البناء او على الاقل مهب شعبيه . شكراً لك اخوي ؛؛؛؛؛؛؛؛؛؛؛؛؛؛؛
__________________
|
30-11-2006, 04:12 PM | #6 |
عـضـو
تاريخ التسجيل: Aug 2002
البلد: بريدة
المشاركات: 3,316
|
بريدة .. بأصالتها و علمها .. برجالاتها وإنجازاتها ..
بكبرها بعرضها .. بعطائها بـ ازدهارها .. تقارن بشارع وسخ , يشهد له تاريخ ذل العروبة بأقذر الصفات .. بريدة بنقائها .. بصفائها .. بإيمانها .. يذكر أسمها بجانب أقذر شارع .. عجبي !! من شباب ضيعوا اسمكِ يا بريدة .. لاتحزني يا مكرمة .. فإسمك تقف له السعودية إحتراماً وتمجيداً .. ** اذا جاء طاري طريق التحلية تقول انه طريق الشيخ زايد من المدح .. ناس عمرهـ ماشافت خير .. مع احترامي ابو احمد .. |
30-11-2006, 05:39 PM | #7 |
عـضـو
تاريخ التسجيل: Nov 2006
المشاركات: 142
|
كلامك يابوحمد صحيح عن هالناس اللي كل ما صار شي بدوا يطاطون وبعدين ما تحس إنك تعديت شوي على أعراض المسلمين ( عند ذكرك لحي البشر ؟ ) معنى الموضوع اللي تبيه رائع جداً ولكنك ما أحسنت العبارة
أشكرك يابوحمد ـــــــــــــــــــــــــــــــــــــــــــــ .:نديم:. |
01-12-2006, 02:40 AM | #8 |
لحظات مودع ..!
تاريخ التسجيل: Aug 2006
البلد: بريدهـ-
المشاركات: 4,127
|
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههه
ابوهم أنت . يأبوحمد .. اي والله على رسلكم .. فالجنوب .. هو الجنوب .. مقر الإمارة سابقاً وياليل ما أطولك .. |
01-12-2006, 03:28 AM | #9 |
عـضـو
تاريخ التسجيل: Sep 2006
المشاركات: 162
|
ما أقول إلا يحول ياللي ماله بريدة
__________________
الليـ نساكـ أنساهـ والليـ هواكـ أهواهـ والليـ قدر فرقاكـ تقدر على فرقاهـ [/center]
ـــــــــــــــــــــــــــــــ Mg_5676@hotmail.com |
01-12-2006, 07:51 PM | #10 |
عـضـو
تاريخ التسجيل: Sep 2005
المشاركات: 38
|
اخواني الأعضاء والقراء/انا اتعجب حقيقه من هذه التصرفات التى لاتخدم منتدانا فهو ليس تفرض فيه الاراء وانما كل يطرح رايه في هذا المنتدى دون تعصب لرائ هذا امر0
الامر الثاني هل تعتقدون ان ادارة اي مشروع تريد ان تقيمه تقيمه دون دراسه مستفيضه له ولموقعه0 الأمر الثالث هل اصحاب المشروع ينتظرون رائيي او رأي اخي ابو احمد او رأى اي عضواوقارء0 اخير ياابو احمد بريدة تتوسع في كل اتجاه وضعف الخدمات البلديه في الجنوب وعدم تفاعل ملاك الأراضي في تلك الأحياء هوسبب من اسباب عدم تطورها بالصورة المطلوبة مثل الأحياء الشماليه0 واخرا وليس اخيريجب ان نسعى لخدمة منتدانا بالبعد عن المهاترات فيما بيننا0 واخير يجب ان يكون لدينا وعي كاف للوقوف بجانب بلدية بريدة وأعضاء المجلس البلدي لتحقيق التطور المنشودلمدينتنا الغاليه وأزدهارها 0 |
02-12-2006, 11:59 AM | #11 |
عـضـو
تاريخ التسجيل: Sep 2006
البلد: بريدة
المشاركات: 16
|
بريدة بنقائها .. بصفائها .. بإيمانها ..
