[فولاذي]

اولا اريدكم ان تعلموا اني لدي محل واترزق الله منه لكن انا مايطيع ضميري اني اغبـــــــــــــن الناس
ثانيا اريدكم تعلمو ا اني لم احذر بسبب شجار واماشابه اقسم بالله فقط جبت الموضوع لكي نستطيع انا وانت ان نوقف هذه المهازل

الموضوع
ذهبت لاشتري اغراض للمنزل من الصيدليه واخذت شامبو دوف ضد القشرة وثاني للشعر الجاف سعر الواحد 23 ريال واخذت صابون يدين سائل لوكس الزهري بسعر 13 ريال واخذت ديتول للجسم مع ليفه هديه16.50من صيدلية اطلس بعدها بيومين ذهبت انا والاولاد الى جيان حصلت الشامبو 19.50والوكس9.50والديتول13.50 يعني الفرق مهب لم قلم لو نص او اريال الزياده مهب مشكله بس يوم حسبت اغراضي صار مزود علي13.50تخيل الفرق يعني نصب المهم رحت ورجعت لصاحب الصيدليه مصري خلوق جدا جدا قال لي انا مليش دعوه هم الي بيحطو الاسعار دي !! قلت له منهم ؟؟ قال اللجنه حقين الشركه قلت اي شركة؟؟ الصيدليه صح لها فروع لكن ماوصلت انها تصير شركة يمكن مؤسسه تمشي وبعدين ابغاك تساعدني توصل للمسئولين هذا الكلام قال ماأدرش ؟ انا هنا نقطة توزيع فقط
قلت خير ان شاء االله تعالى سلام عليكم ...
وللمعلومه صابون لوكس الي كاتب عليه 13ريال علية عرض بجيان حبتين 15.50صدق اولاتصدق

شوفو اذا انا ابسكت وانتم تبي تسكتون قسم بالله ان يوصل سعر علبة الكبريت 100 ريال
لكن نتكاتف ونفضح هالنصابين اقل شي يأخي اكتب بالانترنت عن اي موقف يحصل بزيادة الاسعار وفضحه

وللمعلومية اسعار الاغراض بالصيدليات الثانيه بسعر جيان او ازود بريال فقط


ابغى رأيكم ؟؟؟؟؟؟؟؟؟؟؟؟؟؟؟؟

[مخاوي الديره]

أخوي الفاضل / فولاذي المحترم
كلامك صحيح ,
فيه استغلال من المحلات في جهل المواطن في الاسعار نعم يأخي يعني فيه نصب واضح , والسكوت من الناس ادى لهذا الجشع واستغلال كلمة ارتفاع الاسعار لتبرير الموقف في الزيادة , ويجب علينا أن تكاتف ونذكر كل محل يزود السعر في هذا الساحة لكي تكون الصورة واضحة امام المواطن .
أنا اشتريت من صيدلية أطلس صبغة شعر اسمها ( Bigen) بيقن يابانية قيمتها 28 ريال وحصلتها عند مرايا 20 ريال ,نفس الشكل والصناعة .
والعثيم للجمله في المستودعات في اختلاف في الاسعار مهو معقول وغلاء زائد . والباقي من الهلل يأخذ عيني عينك .
وأرجو من الأخوان ذكر أي محل يستغل الناس برفع الاسعار بأسم الزيادة .
ارجوكم يأخواني تساعدو على ذلك لتعم الفائده الجميع ونظهر النصب في الأسواق .
أخيراً نشكر صاحب الموضوع .

[# نبــ بريده ـض #]

كلام سليم
وترى تعودنا نتري الغالي ومن بكرا نروح لهايبر ماركت مثل (جيان_ العثيم_ المخازن) ونلقى الي مايصدق
بس وش تكلم ؟
وش تقول؟
ومين الي يبي يسمع لك؟
مشكورعلى الموضوع

[أبو شباصة]

كلامك عين الصواب
لكن يافولاذي صحيح يلعبون بالأسعار لكن مالحل تقول نقاطعهم أعتقد رح نخسر لأننا أكثرنا أعداءنا من ناحية المقاطعة وإذا كنت ترائ غير المقاطعة فهذا شيء آخر .
ما الحل ؟

[ليالي نجد]

الله يعيين بس

ويقولون تزوجو ....

فيه حاجات ارتفعت باسباب معينه

لكن فيه اشياء ارتفعت بدون اي سبب وهذا لو تكاتفتنا نقدر نلاقي حل له

والله يخليك اخوي فلاذي على حرصك..

