[أبونادر]

بعد قليل من الصراخ ، وشوي من الهواش ، وحبتين خقْله من الوالد، هآ أنذا أصحو شاتما سواق تبيس البنات اللي أزعجنا بتغريد بوريه بإطلالة هذا الصباح عند بيت الجيران ..... قفزت بعد أن نظرت للساعة، بقي خمس دقائق على الطابور. لا سيما والشماغ لم يكوى..... وبعد التغسيل، والتلبس، وكوي الشماغ، والفطور، وترتيب الدروس، وإحماء السيارة، وبعد أن مررت ولد الجيران ليذهب معي للمدرسة ... تخيل كل ذلك بدقيقتين الله يا لها من أيام .....

وبعد أخذ مكاني بالفصل ثاني ثانوي (ج) بجانب ذلك الشاب اللي علومه طيبه.. ومتدين.. وجيد بالدراسه ..وخلقه ممتاز.. وحليل ......
لكن مشكلته مشكله وهي أني بلشنبه ، مالي خلقن أكلمه اللحظة معه سنة، والبسمة منه تكشيرة، والنكتة من فمه موعظة ..... أثناء التكلم معه تحدث لدي تفاعلات وأحاسيس وسرحان عجيب ....الجلد ينكمش ..والعقل يرتبش.. حتى الأرض من تحتي أحسها ترتعش ..لا أدري ما أفعل هل أسمعه من أذني أم من أنفي.

أتدرون ما مشكلته؟؟!! هل تعرفون أم أنكم تتسائلون!!؟؟ أراكم حائرون (أبعد عنه علي القرني) إنه إنه .....بالعربي ريحة فمه كريهة حتى تعدت مرحلة الكريهة إلى مراحل أنا غير مؤهل لتصنيفها إنها رائحة مركزة لا ينفع معها التحمل ولا الصبر... حتى أنه أثناء كلامه يترآئى لي من فمه ألوان تخرج كألوان الطيف من الأبخرة والغازات ..... ولقد وجدت معه حلا مؤقتا ينفع للأحاديث الصغيرة وهي وإن كانت مجدية لكنها خطيرة قد تؤدي للهلاك والحل كتم النفس حتى ينتهي من حديثه .


ولفتحة فم أسد علي في غابة من غير واسطة بيني وبينه ... أشهي عندي وألذ من فتحة فمه يسولف علي..


هذي معاناتي ما تراني أعمل ؟؟

هل أصارحه؟

أم ألمح له؟
أم أخلق مشكلة بيني وبينه لأتحاشى الكلام معه ؟

كل هذا صعب علي

لقد قررت الهجة ويمدحون الهجة لقد نقلت لفصل آخر بسببه.



هذه السالفة حدثت وتحدث لنا جميعا ما سبب هذه المشكلة (رائحة الفم الكريهة) هل هو بلادة من صاحب المشكلة وقل نظافة أم هو مرض ... أم.... أم......وما العمل لمن بلي بشخص سيئ الرائحة هل الفراق هو الحل أم هناك حلول غير ذلك أسئلة تحتاج لإجابة ؟؟؟!!!


تحياتي
أبونادر

[Abu Salman]

ياخوي كلمه وقل ان رائحة فمك كريهه بس بلباقة شوي ...


أتوقع إنه ما يدري والا لو يدري كان ما رضى على نفسه ....


هذا رأيي ببساطة .. وشكراً

وبعدين حنّا بالعطلة وشلون شميت ريحته >>>> المحقق كونان

[المسفهل]

أهــلاً وسهــلاً بصـاحبنــا القــديــم [ ابــو نــادر ]


كثيــرة هــي المشكــلات التــي مثــل مشكلتــكـ والتـي تقــع فـي بعــض الأحيـــان مــن زميــل الـــدراســة أو الأخ الشقيـــق أو فــي أحيــان مــن الــزوجــة أو الــزوج ، وصــدقنــي أنّ صـاحــب المشكلــة لــو علــم بمشكلتــه لحــاول وبقــدر المستطـاع تــلافيهـــا ، إلا مــن بليــدي الإحســـاس وهــم قلـّـــه وهــؤلاء القلــه ينطبــق عليهــم قـول الشـــاعــر :

إذا كنــت لا تــدري فتلــكـ مصيبـــة ***** وإن كنــت تــدري فــالمصيبـــة أعظــــم




هــذه المشكلــة وعــلاجهــا تختلـــف بحســـب مـُـقــابلــكـ ، فــأحــدهــم حســـاس قـد تنقلــب حيــاتـه إلــى نكــد ، وهــذا بــرايــي ليــس لــه حـــل ... !!!

وآخــرون تنفـــع معهــم رســالــة جــوال منمـّــقــة ، وأحــدهــم ورقـــه صغيـــره تضعهــا فــوق طـاولتــه ، وغيـرهـــم بــإمكـــانــكـ وبــإسلــوب لبـــق محــادثتهــم شفهيـــاً أو إرســال أحــد للقيــام بتلـــكـ المهمـّـــه .


