 |
|
|
|
|
24-06-2007, 01:04 AM
|
#1 |
|
عـضـو
تاريخ التسجيل: Jan 2007
البلد: قالواعلامك رافع الراس وعزووومك قويه. . . قلت كلنا ناس بس انا من أهل السعوديه>> >>
المشاركات: 295
|
*·~-.¸¸,.-~* شاعر المليون *·~-.¸¸,.-~*
[center]
السلام عليكم انا بكره الفوتشوب واحب الوناسه واحب افطر روب وكمخ مغليه بالملاسه ايييييييييييييييييييه ِِ بسم الله ِِِ ودي اشغل عمري  لانوه كل مازهمت على واحد من العيال يقولي مشغول ... ولا اللي يقول ياخي انت ماعندك اهل  ... اربعه وعشرين ساعه فاضي  ومير اطلع بالشارع واحط حرتي بالبساسه  .... كل مامرت بسه عند الباب ماغير ملاحق وراه كن بوه جائزه للي يصيد 5 بساسه ياخذ سوبر بسواليف كشكوليه  الزبده .... دقيت على عبايد قلت لوه وينك .... قال ياخي بروح لامسيه شعريه انا وكريم وابو نخرور قلت هوووو وش الطاري صرتو تحبون ماشاء الله  قالو لا ياخي الحين الموضه انك تابع الشعر  قلت تقلع اما شعر اذا تبين اشعرلك تعال للاستراحه  جلس يضحك وسكر السماعه بوجهي  والمهم العالم مختبه اللي يناظر شاعر المليون واللي يقول بناظر نجوم الشعر واللي يقول بحط على قناة الواحة ... وكل مادخلت مجلس العالم تهرج بالشعر .... قلت وش عندهم سوق عكاظ كلن قام ينقد على كيفوه والله قلت مابدهاش خلن انقز للاستراحه واتكي به الحالي واختلي مع الدش واناظر القنوات اللي على كيفي .... لانوه عيال الاستراحة ينشبون لي يحطون مباريات واروح اللبس قميصي ... وادور المفتاح وينك يامفتاح ... يامفتاح وينك مادري وين مفتاح الموتر اللي قاطين بوه انا و8 من اخواني مير قلت خلن اسوي رياضه واخذ مشوار الاستراحه رجليه .... ومنه اقطع الوقت  والله وامشي واتسحب بالشارع ... وهماي هرش يادافع البلا ... تلقونن امشي نصي بالشارع ونصي بالرصيف ... وبعض الاحيان اذا قابلن واحد على الرصيف اطلع على الشارع والعالم تشطفن وتصكع الرفرف حقي تقول وراك مسقط اللوحة  وطريق استراحتنا بوه دوار ... ومير يوم اصل الدوار واقف مع العالم بالدوار مسوي نظامي ... والعالم وراي يصقعون بواري يقولون وش الوايت اللي يستهبل .... الزبده وقبل لا اصل الاستراحه كان بوه تفتيش... ويوم شفت العالم زحمه وارقا الرصيف برجليني واخطم العالم لمين جاء حق المرور قال وين يبو  قلت تراي ادمي ... قال طيب نزل الدريشه ...قلت وش دريشتوه قال يعني وخر اللطمه ... ويوم وخرته يقعد يشمشم خشتي قلت ياخي وشتبي ...قال وراك مخالف وراقي الرصيف قلت ياخي الرصيف حاطينوه للي بيمشي على رجلينوه وانا هذاي امشي على رجليني قال المفروض انت تلبس كفرات جرافه من كبرك وجلس يتريق بي لمين عطان مخالفه عدم ربط حزام الامان ( ابي اعرف وين اربط الحزام وانا امشي على رجليني ) وصلت الاستراحه واشغل التلفزيون واقلب بالقنوات ... وقلب وكل قناة امر عليه القى واحد يشعر ... ولا القا مقابله مع شاعر ولا فيديو كليب شعر  قلت يانعال ابو كريم ... وراهم العالم طفه زقت معي وقفلت الاخلاق ... واسمع بريق الشاهي يصارخ يقول ( تراي خلصت .. تراي خلصت ) ويوم جيت باخذ البريق الا وينكب علي ... ويوم انكب علي اغمى علي بسم الله الرحمن الرحيم وعقبه جلست تدور بي الدنيا واتذكر ياسر التويجري ... يوم كنا نتسحتوه اذا بغينا نلعب كوره كان هو اصغر منا ... وكل ماجاء نقوله امسك اثيابنا لا يطيرن واقلب الذكريات وانا مغمى علي الحين ومير فجأه تخيلت نفسي شاعر ... ويتصلون علي شاعر المليونيقولون الو صالح اش حالك ابويه قلت الحمد لله طيب من انتي قالت انا روضه قلت وانا ثانوي ... اخلصي وش تبين من انتي  قالت انا مذيعة شاعر المليون ... وترانا انترياك تشاركنا بالمسابقه ومير انقز واستانس ... قلت طيب حق التذكره والسكن عليكم  قالت انت سير يبويه وبعدها تشوف شو بيجيك واروح للمطار واضبط عمري  وقبل لا اروح للمطار جلست قدام المرايه على شان اتعود وشلون احط العقال مايل ... وجلست ادور سبحه مالقيت قلت خلن اخذ السلسله كلهن يادن نفس الغرض ومير اركب الطياره واصل لابوظبي ... والقى العالم كاتبين بصحايف صالح ياحياتي  .... واللي يقول بطوله يابطوله صالح من يطوله  وتشجيع وانا بالمطار والعالم تصارخ تقول سلمان ياسلمان يابو دمي خفيف لونك اسود مالو وصيف مير واتهيض وافصخ الثوب وتطلع فنيلة الرائد لابسه تحت الثوب واقعد استعرض واسوي حركات بالمطار لمين جو حقين المطار قالو خير يبو  ... ويقفطونن ويحطونن بصندقه بالمطار قالو الين يجي كفيلك  ومادريت الا جت روضه ومعه اثنين اماراتيه قالو ذا الشاعر صالح ماتعرفونه ويوم درو اني صالح جلسو يحبحبونن لمين مشيت ورحت للفندق  وخذ استقبال وخذ بنات وخذ حلويات ... والناس تحبحبك وناس تناظرك بعجاب  وانا امشي بينهم وميل العقال والسلسله بيدي الجزء الاول __________________ ترقبوا الجزء الثاني منقووووول ..
__________________
ليس الكبير إذا جلست معه وجدت نفسك صغيراً لاكن الكبير هو الذي إذا جلست معه وجدت نفسك كبيراً .::[ كـن كبيـراً بالـتـواضـع ]::. ҳ̸ للتواصل ҳ̸ تعال لم بيتنا << وش يسوي منعو الايميل آخر من قام بالتعديل خوي السرور; بتاريخ 20-07-2007 الساعة 10:58 PM. |
|
|
|
24-06-2007, 02:01 PM
|
#2 |
|
عـضـو
تاريخ التسجيل: Jan 2007
البلد: قالواعلامك رافع الراس وعزووومك قويه. . . قلت كلنا ناس بس انا من أهل السعوديه>> >>
المشاركات: 295
|
ورانا نوووووووووووووووما نايمين شباب بريده ستي
وين الردورد عشان أكمل الجزء الثاني
__________________
ليس الكبير إذا جلست معه وجدت نفسك صغيراً لاكن الكبير هو الذي إذا جلست معه وجدت نفسك كبيراً .::[ كـن كبيـراً بالـتـواضـع ]::. ҳ̸ للتواصل ҳ̸ تعال لم بيتنا << وش يسوي منعو الايميل |
|
|
|
|
24-06-2007, 07:37 PM
|
#3 |
|
عـضـو
تاريخ التسجيل: Jun 2007
المشاركات: 1
|
ههههههههههههههههههههههههههههههههههههههههههه
ننتظر الجزء الثاني |
|
|
|
|
25-06-2007, 01:28 AM
|
#4 |
|
عـضـو
تاريخ التسجيل: May 2007
البلد: ..+|[ مْملْڪِـِﮧْ آلَإنَـ[ سْ ]ـآنِيْـﮧَ ..~
المشاركات: 3,397
|
تنسيمـ
نحتري الجزء الثاني !
