هل هي اضافة لهيئة الأمر بالمعروف ..
 

____________

طبعاً الكادر النسائي يبي يكون تحت ادارة ( رجال ) .. لكن أقصد بتوصيل المعلومة بطريقة مباشرة ،

وأعتقد حنا يالرجال ينصحوننا رجال الهيئة في امور كثيرة ماعتقد راح نتطنز وكذا ..

عموماً اشكرك ع المشاركة ، (f) :d

__________

مشكور ع المرور ، ولكن ما اعتقد اذا كان بصفة رسمية وتحمل شعار هيئة ، راح تتطنز ،

لأنه بيكون في محاسبة ، وأعتقد راح تتطور إلى أنه يكون هنالك مركز هيئة خاص نسائي ..

يعني في أحد الاشخاص تعرض لك بالجوال ، انتي تستحين تروحين تكلمين أخوك بحجة انه مايسالك

أو ياخذ ويعطي فيها ، وقد يتجنى عليك ، لكن لو وجد مركز نسائي تروحين انتي ع رجولك

وتاخذين وتعطين وتقدمين شكواك بنفسك وتكون أكثر راحة واطمئنان ، وتكون كل بنت هي مسؤولة عن نفسها :41

صحيح ان فيه ايجابيات لكن سلبياته اكثر يعني تخيل بنت تدور بالسوق عشان تامر بالمعروف وتنهى عن المنكر:)
اصلاً طلعتها من البيت من غير حاجة ملحة منكر(وقرن في بيوتكن) وزود ع كذا للسوق وفيه رجال ولا تنسى ان الاسواق مأوى الشياطين وفيها ينصب رايته ولا اضن احد يرضى لأخته هالعمل القبيح.
ويعطيك العافية..

____________

شكراً ع المرور ، طبعاً هي وجهة نظر ، بس ما أعتقد أنه عمل ( قبيح ) .. تقديم النصح والإرشاد ، (f)

وهذاك قلتيها ( غير حاجة ملحة منكر ) .. لكن هذا بيكون عمل لها ودوام رسمي مثل مافي معلمة

تروح تقدم للطالبات ، مثل مافي ممرضة تروح تقدم للمستشفيات ، أعتقد المفروض يكون في بنات

يتقدمون بالنصيحة وايضاً حل المشاكل والستر ( ياعزيزتي هذي ادارة أمر بمعروف ونهي عن منكر )

ماهي رايحه تتمشى وتتسوق وبتكون تحت رقابة ، واكيد بعمر معين .. (h)

لولا سمح الله صار لأحد الاخوان قضية لأخته أيهم أستر يحصلها مع فتاة هيئة بمكتب مستقل أو رجل هيئة قدام خلق الله بالجمس ؟!! ..

وصدقيني مع الوقت راح تتعودين ، وحتى البائعين يلتزمون الأدب لأنهم مايعرفون هل زبونة أو تابعه لإدارة الهيئة ..

اكيد انا مااقول تقديم النصح قبيح لكن اقول ان البنت تكون بالسوق ساعات تناضر الرايح والجاي وتكون بين الرجال عشان تنصح عمل اقبح من قبيح..

____

شكراً ع اهمتامك ، لكن أنا أقيسها عن وجهة نظري عن بعـد .. :d

طبيعي بيكون دورها فقط ( للنساء ) .. وليش تدور ، أكيد لهم مكتب معين وحتى إن دارت ، بتدور وهي

محتشمة ( ويمكن تتطور الفكرة ويكون في كاميرات مراقبة )..

