|
أذوب في ملح الساحل الشرقي !
سلام علاكم :) صراحه مادريت أننا عايشين في " جو حَارّ وموت حَمرْ " إلا لما زرقت للشرقيه .. وشمّيت هواهم الجميل .. وأنِست بالجلوس على " كورنيشهم " الحلو .. ! أربعة أيام بالضبط .. تركت فيها " غبار " ملعب الحاره .. ودكّة سوق الحمام .. وجلسة الشارع الأصفر ! صراحه أرتحت وانا أهفهف رجلي على البحر .. واجلس أنطلها يمين وشمال .. وراشد جالس جنبي ولابس " الهاف " الأخضر .. وفاتح خشته نصف متر ! :) وارتحت أكثر .. لما شفت ناس تسأل عني على الرسايل الخاصه .. وتقولين وينك يامُدمن .. عساك " متْ " عشان نرتاح من شرّك ! أيامنا الأربعه الماضيه قضيناها تنقُلاً بين الدمام عشان كورنيشهم الحلو .. والخُبر عشان مطاعمهم " النص كُمْ " والقطيف عشان نُلقي مُحاظراتنا في الحُسينيات عن " حُب علي " رضي الله عنه ! المواقف " كالعاده " كثيره .. مِنها المُحزن [ موقف واحد فقط ! ] .. ومِنها المُضحك [ ستميه وثلاثين موقف وربع ! ] :) كُنّا في الرحله .. ستة أشخاص ! الُمدمن .. وراشد .. وزيد الملتوي .. وحمد ولد العرج .. وماهر السوداني .. وعبيد المنجطل ! كنّا في سياره وحده .. متحاشرين فيها .. حتى أن أخونا ( راشد ) بغى يطيح مع الدريشه أكثر من مرّه ! :) أستقبلنا واحد من أهل الشرقيه ... وودانا للشقّه خلّوني بدايةً أعطيكم تصوّر عن شقتنا الجميله اللي أخذناها في حي راقي جداً على حِساب أحد الأشخاص .. صراحه ذاك الرَجّال ماقصّر معنا أبداً .. خاصّه زيارته اللي كانت بين الفينه والفينه لنا في الشقّه للإطمئنان على صحة الجميع .. و يشوف بعد كان فيه أحد خرّب شي ولاشي ! :) الشقّه عِباره عن ثلاث غُرف .. ودورتين مياه .. ومطبخ صغير .. وبلكونه مُطِلّه على المنور ! غرفه خاصّه بي أنا وراشد والثانيه لماهر وعبيد والثالثه لزيد وحمد أنا وراشد صرنا مشكّلين فريق للإزعاج ! وماهر وعبيد كانوا في صف الأقوى ! وفي النهايه فريق زيد وحمد .. واللي كانوا هم " الندّ " لنا أنا وراشد .. ومن العجيب أن لوحة تحكُم المكيف المركزي كانت عندهم .. يعني إذا زعلوا علينا .. مُباشره .. يشغّلون مكيّف غرفتنا على الحار .. وماتشوف إلا ( فطائر بالقمح نص استوى ) تروح وتجي في الغرفه ! يومنا الأول قضيناه على الكورنيش .. برفقة أحد الإخوه من أهل الدمام .. وجزاه الله خير .. جاب لنا ( ثلاث سنّارات صيد ) .. وعطى كل ثنين " سنّاره " ! :) أنا وراشد صدنا ( جزمه مقطّعه ) وأعتقد أنها لشخص متزاعل هو وزوجته .. وماتزاعلوا إلا على الكورنيش .. وحاول " يفضخ " راس مرته بس ماقدر وكانت نهاية جزمته ( الغرق في كورنيش الدمام .. ! ) ماهر وعبيد صادوا لهم ( كيس نايلون أسود .. مقاس 13 ) .. وتبيّن لي في مابعد أنه مُستخدم إستخدام حِشمه .. وانه بقايا ناس ماجمعوا عفشهم .. وكانوا ذيك الليله شاوين " كباب عراقي " ! زيد وحمد .. صادوا لهم ( سروال داخلي ) لواحد شكله يسمع بالإستحمام .. وشكله جاي للبحر يبي يتروّش .. ويوم حسّ بالموت ترك عفشه وولّى هارباً :) ! جلس خوينا اللي جاب السنّارات يضحك علينا لين بغي يموت .. وقعد يجمع [ سمكنا ] اللي صدناه .. وقام يجاملنا ويقول .. اليوم تجربون الصيد .. بكره بتعرفون تصيدون ! << ياحبيبي .. شكلك ماتعرفنا زين ! :) مره دخل