[محمد العـــثيم]

السلام عليكم ورحمة الله وبركاته

اليوم جايب قصه لكم حصلت لي

(( في رمضان قبل الماضي قلت لنفسي ليش ماأستغل وقت الفراغ اللي أنا فيه وأروح لمركر رياضي أخذ دوره خصوصا أن رمضان كل المأكولات

سكريه ولا دهنيه لجل كذا بيطق عندي الوزن ألى .....100000<< ياربي منك يالرشيق

المهم رحت لأحد المراكز الرياضيه في الرياض خشيت على المدير أسأل وأستفسر وكان موجود عنده واحد لابس لبس رياضي

وأسال عن الدورات لجل أشد جسمي بسبب المأكولات اللي راح أكلها << دلخ ما فكر يخفف أو يسوي رجيم

سجلت في دورة لياقه وكان بالصدف اللي جالس عند المدير هو مدرب جديد راح يدرب في الدوره اللي أنا خاش فيها

أتفقت وياهم وياليتني ما أتفقت

جيت من بليوم المحدد وخشيت المركز وأنا مكمل بالبس الرياضي شورت وخفيف هذي من التعليمات الي قريتها

وأثناء ما أنا داخل وقفت أكلم المدير لجل أخلص اوراق كان معاي واحد من المجموعه اللي راح يتدربون وياي
وكان حبووب وخفيف دم ومتين أهو خلص شغله وخش لصاله وأنا أنتضرت لمى خلصت أوراقي جالم المدير المدرب السابق اللي بيروح يكلم المدير
ويقول (( خلاص ألحين على الطريق الاستاذ فيصل لجل يدربهم خلهم ينتضرون عشر دقايق)) وطلع قال لمي المدير خبر زملائك أنو المدرس بيتأخر شوي
قلت أوكي وخشيت على الصاله.

كلهم شباب بـ 20 من أعمارهم وأنا 18 أصغر واحد لاكن أطول واحد فيهم
وأول ما خشيت وقفت لجل أدور على واحد من زملائي خاش معي بالدوره مع وقفتي أمام باب الصاله تجمعو الشباب قدامي يضنون أني المدرب الجديد
أنا من باب المزاح ولجل أسوي موقف معاهم يذكروني فيه تنحنحت وركزت خشتي

وقلت يالله ياشباب ممكن تقربون وأنا أكلم اللي ما أنتبهو لدخولي
تجمعو الشباب ووقفو قبالي قلت لهم بلله صف واحد على الخط الاصفر
صاحبي جلس يناضر فيني ما يدري وش يقول بس بغى بنكبني ماصف معاهم بالخط الاصفر وجالس يتبسم
أنا كذا وبنضره حاده قلت لصاحبي أرجع يابو الشباب مع ربعك لا تهوجس
هو على طول رجع ولا تكلم وهو لازال مبتسم

أنا رفعت خشتي وقلت بسم الله الرحمن الرحيم

هلا والله وغلا بحبايبي هلا بكم في نادينا في ذيك اللحضه من خوفي أني ما أنكفش لو سالني واحد وش اسم النادي قلت ما أدري
وأجلس أتكلم معاهم محاضره تعليمات بما أنها الفتره الاولى لهم بالمركز
لازم تلتزم بالباس ولا تجي بلباس ضيق << مدرب بنات مو أولاد
الجزمات لازم تكون ماركه لجل ترتاح رجولك وأنت لابسها << يااشين القافه
ممنوع دخو الجوال << أقلع أم القوانين البايخه لا والمشكله أني معلق الجوال على رقبتي
المدخنين لا يدخنون قبل التدريب ولا أثناء التدريب << قاريها في شروطهم
وأجلس اقول لهم تعليمات اللي قريتها قبل لأسجل بالنادي
أنا جالس أطول بالكلام لجل يجي المدرب أنا داري أني منكب منكب بس مدري متى
المهم أن المدرب طول وأنا خلص الكلام
قلت لهم أول تمرين ياشباب لازم يكون بصيط ثم أصعب ثم اصعب
لجل كذا لازم أسوي لكم تمارين أحماء
يلله ياشباب خذو لفتين على الصاله وجري بسيط
مشو الشباب الأ خويي النكبه وقف وجا لمي يضحك وش تسوي أنت المقالب بينا مو على ناس ما تعرفهم ولا تعرف نفسياتهم
قلت له أقول أنقلع ما تدري أني مدرب هنا
جلس يضحك ويقول ترى بنكبك عارفك أحيانانا نسوي ثقه
قلت له لا رح أنا عندي فكره بسويها
رح لجل أذا كفشوني ما يجلدونك معي خل الطق فيني أنا بس خذ لفتين معهم
راح خويي وأنا تنفست الصعداء
خلصو من اللفتين ولا جا المدرب
أنا لله وأنا أليه راجعون الحين أنا توهقت وش أسوي هذا فايده المزح
قلت لهم شكلكم مرتاحين يعني عندكم لياقه برضو كملو لفتين ثانيه
كان من بين الشباب واحد سمين قال لي ياستاذ << أحمم من قدي أستاذ
راع شعوري أنا ويا صاحبي ويشر لم اللي وقف معاي عند المدير
قلت لهم لا ياشباب تحملو تراكم رجال ما دخلتو الدوره عبث المساكين كملو طريقهم
بس النشبه أنهم خلصو الفتين الثانيه ولا جا المدرب أنا قلت ألحين بتوهق وش اسوي انحاش ولا لا
وجلست أقول الله يعيني على الجلد
وقفو قبالي على الخط الاصفر وجلسو ينتضرون التدريب الثاني
انا صديت أطقطق في الجوال كني مشغول وأنا أفكر وش التمرين الثاني
بعد التفكير جاني أبليس قالي مو أنت مطقوق مطقوق خلك تاخذ حقك منهم أول
ألتفت وبحركه رشيقه على كعب واحد بس لمى وقفت حسيت الني دايخ << أمحق رشاقه
قلت لهم ألحين لازم نمرن عضله الرقبه لجل ماتتألمون من عضله الرقبه << شدخل عضلة الرقبه يابو الشباب
وأنسدح على الارض وأرفع جسمي وأخلي يدي الثنتين ورى ضهري وأخلي الجسم يضغط على رقبتي وراسي
وأرجع ثاني مره لوضع الجلوس وأنا شوي وأموت ما عرفت أتنفس زين
وأقول لهم وأنا صوتي فيه البحه يلله ياشباب توزعة بالصالة وطبقو التمرين
الشباب توزعو جلس كل واحد يسويها
كان عددنا 9
وأنا لاني مدرب ولا فخر جلست أدور عليهم بس مستحيل أمر على خويي لأنه أول واحد راح يتوثم فيني
وجلست أعلم واحد وانا جاد كيف يسويها والثاني اقوله غلط غلط غلط حبيبي كذا تضر راسك لالا خل أيديك الثنتين ورا ترفع ضهرك مو على الارض
طبعا لجل أثبت وجودي كمدرب شفت خوينا السمين هو ويا صاحبه ما عرفو يسوون الحركه قلت لهم وبنبره مدرب صارم:
هي هي غبي أنت ماتعرف تسويها ولا أجي أشيل رجولك لجل تسويها

