 |
|
|
|
|
27-01-2007, 01:30 AM
|
#1 |
|
عـضـو
تاريخ التسجيل: Mar 2003
البلد: بريده (رضي الله عنه)
المشاركات: 13,063
|
كيف الحريم يسولفن.. وعندهن بزارين..؟ [ واقع من تجربت المنخرش] الحمد لله إني ولد هع
السلام عليكم ورحمة الله وبركاته...
كلاً خلق على طبيعته .. فسبحان الله قبل ندخل باللغة العربية وبلاويها.. عندي كلمة بس أبقولها:D المرة الحرمة الست الآنسة ==>>> اللي تبون المرأة مخلوق عجيب عجيب جداً والله ماكنت أعرف أنه لهذه الدرجة.. من الصبر :D طبعاً محسوبكم .. مايعرف ينتبه للي حوله :D .. يعني أن المرأة في الأجتماع أو عزيمة أو حتى بالبيت.. تستطيع أن تدير شؤنها وهي جالسة مثال../ المكونات:D ولد بالمهاد الشغالة تطبخ الأب يتقهوى الأخت موصيتها أمها لشغل.. هاتف يرن الطبخة :D الأم تمهد الولد الصغير وبنفس الوقت تكلم والسماعة بإذنها والشغالة تصارخ ماما كم يبغا دجاجة سوي:D ==>>> أبوك ياللغة الأب ماد أيده لحرمته علشان تصبله.. الأخت تقول مالقيت اللي طلبتي يا أمي.. في هذه اللحظة لنضغط على زر  الآن في هذا الموقف والصورة متوقفة لو كنت مكان هذي المرأة ماذا ستفعل..؟:D ===>>> كان أصرخ بأعلى صوتي أنقذني ياحليب السعودية:D المرأة بسهوله.. تصب للأب وتقول زليخة ====>>> أسم الشغالة حطي دجاجيتن خلصت ممهده الولد طيب ووالدولاب من يبي ياخذه .... عيالي عندهم اختبارات كزي ودتس يأخذهن ===>>> تكلم بالتلفون :D يعني شي خيالي.. سوف اسرد لكم على عجل ماذا رأيت بالتفصيل.. كنت معزوم عند خالي ابراهيم ذاك اليوم.. عزيمة حريم فقط.. وأنا جيت أسلم على جدتي لأنها توه جاية من الرياض.. أول مادخلت البيت .. واسمع دوب طراق دوووم ==>>> حقت ميكي ماوس :D طقطع واناظر الحمد لله ماهنا شي.. وبزر يسوق سيكل وصدم الرف اللي بالسيب وطاح عليه :D المهم ياولد .. اهنا أحد ===>>> عاد مامن غطا أنا:D وادخل المجلس. ولا هالوالدة تصلي وخالتي بجنبة تصلي والبزر منبطح على ظهره قدام السجادة حقت امه (بموضع السجود) ومسند رجلينه على سيقان أمه :D ===>>> تخيل المشهد بس ههههههه إذا جت تسجد أمه (انا توقعت أنه تبي تعطيه طراق تنثر مخه) لكن يوم سجدت وخرته شوي وسجدت بصعوبة والبزر يضحك  .. جوا الجماعة سبع حريم ماشاء الله :D خلاتي وجدتي.. وأمي والبزارين أزعاج والسيب البيت لجة وواحد داخلن بسيكله لين وصل باب حمام الصالة ولبق السيكل وعلى نزلته بنعلة الحمام لبسة ودخل (أيقاله نظيف لا انضفه بابطي) :D والثانية تركض وبأيده جبس :D والثالث ملحوق بكعب:D والرابع يصيح بعد معركة والخامس مع الخيل ياشقرا ==>>> كثيرين من هالجنس :D (لو تحط بالك لهم) المهم المشهد الآن داخل المجلس.. شوي وجت القهوه شايلته خالتي وبيده جوال أخته وتقول لأمي أمسكي الجوال وعطيه حصة لقيته مجدوع بالطريق :D شوي جاء الموكب اللي قدام يصيح واللي وراه الحريش معناة الحريش لغة/ الشخص يحرش على الثاني