|
أنا موظف في شركة الكهرباء عندي كلام أسمعوني
كثر السب والشتم للشركة وموظفيها وحنا ياجماعة مالنا أي ذنب بالي حصل والي سيحصل
وترانا مانحلل أي واحد يسب ويدعي علينا وحسبنا الله ونعم الوكيل وشي ثاني ياجماعة كلام الأميرمشعل عين الصواب حنا الأن في هذة الأيام نبي حل وهي كالآتي 1 - تطفئة الطرق السريعة مثل طريق بين الأسياح وأبا الورود ولأنوار في الدائري وغيرها وعلى كل بس نبي وقت الذروة من الساعة 6 ----- 12 2- المساجد متابعتها بعد صلاة العشاء يأخي بعض المساجد اللمبات والمكيفات ماتطفى حتى الصبح 3- البيوت ليش كل غرفة فيها مكيف شغال على طول المفروض تكون شغالة وقت النوم ياجماعة أحتسبوا الأجر وكل واحد لو مشى بالأشياء راح تنحل المشكلة وبعد هالأزمة نتابع ونبحث السنوات القادمة وتكفون لاترمون الأتهامات أو تسبون موظفي الشركة والله حنا مثلكم وأشد نعاني من ألأزمة وأبشركم الأمور بخير وهالأزمة مثل مالها سلبيات صارلها ايجابيات |
لااله الا الله بعدي والله لاكن... انت اسئلك بالله مامليت من الانقطاعات كل ثانيه منقطع الكهرب لاتنسى ترانـا ندفع من فلوسنـااا من تعبنـا 77 http://www.shy22.com/upfiles/9K636315.jpg ^^ وش رايك بالصوره ليش تغلقون الدائري والاسياح وغيرهـا وانتم مسرفين باالأنوار مشغلينهـا كلهـا اشكرك على تبريرك ~ |
" باترول "
الله يجزاك خير لكن المشكله حنا الي لنا اسبوع نختبر كل شوي طافي علينا ياوقت الصبح تونا جاين من الجامعه وبنام ويتسكر بهالحر ولا المغرب وقت المذاكره ولكن مانقول الا لاحول ولاقوة الابالله |
ماعلينا منك اللي له يد باللي يصير
الله لايوفقه دنيا واخره |
اقول دور على غيرنا بس
انت ماتدري ان فيه ناس مرضى وفيه ناس عندهم اطفال وفيه ناس عندهم اختبارات وبعدين ليش هذه السنه بالذات يقولون هذا الكلام حنا ما نقول الا الله لا يوفق من كان السبب في هذه الانقطاعات ويذوق اللي ذاقوه المساكين خلال الايام اللي راحت لاحول ولا قوة الا بالله |
طيب اخوي باترول ليه الكهرب يطفى بالليل ..........؟
شركة الكهرب مهما قدمت اعذار لن اعذرهم . السبب ( اليمليارات التي تذهب دعم لهم اين تذهب ....؟ او كلام واحد من الاعضاء صحيح حينا قال ( المولدات تأتي من الهند ومن اردى الشركات ) وانا لا اتهم الموضفين كلهم بل المقصر والمهم الادارة . |
ندفع دراهم لشركة تكفلة بجميع مكيفات البيت واللمبات يعني ما لك اي دخل نطفي ولا نشغل والدعاء اذا انك تستحقه فهي تتقبل ان شاء الله ندعي ما ندعي مالك اي دخل والمفروض اي واحد يمشي بسيارة الشركة يتم ايقافة او صدمة والله الموفق |
اقتباس:
على العموم بالنسبة للشركة أجتمعت الات وكائن قديمة لها أكثر من ثلاثين سنة وهي شغالة وحر الصيف هالسنة غير وزيادة الطلب على الكهرباء وكل هذا المفروض مخطط له قبل خمس سنوات لكن الشق أكبر من الرقعة |
يالغالي والله ملينـا من هالكهرب طفى إشتغل طفى إشتغل حراام والله لاكن أنت مسامح أما البـااقي زعلين عليهم شووي تحياتي .
