|
قانون ساهر لا يحمي المتهورين
في ظل عصر الابتعاث وعصر مرحلة التحول
احببت ان اكتب هذه الخاطرة فبالرغم انني ل مالحق على النظام الجديد ساهر والذي صار حديث المنتديات ... حيث تركو كل الايجابيات التي خلفها هذا النظام الجديد الا انهم انكبوا على سلبيات لا تحصل الا في الالف مرة قريت واحد يقول انه اذا جاء الاسعاف ما نقدر نقطع الاشارة > مشكلة المشاكل والله والثاني يقول انهم يحطون سيارتين بينهن 100 متر علشان تندبل المخالفة نظام ساهر هو نظام ذكي يعطي المواطن كامل الحرية في ممارسة جميع المخالفات مقابل ثمن رضي به الطرفان فلك ان تسرع مقابل مبلغ معين وكلما زادت سرعتك معناه معك فلوس اكثر وادفع واذا منتب قد السرعه ... عود نفسك على النظام وخلك حليل في امريكا .. وبريطانيا واستراليا .. بعدما جربنا ساهرهم ... ساهرنا ارحم في الاجازات الرسمية تكون المخالفة دبل وتلقى ثلاث سيارات مصفوفات لتلقي المسرعين المطانيخ يعني مخالفة السرعة العادية 350 دولار تصير 700 مضروبة في ثلاثة ... 2100 دولار صبخة وحدة لان النظام واضح وصريح .. تسرع ... تاخذ مخالفة والقانون لا يحمي المتهورين ولما درسنا تعليم القيادة في السعودية وارجعو للكتاب حق دلة يقول لك ان الطريق الرئيسي السرعة فيه 80 والطرق الفرعية 60 اما التقاطعات فقالوا لنا نوقف ونتأكد هو بوه احد او لا والاشارة الحمراء نوقف والخضراء نمشي <----- احلف اما الصفراء فهي عشان نهدي ... مو ندوس لانه عيب ديرتنا كلها مطبات ما في زيها في بنقلاديش لاننا شعب دايم طلق الارض والله انه يمر من عند بيتنا بشارع ضيق كنه في الدائري .. حصيلة وفيات الحوادث السنة الماضية اكثر من اللي ماتو في حرب العراق بنفس السنة كثير قريت ان ما في لوحات تعلمك كم السرعة في الشارع هو فيه لوحات لاكنهن مهب كثيرة.. ويفترض ان السرعة تكتب على الاسفلت زي خطوط المشاة ولما نشوف هالمقطع ... نعرف اهمية الالتزام بقواعد السلامة احفظ لارواحنا واوفر لفلوسنا |
إسمح لي اخوي
كلامك أكثر من رائع اللي معه قروش مضيقاتن عليه يسرع وإلا يتصدق بهن على أي جمعية خيرية |
اقتباس:
لان عندنا مجموعة مشرفين الله يجزاهم خير وما في الا قوة حذف مشاركات الله يبارك فيك اخوي مخاوي الصمت وعز الله انك خاويت رجّال |
أسمحلي حبيبي ..
عندنا بالرياض يحطون بشوارع بين الحواري كود أمشي 50 مثل شارع الشافعي والزبير وأحمد بن حنبل بشرق الرياض والله الدعوى حرمنه .. والله صرت أخاف وأنا بوسط الحاره .. ألف شكر على الموضوع .. |
طيب والي ما يستلم إلآ 1500 وجته مخآلفة 500 وش يآكل ؟
النظآم ظالم في جزء وعادل في جزء .. وتبقى السيئات :113: شي ثآني .. قهر بشآرع السرعة 70 تمشي 90 تجيك 500 .. =( < آكله مرتين .. :( |
اقتباس:
بس حبيت اوضح لك نقطة 70 يعني ما تسرع اكثر من 70 |
اخوي مشكور على الموضوع
اتمنى تدخل على الرابط هذا >>احدى مواضيعي http://www.buraydahcity.net/vb/showthread.php?t=225773 |
اسمح لي يافارس .. بعد ماقريت موضوعك حمقت عليك .. ليش تنظر للافكار من زاوية واحده ..؟؟ جايب لي مثال يقالك حضاري .. امريكا وبريطانيا .. حنّا ليش مانصير مثل امريكا وبريطانيا في اشياء كثيرة مثل : تطبيق القانون على الجميع سواء ثري او غير ثري ... عندنا مايُطبق الا على الفقراء العدل والاحسان عندهم في جميع الوزارات ... واللي له حق ياخذه غصب عن الرئيس طيب اعطيك شيء اصغر ... انت شفت شوارعهم يااخي وشلون ؟؟ والله انه دلع .. لو تمشي حافي انس انه تبطك شوكه والا قزازه .. هذا غير حُسن الزفلته والترتيب .. ناهيك عن الخدمات المٌقدمه لهم في اي مكان .. يكفي انك تملك وقتك عندهم .. اما عندنا اذا رحت للمستشفى ماتدري متى تطلع منه ..اذا دخلت جامعه ماتدري متى تتخرج ..؟؟ وهناك اشياء كثيرة لاتُطبق عندنا .. ليشلانأخذ من الغرب الا اللي فيه مضّره على المواطن .. ولا ناخذ العكس ..؟؟ |
