 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
 |
|
|
أدوات الموضوع | طريقة العرض |
29-01-2007, 02:26 AM
|
#1 |
|
.. وللشطوب نكهة و نكهة ..
تاريخ التسجيل: Feb 2002
البلد: هناك
المشاركات: 16,085
|
مااااااااااااااااااات الحلم ياإبرااااااهيم .. سي يو ..
بسم الله الرحمن الرحيم .. ومااااااات الحلم .. سي يو .. <<((== وش رأيكم مايصلح إسم فلم وإلا قصيدة .. السلاااااااام عليكم ورحمة الله وبركاااااااااااته .. هلا بعياااااااااااااال بريده كلهم .. هلا والله بعيااااال علي .. <<((== فرقعين جدي .. وش جااااااب عيال علي .. همن يجي ابو مهوس ويقول شفتوا إنكم شيعة .. :D قصدي هلا بالبي عيااااااااال السناني .. علشان نصير ( سنة ) :D هذا بمفهوم أبو مهوس عااااااااااااااااااااااد .. ابو سليمان .. يبلغ من العمر 75 عاماً .. عنده أم سليمان وخمسة عيااااااال وأربع بنااااااااااات .. أصغر عياله ( ابراهيم ) عمره 25 .. وعزوبي .. في يوم من الأياااااااام قام ابو سليماااااااااااان يرنع بالباب حق غرفة إبنه الأصغر ( ابراهيم ) يابراهيم .. يابراهيم .. يابراهيم يابرميل هالنوم قم ابيك .. قام إبراهيم وقعد ( يقلع ) الغمص اللي بعيونه .. سم سم .. هذاي قمت .. طلع إبراهيم لأبوه وقاله سم .. آمر .. وش عندك .. قال أبوه .. ياوليدي خلك مستعد ترى العصر نبي نروح لبيت ( الفلاااااااااان ) نبي نخطب منهم .. ( تذكر ابرااااهيم إنه قايل لأمه .. يمه ابعرس ) عاااااااااااد دور إبراااااااهيم .. انوااااع الوناااااااااااااااااااااسة .. قاااااام إبرااااااهيم .. ودخل ( يسبح ) لأنه من يوم دخل الشتااااااااء ماسبح .. علشااان البرد .. ولاهناك ( عرق ) يطلع .. يعني مايحتااااااج يسبح .. قام ابو خليل وظبط السكسوكة .. وحف الشنب .. وصار الشنب كأنه ظلااااااااااال برطم .. وإستعد للخطبة .. وبعد صلاااااااة العصر .. ابو سليماااااان يناااااادي ولده إبرااااااااهيم .. يالله يابراااااااهيم نبي نروووووووووووح صيفنا على الجماااااااااااعة .. دق ابو سليماااااان البشت والشمااااااغ المكوي .. وثوب الدفة .. وصك الغالوقة ( القلااااااااااابي ) وصلوا لبيت أهل العروسة .. ونزلوا .. ودخلوا بالمجلس .. وإبرااااااهيم مرتز ومشخص .. وإبو سليمااااااااان وجه غاااااادين أحمر .. لأنه غايلن روحه بصكة زرر هالطوق هالغالوقة .. قال ابو سليمان .. لأبو العروووووووووووسة .. حنا يابو فلااااان جايين نخطب بنتك فلااااااااااااانه .. والثور إبراااهيم مستانس ويوزع إبتسااامات .. قال ابو البنت .. وحنا ماعندنا مانع .. وأبرك الساعااااات ولانلقى ابرك منكم يابو سليمااااااان .. ومن يوم تكلمن وأنا مجهز البنت .. وهذا الشيخ مولمه .. <<((== مولمه والله لو هو زمزمية .. وإبرااااااااااهيم متشقق مستااااااااااااااااانس .. قال الشيخ بسم الله الرحمن الرحيم .. توكلنا على .. تعاااااااااااااال يالعريس بجنبي .. قاااام ابراهيم يبي يجلس بجنب الشيخ .. قالوه ابوه .. وين تبي .. قال ابجلس جنب الشيخ .. هو يقول تعاااااااااال .. قال ابوه .. أها بس انلزع بهاك الربعة الين نقضي .. الشيخ ينادين أنا مهوب انت .. قام ابراهيم ياويلي يجر أذيال الهزيمة .. وجلس ابو سليمان بجنب الشيخ وعقد الشيخ لهم .. وقالهم بالتوفيق يالبي للجميع .. يالبي <<((== .. شكل هالشيخ معنا بالمنتدى .. طلعوا من بيت ابو العرووووووووووووووسة .. وأبو إبرااااااااهيم مستاااااااااانس .. وسليمان مطنقرة معه .. وقال لأبوه يبه وشوالوه تعرس انت .. المفروض تزوجن أنا .. أنا اللي أحق بالزوااااااااج .. قال ابو .. أها بس إنثبر .. أبعرس .. ابي بنت عمره 18 .. أبتشبب .. سبحااااااااااااان الله .. رجل بعمر الـــ75 سنة .. يتزوج على فتاة كالزهرة .. ويقول ( ابتشبب ) يعني هو يبي يتشبب .. بس يبي يشيب بالبنت .. وش ذنب هالمسكينة .. علشاان تروح زهرة شبابة مع هالشايب .. مانقول لايعرس .. لكن يدور زوجه بالأربعين أو بالخمسين .. أو قريبة من عمره .. ويخلي هالشابة لولده الشااااااااااب .. ولكن مانقول إلا تشببو وشيبوا ببنات الناس ياهالشيباااااااااان .. سي يو ..
__________________
. . .  .. قلب البحطلة ينبض ..ينبض ينبض ينبض .. . |
|
|
29-01-2007, 02:49 AM
|
#2 | |||||||||||||||||||||||
|
عـضـو
تاريخ التسجيل: Jul 2006
البلد: بريدة ، دومة الجندل
المشاركات: 1,457
|
الأب : أول المقال كنيته أبو سليمان ، وآخر شيء صار أبو إبراهيم . الإبن: أول المقال اسمه إبراهيم وآخر المقال اسمه سليمان !!! عفواً نسيت أشكر أبو إبراهيم على هالموضوع الإجتماعي الساخر ، فشكراً ألف ، وأما المذكور في الأعلى فهو مجرد مزح وتصيد على استحياء شكراً ألف أستاذ مدحت .
__________________
قال صلى الله عليه و سلم:(( مَنْ تَعَارَّ مِنَ اللَّيْلِ فَقَالَ : لا إِلَهَ إِلا اللَّهُ وَحْدَهُ لا شَرِيكَ لَهُ لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ الْحَمْدُ لِلَّهِ وَسُبْحَانَ اللَّهِ وَاللَّهُ أَكْبَرُ وَلا حَوْلَ وَلا قُوَّةَ إِلا بِاللَّهِ العلى العظيم ثُمَّ قَالَ : اللَّهُمَّ اغْفِرْ لِى أَوْ دَعَا اسْتُجِيبَ لَهُ فَإِنْ تَوَضَّأَ وَصَلَّى قُبِلَتْ صَلاتُهُ )) رواه البخاري .تعارَّ من الليل : أي هبَّ من نومه واستيقظ . النهاية . |
|||||||||||||||||||||||
|
|
|
29-01-2007, 02:52 AM
|
#3 |
|
عـضـو
تاريخ التسجيل: Mar 2002
البلد: بريدة
المشاركات: 2,071
|
هلا بألبي الباش مهندس صنايع : متحت .
اللوم وانا اخوك مهوب على الشايب اللي يبي يتشبب ( لأنه من حقه ) لكن اللوم كله على هالثور ابو البنت اللي يجدع بنته على شايب كبر جده .. واللوم بعد على هالبنت البقرة اللي تقبل بهالشيء . وبعدين تعال أنت ووجهك : أنت وش دخـّلك أصلاً ( خربه :D ) ابو البنت راضي .. والبنت راضية .. وش ملقفك ؟؟ وهالشايب المملوح ما أخذ من حلالك شيء ولا زاحمك على البنت اللي تبي .. فلا تخليه علثة . بنات الناس واجد .. بس انت اجزم وألف عنز قصدي بنت تتمناك . وتقبل تحياتي 00 المتزن
__________________
في المجتمع المريض الاستشهاد بالرجال أولى من الاستشهاد بالأدلة والأفكار !!
|
|
|
|
29-01-2007, 03:00 AM
|
#4 |
|
عـضـو
تاريخ التسجيل: Jun 2006
البلد: بلاد التوحيد
المشاركات: 1,791
|
موضوع جميل وطرح رائع
صدقت يوجد عندنا هذه الأيام من عمره فوق الخمسييييين وياخذ بنت عمره 18 - 20 سنة ( الله يخلف ) لا وبعد يجيب منه عيال وبعدين يموت هالشايب وولده في سن المراهقة ولا عنده أحد يربيه ...................... أشكرك ( مدوحتي ) على موضوعك الشيق ..............