|
صحيح ليش المكائن لهن ثلاثين سنة ؟؟؟
هذا السؤال؟؟؟ |
اخي باترول ممكن تسمحلى ابسألك سؤال في أي المواقع تشتغل بشركة الكهرب حتى اقدر أسألك بالامور الفنية وخاصة بشركة الكهرب وقضية الاحمال. ومحطة الشرقيه . والغازية وتغذية محطة القصيم للرياض وحائل |
والفواتير اللي ندفعها كل شهر حول الألف ريال وش وضعها ياخي بنفتح كل شي من جيبنا قاعدين ندفع فواتير , تبي تسكرون المباني الحكوميه بكيفكم بس افتحو كهربنا حلالنا ياخي من فلوسنا . حسبنا الله على من كان السبب . |
لااله الا الله اخودريحم اعتقد انه من اهل الاسياح لانه ذكر لنـا تطفئة الطرق السريعة مثل طريق بين الأسياح وأبا الورود ولأنوار في الدائري وغيرها ~ |
اقتباس:
كلش ولا الاسياح وخاصة عين ابن فهيد وابا الدود أجل يخلى صيد على كيفك ونفوس طيبة زينة شرواك |
اقتباس:
|
أخوي مشكور نقدر التعب اللي تعانون منه والناس ماترحم كل واحد فيهم نفسي نفسي ولاالمفروض نقدر انهم ماطفوه إلا لوجود ضغط وفيه ضرر والله اعلم ولاهم عارفين انه وقت حر واختبارات بس الشكوى لله شي غصب عليهم
|
اقتباس:
الحراره هذا السنه اعلى بـ3 درجات عن السنه اللي راحت والعداد حق الحراره يشهد . اما لهن 30 سنه فهذه عيب اخر للشركه . مثال السياره ليس له دخل . |
شكل موضف مثالي أخ باترول ... و غيرك ما راح يضيق صدره هاللي يكتب ...
جزاك الله خير ... والله لا يوفق اللي ما سلمكم مولداتكم ... |
الســــــلامــ ،،،،علـــيــــكـــمــــ ،،،،،،
|
حبيبي ترانا في عام 2009 وانت جاي تقول طفواللمبات حبيبي المولدات اللي عندكم من عام 1986 يعني منذ مبطي ليه ما غيرتوها بس تأخذون فلوسنا التي تتجاوز 1000 ريال شهريا . شنين وقوين عينين ... المفروض تعطونا تعويض على اللي يصير ؟ قال ايش قال ضغط اي ضغط يالغالي يكفي انكم رفعتو ضغطنا بالحر و الخساير الذي خسرنها . والله لو اتكلم لين باكر مايكفي ماجاكم |
والله متستحون ..؟
وش هالكلام عيب ... الرجال يعتذر بنفس الوقت يبين الخلل ويوضح شنو هالقضيه وانتم انواع الانانيه صدز مابكم فايده يا اهل بريده انواع الانانيه ... لو واحد منكم مايطفى عنده الكهرب كان مامر على الموضوع ولا فكر يرد .. وش هالحقد حقد وقلوب سوداء .. وصار من فلوسكم عاد اصبروو ماتدرون وين الخيره ... اعوذ بالله ... استعغر الله ... صدق الصبر والاحتساب .. ابشركم تراه يطفى عندنا بالبيت مرتين اثناء النهار خمس ساعات وباليل ساعتين ..؟ ولا قلنا شيء وصابرين والحمدلله على كل حاااااااااااااااااااااااااااااال يالله الجنه بس ... |
الكهـــــــــرب ذبــحنــا ،،،، ساعدنـــــــــــا،،،،،
مشكـــــــوررر |
السلام عليكم ورحمة الله و بركاته . .
