[بريده وبس9999]

صبحكم الله بالخير....ورجاءا الأخوات المتزوجات لايفهمنن غلط....إسمعن السالفه وأنتن إحكمن......
كنت في حفلة زفاف في الرياض وكنت أجلس بقرب رجل كبير سنا وقدرا,وبطبيعتي فأنا أحب مجالسة الشيوخ الكبارلأنني أحب أحاديثهم وتجاربهم وكفاحهم في الحياة.....مالكم بطوالته....الرجال من ضمن كلامه لي,,,قال لي :ليش ماتعرس وتأخذ لك زوجة ثانية؟؟
قلت والله الحمدلله عندي أم خالد,,تسوى عندي كنوز الدنيا,وماقصرت معي ,لها مواقف مستحيل أن أنساها في حياتي...قال:أنا أعرف ذلك ,,,أنت ياوليدي مافهمت قصدي...أنا أقصد البنات ماليات البيوت ياوليدي وقعدن ,,والبلى بشباب هالوقت ,مهب راعين زواج...جتهم مع كل يمه(يعني مع كل صوب) بطالة وغلاء وزد على ذلك شباب هالوقت مهب راعي مسؤولية ولايقدر يفتح بيت,,ماغير متسدحين بهالإستراحات عند هالقنوات وسهر إلين الفجر ونوم حتى المغرب,,وهذولي الشباب بصراحة مانقدر نعطيهم بناتنا وهم عيشتهم كذا,,ولاتنسى ياوليدي الخمور والمخدرات إلعبت ببعض شبابنا,,,,,لكن أنتم ياللي سبق وتزوجتوا وقطعتوا شوط من تكوين مستقبلكم ,,,الحمدلله أنت موظف ومرتبك عالي وعندك بيت ملك ,,وماينقصك شيء تزوج وعندي لك بنت,,,وياليت ياوليدي كل اللي مثلك لوتزوج وأخذ الثانية ,,كان حليتوا مشكلتي أنا وآباء كثيرين يعانون من معاناتي.......وهالحين ياشباب المنتدى وش رأيكم بكلام الرجال؟؟؟؟
ياشايب سمنسي خلنا نسويها وننقل تجربتنا للآخرين.....ودمتم بخير.

[رشوديه]

الله يهداك تحرض الرجال علينا حنا الحريم اذاسمعنى طاري العرس جن جنوناا الله يهديك مشكورررر

[ما أجمل الاخلاق]

قال تعالى (( وَإِنْ خِفْتُمْ أَلاَّ تُقْسِطُواْ فِي الْيَتَامَى فَانكِحُواْ مَا طَابَ لَكُم مِّنَ النِّسَاء مَثْنَى وَثُلاَثَ وَرُبَاعَ فَإِنْ خِفْتُمْ أَلاَّ تَعْدِلُواْ فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلاَّ تَعُولُواْ ))
احل الله لنا التعدد ثانية وثالثة ورابعة بشرط العدل والمساواة فان كنت تستطيع يا بريداوي 9999 فشد حيلك واعزمنا
فأن لم نستطع فواحدة تكفي واقضب ارضك لا توخذ منك .

[مرحبا]

هذا الشيخ أعقل مني ومن أي رجل لحد ما يقارب عشرة آلاف رجل في هذا الزمان ومن مائة ألف امرأة في الزمان نفسه
لذا كلامة حقيقي وعين الصواب
ثم إن هناك رجال هالحين عندهم من البنات اللي ما تستأمنه لضياع والدها وتضييعه لبناته ......
فيه شاب قال لي : لزّمت علي أمي بالزواج فقالت لها : مادام هالاتراك وغيرهم يوصلون الطلبات للمنازل وتستقبلهم بنات حرمت على نفسي الزواج ولو إني في بر يدة

[بنت الهلي]

ما اهنا غير هالسالفه
دور لنا غيره الله لا يهينك

[جد هايدي]

والله كلامه صحيح ارتفعت نسبة العنوسه عندنا وزدياده نذير شر الله لايبلانا

[alking]

اخوي هذا منتدى أخبار بريدة ماهو ساحه مفتوحه مثل هذا يوضع بالساحه والا لا يالمشرف
لكن اضن انك توك مسجل وتبي تزود المشاركات

[بريده وبس9999]

اقتباس المشاركة الأساسية كتبها alking اخوي هذا منتدى أخبار بريدة ماهو ساحه مفتوحه مثل هذا يوضع بالساحه والا لا يالمشرف لكن اضن انك توك مسجل وتبي تزود المشاركات

أدري انه منتدى أخبار بريدة بس أنا أحب أحط الموضوع في المنتدى بريدة أيس أحطه في الساحه المفتوحه برأسك شي أذا كان موضوعي ماهو عاجبك الرجاء عدم الدخول على مواضيع طيب أنت تقول علشان تزود المشاركات أول شي وش أبستفيد زادت مشاركاتي أو مازادت مالك شغل الرجاء

[بريده وبس9999]

الف شكر على الاطلاع على موضوعي والرد على موضوعي والف مليون شكر

[مستر كيف]

اسمحلي كلام هالشايب واقعي نوعاً ما لكن البلى مهوب بشبابنا فيه شباب قادرين وقاعدين يدورون بنات ويرفضون بسبب تعنت بعض البنات وأيضاً بعض الأباء يقول أبي بيت ملك لبنتي .. وشروط تعجيزية

انا اعرف شباب موظفين من خارج بريدة أو خارج القصيم بتعبير أصح .. لكن كل العوائل رفضوه ليش يقولون نبي بنتنا عندنا .. قلي أنت وش رايك في كلام هالناس

أنا اقول لك كلام هالشايب واقعي نوعاً ما وصدق لأنه يبي يزوج .. لكن اللي عاجبه تسدح بنته عنده وش تقول له ...

[بريده وبس9999]

المفروض يزوج بنته سوآ كان في القصيم أو خارج القصيم وشبي فيها خلاص تزوجت الله يستر عليها موأجباري تكون عنده الف شكر على الرد على موضوعي يا مستر كيف

[ツحـبـر شـفـافツ]

وش وش ..

تزوجوا الله يوفقكم ...

بس للمعلوميه نسبه الشباب في السعوديه أكثر من نسبة البنات .. فقط للمعلوميه ...

يعني حنا نشكوى من العزوبيه مو العنوسه ..

وبباي

[الاسيره]

الله يهديك !!! وبس

[الفخامة]

يالله على يدك زوجنا الثانية أنا أعرف واحد راح يخطب ثانية كل يقول ليش تبي العرس وشبه الأوله عندك مشكلة ومن هالكلام ,, وإلا تقول البنت اللي أخذني على مرتة يبي يأخذ على بعد أنا ويالله خذ من هالمشاكل هذا غير المصاريف والدجة والبيوت وغلالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لاء الأسعار هالحين وحط رجلك .
وإن كان تخبرلي من غير شروط راسلني ,,,,,,,,,,,,,,,,