__________________
. . . . ((( بدون توقيع ))) |
|
|
|
29-01-2007, 03:22 AM
|
#5 | |||||||||||||||||||
|
مشـرفة سـابقة ..
تاريخ التسجيل: Feb 2006
البلد: الريـاض ~
المشاركات: 3,056
|
أنا أخبر ابراهيم الولد والابو أبو سليمان !! لايصير غلطان ماخذن الكبير بدل الصغير !! هالشيَّاب صاروا يغارون إذا أعرسوا عيالهم بدت االتخطيطات والأفكار تلعب بروسهم
أعرف شايب يوم أعرس أصغر عياله نغر وأعرس وألحين عمره 85 وعنده بنت عمره سنه !! اللهم لك الحمد شايب بالعمر هذا ويدور مره هذا رِجل بالدنيا ورِجل بالقبر مفروض ماسك له عامود مسجد ويطلب ربه بدل النهقي الزايد .......... اللهم لاتجعل الدنيا أكبر همنا |
|||||||||||||||||||
|
|
|
29-01-2007, 03:38 AM
|
#6 |
|
عـضـو
تاريخ التسجيل: Jan 2005
البلد: Islam world
المشاركات: 687
|
المصيبه إذا كانت البنت غير راضيه . ولكن والد البنت يطمع بمال هذا الشايب ثم يقوم ببيع بنت الصغيره بألاف على هذا الشايب ... طمعاً بماله , هذا هو الظلم والله المستعان . ولكن إذا كانت راضية به وموافقه بملء ارادتها فهذا امر آخر . ولنا في رسول الله صلى الله عليه وسلم اسوةٌ حسنه في زواجه من ام المؤمنين عائشة رضى الله عنها . جزاك الله خير اخي ابوابراهيم على موضوعك الرائع .
__________________
((( أَلَا إِنَّ أَوْلِيَاءَ اللَّهِ لَا خَوْفٌ عَلَيْهِمْ وَلَا هُمْ يَحْزَنُونَ ))) اللهم يامقلب القلوب والأبصار ثبت قلبي على دينك قال الإمام بن الجوزي رحمه الله ..: "يا مطرودًا عن الباب، يا محرومًا من لقاء الأحباب، إذا أردت أن تعرف قدرك عند الملك، فانظر فيما يستخدمك، وبأيِّ الأعمال يشغلك، كم عند باب الملك من واقفٍ، لكن لا يدخل إلا من عني به، ما كلّ قلبٍ يصلح للقرب، ولا كلّ صدرٍ يحمل الحبّ، ما كلّ نسيم يشبه نسيم السحر" |
|
|
|
29-01-2007, 03:50 AM
|
#7 |
|
عـضـو
تاريخ التسجيل: Jun 2006
المشاركات: 163
|
عادي
كم عمر الرسول صلى الله عليه وسلم يوم تزوج عائشة وكم عمرها .......؟؟؟؟ |
|
|
|
29-01-2007, 01:31 PM
|
#8 |
|
مشرف أخبار بريدة
تاريخ التسجيل: Jan 2007
البلد: القصـ بريدة ـيم
المشاركات: 11,055
|
الاخ الادريسي حفظه الله الرسول صلى الله عليه وسلم تزوج عائشه رضي الله عنها عمرها ست سنوات ودخل فيها وعمرها تسع سنوات وكان عمره واحد وخمسون سنه ودخل فيها وعمره اربع وخمسون سنه وتوفي الرسول صلى الله عليه وسلم وعمرها ثمانيه عشر سنه رضي الله عنها
|
|
|
|
29-01-2007, 01:32 PM
|
#9 |
|
قد ثلمت من الإســلام ثلمة
تاريخ التسجيل: Sep 2001
البلد: اللهم ........................... إغفر لي ما لا يعلمون............. واجعلني خيراً مما يظنون......... ولا تؤاخذني بما يقولون..............