اولا أشكر أخوي باترول و أقول كثر الله خيرك نحن الآن في صدد إحتواء هذه المشكلة و التقليل منها فالدعاء و الكلام لا يفيد و الشركة أخطأت أو لا هذا يرجع أمره لولاة الأمر و المسؤولين لأنه يجب علينا تنفيذ الامر المطلوب منا بترشيد الإستهلاك في الفترة الحالية من أجل أن تمر هذه الأزمة بأقل خسائر سواء مادية أو نفسية أو معنوية ، بعد ذلك يتم مطالبة المسؤولين لفتح تحقيق رسمي بما حدث و تكوين لجنة و يشرك بها هيئة حقوق الإنسان للنظر في ما حدث و ما مسبباته و مساءلة و محاسبة المسؤول عن ما جراء . . و أرجوا أن نرتقي بإسلوبنا التعاملي و الخطابي لمستويات أعلى . تقبلوا تحياتي . . |
اقتباس:
لاحول ولاقوة الا بالله ~ اللهم طولك ياروح ~ كل كلمة حق , يقال عنها قلوب سوداء حقد مادري ايش ,اهل بريده مادري ايش , وانتي الحين داخله قلوبنا , شرط ماتجين ولا نقطه من بحر مافي قلوبنا من رحمه, لكن الله يعين , عموما ً كلمة حق تقال , ندفع فلوس لمن ؟ ندفع فواتير بالآلاف لمن !؟؟ لشركة الكهرباء ! مقابل ماذا !؟ نعم يااسراب فلوسنا هي التي تخدمنا ولله الحمد نشقى ونتعب واخرتها يطفى الكهرب ويتعبون مرضانا واطفالنا وشيوخنا لنا كم سنه ونحن نعاني من هذه المشكله , أين تذهب أموال الشركه اين تذهب مصاريف الفواتير ., المفروض تقولين شركة عديمة احساس بالمواطنين والمرضى وكبار السن , |
يا اخي حنى نقول حسبنا الله ونعم الوكيل على من كان السبب وبــــــــــــــــــــــــــــــــــــــــــــــــ ـس
|
اخي باترول الحين لمبات الشركه مولعااات..!!؟؟؟ والصورة الي حطها قليل الدسم .. |
كلام ماكول خيره
مافيه الا كلمة ان انتم مالكم ذنب صح ومن يدعي عليكم هداه الله فانتم مالكم شغل باللي يصير المشكلة في من رسم السياسة للشركة والوزارة تحديدا لكن تقول وفروا وش نوفر اصلن الكهرب جاي جاي وبتقطعونه بوقت محدد وش بيفيد ولا شي |
ترشيد استهلاك الكهرباء امر مطلوب من باب شكر النعمة فقط . ولكن لعلمك الكهرباء بفلوس مو مجاني شركة الكهرباء جالسة تتشرط على الشعب ! بفلوسنا اللي تحصلها شهريا وياويلك لو ماتسدد يقطعون عنك الكهرباء تطور طاقتها وتوسعتها وتفكنا من تخلفها وقطعها المتعمد للكهرباء عن المنازل والمدارس وأماكن العبادة والمحلات التجارية ....الخ وهمسة في أذن شركة الكهرباء 70%من اسهمها للدولة... صحيح أن الدولة تتنازل عن ارباحها السنوية70هللة للمساهمين ولكن السؤال اللي يطرح نفسه لشركة الكهرباء : هل شركة الكهرباء تحصل فواتير الكهرباء المتحصلة على جميع مرافق الدولة مع العلم أنها اكثر بكثير من تنازل الدولة عن ارباحها للمساهمين ؟ ((( الراصد ))) |
هههههههههههههههههه بنشغل على كيفنا وكل شي ندفع حنا مب ببلاش لو ببلاش يمكن طفوه حتى بكرى كان عطيتونا سبب زي الناس
|
حسبي الله ونعم الوكيل
حسبي الله على كل من له يد وله مسؤليه بشركه الكهرب ياعزيزي لا تدور مبررات .. شركه مسيطره على سوق الكهربا .. شركة مالها منافس مالها خصيم مالها ند مالها احد يقولها من اين لك هذا باختصار شركه دخلها مثل دخل البترول , سؤال بسيط من مواطن بسيط يدفع كل شهر فاتوره بيت ومكتب وسكن وووووو وين تروح فلوسنا ؟؟؟؟؟؟ انا مستعد اقسم انه بامكان الشركه ماليا وخلال اقل من اسبوع تغطيه جميع المناطق التي توجد بها مشاكل باقوى التجهيزات لتحمل الضغط الحاصل , ولكن لله المشتكى وله فقط نرفع اكف الضراعه ان ينتقم ممن ينهب ممتلكات المواطن |
اقول الله لايوفق الي يقطع الكهرب مدينة وش كبرة مافيها مولدات حسبي الله عليكم
|
أيه هيّين ....
