[نبظ القصيم]

الشاعر ياسر التويجري شاعر مبدع ولا شك في ذالك وقصيدته الاخيره في شاعر المليون تدل على مقدرته الشعريه. ولكن انا تكون اغلب ابياته من قصيده للشاعر ابوهلال الغيث اللتي عنوانها (( شاعر فقير )) فهذا مايثير الشك حول القصيده.
خلونا وياكم تشوف التشابه بين القصيدتين:
مطلع قصيده ياسر :
ولدت ساطي ومتغطرس واحب الخصام ولا اعترف في ادارت طبع ولا مدير
ومطلع قصيده ابوهلال :
قال بالله حالتك ذي ماتصير كنت اضنك عايش<ن> باحلا دلال
لاحظ قافية ياسر نفس قافيه الشطر الاول لبوهلال. وهذا شي طبيعي ان تتشابه القوافي بين الشعراء وإذا تشابهت القوافي تشابهت الكلمات ايضا خاصه إذا كان الشعراء من منطقه واحده, ولكن هناك تشابه في بعض المعاني وبعضها تناقض وكانها رد من الشاعر ياسر للشاعر ابوهلال وهذه بعض الامثله:
ابوهلال يقول مستهتر بمن يرتزقون من الامراء وغيرهم بشعرهم :
بالقوافي لو تجاملك امير وإلا شيخ شيخه بشت<ن> ومال
كان تسلم من محاتات الضمير يهتني لك في زمانك كل بال
وياسر يقول:
اخذت من مدرسة احمد عليه السلام مالا خذيته من مخاوى وزير وامير
واخذت من فلسفت هتلر عدم اللتزام وكسبت نفسي وريحت القلق والضمير
وكانه يرد على ابوهلال بانه كسب راحت الضمير بعدم اللتزام وليسى بمخاوات او مدح امير وغيره.
ابوهلال يقول
غيرك اللي في قوافيه شطير عايش<ن> دنياه نصب<ن> وإحتيال
يزرع المنجى من اكياس الشعير وش يضرك والشعر قول<ن> يقال
وياسر يقول:
من ما يسبب لبعض اعدائي الاحتدام اللي يحسبون قرض الشعر مثل الشعيروكانه يقول لبوهلال انه لايزرع المنجى من اكياس الشعير بمجاملة الممدوحين وانا الشعر ليس مثل الشعير.
ومن يلاحظ بيت ياسر في الثناء والمدح بالله عزا وجل عندا ماقال:
الله اكبر ولله البقاء والدوام وهو الإله الاحد وهو السميع البصير
يجد تاثر ياسر في قصيده ابوهلال والتي كان فيها يمدح الله عز وجل دون سواه ومن ضمن ابياته يقول الشاعر ابوهلال:
قلت جنب عن طريقي يالضرير ما اذل النفس لو ما املك ريال
بس ضاقت واصبح العالم صغير صارت ايامي كما سود الليال
لجلها قررت ابمدح لي كبير بمدح اللي عزتي له إنذلال
واحد ماله شريك ولا وزير مجري لافلاك منشي للخيال
باطن في كل هالعالم خبير ظاهرا من فوق كل الكون عال
عالم في كل مايجري بصير كامل به كل اوصاف الكمال
الى انا قال في نهايت القصيده:
هو إمير الكون ولا غيره أمير يستحق المدح ويفرح بالسؤال
هذه بعض الملاحظات حول القصيده وهو مجرد اجتهاد مني قابل للخطاء والصواب.
كما اعتذر للشاعرين الكبرين وجمهورهم إن لم احسن نقل ابياتهم او اخطائت في حقهم وشكرا

[لطام]

شيئ جميل ورائع اشكرك على هذا التوضيح وانا لا اعتبر التويجري شاعر