[فيدوو]

السلام عليكم



ياهلاوالله باعضاء منتديات بريده ستي



ان شاءالله يصل صوتي الى المسؤول من هذا المنتدى





مستشفى كامل ماعنده الا دكتور واحد لتقويم وكده بعد والمواعيد كل 4 شهور



من غير اذا مر على الوقت 3 دقائق يقووول خذ مواعد ثاني بعد 4شهور



وان شاءالله جميع الاعضاء يتفاعلون مع الموضوع





أخوووكم

فيدوو

[hiaty]

يأخي إحمد ربك أنا زوجتي فيها لوز والدكتور يقول إنه أتضح بعد التحليل والفحوصات ( ورم سرطان )
فذهبنا إلى إستشاري في مدينة الرياض مع التحاليل وبعد رويتة وبعد التحاليل وجدل أنه إلتهاب في اللوزة فقط
عمرك شفت روعة مثل هذه

وشكراً لكم

[hiaty]

يأخي إحمد ربك أنا زوجتي فيها لوز والدكتور يقول إنه أتضح بعد التحليل والفحوصات ( ورم سرطان )
فذهبنا إلى إستشاري في مدينة الرياض مع التحاليل وبعد رويتة وبعد التحاليل وجد أنه إلتهاب في اللوزة فقط
عمرك شفت روعة مثل هذه

وشكراً لكم

[k61k]

يارجال بلا منتهم روح لمستوصف خاص والله يعينك
انا كنت مركب تقويم بالمركزي وذلووووووووووووووووووووووووووووووووون ذل بحياتي ماشفت مثله مواعيد لاكثر من 6 شهور
المهم اني رحت لمستوصف خاص وجلسوا يضحكون علي (لأن التقويم لازم يشد كل شهر ) وانا جالس 6 شهور لا شديته ولا شي!!!!!!!!!!!!!!

[SAUDI FAHEM]

الله المستعان

روح مستشفى خاص ولا تشغل روحك

لا حياة لمن تنادي

[خسران يامعاند سامي]

وزااارة الصحة ميتة

[مميزون العرب]

الله يعينك


الخاص احسن من التخصصي ست سنوات عشان التركيب وسنه عشان الموعد الثاني

[القضاعي]

اجل وش تقول في مستشفى الولادة الاجرام على اصولة

[جوانا]

هههه أقول اللي عندنا بالمستشفيات كلهم قصابين أنا مت ثم حييت بعد عمليه اجريته بمستشفى الفريح قصدي ملحمة الفريح ههههه وهو خاص،،
،،تحياااتي،،

[ahoak2002]

يارجل وين يرحون بعض الناس المساكين الضعفاء ما عندهم فلوس ويصعب عليهم الانتظار لازم يكون هناك حل والمخطي ياخذ عقابه

[فيدوو]

مشكورين على مروركم


وعلى تفاعلكم مع الموضوع وان شاءالله يتم تغير شي

[ابو شرين]

ماهي مشكلة المواعيد هذا ماهو مهم لو كانت الظروف حقيقية لكن للاسف الظروف مصطنعة

وين مملكة الانسانية والصور اللي يتبجحون فيها على الفضائيات عمليات بالملايين
قبل كم شهر تبرع بمليار وزود دولار ترى مهوب ريال للبنان الله لايعمرها حفرة النار
قبل كم يوم مدينة اسكان في الاردن ليش شي يقهر

عالجوا عيالكم سكنوا عيالكم حسنوا اوضاعهم قبل بعدين شوفوا عيال الجيران
لاتروحون تبنون للناس وعيالكم بدون سقف
لاتعالجون الناس وعيالكم متورطين بامراضهم ويمرضونهم زيادة بالمواعيد
انا عندي مواعيد برمضان باسنان التخصصي حرام عليكم حسبي الله ونعم الوكيل
وعلشان حشوات اسال الدكتور يقول بالانجليزي ذي كير اباوت كوانتتي نوت كواليتي
يعني يهمهم العدد وليس الكيف وجودة العلاج واللي انا شايفة لا كوانتتي ولا كواليتي
وان شاء الله توصل الرسالة لابونا ويرحم حالنا وحالكم بإذن الله

[فيدوو]

اول شي تسلم والله أخوي ابوشرين


على مرورك والله يعينك على المواعيد انت مثلي لي كم وانااا انتظر مواعيد

[ناقد سعودي]

أنا أعتقد أننا نفكر بالحل بدل من اللوم والتشكي ..

أخواني تعلمون ان هدف أي شركة الاول والاخير يكون هدف مادي بحت

فليش يكون المشرف على الإطباء وعمال النظافة شركة سمامة ..

ليش ما يكون الوزارة نفسها تشرف على الأطباء وهذا موجود لكنهم

قيل وهم المميزون .. ...

وللعلم الوزارة تدفع على أي دكتور تجيبه الشكرة مبالغ طائلة ..
ومن ثم الشركة تجلب دكتور يرضى بالقليل والباقي في حساب الشركة ..

على حساب مرضانا ومرضاكم ...