المشاركات: 3,708
|
أبو أبراهيم كفو والله على هالكلمات بس لا يدري خالك ( أبوالمرة ) همن إتمنى أنك بوسط الرافضة ولا عنده  طبعاً إذا هو ناوي يتشبب :D على طاري الرافضة أول ماقريت العنوان قلت شكله راح حلم مدحت بالسفرية اللي للشرقية الله يرحم الحال وأنا أخوك  فعلاً مصايب لكن وش نقول الشكوى لله وبس
__________________
" والله يا إخوة بقدر ما تعطي أي قضية من وقتك بقدر ما تكون هناك نتائج القائد الشهيد خطاب تقبله الله في الشهداء
|
|
|
|
29-01-2007, 02:03 PM
|
#10 |
|
عـضـو
تاريخ التسجيل: Sep 2001
البلد: حولك
المشاركات: 7,887
|
إعرف شلون تسولف همن أرد عليك ..
مرة سليمان و مرة أبو إبراهيم و .... الخ و الله إنك دوختن بهالأسماء .. لكن ما ألومك يا أبو إبراهيم ــ شكلكه إنقهرت و أنت تكتب و من الغثى صارت الحرّه بالأسامي .. ههههههههههههههههههههههههه ما تلام ، يا شين الشيبان لا بدوا يخربون سوقنا ..
__________________
.
 . |
|
|
|
29-01-2007, 03:07 PM
|
#11 | |||||||||||||||||||||||
|
.. وللشطوب نكهة و نكهة ..
تاريخ التسجيل: Feb 2002
البلد: هناك
المشاركات: 16,085
|
هلا بالبي عمر55 اقول يالبي هذا تمويه .. علشاااان نشوف اللي متبع وقراء الموضوع كااااااااامل .. من اللي يرد وهو يدربي دميجته .. عرفت يالبي .. <<((== مخرج 16 وشكحراً لك يابعد معااااااااليق سنوني أنت .. سي يو ..
__________________
. . . .. قلب البحطلة ينبض ..ينبض ينبض ينبض .. . |
|||||||||||||||||||||||
|
|
|
29-01-2007, 03:12 PM
|
#12 | |||||||||||||||||||||||
|
عـضـو
تاريخ التسجيل: Sep 2001
البلد: حولك
المشاركات: 7,887
|
وشكحراً .. !!! و ذي بعد تراه تمويه .. و الله يا هو خطير هالمدحت ذا .. طايحن بالتمويه شلف .. [ هو مسك طريق الدمام ، و أنا مسكت طريق مكة للتموية ] ..
__________________
.
. |
|||||||||||||||||||||||
|
|
|
29-01-2007, 03:15 PM
|
#13 |
|
.. وللشطوب نكهة و نكهة ..
تاريخ التسجيل: Feb 2002
البلد: هناك
المشاركات: 16,085
|
المتزن .. هلا بالبي .. ويشرفني يالبي حضورك يابعد معااااااليقي انت .. اقول يالبي بعض النااااااااااااس اللهم لاشمااااته يجدع بنته هالجدعة .. إما سدااااااااااااد دين .. أو يتزلف ويتقرب لهالشاااااااااايب .. وأحياناً بعض البناااااااااات تصير نظرته ماااااااااادية .. تبي تورث هالشاااااااااااااااايب .. وإذا ورثته .. رااحت وطقت له واحدن من هالشباب جديد بقراطيسه .. ومشكور يالبي .. سي يو ..
__________________
. . . .. قلب البحطلة ينبض ..ينبض ينبض ينبض .. . |
|
|
|
29-01-2007, 03:16 PM
|
#14 |
|
Bn Ibrahim
تاريخ التسجيل: Jan 2007
البلد: بريدة
المشاركات: 9,058
|
يا مدحت شوقي
والله ضحكتن وأنا توي جاي من الإختبار والله يستر منه . أخوكم : بريدة city
__________________
. . |
|
|
|
| الإشارات المرجعية |
|
|
النمط المتتابع