أنا قلتها ولا لا خويي ماااااااااات ضحك
ألتفت عليه وقلت له لاتضحك يجي لك يوم ما تعرف تسوي تمرين
جلست أعلم خويي السمين لمى عرف يضبطه بس انا شفت وجهه قلب أحمر قلت له خلاص لا تسويها وقف
وألتفت على خويه الثاني واشوفه مسكين يحاول يسويها خايف من لساني وأقوله خلاص وقف حبيب قلبي
وفجأة

وفجأة
دخل المدرب اللي كان موجود أول ما جيت أسال للمدير عن النادي
ويااليته ما دخل
علطول تبسم على المنضر

واحد يحاول يسوي التمرين والثاني يسويه ورى بعض والثالث واقف واحد هنا والثاني هناك باخر الصاله
قال لي وين زملائك اللي معاك بالدوره
أشرتله بايدي وبكل ثقه

هذولا ربعي

تبسم وقال يلله ياشباب ممكن تقربون
كل الشباب وقفو وجاو لمي مو لم المدرب
تكلم في هذي الحضه المدرب وقال ممكن تصفون على شكل قوس
صفو الشباب ألا نا واقف << لس مقتنع أنه مدرب
لم خلصو وصفو طالعني المدرب وأهو ساكت << أحتراما لمساعده
أنا فهمت وش وده يقول بس من البدايه أنا مارحت لجل ما يستغربون الشباب
صفيت مع الشباب بجنب صاحبي وصاحبي لازال ميت من الضحك وجهه أحمر
انا لمى صفيت كل الشباب ألتفتو لمي وجلسو يطالعوني أنا وخويي
ثم رجعو يطالعون المدرب
أنا قلت وبصوت منخفض (( ورطت ))
خويي ما قدر يتمالك نفسه ضحك بصوت عالي خلى كل اللي في الصاله من جمهور ولا من عمال نضافه يعاينوني
أنا في هذي الحضه لأجل أنقذ نفسي قبل لا أنجلد

قلت للمدرب ياأستاذ:
أسف على القافه بس حبيت أجرب شغلتك وكيف تتأمر على الشباب وأهم يصدقون
أنا قلتها ولا ما قلتها خويي السمين مااات من الضحك وجلس على الارض من الضحك
بعض الشباب ما فهم وبعضهم ضحك
المدرب ألا الان مستغرب من تصرف الشباب ومن تصرفي
قالي وش السالفه
قلت له والله حبيت أسوي نفسي المدرب الجديد وجلست أتريق عليهم
المدرب مات من الضحك وقالي بغيت تذبحهم بلتمرين هذا مو تمرين هذي حركه لتحمل

بعدها ماتو الشباب من الضحك عرفو من المدرب ومن المدرب الملقوف اللي تلقف عليهم
ومن ذاك اليوم ألا اليوم ونص الشباب اللي معي خصوصا السمين يكلموني وأتكي وياهم بسسبب هذا المقلب

وأنشاء الله أنزل موضوع ثاني مقلب مع أخوي السمين هذا راح يعجبكم

تحياتي لكم حبايبي وأتمنى يعجبكم المقلب بس لا تسوون المقالب في ناس ما تعرفونهم


محمد العثيم

[الفتاك]

والله يا انت منسم

الله يرجك

سلام..

[راعي شقة الملح]

اجل صاحب كلمه هاه

بس ابقول النهايه مااعجبتن

اخاااااااااااف والا


مشكوووووووووووووور اخوي

[المخشب]

حمودي ............................ على غيرنا

[الملك الضليل]

صراحه موقف حلو .... أحسنت التصرف يالذيب

[الشروف]

هستر يا مهستر


مهبووووووووول هالولد

يسلوووو

[قلب بريدة]

ما عليش ما يعجبني اسلوبك يعني تحب التفاصيل الدقيقه سلااااااااااااااااااااااااااام يا لطيب

[عبدالرحمن الشايع]

ههههههههههه


مقلب حلو وبزااااعه حللللللووه

[مطرطع ومنسم]

الصراحة

حلو المقلب بس لا عاد تعيدة

[سلمان البراهيم]

ههههههههههههههههههههههههههه الله يقطع بليسك خخخخخخخخ ..