اول شي قيمة المخالفه من قالك ان الطرفان رضي عنها لايكون مشاورينك بأسم المواطن- ما خذو رأي الموطن ولا راح يا خذون راي المواطن المغلوب ع امر -
وبعدين ساهر امريكا افضل منا بعشرات المرات ومافيه مجال للمقارنه ويكون بعلمك ان في امريكا =سرعة الشوارع موحده- عكس الي يصير عندنا --كل شارع سرعه حسب المزاج-- كلنا مع النظام بس ضد التطبيق الي يصير |
نظام ساهر زين والنظام عموما زين لكن نريد ان يكون الهدف من وضع النظام هو تنظيم الناس وليس اكل لأموالهم لو وضع حلول تشجيعيه مع النظام مثلا يكون اول مرة انذار شفوي واذا تكرر الخطأ من الشخص عوقب وهكذا بدلا من العناد الحاصل. |
اقتباس:
مستشفى كبير ومعهد مادري وشو ومدارس وصالة افراح يعني هم بحاجة ان الناس تهدئ وحاطين مطبات لما امر في ذاك الشارع واهدي للمطب اسمع اللي وراي يطنبون ويهاوشوني عشان هديت وعطلتهم مع انهم ماعندهم شغل عالم مالها حل الا ساهر |
اقتباس:
وتقهرونهم قهررر لاتخلونهم يمسكون عليكم ولا مخالفة خلوهم يدجون تصلح حملة ( خلوهم يدجون.. ولنلتزم بقواعد المرور) تحياتي لك وشكرا لك على غيرتك على وطنك |
اقتباس:
ياحبيلك اول شي هم طبقوا ساهر زي امريكا وبريطانيا وما طبقوا نظام امريكا بالطرق لسبب تخيل ما تدخل الدائري الشرقي الا تدفع ضريبة استخدام الطريق 5 ريال والدائري الغربي زيه ضريبة ثانية .. عشان نصير زي امريكا وبريطانيا شوارعنا منورة ومسفلته .. المواطنين يسكبون غسيل منازلهم بالشارع والمحتوية على المواد الكيميائية التي تفتت الاسفلت فتحصل الحفر داخل الاحياء الامر الاخر الشركات الصغيره المسماة يحفرون ويدفنون .. بلا رقابة منهم المراقبين .. جيب لي مراقب بالبلدية مهب من بريدة كلهم اخوي واخوك وعمي وعمك وعيال جيراننا وعيال ديرتنا.. السالفة معقدة وحلها بايدينا في امريكا وبريطانيا .. والله ما تلقى عامل نظافة يكنس بالشارع ليش يكنس .. الناس هم اللي ينظفون اماكنهم ويحطون كل شي بالزبالة والله للحين امشي ببريدة واللي قدامي يرمي قوطي ببسي وهو يمشي .. وبكل تخلف للحين الواحد يوقف في محطة البنزين ويكب 3 كيلو قشور فصفص بالارض ومناديل وقواطي بيبسي وقمام .. وكأنه بالبر .. اي بر .. حتى توسيخ البر جريمة في بريطانيا وامريكا .. يطبقون نظام الظرائب على كل شي يعني راتبك 1500 عشرة بالمية يروح لخزينة الدولة مقابل الخدمات الحكومية .. دورات المياه والشواطي والحدائق .. الخ احمدو الله رب العالمين انتم بنعمة ولكن حنا اللي ما عرفنا نرتب حياتنا لنكون الافضل |
اقتباس:
انا اتلكم عن تجربة في امريكا قد يكون الشارع السرعة 80 وفجأة فيه منعطف خفيف يقولك ترى السرعة هنا 60 وبعدين يرجع ل 80 ويتحول الى مية بعد ما يشبك بالدائري او طريق هايواي اذا في ولو بيخلون السرعة في الطريق نفسها لما يكون في خلا زي لما يكون داخل الحارة بيكونون متخلفين .. ما في مقارنة... السرعة حسب المكان مهب على حسب اسم الشارع بعدين تخيل يجون لي ويقولون وش رايك كم نحط مخالفة السرعة ؟؟ الجهة المعنية هي اللي تحدد كم قيمة المخالفة ولا نزال الاخفض في قيمة المخالفات عالميا |