ويجـــب أن يعلــم المعيـــوب أن هــذا النــاصــح لــم يـُـرد لــه إلا الخيـــر

[ ورحـــم اللــه إمــرئ أهــدى إلـــيّ عيــوبـــي ]

[صقر الوادي]

.
.
والله يانت ماعندك احد <<<<<<< قل قسم

الحل انك كل يوم تاخذ ربطة علك نعناع
وتعطيه كل صباحية واااااااوتس
تسااان تصير احسن صديق ويبدا يدورك دورة وانت تلاحق الكورة
<<<<<< ماله دخل الكورة بس علشان يضبط السجع

بس انتبه لايشوفك الستاد ... قبل الدرس قله يحلته ...همن عقب الدرس عطه علك ...
وانت احتسب الاجر ... خسارة ريال كل يوم على هالعلوك ازين من المعاناة اللي انت به


كتبه اخوك الدكتور المختص بالعلاج عن بعد صقر الوادي


...

[أبونادر]

اقتباس المشاركة الأساسية كتبها Abu Salman ياخوي كلمه وقل ان رائحة فمك كريهه بس بلباقة شوي ... أتوقع إنه ما يدري والا لو يدري كان ما رضى على نفسه .... هذا رأيي ببساطة .. وشكراً وبعدين حنّا بالعطلة وشلون شميت ريحته >>>> المحقق كونان

هلا وغلا بأبوسليمان يا أخي صدقني عجزت أقول له أتوقع انه شينه شوي بعدين لو هي مره ولا مرتين كان تحملناه لكن بتله هو تسذا الله يشفيه....

أما وشلون شميت ريحته ما قلت أنا أمس شميت ريحته شميت ريحته يوم أنا بثاني ثانوي يعني قبل سبع سنين وإلى الحين الريحة براسي يا دافع البلى

[أبونادر]

اقتباس المشاركة الأساسية كتبها المسفهل أهــلاً وسهــلاً بصـاحبنــا القــديــم [ ابــو نــادر ] كثيــرة هــي المشكــلات التــي مثــل مشكلتــكـ والتـي تقــع فـي بعــض الأحيـــان مــن زميــل الـــدراســة أو الأخ الشقيـــق أو فــي أحيــان مــن الــزوجــة أو الــزوج ، وصــدقنــي أنّ صـاحــب المشكلــة لــو علــم بمشكلتــه لحــاول وبقــدر المستطـاع تــلافيهـــا ، إلا مــن بليــدي الإحســـاس وهــم قلـّـــه وهــؤلاء القلــه ينطبــق عليهــم قـول الشـــاعــر : إذا كنــت لا تــدري فتلــكـ مصيبـــة ***** وإن كنــت تــدري فــالمصيبـــة أعظــــم هــذه المشكلــة وعــلاجهــا تختلـــف بحســـب مـُـقــابلــكـ ، فــأحــدهــم حســـاس قـد تنقلــب حيــاتـه إلــى نكــد ، وهــذا بــرايــي ليــس لــه حـــل ... !!! وآخــرون تنفـــع معهــم رســالــة جــوال منمـّــقــة ، وأحــدهــم ورقـــه صغيـــره تضعهــا فــوق طـاولتــه ، وغيـرهـــم بــإمكـــانــكـ وبــإسلــوب لبـــق محــادثتهــم شفهيـــاً أو إرســال أحــد للقيــام بتلـــكـ المهمـّـــه . ويجـــب أن يعلــم المعيـــوب أن هــذا النــاصــح لــم يـُـرد لــه إلا الخيـــر [ ورحـــم اللــه إمــرئ أهــدى إلـــيّ عيــوبـــي ]

يا هلا والله بالمسفهل ماشاء الله كلمات تكتب بماء الذهب بارك الله فيك على ماسطرت يمينك وصدقني ان هذه المشكلة متفشية جدا في مجتمعنا في الحلقات والمراكز حتى سمعت أنه فيه حالات طلاق وفراق بسبب هذه المشكلة



مرورك وسام على صدري

[أبونادر]

اقتباس المشاركة الأساسية كتبها صقر الوادي . . والله يانت ماعندك احد <<<<<<< قل قسم الحل انك كل يوم تاخذ ربطة علك نعناع وتعطيه كل صباحية واااااااوتس تسااان تصير احسن صديق ويبدا يدورك دورة وانت تلاحق الكورة <<<<<< ماله دخل الكورة بس علشان يضبط السجع بس انتبه لايشوفك الستاد ... قبل الدرس قله يحلته ...همن عقب الدرس عطه علك ... وانت احتسب الاجر ... خسارة ريال كل يوم على هالعلوك ازين من المعاناة اللي انت به كتبه اخوك الدكتور المختص بالعلاج عن بعد صقر الوادي ...