|
أيه هيّين .... ....
|
عندما قرأت العنوان ضنيت ان الاخ باترول عنده شيء جديد0000اولا دعاء المسلمين على من قصر000ثانيا اين الدراسة والتخطيط 000يعني ما عندهم فلوس يجبون فيها 5 مكائن جدد ولا عندهم ارض؟؟؟؟ 000لو فوقهم رجال ويعرفون انهم سيحملون المسئولية وتعويض المواطنيين عن اضرارهم الصحية والمادية والنفسية لركبوهن قبل الصبح 000ولكن ما هناك اهتمام 000او يعلمموننا نجمع لهم المساكين!!!!! وين المليارات000وين فلوس المسلمين والمساهمين 000وين الحكومة والمسئولين 000افيقوا ياناس الجاي ادهى وأمر000كل يبرر للثاني والي اكلة اولا واخيرا المواطن 000ولله المشتكى000
|
اقول ليش هي الخدمه مجانا حتي تقول هذا الكلام
واقول لك بعض الاحياء ما يطفي الكهرباء عنها ابدأ وانت تعرفها زين . |
حسبي الله على كل من له يد وله مسؤليه بشركة الكهربا
|
ياخي مللين وراه ماتحطون زود مكاين توليد
ولمنكم جيتو اتصقرونه علمون علشان اطلع سيارتي لان الباب صعب فتحه بدون الكهرب هـــع هـــع هـــع هـــع هــع هــع هـــع هـــع هــع هــع هـــع هـــع هـــع هـــع هــع هــع هـــع هـــع هــع هــع هـــع هـــع هــع هــع هـــع هـــع هــع هــع هـــع هـــع هــع هــع هـــع هـــع هـــع هـــع هــع هــع هـــع هـــع |
[b]انا عندي سؤال سهل جدآ (( لو احد من الناس طافت عليه المدة ولم يستطيع سداد الفاتورة خلال الشهر الثالث
وحاول بكل وسيلة تأمين المبلغ المطلوب سداده ولكن بدون قدرة على على ذلك خصوصآ ان قيمة الاستهلاك تتضاعف كل شهر يمضي عليه .. وعنده بالبيت الوالد او الوالدة وهم كبار بالسن ولهم ادوية السكر والضغط وغيرها بالثلاجة والوقت بعز الصيف مثل هاالايام ويمر بظروف مالية صعبة ولا يبي ينثر ماء وجهه بسلف أواستجداء احد ثاني من باب العفاف والستر وجاء موظف الشركة يبي يفصل الكهرباء عن بيت هالمسكين بعد انتهاء المهلة للسداد حسب اوامر الشركة )) هنا السؤال اسألكم بالله هل يمكن لموظف الكهرباء ان يقدر الموقف أو يتساهل عن هذا الاخ ويتركه . لله .. أو يقوم بالتنفيذ ويقطع شريان هذا العصر وهو الكهرباء الذي هو عصب الحياة في هذا الوقت ... اتمنى مجرد أمنية من اصحاب الردود السلبية او التي لا تتوفق مع أهوائهم الفلسفية عدم المشاركة بالرد ... (( رمح تزرق به ولا رمح توعد به )) وطابت ايامكم ,,,,,,[/b] |
وين راح صاحب الموضوع علشان يرد على المشاركين بموضوعه او كا...... |
احسبــك تبي تقول خلاص الوضع ضبط هههه يعني ردد ياليل مااطولك بعدين انت تقول اننا مالنا دخل اسألك بالله وحنا يالمواطنين وش دخلنا بأنوار الدايري وطريق ابا الدود تحسب العداد حقهن عند الأشاره نروح نطفيه وبعدين حنا ندعي على المتسبب ولانعمم ,, والله يرزقك الجنه ياخوي حنا ماندعي الا بعد المعاناة اللي نشوفه وانت بعز نومك او جاي من الدوام الساعه 2 واذا دخلت الغرفه تحط راسك طفى الكهرب يعني يابعدي تبين اقول (( الله يوفق من طفاه ويرزقه )) طبيعي اننا نعصب .. لكن شكلك مالك وماعليك بهالشركه ,, الله يسعدك ويوفقك يارب, بس انت خخخ |
الله يعين علي الحال
بس ما نقول الا الله يفرجها |
حابه اقول اخ باترول لك عظيم الشكر والتقدير فلقد امتصيت القليل من الكثير من غضب الناس بهذه المشاركه اما تعليقي على الموضوع فلا ازيد على الاخوان الراصد والوفي بدر والشمالي فلا يضيع حق وراه مطالب.
