 |
|
|
|
|
31-12-2006, 06:15 PM
|
#1 |
|
عـضـو
تاريخ التسجيل: Dec 2006
المشاركات: 7
|
خــــــ العــيــد ــــرفان
بسم الله الرحمن الرحيم
 اول شي اقول لكل عشاق منتديات بريده ستي كل عام وانتم بخير بمناسبة عيد الأضحى ( عيد اللحمه على قولة اخواننا المصريين ) والحين ابقص لكن سالفتنا يوم العيد ( والله ياهو وناااااااااسه ) :D صدق ما اكذب عليكن هو تعب بالحيل والله ياهم كدونا كد بالشغل ومهنوا كترنا بس مع كل هذا وناااااسه المهم في صباح يوم السبت الموافق 10/12/1427هـ مثل ماتدرون يوافق يوم العيد <<< غبيه انتي كلنا ندري انه يوم العيد بسم الله علي انتي وش جابتس عندي  وبعدين ماتصدقين تمسكين علي الزله ؟؟ خلاص اكرمينا بسكوتس لين ما اخلص سالفتي  المهم أنا من فرحتي نبزت من فجر الله مادريت اني ابتحسف على النوم واقول ليتي قاعده بالبيت ابرك لي بس يالله حالي حال هالخرفان هن مستانسات مايدرن ان اليوم بيذبحن وانا مادريت انهم بيشغلونن شغل عن شغل سنة كامله المهم قمت وقعدت احوس بالحجره اختي للحين نيمه وماقامت طبعا وكالعاده اسوي حركاتي الشريره :D واخليه تقوم اجل تبونن اقعد لحالي احوس وكلهم نيمين والغرفه ظلما وما اقدر افتح النور وهي نيمه هالبرنسس  المهم يوم اني قومته قعدنا نسولف انا وياه بعد ماصلينا الفجر اللي يشوفنا يقول ياحول هذولي لهن دهر ماشفن بعض ماتسننا انا وياه خششنا ببعض طول اليوم من التقيبل والله يا انا احيانا تحوم تسبدي من مقابل خشته <<< اقول تراى السالفه اللي تقصينه علينا عن العيد مهب عن اختس المصون  ايه صح ذكرتين .. المهم جاء ابوي من صلاة الفجر وقامت امي وصلت ويوم شميت ريحة القهوه نبزت من متساني ونزلت وانا انابط بالدرج من الفرحه تقل بزر تصدقون اني نزلت ورقيت مع الدرج فوق العشر مرات وماحسيت <<< هين انتي مخفه الحمد لله ماعليتس شرهه اقول بتسكتين والا تراي منب مكملة السالفه << لاخلاص كملي خلينا نشوف وش عندتس ويوم قضت القهوه حطيناه وقعدنا نتقهوى ونسولف ويوم صارت الساعه ست ونص قال ابوي يالله ياعيال قوموا تلبسوا خلونا نروح نحظر صلاة العيد طبعا هذي الدعوه للذكور فقط  وحنا قعدنا بالبيت نولم العده طبعا ثياب ابوي واخوي للذبح والسكاكين والاغراض هذي ..المهم يوم جوّ من الصلاة سلمت على ابوي وامي وحبيت روسهم وعايدتهم وقلنا يالله مشينا طبعا حنا عادتنا ان خوالي يجتمعون باستراحة جدتي ويجيبون ضحاياهم ويذبحونهن هناك حنا طلعنا من البيت واول شي رحنا لعمومتي سلمنا على جدي وجدتي وعموتي وعماتي وعايدناهم قعدنا عندهم حوالي ساعه ونص وبعده مسكنا الطريق لاستراحة خوالي .. رحنا هناك والا فيه خالي وجدتي توهم داخلين وعيال خالي وكان عدد الخواريف على قول بنات خالاتي 5 خاروفات <<<< الحمدلله والشكر اسمهن خرفااان مهب خواريف اعرفي اهرجي مثل الناس اقول انتي وراه ماتنطمين وتخلينن اكمل السالفه << خلاص هذاي سكرت اثمي هب المهم جت خالتي وعياله وعيال خالي الكبير واجتمعوا القصابين (( اللي هم خالي وعيال خوالي وخالاتي)) وبدوا تجليغ بها الخرفان وسلخ على قولة اخوي:  " بدوا يقتلونهن هالسافاحين " قمنا حنا يالبنات وشمرنا عن سواعدنا لبسنا الطراح والبراقع الجاكيتات المهم تسترنا وطلعنا حنا نحسبنا بنقعد متفرجات نناظر الذبح ونشرب شاهي  ..