صقر الوادي


يا حبيلك شكلك بطران ليتني بجنبك وأخلي ريحتي شينة..... لا صرت أبضمن علك يهون كل شي

بعدين ما صار حل هذا طال عمرك دجة خبرك كم تعطى للفسحة ثلاث تريل(ريالات) ونصفهن نغبيهن نتحمل الجوع بس نلقاهن لا طلعنا نمر نشري جريدة الرياضية مهوب كله أعرف كوره بس أبوري العيال إني منيب سهل أشري الرياضية وعلى حساب بطني جوووع وهو جوع وبس ذاك اللي نحس به قسم بالله إنه برمضان نصوم يوم كامل وعادي لكن بالدراسة أحس انه أشد... وخبرك وزارة الغفلة حاطين سبعة دروس ومزودين الكيلة حاطين الدرس الأخير رياضيات ووواااوووك


وياحبيلك أنت وعلوكك
أبونادر

[ميمون]

مرحبا بابو نادر
الله أعلم إن المشكلة بالبطن ..

تحياتي

[المعتز بدينه]

هههههه
أجل وش حال التركيز مع المدرس ..!
عادي رسالة جوال تبين له اثار رائحة الفم الكريهة ..!
وبعدين بيفهمها !! ولا ناقشه عن بعض الشباب اللي يجون لفصل ثاني ثانوي ( ج) وقل وش رايك والعب لعبة (( إياك أعني واسمع ياجاري ))
الله يكون بعونك قايم من النوم وتقابل شمس وريحة فم >> واااااااااااااااااااااااااااااااااااااااو

[أبونادر]

اقتباس المشاركة الأساسية كتبها ميمون مرحبا بابو نادر الله أعلم إن المشكلة بالبطن .. تحياتي

بالبطن يا ميمون أجل أنت قاعد معي تسولف معه إجابة خاطئة حاول مرة أخرى


وين حنا وين أنت تحسبنا حاطين لغز من أين تطلع الريحة حنا قاعدين نحل مشكلة واقعة ونناقشها بهدوء مهوب جاين عندنا ياميمون تزمر خلاص هونا


والمشكلة هذه مهيب قريبة عشان أتذكر معين الريحة يعني تقريبا له خمس أو ست أو سبع سنين ما أذكر:D

ولا تنس نقطة فاتت عليك يالمحقق كونان أن الدرس الأخير رياضيات:D


تحياتي لك مرورك هنا شرف لي

[المدلع]

هههههههههههه ياحليلك ياعبد الاله نكته

[التويجري]

الحمدلله ..

ماعمري عشت بدون علوك ..

وأمشي وأوزع حيث اني خابرن مثل هالوقع ..

فلذلك ارى أن حل العلوك هو أنسب شي ..

لاسيما ان الربطة به 5 حبات ..

يعني أنت حبة ..

واللي قدامك حبة ..

واللي يمينك ويسارك على حبة ..

واللي خلفك حبة ..

وبهالطريقة تضمن هواء منعش من جميع الجهات المحيطة ..

الله يذكر ايام الثانوي بخير ..

المدرسين صاروا أول مايدخلون مع الباب :

التويجري احلت العلك ..

وبالتفتيش يتركون الفصل كامل ويطبون علي ..

لانهم عارفين اني مصدر تمويل ..

لكن المفروض يشكرونن ..

بس ماعرفوا قيمتي ..

[أبونادر]

اقتباس المشاركة الأساسية كتبها المعتز بدينه هههههه أجل وش حال التركيز مع المدرس ..! عادي رسالة جوال تبين له اثار رائحة الفم الكريهة ..! وبعدين بيفهمها !! ولا ناقشه عن بعض الشباب اللي يجون لفصل ثاني ثانوي ( ج) وقل وش رايك والعب لعبة (( إياك أعني واسمع ياجاري )) الله يكون بعونك قايم من النوم وتقابل شمس وريحة فم >> واااااااااااااااااااااااااااااااااااااااو

هلا بيييك المعتز بدينه بنفسه هنا والله شرف لنا

بعدي تصدق فاتت علي إياك أعني واسمعي ياجاره وشكله مجدية جدا


بارك الله فيك
محبك
أبونادر

[جهينة]

الله يكون في عونك ياابونادر
وااااو ياهوموقف صعب
والحل عندي جب له هديه(عربون صداقه)وتكون الهديه عطر مزيل لرائحة الفم
بس الله يعينك تراه اغلى من العلك اللي بريال تقريبا سعره 8او7 وقله كل
يوم اذا بغيت تجي للمدرسه بخ اثمك لاعادت عليك او خل الهديه بدرج الماصه
وكل ماهرجك وشميت الريحه على طول طلعه وبخ اثمه