|
:
: : ضف وجهكـ انت وهالشركه الفاشلهـ,, لك وجه تدافع عن هالحراميه, : : : |
أخي الكريم أعتقد أن جميع الأعضاء المحترمين الذين ردو من خلال هذا المنبر الإعلامي المميز لم يتطاولو على أحد بعينه إنما إنتقدوا الشركة التي لم تراعي مصالح المواطنين علماً بأن المواطن لو يتأخر بسداد المستحق عليه بالفاتورة تم فصل التيار عليه والمتسبب هي الشركة نفسها ونطالب بفتح المجال للقطاع الخاص حتى يكون هناك تنافس كما هو الحال في قطاع الإتصالات
|
وارد الجادول 000اليوم ماكو رحمة 00يطفون عنك الكهرباء ووتجي العافية000هذا النظام 000مثل شركات التأمين الحرمية لهم ولا عليهم0000الله يكون بالعون 00رح سدد000 ولكن أخر دفع شهر 6و7 واخبر معارفك 00يد واحدة على شركة كهرباء بريدة000
|
هههههههههههههههههههههههههههههههههه
الحمدلله اني مانيب موظف بشركة الكهرب :d ياويلي اكلتو الرجال وبعدين لاتزعل ياخوي الدعاوي تروح للي يستحقها :mad: والصراحه متنا وحنا ماغير نطامر ورا هالكهرب طفا اشتغل تقل توم وجيري :S الله يعين بس الله يجيب الشتا وطفوه على كيفكم :d |
لالالالالالالالالالالالا
تعليق سيف نجد |
شركة الكهرب تتحمل ذالكـ
طيب كل الدوائر الحكوميه والمدراسه تعمل إنارتها في الليل توفير سيارات لموظف فل كامل ((جيب باجيرو)) طيب ليش ما يصلحون المولدات والتربينات الي في المحطه على فكره ترى أكثر من مره أزور المحطه أيام الكليه التقنيه والمعهد الصناعي في الزلفي |
شــف ياصديقي ياولــد الــبــاتــرول أنــا ساكــن بــشــقــه ومـاأشــغــل غــير مكيفين وكــم نـجــفــه ومسدد فاتوره 120 ريال بــفــهــم ليش !! الشيء الثاني حـنــا نــدفــع لــكــم رواتبــكــم يعني تاخــذون فــلــوس عــلــى هــالـخــدمــه مــوب مــجــانــا وتتكرمون علينا فـيــهــا يعني الـحــق لــنــا مو الـمــنــه لــكم منتكم بالـــتــراب نــدفــع لــكم فــلــوس !! http://dc02.arabsh.com/i/00231/qj00u9bp8fz4.jpg |
باترول كلامك منطقي بس وين البراك وعلى طاري البراك انا أول مرة بحياتي أشوف مدير وعنده 39 وكيل خير ان شاء الله وش يحسبه ثانيء شيء مهوب منطق أبد أنك تقول لاتشغلون كل المكيفات يعني تبين أنا وعيالي نقعد بمكيف واحد نقابله والسبع الباقيات الي دافعين بهن دراهم تسان قلتوا لنا قبل عشان نقلب المكيفات الباقيات فرن ومكرويف على العموم انا وحدة الحمد لله ماسبيت أحد والمسلم على أجر ولكن ربك يعين
|
بريده موطني تراالباترول ماتكلم عليك ولا على أهلك تقوله ضف وجهك مالك حق ترا وأختي شقردية شمر صادقة الدعوة تروح للمقصود وارجع واقول يابريده عيب عليك
|
اقتباس:
معاااااااااااااااااااااكـ:41 |
طيب يوم تقول فيه ضغوطات ومدري وشو
