تقرير يستحق المتابعه

الله يعطيك العافية

ابدااااااااااااااااااااااااااااااااااااااااااااااا اااااااااااااااع

تقرير روووووووووووووووووووووووووووووعه

اهنيك على التقرير اللي اكثر من جميل وحلو وحركات ووووو

بس ملاحضه { مافي الا حدائق والبيت } علينا;)؟
ههههههههه

تحياتي
انتضاااااااااار

السلام عليكم

بعد أن انهينا الزيارة إلى تامان سفاري وعند الساعة الخامسة عصرا رجعنا قافلين إلى وكرنا
منهكين من التعب ، وعند وصولنا البيت وقد غابت الشمس عندها تم حكر الشاهي وتستسة الكاتم
وبعد الانتهاء ذهبنا إلى النوم وكانت عندها الساعة 9

طبعا جلسنا نتقلب في الفراش وكان الباعوض مقلق قليلا ولم أستطع النوم
جلست على هذه الحالة الى العاشرة و10 دقائق
بعدها نمت ولله الحمد
ولم تأت الساعة الواحدة إلا وأنا نابزن من النوم بعوامل الاحساس بالتفليل من النوم وعدم التأقلم على المكان وبلسعات الباعوض
فجلست اتقلب لكن ما باليد حيلة
تخيل أول ليلة وخايف من المكان كان المجمع كبير جدا يحتوي ألف فلة وعلى رواية البعض 5000
يعني المجمع على شكل حي شوارع كبيرة وسوق وبقالات
وعندما دخلنا المجمع كان الوقت ليلا وكان شارعنا مظلم وبجوارنا أكثر من 15 بيت كلها مظلمة
يعني المجمع هجده وماتسمع إلا دبابات رايحه وجاية
أخوكم بلش ولا يدري وش يسوي س 1 والفجر يذن 5
4 ساعات وش راح أسوي
طبعا لا تلفزيون يوسع الصدر ولا تقول اطلع اتمشى لانه من يوم ماتغيب الشمس اقضب ارضك

أول ماقمت حس بي خويي وقال كم الساعة قلت له وحده
رجع ونام ، قمت انا وشبيت على الشاهي واخذت كيسة الفصفص والمكسرات وهديت به

وأشوى سمعوا خرفشتي وحوستي وازعاجي وقام اللي بالغرفة الثانية س 3
وقام خويي بعد ، وبقى الزطي متبلبط بالغرفة اللي فوق وماقام إلا على الاذان تقريبا يعني س 4 ونص

طبعا قام وهو يقول عجزت انام ؟؟؟؟؟؟؟؟؟؟؟
ياولد الكلتش إلى س 4 وتقول مانمت اجل اللي قايم من وحده وش يقول ؟؟

المهم صلينا الفجر وشبوا على القهوة

وطلعت الشمس

http://www.up3s.com/images/q8thionur191lgrp3b1.jpg

تقهوينا بالبلكونه فوق < لبنانيين


http://www.up3s.com/images/hisxiqfydoiu2nss8w9r.jpg

وبعض الأحيان نتقهوى بالصالة وأحيانا نتقهوى بالجنينة :)

http://www.up3s.com/images/aayeb46ez601co3xdgct.jpg

http://www.up3s.com/images/omiut864d1mcmjekyz.jpg






طبعا الجو بارد بالليل في بونشاك ( الجبل ) بس حنا متعودين عليه
لكن هم يلبسون جاكيتات مع انه ديرتهم

بعد ما تقهوينا وأفطرنا قررنا أننا نروح لم حديقة الزهووووووور

وبينما نحن بانتظار السواق جلسنا تمارس الرياضة



طبعا الاخير يمين الصورة ماهب معنا لكنه جارنا بالمجمع اكتشفناو يوم طلعت الشمس
مابالشارع الا حنا واياو
أجودي وراعي تمشي
طبعا جاي هو وبزارينه وماصدق يلقى ناس يوسعون صدره
أخذ بنا جولة وودنا لم قرية تحت مجمعنا لانه بجبال

http://www.up3s.com/images/ot2uytge2cn866jlj9q0.jpg


سألنا السواق قال يكفيه ساعتين

طبعا حنا الحين س 9 تقريبا

وصلنا الحديقة ودخلناه


[IMG]http://www.up-00.com/s1files/W9W84828.jpg[/IMG]

[IMG]http://www.up-00.com/s1files/6kd82197.jpg[/IMG]

[IMG]http://www.up-00.com/s1files/E7v82197.jpg[/IMG]


وقعد ندوج به انواع الزهور وخرابيط كل شجره عليه لوحة تعريفية بعمره وطوله ووين موطنه
ملينا وطلعنا بعد ماحمستنا الشمس

[IMG]http://www.up-00.com/s1files/SXp82197.jpg[/IMG]

، الجو بارد بالظل لكن بالشمس حر والمشكلة مانحس بحرارة الشمس بسبب برودة الجو

http://www.up-00.com/s1files/J0z84828.jpg

[IMG]http://www.up-00.com/s1files/kSq83015.jpg[/IMG]

