هلا بالحبايب .. اللي يدخل يسلم ويصك الباب

وش الأخبار والعلوم

يالله تكتفوا وخلوكم معي



** ** **

مرّة وصتني أمي تبي [ طيور الحب ] ، طبعاً : أحم أحم سمعاً وطاعة:) .
وينكـ وويني يا سوق الحمام ما كد مرة شفته ..
وأنا فرح متكشخ ومتلبس متطيب .. وأطلع من سوق الحمام على طول للغسالة :oo
مسكت الدائري الشرقي للجنوبي ويممنا شطر سوق الحمام .

طبعاً زحمة وقلق وكل ما تبي :(
وصلت لسوق الحمام .. لا أعاد الله أيامه

طبعاً خبركم وقفت سيارتي وبديت أتفرج أول شي وألقي نظرة .:rolleyes:
إلا وأشوف حريم يبيعن الصراحة استغربت .. قلت حريم وبسوق الحمام .. ذولي شكلهن كانن مهددات بالإنقراض . :087:

وقفت أشوف اللي معهن .. إلا يوم بديت أمشي وانا بمكاني .:037:
يععععععععععع يبيعن ضبااااااااااااااااان :eek5

كرهت شي اسمه سوق .. ما يلزم شي اسمه طيور .:oo
طلعت للجهة الثانية ولا أشوف إلا الله يكرمكم اتسلابه وطقتهن . :bad
لكني شفت بسيسة مع بنت صغينونة ياحول من ضربة الشمس عليه متغير لونه غادتن لك شهباء . :eek5
الصراحة كسرت خاطري .. ولاني ماشي إلا أنا فاكها من حلقه .
قلت له : بكم؟!
قالت : بـ 300 .. طبعاً أخذتها منهم .

بس خبركم فيه ناس يسبحونها ويملحونه ويمكيجونه :094:خليتها عندهم ورحت أدور طيور .
طبعاً لقيت بس يعني غاليات شوي .. لكن ماش لابد ناخذ طيور .. أنا جاي علشانهن مو علشان البسيسه .

وأخيراً وبعد عناء .. أخذت لي سبعة >>> يتربن بعزي إن شاء الله :d

المهم رحت وأخذتهن وشغلت لهن المكيف .. ورحت أجيب البسيسة .
ولاهـ ماشاء الله تقل الليله عرسها .. كلها ملح .:109:

ركبته معي قدام وربطتها بحزام الأمان .. لأني أبجلعد ولاني فاضي كل شوي ماسكها إذا مسكت فرامل .. لأني قبل ما أربطها ضغطت فرامل وإلاهـ لزقة بالدرج . :oo

المهم سلكنا الدائري عائدين .. الوقت هالحين حول أذان المغرب .
وأنا أمشي ما عندي من الشيطان طريق .. إلا ذاك المرور السري يشر من عند كل جهة .. :112:

إنااااا لله اللي مهنا أكبر منه وش هالنشبه .

خبركم إذا بغيت توقف لازم تصفط فوق الرصيف .. وأنا ما أقدر أرقى الرصيف .. وهو ما غير يطنب يقول إرق .

المهم نزل فاتلٍ عضلاته وينفخ بعنف بعد :020:
يقول: ليش ما رقيت أو على الأقل نزلت . :i121
قلت : النظام أنت تنزل لكن ياخوي أنا معي طيور وأخاف البس اللي معي ياكلهن .
تدرون وش قال :
قال الحين أنت مسوي استهزاء بالأنظمة المرورية !!:mad:

قلت له : ليش عسى ما شر .:eek:
قال : لأنك رابط البسة بحزام الأمان وأنت ما ربطته . ;)
قلت : أنا عضو بجميعة الرفق بالحيوان ( إقالي أبنكت معه :d) .. إلا والله ويعطين قسيمة سرعة كبر جبهتي . :114:

لا عادت على هالطيور وهالبساسة وسوق الحمام .

يالله عاد كل واحد يقضب فراشه وينام

رحت لواحة الحيوان بس ما عندهـ إلا ببغاء وشلته وتسلابه الله يكرمك وبساسة وثعابين .. لكن طيور الحب ما عندهـ .
وفيفا قيل لي إن ما عندهـ .

سمعت إنهن أصلاً ممنوعات .. يوجدن كثير بس بالأحساء .

مشكور ياقليبي وما قصرت .. اللي معي كأنهن منك