السلام عليكم ورحمة الله وبركاته

صباحكم ورد .. ومساؤكم سعد :)

أطباق منوعة أتمنى تعجبكم :
وقبل ما أبدأ حبيت أنوهـ لـ إن الموضوع برعاية صدور الدجاج وصحن قوس قزح:113:

بسم الله نبدأ ^_^

1\ مقلوبة شكل ثاني << ترى الاسم من راسي :113:

http://7mar.cc/get-8-2009-l59t2l8j.jpg

سهل ولذيذ وماياخذ من وقتك ساعة ..!

المقادير :
بصل مقطع جوانح , طماط مقطع شرايح , صدور دجاج بدون عظم مقطعة مكعبات , رز مسلوق بماء وزيت وماجي أبيض , شرايح فلفل بارد .

أول شيء نحمس البصل بزيت لين يصير بني بعدين نضيف الطماط وقطع الدجاج ومكعب ماجي وإذا حسيتِ إنه استوى الدجاج وذاب الطماط زيديه ملح وبهارات وفلفل أسود وكركم بعدها نضيف الرز المسلوق ( بدون الماء طبعاً ) ونحط فوقه الفلفل البارد ونغطي القدر لمدة ماتزيد عن ربع ساعة .. نخلطه قبل التقديم عشان يتوحد اللون ..

وبالعافية :)



2\ مكرونة من اختراعي ;)

http://7mar.cc/get-8-2009-k1xvq2oc.jpg


نحتاج :
بصل مقطع , صدور دجاج مكعبات , كوسة مقطعة شرايح , جزر وبازاليا , كريمة خفق , قشطة , جبن سايل .

- نسلق المكرونة بماء وزيت وملح .
- بالتيفال نحمس البصل ونضيف الدجاج حتى يستوي وبعدها الكوسة وإذا ذابت شوي نزيد الجزر والبازاليا , وبالأخير نضيف ماجي أبيض وملح وبهارات وصلصة الصويا.
- نخلط المكرونة مع الحشوة بصينية قزاز بعدها نخلط الكريمة والقشطة والجبن ونصبها على المكرونة ونخلطها حتى تتمازج كلها سواء
- نحطها بالفرن شوي من تحت وشوي من فوق

وعوافي :)


3- سلطة السيزر

http://7mar.cc/get-8-2009-t6quhaux.jpg


- صدور دجاج مقطعة قطع صغيرة نحمسها بالمقلاة لحالها لين ماتنشف الموية بعدين نضيف شوي زيت وبهارات وملح وفلفل أسود وحار ونحمس لين مايتحمر ونتركه يبرد.
- نقطع خس كثيييير وشويييي خيار ونخلطه مع الدجاج .
- الصوص : زبادي ومايونيز وخل وليمون وملح نخلطها ونصبها فوق السلطة .
- الزينة سماق وخبز محمص

وبالعافية :)


4\ساندوتش الدجاج

http://7mar.cc/get-8-2009-616h89lq.jpg


- تحمسين البصل بزيت بعدين الدجاج وفلفل بارد وإذا استوى نضيف البهارات والملح والماجي الأبيض وصلصة الصويا .
- يحشى بخبز التوست مع مايونيز وجبن سايل وخس وبالسخّان شوي

وبالعافية :)


5\ بسبوستي الجميلة :113:

http://7mar.cc/get-8-2009-0c9a5uep.jpg


هذي أسهل بسبوسة على وجه العالم :113:
طريقة أمي الله لايخليني :023:
المهم : علبة قشطة أو علبة زبادي أو نص كذا ونص كذا اللي تبون :d نخلطه بالزبدية لين ماتلين شوي بعدين نضيف ثلاث فناجيل سكر وثلاثة أرباع البيالة زيت وثلث كاس حليب سايل وفانيليا وملعقة بيكنج بودر نخلط المزيج بعدين نبدأ نضيف السميد شوي شوي لين مانحس إنها ثقلت شوي , نصب الخليط بالصينية وإذا استوت نسقيها شيرة .
( هذي المقادير تكفي لصينية التيفال المقاس الوسط )

وعوافي :)




* اتمنى تكون الأطباق اعجبتكم واعذروني بنات إذا ما أفدتكم بالمقادير المضبوطة لأني أعتمد على النظر غالباً :\
وأي سؤال أنا مستعدة :)


استوعدكم ربي ورمضانكم مبارك :023:

وعليكم السلام ورحمة الله وبركاته


يسلموووو ..
ماشاء الله تبارك الله مبدعة ..

لكل من تكرم وجاء هنا .. حيَّ هلاً بك .


أنرتم متصفحي جداً .. لاحرمت أرواحكم :)