__________________
. .  . . |
|
|
|
|
25-06-2007, 02:34 AM
|
#5 |
|
عـضـو
تاريخ التسجيل: Aug 2005
البلد: بيتــ ــ ــ ــنا
المشاركات: 245
|
اجل روضه والا ثانوي
هههههههههههههه الله يقطع ابليسك ننتظر الجزء الثاني
__________________
  |
|
|
|
|
25-06-2007, 02:35 AM
|
#6 |
|
عـضـو
تاريخ التسجيل: Jan 2007
البلد: قالواعلامك رافع الراس وعزووومك قويه. . . قلت كلنا ناس بس انا من أهل السعوديه>> >>
المشاركات: 295
|
::أمير الذوق::
مشكوووور على الضحكه الحلوه ههههه وترقب الجزء الثاني a l m e h t a r مشكور على الرد الجميل وترقب الجزء الثاني
__________________
ليس الكبير إذا جلست معه وجدت نفسك صغيراً لاكن الكبير هو الذي إذا جلست معه وجدت نفسك كبيراً .::[ كـن كبيـراً بالـتـواضـع ]::. ҳ̸ للتواصل ҳ̸ تعال لم بيتنا << وش يسوي منعو الايميل |
|
|
|
|
25-06-2007, 02:46 AM
|
#7 |
|
عـضـو
تاريخ التسجيل: Mar 2007
البلد: ric.ky@hotmail.com
المشاركات: 864
|
..........
....... .... .. عروقي عروقي والله الموضوع روعه تعبير سلس مفهوم المعاني استمر والى الامام ... محبك ريكي
__________________
.. ..
.. .. .. .. |
|
|
|
|
25-06-2007, 03:04 AM
|
#8 |
|
عـضـو
تاريخ التسجيل: Oct 2006
البلد: الخبوب
المشاركات: 22
|
روايه حلوه مره ياشاعر المليون
لاكن ستكون كاتب في الحقيقه لست شاعر وخذ القب "راوي المليون" هههههههههههههههههههههههههههههههههههههههههههههه حيدرأباد "أبوزياد"
__________________
حيدراباد:41 :41 :41 شعاري في الحيات أبتسم :037: :037: :037 |
|
|
|
|
25-06-2007, 03:37 PM
|
#9 |
|
عـضـو
تاريخ التسجيل: Jan 2007
البلد: قالواعلامك رافع الراس وعزووومك قويه. . . قلت كلنا ناس بس انا من أهل السعوديه>> >>
المشاركات: 295
|
خنشليله- ريكي- حيدرابد مشكووووووورين على الرد الجميل والظاهر ان سواليف كشكوليه بالصيفيه نعال ابوكريم لاكن ابنز الجزء الثاني
__________________
ليس الكبير إذا جلست معه وجدت نفسك صغيراً لاكن الكبير هو الذي إذا جلست معه وجدت نفسك كبيراً .::[ كـن كبيـراً بالـتـواضـع ]::. ҳ̸ للتواصل ҳ̸ تعال لم بيتنا << وش يسوي منعو الايميل |
|
|
|
|
25-06-2007, 03:50 PM
|
#10 |
|
عـضـو
تاريخ التسجيل: Jun 2007
المشاركات: 197
|
هههههههههههههههه صراحه قبل أبسّير اشوف واطلع لكن جرنّي الاسلوب لآخر الموضوع .:D
ماشاء الله عندك سرد قصصي جميل . استمر .