علينا خوينا اللي مستاجر الشقّه .. ولقى أخونا ( ماهر السوداني ) جالس في الصاله ولابس فنيلة " علّاقي " ويغني ( يالبرتقاله .. عذّبتي حالي ) .. بعدها ماصار يدخل مُباشره إلا لما يطق الباب ( ست مرّات ! ) يومنا الثاني قضيناه في " الهاف مون " .. وصراحة وكلمة حق .. كان [ شاطئ ] جميل ... وهادي .. وأجمل مافيه .. أصوات الطيور اللقلاقه قُبيل غروب الشمس ! سهرنا لحد الليل .. وشوينا سرطانات .. ! أنا صراحه أوّل مره آكل هالسرطانات .. بس كان طعمها جميل خاصّه لما تقرمش في الفم ... ثم أغصّ بعظم ! ركبنا الدبابات البريه .. وتكسّر فينا من تكسّر .. وطلع منّا من هو مُعافى بِحفظ الله ورعايته .. ! مرّه بغى يغرق " راشد " بس حفظه الله .. وكنت أتمنى أنه يموت .. عشان أورث عفشه وأغراضه اللي كان شاريها لأهله ! مرّه رحنا لمحل حلويات في منطقة الخُبر ... وبالصدفه شفت واحد .. ومن يوم شفته .. وانا بديت أتخوبص .. وماصرت أركّز .. حتى أني أبغى أشتري ( كروسان بالجبن ) رحت شريت ( صامولي ) ! شوي إلا ويطق ظهري من ورا .. ويسلّم علي .. وقال لي : ماذكرتني يامُدمن ؟ قلت : لا قال : أنا فلان .. درّستك في ديرتكم مادة التوحيد والصرف ! قلت : أنت فلان .. والله أني كل ماذكرتك أدعي لك << أقسم بالله أني كذّاب ! :) ودّعني وودعته .. بعد مادفع حساب الصامولي ! :) في يومنا الثالث تعشينا في مطعم ( خيالي ) ... أكلهم رهيب .. والخدمه رائعه .. حتى مغاسلهم تهبّل ! تعشينا مع واحد من زُملاء حمد .. طلب لنا عشاء عمري ماشفت زيّه ! شي لونه أخضر .. وشي لونه أحمر ... وفي النهايه قدّموا لنا صحون صغيره كبر " كف اليد " فيها شوية مويه وحبّة نعناع .. ! أنا صراحه أحسبها عصير .. على طول شربتها .. شوي إلا ويضحك راشد .. لأنها صارت لغسيل اليد من دون مالواحد يكلّف على نفسه ويروح للمغاسل ! قدّموا لنا على العشاء شي طعمه كنّه " دوا " آخر شي صاروا يسمونه ( شوربة قباقب ) .. تصوروا إلى آلحين والطعم في " فمّي " ! ماضيّق صدري إلا ذاك الإندنوسي إللي واقف على راسي .. وكل شوي يهزّ راسه يبيني آمره ! .. آخر شي قلت له ... رح جب لنا ثنين عصير منتهيه صلاحيته من البقاله اللي على الطريق السريع ! << أبيه ينقلع ! :) قبل نطلع من الشرقيه .. خذنا لنا قحشة هدايا للأهل والزُملاء والأصدقاء .. ! عاد كل ربعي إللي معي خذوا لهم ( حلاو بحريني ) .. أنا صراحه ماخذتها .. أخاف أمي تتوقع أني رايح للبحرين ! << ماتدري أنهم يبيعونها في الشرقيه ! :) المواقف كثيره .. ومافي الجُعبه لايَسَعُه مقال واحد ... ولكن أستميُحكم عذراً للتوقّف .. لأني بروح أتعشى تونه وأنام مبكّر .. عشان بُكره عندي قومه الساعه ثمان الصبح .. بروح أكفل دحيّم من حجز المرور لأنه قاطع الإشاره ومعه سويّر بنت بن رويسان الأجرب .. ! الكفاله ماهي لعيونه .. لعيون الضعيّفه المغلوب على أمرها :) ! سلام |
الكاتبـ الاديبـ العملاقـ المتألقـ المرحـ الفرحـ أ.مدمن شاهي . . . .
والله سواليفكـ تهبلـ . . . . شرط عاد إنكـ غطيت على ولد الطامي اللي له كتاب سواليف المجالس . . . . إلا على طاري سواليف المجالس , تراي أبكت سواليفكـ هذولي وابرح ابيعهن على المكتبات بإسمي أنا . . . . . >>> ـشُكـ ـشُكـ <<< |
توك تاصل الشرقية ...