<<< الحمدلله والشكر يحسبنهن قاعدات يناظر مسرحيه يااااااربيه وانتي كل شوي ناقزتن لي وراه ماتنثبرين بمحلتس لين ما اخلص سالفتي؟؟  <<<خلاص خلاص وه ماحد يقدر يعلق على سالفته اقول لاتقعدين تحلطمين انثبري <<< خلاص هذاي اكلت تبن كملي السالفه  المهم يوم طلعنا وتجي كل وحده من خالاتي تستلم مجموعه من البنات وبقيت انا مار استانس وما امدان افرح الا وتنادين جدتي عاد انا يوم سمعت جدتي تنادين قلت عزالله هذا يومي الله يرحمتس ياليمـــامه .. وتمسكن جدتي واقعد انا وياه للعصر وحنا نقطع بهااللحم لين ماتفككت ايديني صدق اننا ناخذ استراحه بين وقت والثاني اول شي صلينا الظهر وبعده حطينا هاك الحميس اللي طعمه بالراس وبيبسي وبصل انواع الفله بس مافيه مفر الشغل وراي وراي ويوم قضيت آكله وغسلت ايديني قالت جدتي يالله باقي لحم يبي تقطيع قلت الله يعين زاد انا وش جابن من الاصل وراه ماقعدت بالبيت وكبرت الوساده ازين لي ..المهم كملنا شغلنا ويوم قال المؤذن الله اكبر نطيت من مكاني وقمت اسبح واتلبس واستشور شعري واتكشخ تدرون عاد الناس بتبدا تجي افواج تعايد جدتي طبعا انا اهتميت بموضوع التلبس والتزين <<< ايه انا ادري وراه تبين عشان تخطبين كاشفتتس :D اقول سكري خشتس ولاتهرجين بها الهرج تراي استحي من هالسالفه  <<< اقول يالكلاكه ذاك اليوم سمعتتس تقولين لاختس " وه بس متى أعرس " :D اقول كولي تبين وبلا فضايح ترا والله لاعلمهم وش انتي قايله <<< لاخلاص آسفه .. كملي السالفه ..المهم جو الناس مع المغرب واستانسنا وفليناه لين الساعه 11 بالليل انا بصراحه بديت انود ومسكت عيوني بقضابات عشان افتحهن غصب بعذري من الفجر نابزه وماصدقت رجعت للبيت عشان اجدع روحي بالسرير واناااااااام .. <<<تششششششششش الحين عندي سالفه عندي سالفه وهذي سالفتس اقول مالت عليتس بس الحين انتي وش حارتس يعني مابه الا انتي يسمع؟؟ وبعدين انا ماغصبتس تسمعين السالفه <<< اقول انا ابروووح طحتي من عيني عقب ذي احسب عندستس شي يستاهل خلاص فارزينا ولاتكثرين هرج... هذي سالفتنا يوم العيد صدق تعبنا بس والله ماقد استانست كثر هاك اليوم ... وسلامتكم ..  |
|
|
|
31-12-2006, 07:34 PM
|
#2 |
|
وقع مختلف
تاريخ التسجيل: Feb 2006
البلد: الرِيَاضْ ❤ ,
المشاركات: 5,788
|
ههههههههههههههههههه
الله يرج خرفانكم ..رحمهم الله :D .. الصراحه انتم سفاحيييين يااااااي تخوفون <<وش تبي هالخكريه هع.. انا مير ما شفت الخرفان ولا قبلن علينا ولا شفت اللحم ولا شيء<<ما اكل لحم وما خذته فرصه :D الصراحه قصه شييييييييي ..  احلى شيء حوارتس مع روحتس ..:D ياختي روحتتس ذي ملقوفه وراه ما تصكينه بتسف يهجده هاه ياحبيلتس ..والله انتس تونسين .. تسلمييييين على تشقيق الخشش:D تحياتي.. حايليه وكرم طائيه