__________________
.   .
|
|
|
|
|
25-06-2007, 10:36 PM
|
#11 |
|
عـضـو
تاريخ التسجيل: Jun 2007
البلد: الفيزيه
المشاركات: 180
|
ماقدراقول الا?
مشكور. |
|
|
|
|
26-06-2007, 03:21 AM
|
#12 |
|
عـضـو
تاريخ التسجيل: Jan 2007
البلد: قالواعلامك رافع الراس وعزووومك قويه. . . قلت كلنا ناس بس انا من أهل السعوديه>> >>
المشاركات: 295
|
الجزء الثاني والاخير جت حزة المسابقه ... والقى ياسر التويجري معي بالمسابقه قلت ياسر يالهيس يالله حيوه قال من انت .... قلت افااااا يالبعرصي نسيتن ... تذكر يوم كنا نكرشك اذا جيتنا للاستراحه ولا اذا بغينا نلعب كوره قال لا ماذكر واقعد اصقع كتفوه وهو مطيرن عيونه قال يبو من انت قلت ياخي انا صالح الملقب بعروقي بريده عرفتن ... يناظرن مستغرب قال وش طيحك بالشعر ... عاد طحت بوه بلليله مابه احد ... وحنا جالسين نسولف الا قالو ترا بدة الحلقه وجلسنا بالغرفه اللي ورا المسرح واقعد اخطط انا وياسر قلت شف ترانا عيال ديرتن وحده وهي بريده نبي نسوي حركه  .... قال ماتجزم ... قلت خلنا نفكر انا وياك ...ياخي مالوه داعي نطلع حنا مثلنا مثل غيرنا نبي نلفت الانتباه جت روضه قالت نحيي الشعراء المتواجدين بالميسل اللي وكانت تقول اسامينا ويحطون الكميره بخششنايوم قالت الشاعر ياسر التويجري من السعوديه  ... واجي انقز على ياسر واحط اصبعيني وراه راسوه حركات ابتدائي ... والعالم نسمعهم يضحكون  ويوم جت روضه تقول ونحيي الشاعر صالح التويجري من السعوديه ... واجي امسك المكرفون من المذيع اللي عندنا قلت تراي بعد من بريده وجلست تضحك هي وانا اتشقق ... واقعد ارقص ورا احسب العالم ماتشوفن وارز الذنبه يقالي اللمبي .... المهم دخلو كم شاعر والقو قصايدهم ويوم جاء دور ياسر ... وهو نازل قلت لوه لحظه  ... قال وش تبي تسويقلت بشقلك على ظهري وحنا نازلين اخمس بك شوي همن احطك بالكرسي قال والله فكره ... ويوم نزلنا للمسرح وهو على ظهري العالم تصفق وروضه تقول شوفو التلاحم بين الشعراء وبين شعراء بريده  ومير اجي واتكرفس واطيح  واثر ياسر طاح على المكرفون اللي بالمسرح وبلعوه ونقعد ننشب بياسر ... واقول ياسر كوكي خلن اطلعوه يمكن زرق تحت وهو مايهرج ... نحاول نسعف ياسر يمين يسار لمين اشقلوه وودوه للمستشفى  ... ومير اسرق القصيده اللي كان بيقوله ياسر بالمسابقه اول ماطلع هو جت روضه قالت الحين مع الشاعرصالح بن محمد ومير انزل واللعب بالسلسله ... ويوم قعدت ... اقعد اتنح نح ... قالت المكرفون عندك ياصالح قل قصيده قلت طيب ... وانا انواع الذرقه ... وجتن الحسره ... وبطني قام يقرقع قالت يالله اهرج ( وكانت تقوله وهي معصبه ومناخره طالعات كنهن شمعات جيب ربع ) الزبده واجي اقول : ولدة شاطي ومتغطرس واحب الخصام ولا اعترف لا بادارة طبع ولا مدير والعالم تصفيق وكل ماصفقو  ... اجي اخذ لي فرتين