[IMG]http://www.up-00.com/s1files/2Bc83015.jpg[/IMG]

تلاحظون تكثر عندهم التماثيل
ويهتمون به ويعينهم على ذلك الصينيون ففي المجمع تجد الحي الصيني كله تماثيل للشمس والتنين ووو

ويوم رجعنا للبيت بديت أحس برقبتي حرارة مهب معقولة وبعد عرضي على دكتورنا الخاص قرر أنه جلدة شمس
فصار به حد من الفنيلة الى الرأس كله احمر ملتهب
وصرت ما اقدر البس شي الا بالعافيه واي شي يلمس رقبتي اتوجع < هذي مشكلة القراوى والا الناس تحط كريم شمس وما ادري وشو بس الله يرحم حالنا شهبان

بعده رحنا لم الشلالات وكانت فعلا روعة
فيه شلالين واحد قعدنا ربع ساعة نمشي بالغابة عشان نوصله
والثاني يقولون يبي له ساعة ونص وهو شلال كبير جدا طبعا
حنا تبيعدنا الثاني واكتفينا بالأول

http://www.up3s.com/images/gt2wdu444n3hfdm61in.jpg

http://www.up3s.com/images/1mhintzjcf4rwvq2y1yr.jpg

http://www.up3s.com/images/ymvbqezic1806chj2r.jpg

http://www.up3s.com/images/klurt76asyitrfxfv8v7.jpg



هذا كلام المرشد السياحي هذا هو قدامكم هو ومساعده

http://www.up3s.com/images/2f80p4aw70ucxnu62qad.jpg

وبعد ماقضينا من الشلال قال أبوديكم للبخيرة
قلنا وشي ؟؟
قال بخيرا قلنا ايه بخيرا توكل على الله ورحنا للبخيرا
وكان فعلا منظر بديع جدا

( البحيرة في التوقيع )
وكان فعلا يحتاج انك تقعد به من الصبح الى غياب الشمس ، تطبخ وتنفخ وتدهر
وتوسع الصدر بس للاسف مرينا عليه مرور الكرام

وبعدها رجعنا الى مستقرنا بعد أن دبغنا العشاء بمطعم سعودي على شكل المصمك
ثم رجعنا وصينا ونمنا
والحمد نمت اليوم زين وماقمت الا س 3

تسلم على القصه والصور

ههههههههههه أنا ماضحكت إلا على القهوة والشاهي والتمر :d..
ضروريات :113:..
متابع لك ياألبي..
يازين هاك الديار زيناه..

بعد أن قمنا قررنا أن نذهب لمزارع الشاي وهي لشركة فرنسية
وقد تأخر علينا السائق عبدالرحمن
فاضطررنا إلى جلب سائق اخر يدعى سليم وندلعه سلمبو

طبعا سليم من حمام الدار خابزن السعودية خبز
وما ادراك بعد الا قعدنا نتبرك به :)
تدرون ليس لأنه سواق عند الشيخ السديس
ويشتغل بمصنع مكيفات بالرياض تابع للشيخ
ويرسله الشيخ كل صيفية لاندونيسيا عشان يؤجر له فلته اللي بالمجمع عندنا < تلاحظون المعلومات الدقيقة :)
نخلنا ابو جده أنواع اللقافه
طبعا السواقين كل واحد احسن من الثاني
اولهم منير اللي تهاوشنا معه ومجرم
بعدين ابو داحم وما قصر اجودي بس راعي مواعيد عرقوب
يعطيك الخامس بأي لحظة مايلتزم

بعدين الشيخ سلمبوووووو وهاي صورته

http://www.up3s.com/images/cev8mw1mtl8ctah06gk.jpg

عموما كان اليوم جمعة فتزهبطنا وكشخنا عشان نصلي بجامع التعاون < ياويلي يالرايد وهو اشهر جامع بالجبل ولكن للأسف لاحظنا أن الاندونيسيين ما للصلاة عندهم طاري :)

http://www.up3s.com/images/jqkaqknja6phadspqqa0.jpg

حتى يوم الجمعة والمسجد صغير وش كبره وش كبره ؟؟؟
اييييييه كبر الجامع اللي بمشعل عند بيت الشيخ العلوان

ومع ذلك ما امتلى ؟؟؟؟؟؟

صلينا < والله من البدع اللي عندهم بعد :)
ويوم قضينا رحنا لمزارع الشاهي وللأسف لقينا المصنع مغلق
مع ان اجازتهم سبت واحد
قلنا مايخالف ندوج بالمزارع ونشوف