وراه الصفرا ماطفا عليهم الكهرب ابد ولا علشان به ناس نق نق |
مشكوور اخوووي
|
يأخ موظف / أولاً ابديت حلك حلو بس فيه أشياء ماذكرتها : ـ
1ـ الدوائر الحكوميه عندها مولادات كهرباء تشتعمل بشكل دائم حتى انتهى الأزمه . 2ـ شركة الكهرباء عندها اكبر واقوى مولادات تخدم فيها المستوصفات الجديده الي شيدت ولاحطو فيها مولادات (وكلام لوزير الصحه الله يمسيه بالخير ) 3ـ الشوارع العامة في جميع المنطقه من محافظات ومراكز وهجر طفوها . 4ـ الشقق المفروشه والفنادق عندهم مولادات شغلوها ورخصو لهم الكهرباء . ولم تجي مهرجانات المنطقه لاتشغلون اعمدت الانارات الي في كل شارع يعني سددوا وقاربوا 5ـ والأعطال هذي من الي يبي يناقش فيها هل هو المواطن اما شركة الكهرباء المملكة الله يخليها لنا ولايحرمنى منها ولا من خيرها ابو متعب الملك عبدالله بن عبدالعزيز علمنا الحوار صح حواري شديد لكن ماشفت العلاجات الي ماتعيش الا مكان بارد ومواطن الي مايعيش الا على جهاز اكسجين في بيته وخسائر المملكه على العلاجات المبرده ((ما أبغى اثقل عليك ياموظف ))يعني بصراحه عد كم يوم مدت الأزمه والأعطال ورخصوها للناس لأنكم اول من يوقف عند العدادات وأبن ابوك لاتسدد لكن لما تجي ازمه زي هذي تبداء الأعذار ياشركة الكهرباء وموظفيها ولاحد يسبنا نزعل ونقول الله لاحللكم .... (( الي بيته من زجاج لايحذف الناس بالحجاره )) . |
انا اتسال الحين مهندسين وعالم بالشركه مايدرون ان بالسعوديه شمس تقهر وليش ما يستخدمون الطاقه الشميسه ويولدون كهرب او يفكرون بالمليارات الي تجي كل سنه ويشرون باجيرو جدد فيها وربي حرام والله عليهم والله حرام بس اكل بفلوس العماه وكل يوم عذر اقبح من فعل والله مصيبه واتمنى يتولها الدكتور غازي القصيبي وربي بتشوفون العز والله اقل شي انا اتمنى يبررون سالفة 33 نائب للمدير العام للحين انا مو مقتنع بالسالفه هذي
واتمنى يكون النقاش حضاري وجاد وموضوع الطاقه الشمسيه يطرح ع الامارة والوزراه وربي بيكون اقتصاد ع الخزينه العامه وبقووووه |
اقول سقها بس
اخوي باترول يازينك متغطي ونايم شكلك تشتغل قارئ عدادات يعني ماعندك ماعند جدتي |
ولكن هذا مو حل ليش ما تزاد المولدات ..................
|
والله مو صحيح
من المفترض ان يبلغون الاحياء في الفتره التى سوف يغلق عليها الكهرباء جدول معين حتى نفصل الاجهزه الكهربائيه ولا تخرب بسببهم |
ابشركم اليوم دخل فصل الصيف كل الي راح كان فصل الربيع كل عام وانتم بخير |
بالتوفيق لنا نحن المساكين
يا أخي ما دام مالك شغل بالمشكلة ليش تكتب ؟ |
موظف الشركة لا (( يهش ولا ينش )) باترول حنا ماندعو عليك .. ولا على زملاك الموظفين اللي مابيديهم ..