للأنتقام اصطلاحاً/ حق شرعي يتخذ من فلان المعتدا عليه :D المهم.. القدام يصيح ومودينه لأمه.. يوم وصلوا الولد اللي يصيح زاااد صياحه يوم شاف أمه مادري ليش :D ويوم بدأ فريق الحريش يسرد المأساة وأن الجاني أعتدى عليه زاد بكاءه أضعاف مضاعفه:D والجاني هو الشرير اللي يخرب عليهم .. وهذولا جايين فزعة.. لجة × لجة.. يا أخوان والله ما أزود عليكم.. كنت أبطلع لما سلمت وأنا من النوع اللي مايحب اللجة أبداً.. لكن قلت خل أبجلس وأشوف الحريم ليش جالسات مايحسن ولا ليش أجل.؟ قررت أعرف السر وجلست.. لأن الأمر لا يطاق.. اللي يقهر زيادة أنهن يسولفن عادي انا من يوم دخلت لين طلعت ماسمعت سالفة كاملة أبداً.. المهم نكمل :D جات البنت اللي بيده جبس تبي حلا اللي تووه واصل عاد مكتوب بالجبس.. سلمان بطل العالم.. عفاف غبية:D ==>>> عفاف هذي صاحبت الجبس لكن كما ذكرنا لكم أنه لاتوجد محكمة تقضي الأمر المشكلة أن الجبس جاي بسبب سلمان :D وهو اللي يستغل الدعايات على الجبس وتشوف توقيع بالجبس وحركات.. ورقم لوحة سيارت أبوه:D المهم.. شوي ويجي الحلا.. ماشاء الله كشخة الحلا هذا منهو حقه.. هذا اللي مزينته أبتهال ماشاء الله بس يطقطق مخي إذا أكلته ===>>> فيه عبس مطحون:D شوي ويدخل القشد زى ماقال واحد من الشباب (تمر حار):D هذا مزينته أمي منيرة:D طيب والكيك هذا .. وأنا أسأل رن الجوال ويسهجونن والتفت وشلونتس ياميميتي أقصد جدتي ما اسمعتس والله طيبة أنتي بس (بدينا نتكلم بالأشارات):D هذا الكيك جاهز يالمنخرش ===>>> لاحظوا أنها مانست السؤال ورجعت وجاوبت بعد المكالمة بزر يصيح دخل ودار بالمجلس وطلع (مالقا أمه):D والثاني لفض اللي بثمه وحلته ورا الكنب (وأنا جالس أراقب ) لأن هالوقت مايفيدك إلا (العيون فقط) الآذان ماينفعن هالوقت :D يماااااااااااااااااااااااه يوووووووووووووووووووووووووووووه أخوي شنتر على روحة:D الأم/قولي لأفنان توضيه أنا أصب للضيوف:D المنخرش المنخررررررررش المممنخررررررررررررررررررررررررررررررررش الله يعطيك الصقة ماتوحي... سمي إلا بس جالس أشوف هذا البزر ياويلي .. يدور امه :D أقول وش رايك بقهوتي :D ====>>> ماجابت خبر البزر.. متعودي ههههه أنا/واالله ممتازة لو مابه مسمار كان أحسن.. ابتش أزين المسمار أمك منيرة تحبه .. (طيب انا وش دخلي):D ايه صح .. صدقتي.... سكته بس :D لطيفة دريتي أم عبد الله بالشهر التاسع..؟ ايه دارية من كثر التبطح عرفت انه بالتاسع:D اقول يالربع أذكروا الله ===>>> ماهنا غير العجز هن اللي يذكرن الله يرزقهن الجنة لاإله إلا الله جدتي/ااسكتوا ابحتسي:D شوفن كلكن الحين هذي بدرية وهذي بنت أخوي سليمان وهذي بنت عمتكم ياحصة كلهن بالتاسع يبي يجعصن جميع ماشاء الله :D ماندري عاد لكن ولدي الأول أكبر من ولده.. هذاك اليوم على مدار العام بالظبط جابت ولد هي ماشاء ا لله سنه بالظبط المية بالمية :D أيه بس ربا كبر بنتس منى اللهم