يذكر أسمها بجانب أقذر شارع .. اسمعني يالوسيم لو أجمع معظم اللي يصلون ببريدة مايصلون مثل اللي بالمناطق الأخرى سواءا في التحلية أو في غيره أنا أبسألك الضحك بالصلاة ما عمري شفته برا بريدة تقديم القدم في اثناء الصلاة أبدا ما تلقاه إلا من أبناء بريدة ببريدة انا معك المساجد تمتلئ لكن أينها بصلوات التراويح بل أينها بصلاة الفجر والعصر لكن في مكة وجدة أنا جربت من يصلي يصلي لله لا يهمه القيل والقال تجده في صلاة الفجر قبل الاقامة وبعدين لا تصفه بالمكرمة لاتحزني يا مكرمة ثم هذا انت قلتها يالملك (الفضل لله ثم لاهل بريده ابائنا واجدادك هم اللي وقوفوا مع الملك عبد العزيز ايام الحرب وفتحوا الرياض والشرقيه والغربيه والجنوبيه يعني مايكفيك!!!) أبائنا أجدادنا رجال بريدة كلهم بالموطا الا قلة القلة ياليت أخذنا صفاتهم ومراجلهم جيدين بالتطعيس والتفحيط وغيرها أردى منها كثيير...... عمرك سألت نفسك ليش الشباب يأخذون جيوب ربع هل شفته برا بريدة أقل من القليل هل شفته مع واحد متزوج أقل من القليل هل شفته مع واحد ملتزم حقيقة أقل من القليل اذن لم يأخذه الشباب لنشاطه وقوته بل لأسباب أخر الكثير منا يعرفها |
02-12-2006, 02:42 PM | #12 |
عـضـو
تاريخ التسجيل: Sep 2006
البلد: الدعوة
المشاركات: 607
|
على فكرة (كارفور) صاحبه يهودي وجيان صاحبها فرنسي (على هوينك)
__________________
{كِتَابٌ أَنزَلْنَاهُ إِلَيْكَ مُبَارَكٌ لِّيَدَّبَّرُوا آيَاتِهِ وَلِيَتَذَكَّرَ أُوْلُوا الْأَلْبَابِ }ص29
هذا الموحى به إليك -أيها الرسول- كتاب أنزلناه إليك مبارك؛ ليتفكروا في آياته, ويعملوا بهداياته ودلالاته, وليتذكر أصحاب العقول السليمة ما كلفهم الله به |
02-12-2006, 04:55 PM | #13 |
عـضـو
تاريخ التسجيل: Dec 2005
البلد: ساكنن ببريدة وانت وينهوبه !!؟
المشاركات: 583
|
الشمال هو الأكثر رفاهية والأكثر تطور
الشمال شمال والجنوب جنوب .. بالجنوب أتحداك تشوف بيت فخم .. لكن بالشمال العكس وبعدين الجنوب مابش العثيم وجيان والنخيل ..! هع هع هع |
09-12-2006, 06:15 PM | #14 |
عـضـو
تاريخ التسجيل: Sep 2006
المشاركات: 12
|
بسم الله الرحمن الرحيم
اخس واعقب ياالي تسب بريده اسمح لي ابو حمد اقول لك،،،بريدة ديرة العلم والعلماء بريدة من خيار المدن على وجه الارض بعد مكة والمدينة والقدس وغيره،،،اتحداك تطب ديرة تسبيرة مثله وتدور بشوارعه ولاتلقى شاب مكافح يبيع خضرة او طفل صغير يبيع تمر معوده ابوه،،اهل بريدة ناس مكافحين ورجالن اجاويد،،وسالفة جيوب الربع ذي ماتمشي علينا ياحبيبي،،،رح طب الزلفي شف ياحبيبي الصراحة انا ماشفت ديرة تشبه بريدة بالصفات في بلاد نجد مثل الزلفي،،،،ابد عيوبنا عيوبهم وميزاتنا ميزاتهم ،،حب الدين والبساطة والشرافة والشهامة عندنا وعندهم والعيوب الي عندنا عندهم مثلنا...حبيبي انت ماطلعت من بريدة شكلك ولا شفت الديار الثانية،،،،،،،،اطلع على الدنيا ياآآآآدمي ياخوي حرااااااااااام عليك والله حرام قسم بالله حرام تسبوننا سب عظيم،،كل من شفته من اهل الرياض واهل القصيم غير بريدة مابهم الا مثل صفاتنا ولكنهم يحسدوننا والله انهم يحسدوننا لكننا صتايم مانعرف ندافع عن انفسنا ونرد ونبين. لكن والله الصراحة هذي على ماقال اصطوانة مشروخة وملينا من تكراره،،كلا يوم يجينا واحد ويقول اهل بريدة شروفين واهل بريدة ملاقيف واهل بريدة بهم وبهم،،،متى نقضي من هالخربطة،،،خلاص اتركوا التعصب وليسمع اهل القرية اللي جنوب الوادي. |
الإشارات المرجعية |
|
|