[أم فيصـل]

8

8

العنوان إعلاه يدل على حرقة القلب يا أخوات


يا الله أنك تمسيهن و تصبحهن بالخير .
قدر الله علي و تزوج حماي , و أنتن أدرى بزواجن من طرف الحمولة
يصير بالبيت أستنفار , و أجتماعات وزارية , و بحث و نقاشات
و خبه و نبه <== الأخيرة لا تعني شيء ولكن ؟ لزوم السجع .:D :D
السالفة يا محبات السلامة أن الموعد أقترب و حان وقت تهبيط الشوشه و تزبيط الخشه فلزوم هذا أحتاج مشغل يخليني كـذا .

اللي لها خبره عن مشغل (( الملكة )) ياليت تسدحه هنيا . وتوصف مكــــانه..؟؟ يا ليت ..و لا اللي عندها شين ثاني فمنيب قايلة : لأ
و مايرد اللئيم ألا الكريم ..قصدي مايرد الكـريم ألا اللئيم


المتضرعة لله / أم الحمولة :D

[ملاك الورد]

.
.
يالله انك حيه ام فيصل

ولله انا ماعندي خبره عن مشاغل القصيم وماحبيت امر على الموضوع واطنش
ومنك العذر والسموحة ..
ولو تبين شي بالرياض ماراح ابخل عليك ..


سلااااامي ..

[أم فيصـل]

هلا والله بملاك .

الله يجزاك خير يا عمري على هالمرور اللي حسسني بتعاضد الأمة معي و عقبال كل البنات ...و بيني وبينك الزواج بالرياض ... بس مضطره أسويها هنا لأني بروح متأخرة و بنفس يوم الزواج . و أذا لك خبره بمشاغل الرياض أسدحيها لعلنا نقنع البعل

ويالله عاد أني أحتريك على جمـر فهل أنتن تشوفنن

[أم فيصـل]

ولا حد عبرنـي يا حظتس يا أم فيصـل يا حظتس.
مابقي ألا ساعات ... وتتم قاصمة الظهــر
فــــ..أعطفن على خبلتكن اللي توه تتفطـن.يعطف عليكن من بالسمـاء...ْ


نعن أبوه من حظن منييييييل

[الجامده]

اهلين يا ام فيصل كيف الحال؟

انتي وش جايتس على التبطح شكلتس قاعده تكتبين وفيتس النوم

عاد انا اببطح لتس ماعندي من معلومات يقولون ترى ماجربت بس يقولون انه فيه بالملكه

كوافيره اندنوسيه اسمه حسناء يمدحونه بضبط الشعر تبطح لتس شعرتس تبطيح

اما المكياج فما اعرف عنه شي بس لاتوهقين بالمكياج ترى بعضهن يحولنتس الى كائن صيني من

القهر الكحل يصل الاذن من زود السنع يلعبٍ علينا شكلهن متخرجات من الورشه

وعساتس تطلعين احسن وحده بالعرس وش تبين بعد

[ح ـايلـــيـة]

.
.


حيا الله ام فيــصل ..

اذا بتسويــن مكياجــتس والتسريحــه بالرياض ..

أنصحــتس بمشــغل شيفون ..

شغل عـدل مدل ..!



.
.

[أم فيصـل]

هلا والله بالقااااامدة .
أخباري منيلة قصدي تمام التمام ولله الحمد.

اقتباس انتي وش جايتس على التبطح شكلتس قاعده تكتبين وفيتس النوم

لا وأنتِ الصادزة محتميتن تسبدي ولا أدري وين أنا بوووه يا تسافي والله يجزاتس خير يابنت الحلال على بطح هالجواب صحيح ما جاء ألا بعد ما وقفنا بالرياض لكن ماعليه أهم شي ماطنشتيني أستفيد من جوابتس للوقت اللي مثل تسذا.

اقتباس كوافيره اندنوسيه اسمه حسناء يمدحونه بضبط الشعر تبطح لتس شعرتس تبطيح

طلعت أندنوسيه ... تسيف تسذا العالم هابينن بالتسذب يا كافي.مرة شفت وحدة مسوية تسريحة عند الملكة يوم سألتها عند من قالت عند (( فلبينية )) بالمملكة أسمها حسناء...شفتي التسذب سلكوه صغنوني:D :D ..ومكياجهم مثلتس خابرة أنا ما قد جربت شغلهم حتى أجرب مكياجهم..وليت الخوات يفيدننا من هالنقطة. ...وجزاتس الله خير ياقلبي على هيك دعوة اللي مامثله .وأبشرتس طلعت عند الحمولة تمام التمام والكل سأل عني..<<< مادح نفسه كداب يا بتْ:D



والف مليون شكرًا على بطح:D معلومتك يا قلب.

[أم فيصـل]

هلا والله يا بعد حيي:D حايلية.
والله ماكتب الله أسوي كشتي وخشتي بالرياض
لكـن خبرتس عارفة الحمولة أوب منتهية عروسهم ما شاء الله
يعني النوبة الثانية إذا صار فيه عرس بجي لمتس يا بعد حيي أستفسر أكثر
..بس خلي صدرتس شمالي كما عدهناتس :D

ش ي ف و ن ..<<< راحت تركض تكتبه بالنوته


ولا هني يا قلب

[Dana]

ياحبي لك من جد ضحكت من قلبي اااالله يسعددك على اسلووووووبك
اذا تبين تعررفين الصالونات الراقيه بلرياض ...بخصوص الميك آب والتسريحات ...
اناا بلخددمه.....تراااني
بس ببريده لاتساليني لانو اناا مو من الديره...وكان وودي اخددمك....

[ح ـايلـــيـة]

.

.

اقتباس والله ماكتب الله أسوي كشتي وخشتي بالرياض

ياحـبي لتس فيـه تنبــيه هنــا..

وهو للجميع عــامة ..

لا يجوز كتابه [الله ماكتب اني كذا] ..!
لان الله سبحانه وتعالى كاتب كل شي قبل خلق السماوات والارض..
والأصـح قول [كتب الله انه ما يصير كذا ..]

اقتباس يعني النوبة الثانية إذا صار فيه عرس بجي لمتس يا بعد حيي أستفسر أكثر ..بس خلي صدرتس شمالي كما عدهناتس

أبد بالخدمــه كم ام فيصــل عندنـا ...!



.
.