حل ولا عقد والدعاء موجه الى المتسبب ,, والدعاء على قدر المظلمة , فيا اخ باترول لا تحرق . / رزك / ,, [ اخوي ] بريداوي كلنا بالهوى سوااا اشكرك على موافقتك لي .... |
ليس هذا الكلام صحيح يأخي السبب ان شركة الكهرباء 30 من الطاقة موجه للرياض وهذا هو السبب واتحدى على ذلك يأخي خل عنك البربرة والتبرير
|
السلام عليكم رحمة الله وبركاتهوبعد// أخواني الاعزاء موظفي شركة الكهرب الاعزاء نحن لانلومكم (فمثلآ اذا أخطاء طالب في الفصل هل يعاقب الفصل بأجمعه ام الطالب فقط) اخي العزيز شركة الكهرباء هذا الشركه الحساسه والمؤثره في المملكه مما تملكه من ثروات هائله وهي ماتعد من مقومات الحياة فهل يعقل لشركه كبيره عدم التخطيط لهذا الشي الذي فعلآ قد أذهل الجميع وكاد ان لايصدق مايحصل فدولتنا غنيه....بالنفط الذي منه يتم العمل على توليد الطاقه.. أخواني فلتكن يدنا بيد اميرنا الذي قال بأنه لابد من التوفير في أستهلاك الكهرباء واوصى به جميع الدوائر الحكوميه والان الدور عندنا من رجال ونساء واطفال على الترشيد حتى نصيطر على المشكله ...... وما العيب بأن لا نلوم أنفسنا قليلآ ((( وماعرفنا قيمة الشي حتى فقدناه))) وأن كنتم قلتم بأننا ندفع للشركه مبالغ وليس ببلاش ...... فتخيلوا عند توفيرنا للكهرب ماذا سوف يحصل لهم وللميزانيه هل ستتأثر أم لا .... فل نقتصد .... وتقبلوا مروري |
لو الكهرب طافي عند لبنان او اي دوله ثانيه كان شفتو المساعدات .. انت يالمواطن .. تاخر بدفع فاتورتك كان ياويلك وياسواد ليلك .. مانقول الا حسبي الله عليهم... ... |
اقتباس:
يأخوان أبشركم ألأمور تبي تزين أمس أدخلت مولدات كانت متعطلة والحمدلله خفت المشكلة ما تلاحضون قلت انطفاء الكهرب عن أول وأنفعت هالهوشات هالحين أكبر راس في الشركة متابع الوضع وحل المشكلة وان شاء الله تفرج |
باترول ... جزاك الله خير.
بس سؤال ياليت تجاوبني بصدق عشان نعرف السبب ... ليش رقم الشركة 933 على طول مشغول ؟؟؟ جاوبني بصدق .. |
وياليت تحط لي رقم مدير شركة الكهرباء بالقصيم عشان نتفاهم معه..
|
انا اعتقد ان اللي يدعي قصده المتسبب في انقطاع الكهرب000
بعدين ياشركة الكهرب انتم ركبتوا لي عداد بحجم معين وبرسم تأسيس وبرسوم شهرية ابشغل اللي انا ابي 24ساعة 000(بغض النظر عن حملة الترشيد) انتم اهم شي تركبون للناس بعدين تجون وتقولون لاتشغلون مكيفات لاتشغلون لمبات طيب ليش تركبون عداد وانتم طاقتم قليلة 000هذا الشغل مرفوض ثم مرفوض ثم مرفوض0 عندكم ميزانية وفواتير بالهبل لازم تكثفون المولدات وانتاج الطاقة وعلى قدر ماتاخذون منا عطونا0 وشكرا000 |
يا أخ خلف [ اقرأ الأية ولكم في القصاص حياة ............. الآية
يا أخي لما نطفي عن ناس علشان مايطفى الكهرب عن كل الناس فهمت وش أقصد يعني لو صبرت ما خففت من الأحمال راح تنهار الشبكة كلها ويطفى الكهرب عن القصيم كله |
دراسة وخطط خبط لزق
الله يكفينا الشر ويستر علينا |
اقتباس:
|
اخوي باترول
سؤال واحد للمسؤلين بالشركة وينكم وين الخطط المسقبليه للشركة مهب المسألة طف الكهرب ولا ولع كل واحد بالبلد يعرف ان في كل يوم عدد السكان يزيد وين الشركة ما اخذت احتياط للهذا الشئ يعني والسؤال لك انت ياباترول كم باليوم يركب من عداد كهرب كم بالشهر كم بالسنه يعني ماحسبت حساب السنوات القادمه كم من الاسواق والمساكن والمساجد والمدارس والشوارع ووووووووووووووووووووووو ، وعد غلط وش اللي بيشغلهن ، اذا انا اقتصدت وطفيت النجفا اللي بالحوش ومروحة الشفط اللي بالحمام وطفيت المكيف اللي بغرفة الشغاله واقتصدت و بكرى او بعد شهر وة بعد سنه وش يصير يعني ماراح تركبون لحد عداد لان الكهرب ماتحمل الموجود وشلون بيتحمل اللي اللي جااااااااي ولا بيشتغل في كل حي 10 دقايق بسسسسسسسسسسس واوقات الذروه على قولك من 6 الى 12 المشكلة ان الكهرب يطفا على طول بأوقات غير محدده والمشكلة اللي عنده مريض وعلى الاجهزة الكهربائية وش بتكون حاله عند الانقطاع ، وسؤال اخير ياباترول اذا الواحد من المشتركين تأخر بسداد الفاتوره كيف بتعاملونه والجزاء من جنس العمل احترامي لك وتقديري والمسبه لي للموظفين وانما للشركة . |
عموماً مشكور على النصيحة . .