بالمسرح وانا اناقز لمين جاء الشيخ حقهم قال ياصالح تعال ابي اسلم عليك وانزل اسلم على الشيخ حقهم ... وانا اسولف معه قال امر قلت مايامر عليك عدو ... انت امر وش تبي قال انت وش تبي قلت ياخي انت اللي زاهمن ( غبي ماعندي سياسه ابد ) قال قصدي وش محتاج قلت ياخي ابي جيب هدد  .. قال بس قلت وابي تركب لوه كفرات بالون قال ياخي استح على دمك واطلب شي كبير قلت اجل بطلب حوض قال تستهبل انت ... ياخي موهب حقك ذا المهم والله يجزاه خير شرالي الجيب وقال لك مصاريف 10 سفرات للمغرب .... وعطان مفتاح القصر حقوه ببني فارس  وارجع للبريده والعالم فرحتن بي  .... وكلن يبين اقعد معوه ... واخوياي راعي شقه ملح وابو نغاف كل شوي يقولون نبي نصور معك على شان نكشخبك عند اخويانا وصار جوالي مايسكت كل شوي وهو يرن ... العالم يقولن نبيك تسوي امسيه بالمكان الفلاني واللي يقول عندي عرس ابيك تشرفن بوه قلت الله يالدنيا ... على شان هرجن اقوله صرت اشرف احسن من مشايخت الدين وانا خاشن جو بالغيبوبه اللي انا به جاء عامل الاستراحه ... وكب علي ماء يبي يغسل وجهي ...وقال بابا ايش فيه ... واقعد اقوله السالفه ... ويوم قلت لوه قال بابا انا الحين شوي روح في امسيه بشارع الخبيب لشاعر حيد اباد شاعر الحب في باكستان قلت حتى الكمخ صارو يعرفون الشعر وعقبه كرهت شي اسموه شعر ... واحس انوه نصب وكل ماشفت واحدن يهرج بالشعر تطلع قروني واحس اني ودي ادقوووه ... وهذا اللي عندي وان شاء الله يجوز لكم ولانوه مبطي ماكتبت بالوناسه احس ان ماعندي لياقه ... وصارت لياقتي بالأختبارات والسلام عليكم ورحمة الله  ننتظر ردودكم   :D
__________________
ليس الكبير إذا جلست معه وجدت نفسك صغيراً لاكن الكبير هو الذي إذا جلست معه وجدت نفسك كبيراً .::[ كـن كبيـراً بالـتـواضـع ]::. ҳ̸ للتواصل ҳ̸ تعال لم بيتنا << وش يسوي منعو الايميل آخر من قام بالتعديل عروقي بريده; بتاريخ 26-06-2007 الساعة 03:25 AM. |
|
|
|
|
26-06-2007, 03:38 AM
|
#13 |
|
عـضـو
تاريخ التسجيل: Aug 2005
البلد: بيتــ ــ ــ ــنا
المشاركات: 245
|
هههههههههههههههههههههههههههههههههههه
بس وش الكلام القذر الي كاتبه (ابو نغاف) عيب
__________________
|
|
|
|
|
26-06-2007, 03:50 AM
|
#14 |
|
عـضـو
تاريخ التسجيل: Jan 2007
البلد: قالواعلامك رافع الراس وعزووومك قويه. . . قلت كلنا ناس بس انا من أهل السعوديه>> >>
المشاركات: 295
|
ههههههههه شكراً على الرد الجميل والله ضحكك تسوى كل شي بالدنيا بس أبو نغاف تعرفه انت هههه ألعب ارضي
__________________
ليس الكبير إذا جلست معه وجدت نفسك صغيراً لاكن الكبير هو الذي إذا جلست معه وجدت نفسك كبيراً .::[ كـن كبيـراً بالـتـواضـع ]::. ҳ̸ للتواصل ҳ̸ تعال لم بيتنا << وش يسوي منعو الايميل |
|
|
|
 |
| الإشارات المرجعية |
|
|
النمط المتتابع
