[فتى الرياضة]

سوف اذهب الى منتدى لانهم طلبوني لاني اصلح للمواضيع الرياضية بعد موضوع ابن همام وقالو لي اننا سوف نضعك مشرفاعلى المواضيع هل اذهب ام ابقى هنا معكم قالو لي اخر مهلة لك
العصر غدا الرد ل الصمصام والاخوة المشاركين هل اذهب املا واذا ذهبت سيمنعونني من المشارة معكم

[حبر الألم]

والله أنت حر ياخوي


بس ترى منتدانا هذا ما فيه قسم للرياضة والبلايستيشن:D :D :D :D


لأنه اللي يبي الرياضة يلقاه بمنتديات النوادي


إلا وراهـ ما تشتري ( قيم بوي ) وتترك السوني

[صالح العبدالله]

لكن العنوان مابه شور كأنك جازم !

[أبوعدي]

اقتباس المشاركة الأساسية كتبها حبر الألم إلا وراهـ ما تشتري ( قيم بوي ) وتترك السوني

:D :D :D :D :D

[أبورائـــــــــد]

تعوذ من ابليس يارجل

تبي تروح وتخلينا ؟؟
همن وش نقعد نزين حنا بدونك !! نطزز ؟؟

أقول هها بس خل عنك هالحتسي واقضب ارضك

^
^
^

هذه الفقرة خاصة للشيبان

ترى القيم بوي زين ، لا يفوتك !!

[الحطيم]

فتى الرياضه

مافيه منتدى يخير اعضائه بانهم يستمرون معه او ينتقلون لمنتدى اخر الا اذا كان احدهم حاقد على الاخر

فانصحك بترك من يدلك الى طريق الحسد والحقد ومثل ما قال ابو رايد اقضب ارضك

لكن اسمك يدل انك محب للرياضه لذلك خذ راحتك

[ميمون]

أجل طلبوك
تحلف إن منتداهم ما فيه إلا ثلاثة ويبون أحد يكثرهم
بعدين وشلون مشرف على المواضيع ؟؟ فيه ألف قسم .. ما حددوا لك اختصاصك يا أستاذ ؟؟
أخاف انهم ما جابوا خبرك

تحياتي

[يوسف 5]

شف اللي يريحك

لا تناظر لأحد

تراك تبي تتعب

[مدحت شوقي بريده]

فتى الرياااااااااااااااضة ..
يابعد معااااااليقي انت ..

انت رجل فاهم وعااااااااااااقل .. وتعرف إن لكل مقام مقال ..
وإن منتدى بريدة ستي له صبغة معينة ..
وانت تقدر تفيد وتستفيد من منتدى بريدة ستي ..
وبإمكانك تمارس هواياتك بمنتدى الزعيم ..

يعني مافي إشكال إذا كنت في الاثنين .. ومنتديات بريدة ستي .. تتشرف بكل عضو ..


ومرحباً بك اخوي ..


سي يو ..

[المسفهل]

اقتباس المشاركة الأساسية كتبها ميمون أجل طلبوك تحلف إن منتداهم ما فيه إلا ثلاثة ويبون أحد يكثرهم بعدين وشلون مشرف على المواضيع ؟؟ فيه ألف قسم .. ما حددوا لك اختصاصك يا أستاذ ؟؟ أخاف انهم ما جابوا خبرك تحياتي

لا أبشــركـ تــرى الــرجـال عقــب سفــرتــه صــار [ ok ] :D ...

يــا فــتى الــريــاضــة .. إذا كنــت جــاداً وصــادقــاً فبــإمكـانــكـ التسجيــل بمعـرفيــن هنــا واحــد وهنــاكـ آخــر ، علمــاً أنــي لــم أستــوعــب شــرطهــم لــكـ بــأن لا تسجــل بمنتــدى غيــر منتــداهــم ...

[الـصـمـصـام]

الأخ الفاضل فتى الرياضة
إن اسمتراركـ معنا مما نريده و نفرح به ، و هذا يُشرفنا حقيقةً ..
إلا أن المنتدى قد قام منذ سنوات على منع المواضيع الرياضية ، و ليس المنتدى وحيداً في هذا المنع ، بل يوجد الكثير من المنتديات تمنع هذا ، ليس تحريماً . و إنما من باب اخماد فتيل النزاعات التي تحدث في المواضيع الرياضية ، و التجاوزات التي تحصل ..

بإمكانك أخي أن تشارك فيما تُريد في منتديات أخرى في الأمور التي تُخالف سياستنا ، ثم تأتي هنا لتفيد و تستفيد و أنت و غيرك من أحبابنا الأعضاء على الرحب و السعة ..

و فقك الله في الدنيا و الآخرة .