أنه أذهن شوي وتحتسي من يوم هي صغيرة ابتش شفتي ان ماعندتس سالفة الحين ميساء بنت سليمان كم بينه وبين عفاف :D والله مادري بس أذكره يوم أنا متوحمة بعاصم وهي جاعصته.. ايه يعني ماهنا فرق يسوى .. راسي بد يوجعن ماتحملت هاللي تشوفون يسولفن ويتكلمن .. وبزارينهم فوق روسهم يووه أبي هذا أبي كليجا مابي قهوه أبي كيك أبي فصفص مافيه فصفص إلا أنا شفته مع ناصر.. طيب رح قله يعطيك يووووه أبي ريال أبشري من بسطت بشاير وش حيت نهاد أنا مالي دخل بالناس نهاد عنده أمه تعرف تأخذه منه..الله لايبارتس بهالبسطة ومن جابة يالله الحين يبي يعافون العشاء الله يخلف..:D ثنتين بندول على الطاير.. وسّخ ولدي بزرها طاح من السيكل واحد مفلوق بطنه يوجعه ميتن حر (مدحملينه أهله لين قال بس):D ضاع رياله خرب جنزير يسكله طلع بي دم جوعان كسر الدفاية طاح على الغاز انشلق أصبعة والمرد والمرجع الأم يالله شي غير طبيعي لو أنا جالس زياده نصف ساعة كان مت ما أعضمها من أمومه وما أعظمهن من نساء.. طبعاً الكلام يطول جداً.. ولكن ماودي اطول عليكم زيادة يسد هذا ههههههههههههه لنا لقاء قريب جداً.. محبكم/أبو فهد
__________________
|
|
|
|
27-01-2007, 01:59 AM
|
#2 |
|
عـضـو
تاريخ التسجيل: Dec 2005
البلد: ساكنن ببريدة وانت وينهوبه !!؟
المشاركات: 583
|
لي نكسة يالبي ..
|
|
|
|
|
27-01-2007, 02:25 AM
|
#3 |
|
عـضـو
تاريخ التسجيل: Dec 2006
البلد: حـــالياً فــــــــوق التـراب ! !
المشاركات: 2,042
|
ههههههههههههههههههههههههههههه
مره جاء خالي يبي يسلم على الحريم وجلس شوي بغااااينهبل ماااااايدري من يناااااااظر ولا منهي الي تحتسي؟؟؟؟؟؟؟؟ ولاحراج انهبل وهج قااااااال معين الباب ههههه ايه هذا شي مب زين فوضى ولا تسمع ساااااالفه كااااااامله ولاتشوف شي من روس البزارين الي يتناااااااهبون الحلا تقل مجااااااااعه حتى التمر يغلي وكبكبة فنااجيل وصعفقه وهنك تقول لأحد البزارين اطلع بااااااالحوش كان تقول امه مهب بس ولدي ماااااقال شي هذااسامة وهكذااااااااااااا لا ولاشفتو بااااااااالعشاء وش يصير عجاااااااااايب وغراب وناااااااسه مخلوطه بفواصل لجه وصجه) لوسمحتي يم صالح نبي كرتون (بناااااااااااااااااااادول) والي ماااااااتحب اللجه تنتظر لمااااااااتخلص اللصجه حتى تقول سالفته ؟؟؟بس يحول مته !! الى راحو الناس ماااااابقا غير امهم تنود تحتريه تروح وهي فرحه تقص القصه لا همن يرن ابوهم بالجول يقول اطلعي وبعد ماااااااااتدري وين عباته تلقاااااااه معلقينه البزارين على الشجره ؟؟ هههههه وهكذ تقطعت السالفة 33الف مره
__________________
------------------ |
|
|
|
|
27-01-2007, 02:28 AM
|
#4 |
|
عـضـو
تاريخ التسجيل: Aug 2004
البلد: Qassim
المشاركات: 2,842
|
هههههههه
والله ياهوي واقع غريب ياعالم .. الحريم هبال × هبال وياخي .. غريبين متعودات يحول على كثر الخرش