http://www.up3s.com/images/7m8gt5y1ex1dxneguhjn.jpg

http://www.up3s.com/images/2c1rjbzcxdnrpmy4nf2q.jpg

http://www.up3s.com/images/kvj1ff3i8peqklb5kh90.jpg

http://www.up3s.com/images/s4f8g25hvwlen2lt99w5.jpg

طبعا يقطفون اول ورقتين راس النبتة لأنه افضل شي والباقي يترك

بعدين رحنا لمحل بنفس المزارع يبيع شاهي وشربنا من شاهيهم وجاز لنا
قلنا له نبي شاهي أحمر قال للاسف مانبيع هنا نوديه لباندونق
قلنا اخضر طيب قال فيه هذا المعروض قلنا له لا نبي درجة اولى طازج من المزرعة قال مافيه
قعدنا نحتسي الشاي ومادريت الا هو ناط بجنبي ويقول تعال رحت لمه
ويجي يطلع لي من تحت الطاولة شاهي اخضر من حق المصنع < سارقينه من خط الانتاج ويبيعونه العمال لحسابهم
قلت له بكم قال 50000 واااوك يابن الحلال رخص
عيا الرجيلي وقال بعد لازم تاخذ واجد اقنعناو يبيع لنا 4 واخذناهن ب 200 الف = 80 ريال
كل كيس ربع كيلو بس الصراحة انه شاهي طيب

يوم قضينا مسكت مع واحد الا يروح للبراشوت ويبي يركب

http://www.up3s.com/images/x17mptmrolodudjz5ae.jpg

[IMG]http://www.up-00.com/s1files/Ya423256.jpg[/IMG]

وديناو لمه اثر العالم زحمة وحجز وتعهد انك ان طحت ماعلينا منك
حجز الرجال بس صيفنا ولعبنا عليه وقلنا نجيبك باكر
وماجبناو قلنا رح حنا ماحنب راكبين وياويلي ماراح

بعد ذلك رحنا لحديقة اسمه حديقة الالوان < عيارين
تدخله وما تلقى الا بحيرة واحده ولا به ولا لون مثل اي بحيرة

بعدين رحنا لم بحيرة الليدو وبه مطعم سمك وسط البحيرة
رحنا ودرنا بالبحيرو وطلبنا سمك وعجزنا ناكله :)
لأنه سمك نهر ماهب بحر تذوق طعمه يغمى عليك
ابد سمك مجاري به ريحة بردي
عاد صار من صالح السواق والله ياهو هد بوالدينهن
ويفضلون سمك النهر على سمك البحر كما هو حال اخل مصر كما سمعت

http://www.up3s.com/images/jtm49sicheb30m3tk169.jpg

بعد ذلك رجعنا للدار وبالطريق شوفوا هذا يبي يأجر فله

http://www.up3s.com/images/rpxiegb6b1pm5tp27gom.jpg

وبعد كم يوم طلعنا من بونشاك ورحنا لم باندونق ( مدينة الجنوز )
وساحرة الشرق لأن به مصانع الجنز وتتمتع بطبيعة خلابة
المسافه بينهن تقريبا 70 كيلو بس الوقت تقعد من 2 الى 4 ساعات لانه زحمه وزراعي

تشتهر باندونق بوجود المياة الكبريتية الحارة وبوجود البراكين

ويوجد بها بركان خامل لكنه لازالت تخرج منه الغازات وتشم رائحة الغاز الخارجة من البركان < ترفع الضغط
وفيها احواض صغيرة بها مياه بركانية حارة جدا وتغلي حتى انهم يسلقون به البيض

وفيه احواض ثانية حارة بس ماتغلي تغط به رجليك

مناظر للبركان من اعلى


[IMG]http://www.up-00.com/s1files/eJh22525.jpg[/IMG]

[IMG]http://www.up-00.com/s1files/ewv22818.jpg[/IMG]

بعد ذلك ذهبنا للنزول للبركان

http://www.up3s.com/images/qx7tjohmd6rb167f4i6.jpg

وكانت المسافة طويلة جدا

[IMG]http://www.up-00.com/s1files/0tz23256.jpg[/IMG]

http://www.up3s.com/images/s4ckz3lk0gbmh17elgzd.jpg

http://www.up3s.com/images/3ym4kp197sc8rr3vxi2.jpg

بعد ذلك رجعنا لفندق فيو بلاس الذي تم حجزه عن طريق مكاتب كاها السياحي
وهي مكاتب رائعة جدا وتخفض لك بالايجار وتكفيك شر التدوير والتعب
مثلا تأخذ الغرفة ب 600 الف منهم ولو تروح للفندق مباشرة ما تاخذه الا ب 750 الف
وحنا بالطريق للفندق صورت لكم بعض الشباب الحلوين

صور للفندق

http://www.up3s.com/images/wiz16fx8fnwul6pvbvi.jpg

http://www.up3s.com/images/erhmyh951oxbgzhxhde3.jpg

صور بعض الشباب

http://www.up3s.com/images/wdl28qk4ja3jo04pqwz6.jpg

http://www.up3s.com/images/keobwx9r3rct3alurjb3.jpg

وعند وصولنا الفندق
نمنا < لا عاد منب صاز

وعند س 2 ظهرا غادرنا عن طريق القطار الى جاكرتا العاصمة

والله ياهي فله

ههههههههههههههه يازين الخضار..
مبسوطين أجل :d..
كمّل .. كمّل .. ترانا متابعين لك..........