|
|
|
31-01-2007, 03:58 AM | #1 |
عـضـو
تاريخ التسجيل: May 2006
البلد: بريدة
المشاركات: 709
|
يافرحة ماتمت
بسم الله الرحمن الرحيم
ما ادري وش اكتب والحروف اعذرتني بعض القهر ما يوصفه قلب ولسان انا قدرالله علي وصرت بنت وسطى خواتي اللي اكبر مني تزوجن والأصغر مني بزارين >>>والطفل الأوسط كما يقول علم نفس النمو بطل ويتحمل وواثق من نفسه يعني ما احد يشتغل بالبيت غيري لان امي تعبانة هاليومين>>دعواتكم لها ياشبابات والحمدلله على فضله واحسانه بيتنا كبيررر نوعا ما وقبل فترة هربت شغالتنا لا لسوء معاملتنا لها ولا لكثر شغل بيتنا>>>تعيش حقوق الانسان هجت باسبوع الهجات على قولة بعض الناس>> والله ويوم حصلنا رقم جوالها دقت عليها اختي قالت انا اشتغل اليوم بـ100 ريال >>والله وحصلت راتبه بستة ايام... انتهت مقدمة الموضوع نجي للسالفة حنا يوم قربت الاختبارات صرنا ندور على شغالة تجينا شهر لين ربي يفرجها وتجينا اللي مقدمين عليها,,, وبدأت رحلة البحث وكلن يعطينا رقم واللي يرسل لنا ارقام واللي يفزع ويدق عنا بس اسعارهن ناااااااار بنات اللذينا ولا راتب وزير لا عاد موسم اختبارات وحدة تقول 15 يوم بــ1000ريال واذا لقيتي ارخص من دقي علي علمين بدت الاختبارات وانا ايست منها وزعت يومي بين المذاكرة والتسبيع فااااااااصل ونواصل اللي يلقى زهرة او يشوف زولها يدق على 903 او يسلمها لاقرب مركز شرطة>>صارت بطاقة عدنااااااااااااا ومرت الثمانية ايام بسررعة البرق والحمد لله اختباراتي حلوة نسيت اعلمكم مما ساعد على توزيع اليوم بشكل سليم بطاقة النت الاسبوع قبل الاختبارات منتهية عطلت يوم السبت ولما رجعت من الاختبارقررت ارتب البيت ونبدا بالغسيل لانه اسهل عملية نظافة ببيتنا قالت امي لا مايحتاج اليوم تبي تجي ام حسين يارب ما اكرمك عطلة وشغالة بنفس الوقت وما امدان افرح الا هي رايحة وارجع اسبع واغسل واكوي بعد يومين قالت ما ابي شغل انا تأبان ابغى اروه>>اروح يعني وتوتة توتة خلصت الدوتة قليل من المواساة لأختكم المسيكينة... |
31-01-2007, 04:18 AM | #2 |
مشـرفة سـابقة ..
تاريخ التسجيل: Feb 2006
البلد: الريـاض ~
المشاركات: 3,056
|
أول شيء ...... السلام عليكم
وياقلبي أنت عاد تخيلي تغسيل مواعيييييين بالبرد والجمده <<<<< تدور الشر :D أقول يابعد حيي أنت ترى الأمور سهله والحمد لله لايضيق صدرك قبل أسبوع منحاشه خدامه وتعالي شوفي الشارع محجرين لها وأخوي الصغير منهبل يقول مافيه عبايه مافيه سراب<<شراب، مافيه دزمه <<جزمه وأنتم بكرامه منخرش عقله وشايفن سيارة الجوازات ومنهبل يقول سرطه<<شرطه لاتصير عاملتكم وبعدين قولي الحمد لله حنا اذا راحت شغالتنا تبهذلنا مافيه إلا أنا بنت والبيت كبير يعني البيت على راسي وأستحي آمر أمي ولا أتركها لحالها وإن شاء الله مأجورين وهذا من البر فيهم |
31-01-2007, 04:31 AM | #3 |
عـضـو
تاريخ التسجيل: Oct 2006
البلد: فــــ الغــــربـــه ــــــــي
المشاركات: 283
|
الله يكون في عونك ..
وبعدين ترى ربي يوفقك اذا انتي احتسبتي الاجر من الله على شغل بيتكم علشان راحت امك .. أتمنى لكِ نتيجه ممتازه .. وفقكِ الله لما يحب ويرضى .. نرجع لشغالتكم صدق انه نذله وماعنده ضمير ماهجت الا وقت الذروه واما الي ياجرن الشغالات احس ماعندهن ضمير لانهن يأخذن اكثر من المعقول وليت الشغاله تأخذ زياده على راتبه لا المسكينه ماله الا راتبه .. الله يكفينا شرهن .. تقبلي مروري .. دمتِ بحفظ الله ..
__________________
لا اله الا الله محمد رسول الله ...
|
31-01-2007, 05:30 AM | #4 |
عـضـو
تاريخ التسجيل: Dec 2006
البلد: حـــالياً فــــــــوق التـراب ! !