المسؤولية عل المسؤولين الكبار بالشركة . . |
مساء الخيرات .
ياآآآآآآآآخي الفاضل . مشكور على توضيحك ولكن فيه عده اشياء قد حصلت وراح تحصل في استمرار هذا العمل ..._ هو الخسائر المالية خصوصا في المحلات التجاريه وغيرها انا من ضمن هذه الناس المتضرره في انقطاع الكهرباء المستمر حيث اني خسرت في المحلات التابعة لي الى اكثر من 52000 الف ريال . ومن يعوضني عن هذه الاشياء هل اقدم لكم خطابي في الخسائر او بس جالسين تترززون في الجرايد وفي غيرها بس اعتذارت وغيرها من خطابتكم . |
وهل يطفي في بيتك انت ايه الموظف
|
يا شيخ رووح بس مصدق عمرك انت جب لنا توربينات وبعدين يحلها ربك
خل عمانك يحلون المسأله |
الله يعين وشكر اخوي قليل الدسم على الصورة الرئعة
|
اذا جيت وطفيت عليكم بالشركـــه هالمكيــف تكمــلووون الدوام والا وش تســووون يااخي فيه ناس مرضــى على اجهـــزهـ وانت تقوول لا تشغلــونه الا ووقت النــوم وبعدين لاتنـــسى حنـــآ موبـ بماليــزيــآ بــريده، > درجـــه الحراره الاسبوع الماضي فووق 56 درجــه ويقوول طفـــووه، < ودهـ يحووســه ههههههههههه |
الحمد للة على اي حال
|
صدقني لو اشوفك كان اوريك الشغل
صار كل واحد بشركة الكهرب يشتغل عدوي ، حتى واحد من اقاربي يشتغل بشركة الكهرباء قاطعته وهاوشته وصار عدوي وأكره المجلس اللي يجلس فيه سأنتقم من كل شخص يعمل بشركة الكهرباء ولو بعد حين ، وأولهم أنت بس خلن اشوفك وتسانك رجال قابلن |
اخوي انا ادفع من جيبي ع شان استانس
واخر شي تجي تقول اطفي المكيفات اللى مالها داعي لا يكون انت اللى تدفع من جيبك والله لو ابتل اتكلم مافيه فايده بس مشكور ع التوضيح |
المفروض الشهر هذا يكون خصم من الفاتورة وا مجاني حتى ترضوا الناس الي تعطلت ثلجاتها ورموا اغراضهم بالزبالة .........................
|
أرباح بالهبل ومشاريع والنتيجه هي هي ما في فايده أبد...أنقطاع
|
الحمد لله حنا الكهرب ماطفى عندنا
مشكور اخ باترول على تواضعك وحسن ردك شوي شوي على الرجال(باترول) اكلتوه بقشوره على كذا بيترك المنتدى ويهج ويمكن يترك وظيفته بسببكم (الله يكون بالعون) |
لا تكبرونها أكبر من حجمها ... الحمدلله غيرنا يبون كهرب وما حصلوا .. والله ... إننا بنعمه كبيرة .. شوفوا اللي حولنا .. غزة .. والسودان .. وعد واغلط .. مشكور أخوي >> باترول << والله يوفقكم ويرعاكم .. |
| الساعة الآن +4: 06:20 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.