__________________
إذَا أَنْتَ لَمْ تَعْشَقْ وَلَمْ تَعْرِفِ الهَوَى*** فَقُمْ واعْتَلِفْ تِبْنَاً فَأَنْتَ حِمَارُ |
|
|
|
|
27-01-2007, 03:42 AM
|
#5 |
|
عـضـو
تاريخ التسجيل: Nov 2006
البلد: الرياض
المشاركات: 1,061
|
كككككككككككككككككككككككككككككككككككككك
الله يكون بعونهن ويعظم اجرهن ويرزقهن بر عيالهن والله انهن صبورات الين قالن آمين اخي منخرش اهنيك على الاسلوب الكوميدي بسم الله على عقلك ودينك
__________________
سبحـــــــــــــــــــــــــان الله والحمـــــــــــــــــــــــدلله والله اكبـــــــــــــــــــــر
التوقيع هذا من الجني بسم الله العبد الله يبيض وجهه |
|
|
|
|
27-01-2007, 03:55 AM
|
#6 |
|
عـضـو
تاريخ التسجيل: Jul 2006
البلد: abuslman18@hotmail.com
المشاركات: 1,047
|
الأم مدرسة إذا أعددتها . . . . أعددت شعباً طيب الأعراق
حقاً عالم غريب و عجيب جداً .. المرة الثانية يابو فهد إذا سلمت هج وإقضب الباب تراه أسلملك ..
__________________
.
. يَشدُو بِها أَوْطفُ العَينينِ ذُو هيَفٍ - - - - أغنُّ في شَدوِه تَرجِيعُ ميَّـاحِ |
|
|
|
|
27-01-2007, 04:15 AM
|
#7 |
|
عـضـو
تاريخ التسجيل: Jun 2006
البلد: بلاد التوحيد
المشاركات: 1,791
|
أقووووووول وراه أمي لا جت من طلعة الخميس
وأنا بالسيارة تبدى تقص علي سالفة وتقول قالت وفاء وبعد نصف السالفة تقول ما أدري وش قالت ( إنقطعت السالفة ) وبعد دقيقتين تقول: إيه صح أخبره راحت توضي ولده ولا كملت الله يعــــــــــــــــــــــــــــــــــــــينهن
__________________
. . . . ((( بدون توقيع ))) |
|
|
|
|
27-01-2007, 04:31 AM
|
#8 |
|
عـضـو
تاريخ التسجيل: Dec 2005
المشاركات: 79
|
ايه والله ( مكره أخاك لابطل )
مجبورة المسكينة على هالشي ولا كيف تعيش ؟؟؟ يروح عمرها وهي تربي وتوصل ارحامها وتحاول توسع صدرها وصدر عيالها عساهم يبرونها أن شاءالله وهذا كله من رحمة الله ولا كان ماتعيش أبد والرجال حاط رجله مع أخوياه وكل شي على كبدها المسكينه وبعدين يجي يدور عذروب يسبها فيه بس تبون الحقيقه ؟؟؟ دايم اشوف الحريم يسولفن ولا اشوفهم يسمعن ؟؟؟!!!!!! تحس أنهن يبن يفضفضن بطريقة أخرى <<< لحقي يالفصحى وسلامتكم شكرا يا المنخرش ويمدحون اكسترا |
|
|
|
|
28-01-2007, 10:23 AM
|
#9 |
|
عـضـو
تاريخ التسجيل: Mar 2003
البلد: بريده (رضي الله عنه)
المشاركات: 13,063
|
][]ٍ[ أبو بكر ][][
بانتظارك... مجموعة مشاعر والله مادري أنت ولد ولا بنت أعتقد إذا كنتي بنت أن أبو شنب غاب عن التوقيع وبديتوا تردون وإذا كنت ولد  أبرد عليك.. هههههههههههههههه شكلك تقرب لي أنت ==>> يحسب مابه إلا هو عنده حريم ما أعتقد في مرة ماتحب اللجة استملس الجلد شكراً لك خيواا
__________________
|
|
|
|
|
28-01-2007, 10:56 AM
|
#10 |
|
عـضـو
تاريخ التسجيل: Jan 2007
المشاركات: 22
|
الله يرفع قدرهن ويجزاهن الجنه ..