[أنا شاطر]

قبل شهر رايحن للبقاله أبشري تتن عطيته 5 ونص

قال لا أرتفع اللحين بـ6

هههههههههههههههههههههههههه


ياحبيبي أساسن حياتنا كلها مواقف من أرتفاع الأسعار أو بالأصح التلاعب بالأسعار

كل شي دببببببل


والله يستر من الجاي

[ابوسعود 666]

.


الغريب والطريف : أخذت خبز عادي من خباز بالاسكان قال لي الأفغاني فرصتك . قلت ليش ؟


قال من يوم السبت 8 / 10 / 1428 هـ أبرفع سعر الخبز من 4 حبات بريال ، إلى 2 حبتين بريال


ههههههههههههههههههه



قلت وراك تبي ترفع سعره ياجيان ؟ هههههههه

قال : كل ناس فيه يرفع سعر ، بس أنا ما يرفع ! هههههههه


أصبحنا ضحية استغلال للأسف

[أنا شاطر]

ههههههههههههههههههه

ضحية وكلن يبي ياكلك مه جهه

وأي نوع من الناس

سواء شركات أو مؤسسات أو عماله آجنبية
ملزم آنك تصرف عليهم

[الصباخ]

أرفع وأرفع ، كل الناس ترفع وأنا أرفع .،

صرنا ماندري من الصادق ومن الكذاب .،

[الـمـونـالـيزا]

والله شي يعور القلبـ !!

على هالحالة .. من وين بياكلون اللي على قد حالهم ؟؟!

[بو صلوح]

من أحد أسباب الحرب العالمية الأولى والثانية (غلاء الأسعار)
فهل سيكون غلاء الأسعار هذه الأيام أحد مسببات الحرب العالمية الثالثة؟
الله يستر.............

[مخاوي الديره]

اقتباس المشاركة الأساسية كتبها الـمـونـالـيزا والله شي يعور القلبـ !! على هالحالة .. من وين بياكلون اللي على قد حالهم ؟؟!

الله يعينهم ويصبرهم على ظروف الحياة القاسية .
تخيل أن 60% جنسية من العالم تحاول مشاركتنا في المعيشة وهي القدوم الى ديارنا والعمل فيها
على الحال وش بقى لشبابنا , كيف يعمل والكل ينافسه في العمل و رواتب متدنية وهو راتب 1500 ريال ودي امسح به الأرض الي أخترع راتب 1500ريال , حتى أن غازي القصيبي يتسأل في أحد اقواله وش حكاية 1500ريال من الى اخترعها .
والله مسكين الشباب مظلوم جداً . كيف يعيش في ظل الغلاء وراتبه 1500ريال , والي يقهرك لجاك تاجر يصرح يقول والله الشباب السعودي كسول ومايقدر العمل يعطيه راتب ظعيف ويستعبده طول النهار في ( الفتات ) الراتب , اعتقد أن مافيه عند التجار أخلاق اسلامية ولا مهنيه على كثرة صلاتهم التجار وترددهم على المساجد , ولا طرة على الواحد بنى مسجد وكتب عليه مسجد الشيخ فلان بن علان , يأخي التاجر لاتبني مساجد يكفينا منك أنك ما ترفع الاسعار على المسلمين وتوظف الشباب في رواتب محترمه تكفل له سبل العيش الكريم وهذا لك فيه اجر وثواب عند الله .فيه تجار لم يخدمو المدينة أبداً وهم مثل النخله العوجه ثمرها على غير أهلها .

[إكسير]

أخوي . . " لا طاح الجمل كثرت سكاكينه " . . . المسكين " الشعب " . . كثر النهش في لحمه . . .


{ إذا كان رب البيت بالدف ضارباً . . فشيمة أهل البيت الرقص والعزف } . . .


وللعلم . . كل أو جل الصيدليات هم هكذا . . بغلاء الأسعار .

[الغريب12]

اقتباس المشاركة الأساسية كتبها ابوسعود 666 . الغريب والطريف : أخذت خبز عادي من خباز بالاسكان قال لي الأفغاني فرصتك . قلت ليش ؟ قال من يوم السبت 8 / 10 / 1428 هـ أبرفع سعر الخبز من 4 حبات بريال ، إلى 2 حبتين بريال ههههههههههههههههههه قلت وراك تبي ترفع سعره ياجيان ؟ هههههههه قال : كل ناس فيه يرفع سعر ، بس أنا ما يرفع ! هههههههه أصبحنا ضحية استغلال للأسف

ما ينلام ابو خلق ذيبان