وماراح تنصح وترفع صوتها ، راح تسحب البنت وتكلمها بصوت خفي ، هذا اذا قلتي

أنك تعتبرين صوتها ( عورة ) .. غير كذا بتكون شاهدة لأن بعض الشباب والبنات يجحدون الخطأ (f)

ويمكن بعض البنات ماعندهم أخوان ولا أزواج وماعندهم الجراءة يكلمون رجل الهيئة بمشكلتهم ،

وبهالحالة ، راح ترتاح ويتطمون بعض الأهالي على بناتهم بالسوق ، (f)

لا مؤيد ذلك لاني اسبابك غير مبررة وغير مقنعه
وتم الرد عليها بالاقناع من (عصير مشوي)

[QUOTE=عصير مشوي;2622938]لا مؤيد ذلك لاني اسبابك غير مبررة وغير مقنعه

______

أقصد بالراحه النفسيه : أنها تنزل السوق وأهلها متطمنين حتى لو كانت محتشمة يعني فيه ادارة نسائية

لاحصل لها شي تروح لها ، بعكس البنات الي يصير لهم مضايقات من شباب ماتروح لرجل الهيئة

تخجل أو تخاف يتشعب أو أو أو .. فترضى بهالشيء وتخليه ، .. (f)

من ناحية رجل الهيئة يخجل ولا لا ، ياخي أقصد لبس الجينز القصير ، ربط جوال البلاك بالرأس

نظام العبايات الجديده الدوران من البنات الغير مبرر بالسوق، هذا بالقصيم

وأنا اتكلم بالعموم وتعال شف الرياض وجدة ، المفروض كون وجود الحرمين الشريفين عندنا ،

نكون صورة مثالية لباقي الشعوب ، ونطبق هالشي عندنا ، (h)

أما من ناحية خليهم محتشمات ع قولتك ، فلو كانو كل البنات محتشمات ومافي أخطأ بهالأسواق ،

كان من الأساس مافيه هيئة رجال، ولو مافي أخطاء بحياتنا بشكل عام كان دخلنا الجنه على طول : 12

بعدين ترضيك بعض تصرفات رجال الهيئة ، يمسك بنت مع شعرها ويركبها الجيب أو الجمس وكأنه واحد من العيال

^^^

خير ان شاء الله منو شد بنت من شعرها ... عمرك شفت هالشي ؟

اولا اللي بتنصح تنصح لوجه الله ماله داعي يكون هذا عمل رسمي

ثانيا اذا كان هناك نساء يعملون كهيئه ليش لابد يكون فوقهم رجال وليش لازم تكون تحت رقابة رجال ؟ واذا بنت

راددتهم هل من الصحيح ياخذونها ويحاسبونها مثل ماقلت؟

بعض الاخوان اللي قالوا الرجال اكثر هيبه ... انا اشوف لاهيبه ولاشي نفس الحال

وبعدين اللي يبي ينصح لازم يقنع الناس مو اذا راددوهم او ماسمعوا نصيحتهم ياخذون البنت ويحاسبونها

[QUOTE=فيري;2624482]^^^

كلامك سليم ، بس في البعض من رجال الهيئة يتلها مع عباتها ، ويركبها الجمس ، عاد ماندري وش التفاصيل ، لكن لو وجد هيئة نسائية ، عالاقل تركب معها تنصحها يصير في شي مقنع للمنظر الي قدامك ينقال معاها بنت مو اخذوها الهيئة رجال ، واتمنى والله يطبق هالشي ، ومن ناحية انها تحت إدارة رجال ، لولا سمح الله صار فيه نقاش وحاجة زي كذا ، أتوقع رجل الهيئة أكيد بيكون بالواجهه ، لأن فتاة الهيئة صعبة بتاخذ وتعطي وتتناقش مع واحد مغزلجي :d

اخوي اذا هم بيتولون قضايا بنات بس ماراح يكون فيه احتكاك مع شباب

اذا بيسوون اقتراحك لابد ان تكون الاداره نسائيه وبس وطبعا مانبي احد ينجر في الجمس لا من قبل رجال ولامن قبل بنات النصيحه هي المطلوبه وليس الاكراه

ولو سمحت اخوي اذا شهدت رجل هيئه يسحب بنت من عبايتها لازم تتدخل وتبلغ عنه لانه مايستحق يكون رجل امر بمعروف ونهي عن منكر