الناس راحوا ..أو دري ما فيه داع نفتح لك باب ..! ما مثل ملح الشرقية ..! لا تعداه أبد ..! لكن تدري عاد .. رحت لملح الشرقية وسكرالغربية ..! غير ( رمل بريدة ) ما لقيت ..! وخصوصا الهواء العذب في المساء .! |
هههههههههههههههههههههههههههههههههههههههههههههههههه هه
والله إبداع يا حبيب ألبي ما شاء الله أجل طلعت عن حدود البطحاء المحتلة عاد صدق قلي وشلون الدمام فاتح والا غامق قصدي نيران والا زيران <<=== أخس وأقطع أبنتفظ وأطلع من حارتنا الكريمة إبداع كني طالعن للندن أكود آخذ معي جواز والا لا <<==== وشوله الجواز ياللي ما تستحي على العموم الله يبارك لك روحت هالدمام وعقبال بريدة يا بعدي بس لا تنسى مر على خب الحلوة يقولون أن عندهم شاهي يشق البطن من زينه ولا تنسى تمرنا نتعشى حنا وإياك من مقصف الأنهار بس على شرط النص بالنص القيمه <<=== والله من القعاطه قعيطي حتى الموت الا صح أنت يوم تروح للدمام وش خلاك تمر الخبر والقطيف أنت تقول الدمام عساك لقيت رافضه بالقطيف الا على فكره وش عنوان المحاظرات اللي ألقاه سيادتكم الكريم عن جعفر شكله أبقولك شي حصل لي صدق بالعطلة الصيفية الماضيه رحت أنا وأربعه من الشباب للدمام يعني أنا الخامس المهم رحنا للكرنيش نبي ندور مكان نقعد به دورن حسنا حسنا ما لقينا مكان هذا مليان وهذا به عايله وهذا به غناء <<=== ياسلملم وين الإنكار ياتعبان المهم أخذنا يسار وطولنا مع طريق الخليج وحنا ندور مكان فاضي وزين نقعد به صدفه أختفت الزحمة وراح صوت الغناء والهبال به نشيد بلغة عجزنا نفهممممممممممممممممم حنا طارت عيوننا طبينا شلف على المكان وقعدنا شوي الناس اللي حولنا عيونهم طبن بوسط القهوه الي معنا من قوت أنهم قاعدين يناضروننا مر باكستاني يبيع ساعات وعطور وخرابيش وقف عندنا قعدنا نستفسر عن اللي عنده وأحلق عيني أن كان أحد بيشر تعرف بريدة بجاحه المهم سئله واحد معنا قال وين الناس أختفت اللجه بعدين ليش هذا نفر يشوف أنا وشو هذا نشيد والا غنا الباكستاني فنقس من الضحك قال وين أنت نفر روه لم كورنيش الدمام حنا كل واحد طلع فوق راسه لمبه منكسره مثل توم وجيري نحسبنا وصلنا الكويت يوم قال كذا قلنا وين حنا قال أنتم بالقطيف يا بعد حيي <<== زياده من الروي قلنا أييييييييييييييييييييييييييه بعذرهم يناضروننا يخططون علينا لا تفهم غلط هماه عندهم ذبح السني تقرب إلى الله إعتقادات باطله ما أنزل الله بها من سلطان المهم ضفينا قشيشنا وولينا هاربين إلى شقتنا مهب لكرنيش الدمام للشقه تسئلن واراه ما أدري هذا ما أردت قوله وصلى الله وسلم على نبينا محمد وعلى آله وصحبه أجمعيييييين تحملونا الرد حرفين وقرش بس وش نزين الحق واجب علينا لازم نرد على الرجال ونكرمه ثلاثة أيام أولاها بالتراب <<=== متأثر بالفقة على العموم مع السلامة زق الحمامة تحياتو مسترعطووووووووووووش = أبوبريدة = |
ههههههههههه
ويلوموني فيك يا مدمن ! :) |
هههههههههههههههههههههههههههههههه فتحت مزاجي على هالفجرية الله يعافيك ننتظر مواضيعك القادمة بشغف :) |
بصراحة ما أستطيع إلا أن أقول راااائع ...