ابو فهد أنا خابرك تبي تحستي عربي صدقي ؟ وينه .. ولا ظاع بالطاسه .. المهم يا ألبي شف الرسايل .. |
|
|
|
|
28-01-2007, 12:54 PM
|
#11 |
|
عـضـو
تاريخ التسجيل: Mar 2002
البلد: بريدة
المشاركات: 533
|
ههههههههههههههههههههههههههههههههههههههه
روعه يالمنخرش الله يعطيك العافيه على قولة لجه اخبر بمجلسهم عشر الي يهرجن ووحده اللي تسمع ههههههه المهم بس تطلق حنتسه ^_^ كل التحيه
__________________
|
|
|
|
|
28-01-2007, 01:28 PM
|
#12 |
|
عـضـو
تاريخ التسجيل: Mar 2003
البلد: بريده (رضي الله عنه)
المشاركات: 13,063
|
المتحرك
هلا بيك.. والله ياعليك صورة رمزية كل ماشته أحط الماوس عليه أبكتب البي .. صدقت والله لو تجلس عندهن 10 دقايق ان تنخرررش أنا لو أنا بزر كان هجيت ابوخشــــه هلا أبو خشة يالله أنك تحيي هالخشيشة بس لاتعير أنت الكوميدي مهب أنا انت بيتزا شيكرن ياخلفهم الـشَـكِـيـمْ أول مرة بحياتي أشوف معرف بتشكيلة فتحه وضمة ووناسة هههههههههه أنا أشهد وصدق الشاعر يالبي.. أنا قاضبن الباب من يوم بدا يطقطق مخي وللبقية ردود محبكم/أبو فهد
__________________
|
|
|
|
|
30-01-2007, 05:06 PM
|
#13 |
|
قد ثلمت من الإســلام ثلمة
تاريخ التسجيل: Sep 2001
البلد: اللهم ........................... إغفر لي ما لا يعلمون............. واجعلني خيراً مما يظنون......... ولا تؤاخذني بما يقولون..............
المشاركات: 3,708
|
حسبي الله عليك يالمنخرش موتن من الضحك صراحة كان ودي أعلق على موضوعك لكن المشكلة كل جزء منه يبي تعليق وأنا صراحة ميت من الضحك وعجزن أكتب أثره مهب بس حنا اللي يصير عندهن هالشي قسم بالله كنك تشوف إجتماعات عماتي وخالاتي نسخة بالضبط بس يختلف المكان وتختلف الأسماء لكن ما أقول إلا كان الله بعونهن ووجعل عملهن لوجه الله والله يرزقهن بر عيالهم وأزواجهن ويرزق أزواجهن بر عيالهن وبرهن آمين
__________________
" والله يا إخوة بقدر ما تعطي أي قضية من وقتك بقدر ما تكون هناك نتائج القائد الشهيد خطاب تقبله الله في الشهداء
|
|
|
|
|
30-01-2007, 06:55 PM
|
#14 |
|
عـضـو
تاريخ التسجيل: Mar 2003
البلد: بريده (رضي الله عنه)
المشاركات: 13,063
|
المملوح
هلا بيك أجل أنت نفس النمونه هههههههههههههههههه الله يكون بعونهن إن شاء الله
__________________
|
|
|
|
 |
| الإشارات المرجعية |
|
|
النمط المتتابع
