تجربتي في العمل كأستاذة في كليات بريدة الأهلية
 

كليات بريدة الأهلية ، قدمت عليهم الترم الأول من السنة هاذي اللي راحت
والحمد لله مستواي عالي في تخصصي اللغة الإنجليزية ، ومعي التوفل بدرجة حلوة
وعندهم احتياج ، على طول العميدة ( د. دعاء ) قبلتن ، وقالت تداومين من بكرا ،
وجيت من بكرا وقلت وش ادرس ، قالوا تونا ما وزعنا الجدول ، اليوم اللي بعده
" يا جماعة وش ادرس ؟ " قالوا ما ندري للحين " بس ادخلي على الطالبات ودرسيهن
اي شي بالإنقلش "، دخلت على الطالبات وشرحت لهم قواعد وشوي محادثة
( ملاحظة : الطالبات مداومات من أول أسبوع ومتحمسات ) ، ومن بكرا نفس الحكاية
ما فيه جدول بس ادخلي واشرحي أي شي بالإنقلش ، دخلت على مستوى أول وشرحت
لهم المضارع البسيط وأنا قاعدة أشرح دخلت رئيسة القسم ( الإنقلش ) وأستاذه ثانية
قالوا يبي يقومون الشرح ، قلت حياكم ، وشرحت للطالبات الأصوات الفاول القصيرة والطويلة ،
بعد المحاضرة قالت لي رئيسة القسم أن الشرح زين ، وطبعا للحين مافيه جداول ، بس عطون خبر
أنه احتمال أمسك الترجمة وادرسه وقالوا " شوفي أي منهج يصلح" ، وأخيرا
ارتحت وعرفت وش راح أدرس ، وقررت أن كتاب " Translation Problems and Solutions" هو أفضل كتاب ،
بس قلت لازم المحاضرة الأولى تكون تعريف بالترجمة كعلم وأدوات المترجم وأشياء زي كذا ،
فأخذت من كتاب " مقدمة في الترجمة "وصارت أول محاضرة لي كاملة ، جيت للدوام قالوا ما فيه محاضرات اليوم
لأن اليوم احتفال بالطالبات الجدد ، أخذ الإحتفال تقريبا ساعتين ، والحضور للاستاذات إلزامي ،
بعد الإحتفال قالوا فيه إجتماع مع العميده ، أول من جاء للإجتماع أنا ، وطبعا بمكتب العميده ( كان بالمكتب كيك وفطائروحركات الإحتفالات
: طبعا العميده والأستاذات غير السعوديات
هم أعضاء الحفل المصغر هذا في مكتب العميدة ومب لازم الأستاذات السعوديات يعبرن ) ، وبعد ما إجتمعنا كلنا سعوديات ومصريات " وثنتين سوريات جدد"
قالت العميده " أن عدد المدرسات للإنقلش كبير ولازم ننقص ثنتين !!" ، سؤال " شلون صار العدد كبير فجأة ؟! " لأنه في ثنتين سوريات جدد
" يقولون معهن ماستر" ، والحل بسيط
نبعد السعوديات ، فوقع
الإختيار علي أنا وعلى سعودية ثانية ( الرابعة على دفعته ) ، طيب سؤال ليش أنا وهي ؟؟
الجواب بسيط : السعوديات 5
وحده: له سنه عندهم فصعبه شوي تفصل فجأة
الثانية: له وااااااااااااااااااااااااااااسطة
الثالثة: أنا ( مافيه واسطة بس ممتازة بالإنقلش ف سهله تتقلع )
الرابعة :زميلتي الرابعة على الدفعة ، ( أيضا نفس مميزاتي من قل الواسطة والإمتياز )
الخامسة : ما شفته ابدا لأنه ما داومت الأسبوع الأول ، ( يعني إلى هالإجتماع وهي ما داومت )

وبهذه الطريقة الظالمة تم استبعادي أنا وزميلتي ، لأنه هناك أجنبيتين سوريتتين أولى منا في وطننا
ولأن الباقي السعوديات صحيح أقل منا مستوى بس معهن واسطة ، ولأن الطالبات آخر شي يفكرون فيه
ولأن الدكتور الشتيوي مايرد على الجوال ، " الجوال أخذته من قريب له ومتأكده أنه له "

وانتهت فصول المهزله ،
طبعا العبرة أي وحده وده تتوظف عندهم لااااااااااااااااا تداوم يوم بدون العقد مهما كان الأسلوب
غااااااااااااااااااااية في اللطافة في البداية.