اقتباس:
يقول لي لاتسرع ونسرع يقول لا تقطع الاشارة ونقطعها لما ابطلع مع الاشارة يمين القى واحد مشخص ومسكر الطريق طيب هالهمجي ما يعرف انه الطريق للي بيروحون يمين ولما تطنب له .. يتنرفز ويأشر لك بيده ( وش تبي ؟؟؟) ويمكن يلحقك ويحدك... ليش ينبهني شفوي .. هو منبهني اني لما اخالف الانظمة بيعطيني مخالفة وانا اعاند .. واخالف .. ليش اخليه يقولي كم مرة عشان اعقل الادارة يبي لها صرامة وحزم.. كنت مسافر مع 4 من الشباب في استراليا وكنت راكب قدام مسكنا المرور.. لان اللي ورى ما ربطو حزام الامان عطاهم مخالفة 120 دولار على كل واحد وسألهم.. هل السواق قايل لكم تحزموا .. قالوا لا ويصك السواق بمخالفة 180 دولار مع انه رابط حزام الامان فقط لانه ما قال لهم تحموا لما يكون النظام صارم ولا فيه جدال يكون له هيبته وبتتذكر كلامي بعد كم سنة ان شاء الله شكرا لمرورك وردك وانتبه من ساهر: 12 |
فآرس جعلهم يلحطونك بخمسمية .. :d
يا حبيبي أنا ما قلت إني أسرع أو ما أسرع وأدري إني مخآلف .. بس 500 تسآيدة وأنا أخوك خصوصاً مثل طلاب الجامعة كـ مثال .. المكافأة 840 وتجيك المخالفة 500 ريال بسبب إنك مشيت 90 بطريق 70 !! المقصود ما فيه إلآ لهف درآهم .. :d |
اقتباس:
والله اني فاهمك لكن لكي تضع للنظام هيبته لازم يكون صارم .. يعني تخيل لو هي خمسين ريال مثلا خمسين ريال نفلل به بنزين يعني مهب شي وعلى طاري يلحطونن لي 8 سنوات وانا اتردد من الدمام لبريدة شهريا ولا مرة اخذت مخالفة من اي نوع لاني قاهرهم ماشي صح ولا اخالف ابدا حتى لو المخالفة عشرة ريال الله يوفقك يارب .. ويرزقك خمسميات كثار .. بس نا تسدد بهن مخالفات تهستربهن هسترة :d |
هههههههههههههههههههههههههههههههههههههههههههههههههه ههههههه
اجل ساهر تبي سلآآمة الشعب...شي حلو وجميل اقسم باللي وضع سبع ورفع سبع مبتاغهم المــآآل ويــآويلي ياكلونهــآ المســآكين..! واذا انك كاشخ بامريكـآ ومدري وشي ذي ياخي شف شوآرعهم لو تقعد ساعه تمشي بنفس الشارع مليت شوآرعنا يالله انك تخلف تستعجل حتى تطلع من هالشارع اللي يجيب التكاك اجل شااارع الخبيب(بوه ساهر)هذآ ابمشي بوه100بس هماي اطلع منو ومن غلدزتوه.... / مااقول الا الله لايعــــآفي من جاب هالنظام الغبي |
اقتباس:
تابعوا ... كم اللي يموتوا من الحوادث في السعودية؟؟؟؟ اكثر من اللي يموتون في الحروب وربي مو حرام طيب وشي الطريقة اللي توقف هالحوادث ؟؟؟ سوو توعية ولوحات وارشادات وبروشورات واحصائيات ما نفع مع هالعالم شي؟؟؟ والله انه يسرع ويحلف للمرور انه ما اسرع ويقطع الاشارة ويمطع هاك اليمين انه ما قطعه حنا افضل وارحم من امريكا لو يوقفونك في امريكا فقط استمارتك مطوفة يوم واحد تغرم 3750 ريال سعودي تسحب لوحات السيارة وتشيلها بسطحه ولا تطلع لها لوحات بديلة لما تسدد الغرامة والله لو ابوك مدير المرور حنا ما نشبه انفسنا في امريكا لان امريكا ما يسوقون قيادة انتحارية...زينا |
مشكلة ساهر عدم الدراسه قبل التنفيذ للاسف
|
اقتباس:
كل المشاريع تطرح ثم ينظر للعيوب لتجنبها لو ساهر يحط لك مخالفة وانت ماشي اربعين والسرعة المحددة 60 هنا المشكلة لكن كل اللي يتذمرون .. يقول ليش يعطيني ساهر مخالفة وانا مسرع شي يجعل الحليم معصب |
| الساعة الآن +4: 05:32 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.