__________________
آخر من قام بالتعديل ح ـايلـــيـة; بتاريخ 31-12-2006 الساعة 07:40 PM. |
|
|
|
|
03-01-2007, 01:51 AM
|
#3 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
عـضـو
تاريخ التسجيل: Jun 2006
البلد: [ قصيمية الكلمات والصمت .. بريداوية الميلاد والموت ]
المشاركات: 1,474
|
هلا والله وغلا باليمامات كلهن:D
ياحبيلتس وياحبيل خرفانكم .. اشهد انهن مزايين
ياحليلكم تتعيدون عند خوالكم؟؟ <<<<تحسب الناس كلهم سيمسيم هيا<<<أذكا غبيه
إيــــــــــــه ده ياسفاحين مش معأوووول دهوومااا مزلووووميـــــــــن<< افهمي السالفه ياخاله
هلااااا بيــــــــــــــك
أهم شي الستر وأنا أمتس.. باتسر تفتنين حدا هالخرفان واعلي عليه وش ذنبه هو<<<< أح أوووح أمزح أمزح وش جاتس تسبريت أنتي
ويــن أنتي بوووه؟؟؟ الدلع ذا بعيد الفطر يابعدي .. هالعيد ياذابح يامذبووح<<<<وادااافع البلااا  <<<عاد تخيلتس ياليمامه بتذبحين الخروف وتاصّته مع رقبته ويوم جيتي تذتسينه قام وذاتساتس<<<<ماتعرف تنكت بنت قصاب
أعوووذ بالله تسانكن تفشلن اللي ماينتفشل اهجدن ولا دفلجن كل ساعه متهاوشات ومتماعطات الشوش<<<ياتسذوبه متى >>>اكلمررره بس انتي ماتذكرين يمكن انتس مابعد ولدتي<<<<تصرف:D
يااااااااااااااااااوييييييييييييييييل قلبتس ياهوجاااااااااس آآآآآآآآآآآآآآآآآآآه اليمامه وثرتس متى وراه ماقلتيلي متى العزا وانا خالتس ومتى بيصلون عليتس ايييييييييييييه هذي الدنيا راحت بعز شبابه  <<<<مصدقه تراهحطينا هاك الحميس اللي طعمه بالراس يككككككككككك عاد انا ما أحبه ..ما أحب أي شي يوم العيد لا لحم ولا غيره لأني شايفته وهو يذبح ولا أشتهيه بس بعدين لا صار مجمد آكله يخيلي أن له ريحه..مادري
وجععععععععع لا ياللي ماتستحيت واثره انتي اللي ذاك اليوم سمعت أخخخخخخخخ بس
ياحليلكم وياحليل عيدكم فله ماشاء الله..
الله يسلمتس
__________________
 |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
|
03-01-2007, 03:56 AM
|
#4 |
|
عـضـو
تاريخ التسجيل: Dec 2006
البلد: حـــالياً فــــــــوق التـراب ! !
المشاركات: 2,042
|
ياااااااااااااااحليلك انتي وخبتس
[size=3]والله ياانتم فلة:41 اجل جدتس :D خلتس تقطعين هااااااااااااااااه
المهم انتس استانستي ياوخيتي .................والله اكثر شي اعجبني هاالي انتي تحاتسينه (روحتس)وراه ماعطيتيه طررررررررر ق,,,,,,,,,,,, قطع خوبلتبك...ايه العيد السنه الي تجي :D لاتاخذينه معك:::وسعتي صدري ... ويعطييييييييييييييييييييييييك العاااااااااااااااااااافيه [/size]
__________________
------------------ |
|
|
|
|
05-01-2007, 09:30 PM
|
#5 |
|
عـضـو
تاريخ التسجيل: Nov 2006
البلد: الخلـ بريده ـــيج
المشاركات: 232
|
والله ياعيدكم وناسه وفله >> لاتنحتين
ايه ماشاء الله عليكم ,,, تصدقين اونس عيد مر علي هالسنه بس ماسكة الكمره واصورهم >> الحظ مرتفع ســــــــــــلام
__________________
 " الحمد لله الذي بنعمته تتم الصالحات " يــاي ونــاســه:065: |
|
|
|
 |
| الإشارات المرجعية |
|
|
النمط المتتابع