تحياتي لك ولا تحرمنا من ابداعاتك. |
ههههههههههههه ،،
كلام جميل عزيزي مدمن شاهي ،، ننتظر المزيد ،، ودمتم سالمين ،، |
الفتى أحمد
بتسرقني عيني عينك :) طيب أسرقني وانا مدري .. أهون على قليبي ! شكراً لمرورك |
ههههههه تصدق عاد إنك بطران يا أنت أنواع الهسترة تكفى أولاه لا تبطي علينا يا خلفهم وبعدين الله يعافيك ولا يبلانا إذا ودك يروح الإدمان اللي عندك غير الكوب لأنه منكسر وأنت تحسب إنك مدمن وهو ينكب مير الله يعافيكم ولا يبلانا إلا على طاري الشاهي تبي نصيحتي لا يفوتك شاهي إسمه ( ممتاز ) عُماني الجنسية :D وشكراً جزيلاً |
واصل عطاءك مدمن ،
مذكرات جميلة ، وبانتظار رحلتكو للبحرين .. وش لو .. أسد . |
عبدالرحمن الثاني
أحسبك بتعزمني :) ؟ شكراً لحضورك ياحلو ،،، |
رابط ذو صِله ونسب :
فضلاً أدعس عليه بخشمك .. ! http://www.buraydahcity.net/vb/showthread.php?t=60778 |
لم يرد ذكر لموقع الشقة
يبدوا أنها تقع في قلب الثقبة |
عطش الرمال
أقسم بالله أنك منتهي :) .. نعنبوا بليسك ردّك تقول خطبة جمعه .. ناقص تقول ( قوموا إلى صلاتِكُم يرحمُكم الله :) ) ! لك تحياتي يامصرقع ! |
النهيم
هلا بالحلو .. نعنبوا بليسك وينك .. لي يومين ماشفتك .. توقعتك ميّت أو أنك في سكرات الموت ! |
وأذوب خجلاً من تأخري للرد على هذا السحر الصرقعاتي ..
حياتك بيدك < لا ياشيخ حياتك عسل .. |
كلام جميل أخي مدمن شاهي ،،تحياتي لك ولا تحرمنا من ابداعاتك.
|
ما قصرت .............
لكننا نطلبك الموقف المحزن |
S n a k e
ربي يسعدك يومك .. :) |
الهاوي
الصباخ شكراً لكُما .. ولِحضورِكُما .. :) |
الصباخ
أسعدني مرورك كالمُعتاد :) شكراً لك .. |
مخاوي 7 الصمت
شاهي عُمان .. ماينصحون فيه ... يجيب البواسير وانا اخوك :) |
لا تكفى يا مدمن شاهي لا تروح تقعد تذوب علينا ,, يله رقعه من يفسكل علينا من يفرفشنا من ينعنشنا إن ذبت ذاب المنتدى معك أرى تروح للقطب المتجمد حتى يجمدك في منتدانا ;)
|
أسد العقيده
عندنا في الديره اللي يسافر للبحرين يكفّرونه ! .. دمتَ بخير :) |
تصلح تاخذ دروس عند رقية المطازيز وسالم السقوطات..شكرا على قلمك.ز ومزيد من الابداع
|
تصلح تاخذ دروس عند رقية المطازيز وسالم السقوطات..شكرا على قلمك. ومزيد من الابداع
|
ههههههههههه...شي يضحك...
بس المره الجايه كثر من السلاويف..... |
الحمد الله على سلامتكم ....... وعساكم سالمين.........عاد جبتو لنا حقاق......بس والله قهر ياليتي داريه انك رايح لم الدمام كان خليتك تدخل شاطر ارامكو.... ياحسافه.......ان شالله المرة الثانيه.....
بعطله الحج.... والابالعيد.... بصراحه انا اغبطك على اسلوبك الرائع.........والله يتمم عليك . |
الهلاب
العزوبي أكيد أنه بيسكن في الثقبه ! الله لنا ياهل الخُبر :) ! |
أبو فارس الخالدي
أذوب في العسل أنا ياشيخ ! شكراً لك ياحلو :) |
الصارم المسلول
شكراً لك .. ولحضورك ياغالي .. :) |
الإمام أحمد
أخاف عليكم تبكون :) .. شكراً لك ياغالي .. |
شكرا أخوي على هذه السواليف الممتعه للغايه ..
أسلوب جدا شيق .. وترى عرفت المطعم الي تحكي عنو .. هههههههههههه .. حلوووووه .. بس عسى محد شافك بالمطعم تشرب الصحن .. :) والله حمستني اروح للبحر .. تخيل صار لي اسبوعين ما رحتلو .. ان شاء الله بقول لاهلي نروح اليوم العصر .. والله على السرطانات .. و على البحر .. احلى شئ .. <<< الاخت تموت بالأكل البحري .. :) مشكوووور أخوي مره اخرى .. فعلا الشرقيه منطقه رائعه جدا .. |
وحشتوني
والله يا أنت بعد ذوّبتني معك بهالحتسي إللي أوّل مرّه أسمعه بحياتي :) .. شكراً لك ياغالي .. وبلاش تذويب مرّه ثانيه |
| الساعة الآن +4: 02:20 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.