الله يكون في عونك,, حال بلدنا يكسف للاسف !!!
لكن لا تسكتين أشتكي لديوان المظالم ينصفونك من تالي لهم تغيرات إيجابية !
ما أقول تغيرات كبيرة لكن ملحوظة ..والله ينصرك والحق معك. دعواتي لك وبالتوفيق.

بلدنا للأجانب والمواطن آخر أهتمام حكومتنا التي لم تحاول الأصلاح بل هي من غضت الطرف حتى أزداد الأمر .
فساد في التعليم وفي الصحه وفي الأداره والأقتصاد . فوضى باالأنظمه وفي كل شيء حتى أصبحنا دلوخ من الدرجة الأولى .
أحتسبي الأجر أختى وعلينا كأمه بالدعاء والناس نيام بأن يصلح الله حال مسئولينا ليصحوا من سباتهم الذي طال .

الفساد ((المرض)) من قديم من عشرين سنة واكثر وعلاجة ياخذ وقت اذا فية علاج افهم يافهيم

في هذا البلد الافضليه للاجنبي بالتوظيف

ــــــــــــــــــــ

توكلي على الله واتركي التفكير في هذه الجامعة الاهلية
وبعون الله يكون التعيين في الجامعات المعروفة
عليك بالدعاء والصدقة والبحث عن الافضل

هههههههههههه

وش ترجون من ورى هالكليـه

روحو شوفوا طاقم المدرسين للكليه حقت الطلبه

اغلبهم اجانب من فئة ابو ريالين

وعشان كذا تشوفون مخرجاتهم العلميه فاشلـه

يقلون السعودين مايبون الشغل وويطلعون مليون عيب علينا

حتي يكرفون بالشغل لما تكره

والسبب منهم

الله يعوضك خير
الأجانب مفضلين على المواطنين منذ قرون

شكرا ربى ، لو كان معي عقد حاولت ، لكن للأسف كنت أثق بالناس وكلامهم !!

دعواتك أثلجت صدري

أنا قررت ماأسكت أبداااااااا ، لأن السكوت وغض الطرف وإن كان بدافع الحياء في المرة الأولى إلا أنه يفهم منه الموافقة الضمنيه ، فإذا مااعترضت في المرة التالية اعتبرت "راعي مشاكل "
لكن لو اعترضت من البداية على ما تظنه خطأ أخذت بالحسبان

أخ نايف أرجوا أن تكتب هذا الموضوع ، وإذا ذكرت اسماء الموظفين والأساتذة الأجانب في قائمة
وقارنتها بالسعوديين فهذا يكفي ( موضوع مدعوم الاسماء والحقائق)

الله يرزقك خير منها

اآلحمـد لله عًلـى كٌل حآل ..
(وعَسَـى آن تًكرهًوآ شًيئاً وًهوٌ خَيرٌ لًكٌم)

شوف قسم السعودة في العمل والعمال.
والتامينات الخاصة للعمالة .

هذى الجاهزين ممكن تحصلين عندهم قرار وزاري يمنع عمل الاجنبي أذا كان هناك سعودي
يحمل نفس المؤهل .
أن متاكد هناك قرار من الديوان الملكي أي أجنبي يعمل في دائرة سعودية ويوجد بديل
سعودي يحمل نفس المؤهل يحل محلة دون مناقشة .

ويمكن الادارات والوزارات التي تهتم في الاهلي لديهم قرار مماثل .

فية قرارات مخفية عنا . فقط روحي أبحثي عندهم .

وعسى في هذا وذاك الخيرة .

((مرة كنت ماسك أدارة في التخصصي وطلب فني سعودي التوظيف عند سمامة (قديم شوي)
رد السوداني قال ماعندنا الان وظيفة شاغرة.
من بكرة دق قريبة يعمل (في التأمينات) تخضع لها الشركات قال نبيكم توضوفنة.
كلة أسبوع وهو مباشر. السبب لوجود أجانب نفس المهنة.
ولذلك أنا قست.

وراح أتأكد من قسم السعودة في العمل والعمال , لوجود قريب لي ولة النفوذ.
هل هذي الالية صحيحة وراح أرد بمداخلة أخرى أن تمكنت من العودة.

وينگ ياداوود ../

هزلت وربي ،

لگن اعلمي إن الخيرة فيما اختاره الله واللي هذا اوله ينعاف تاليه ،

موفقة بأرقى الجامعات ..

عملت متعاونة في جامعة القصيم سنتين ولا أعطوني خبرة أنتفع منها مجرد ضياع وقت من عمري ..فكيف بالأهلية ؟!
الله يرزقنا ..