المشاركات: 2,042
|
هلا باالقرمة السنعه هذا العشم فيك
ومهب كثير ان الوحده تدهر في بيتهم هااااااااااااه وش اقولتس انامريت بنفس الحاله بس انا عاد ماعندي امتحانات صجه ولجه لمين فرجها ربي وجت الشغالة تساعدني امااااا هههههههههه على هجة الشغالات ياكثرها هااليومين جيراننا هاجه شغالتهم وجيراننا الثانين هاج سواقهم وهلم جر هاااااااااااااه قصدي هلم هج وزعي الشغل حتى على الصغار الاشياء الي يقدرون عليها(ان شالله مايكونون مثل البزران الي عندنا عجازين....) يااااااااابنت الحلال ان شاالله على اجر ودمت بخير
__________________
------------------ |
31-01-2007, 05:41 AM | #5 |
عـضـو
تاريخ التسجيل: Nov 2005
المشاركات: 11
|
يابناااااااااات الحلااال هونوها وتهوووون هذي الدنيا >>>>>>>خاشة عرض
والله عاد الحال من بعضة شغالتنا منحاشة ولا بعد ماخذه جوازها معاها<<<<<<<راعية طويلة (روحة بلا رجعة) وزيادة البلاء انا الصغيرة ومااافي غيررررررررري وانووووووووواع الكررررررررررررررررف خلوها على ربي |
31-01-2007, 04:53 PM | #6 | |||||||||||||||||||||||
عـضـو
تاريخ التسجيل: May 2006
البلد: بريدة
المشاركات: 709
|
انا مثلك بس عندنا بزارين اذا خلصت مرتبة المقلط ورجعت لقيتهم جايبين طحينية ويروح كنسي بلااش...... |
|||||||||||||||||||||||
01-02-2007, 04:28 AM | #7 |
عـضـو
تاريخ التسجيل: Aug 2006
المشاركات: 321
|
السلام عليكم
اووووه بس قلبتي المواجع شغالتنا بقي كم يوم وتروح وانا احمر واصفر ولا ماسلطت الا بالبرد تروح وعندي بزارين يقلبون البيت قلب يحوسون تزينين البيت منا وهم يحوسون مناك اما الشغالات اللي يهجن اعرف ثنتين هاجات قبل اسبوعين وحده ماخذت معه ولانعله كل قشه مخليته ولا استلمت من راتبه شي الا الحين ووحده هاجه واخذتن جوازه معه المشكله مايدرون وشلون اخذته يقالهم مغبينه |
02-02-2007, 01:57 AM | #8 |
عـضـو
تاريخ التسجيل: Jan 2007
البلد: الرياض
المشاركات: 431
|
ياااااااااااااااامعاليتزي ااااااااااااااااااااااااااااه خشيت في جو الاهاتز
|
03-02-2007, 12:31 AM | #9 | |||||||||||||||||||||||
عـضـو
تاريخ التسجيل: May 2006
البلد: بريدة
المشاركات: 709
|
اوعليكم السلام... انا ماادري وش دبتهن على هالهجات... حنا شغالتنا ما اخذت قشه هجت بنعال امي>>>خخخخخخخخخخخخخ ايه يوم مااخذت راتبه اهون من اللي اخذتن فوق الراتب |
|||||||||||||||||||||||
03-02-2007, 12:38 AM | #10 | |||||||||||||||||||||||
عـضـو
تاريخ التسجيل: May 2006
البلد: بريدة
المشاركات: 709
|
لا تقولين كذا يجين الصياح... |
|||||||||||||||||||||||
05-02-2007, 05:53 AM | #11 |
عـضـو
تاريخ التسجيل: Nov 2006
البلد: الخلـ بريده ـــيج
المشاركات: 232
|
احمدن ربكن انه تجي وتروح >> الهاء ضمير متصل يعود على الشغاله ..
المشكله الي مايشوفونهن الى بالعزايم >> يحرم عليهن الدخول للمنزل الملكي ... ســـــــلام
__________________
" الحمد لله الذي بنعمته تتم الصالحات " يــاي ونــاســه:065: |
06-02-2007, 12:09 PM | #12 | |||||||||||||||||||
وقع مختلف
تاريخ التسجيل: Feb 2006
البلد: الرِيَاضْ ❤ ,
المشاركات: 5,788
|
السلام عليكم ورحمة الله وبركاته
ياااااااااااااا آآآآآآلبي آآآآآآنتي.. تنرحمين ..ياعمريييي <<تبي تصيحها هع..:D صدز الشغالات نذلات.. ما يهجن الا بأوقات عصيبه.. اما رمضان..ولا اختبارات..ولا شتاء..ولا عطلة..ولا حج.. وجع يمصع قلوبهن<<تحمست .. على اجر يا وخيتي.. ما لتس الا الصبر.. عاد بشرينا بالنتيجه..
هههههههههههههههههه لا تصير ذي اللي يقول اخوي عنه.. تقريبا قبل اسبوع.. يقول عند الشرطه شغاله ممسوكه ومكفخه .. واخوي ميت ضحك<<والله من النجاسه..:D <<ترا اخوي يوم هو بالقسم(الشرطه)مهب جاني..الا مجني عليه..ووسع صدره على الشغاله هع..!!:D تشكرات على هيك موضوع خيتوو
__________________
|
|||||||||||||||||||
06-02-2007, 06:27 PM | #13 | |||||||||||||||||||||||
عـضـو
تاريخ التسجيل: May 2006
البلد: بريدة
المشاركات: 709
|
حياك الله تصدقين والله لو ما اشاوف به احسن لي... هذاي مزينتن شغلي بلياه... بس خابرتن انه تبي تجي همن اتعيجز>>>يمديكن على اللغة.. |
|||||||||||||||||||||||
06-02-2007, 06:36 PM | #14 | |||||||||||||||||||||||
عـضـو
تاريخ التسجيل: May 2006
البلد: بريدة
المشاركات: 709
|
الله يحييك... ابشرك نجحت... وهمو وش بلاه بالشرطة>>>خخخخ |
|||||||||||||||||||||||
الإشارات المرجعية |
|
|