[قاهر الروس]

.
.

هلا بالحبايب .. اللي يدخل يسلم ويصك الباب

وش الأخبار والعلوم

يالله تكتفوا وخلوكم معي



** ** **

مرّة وصتني أمي تبي [ طيور الحب ] ، طبعاً : أحم أحم سمعاً وطاعة .
وينكـ وويني يا سوق الحمام ما كد مرة شفته ..
وأنا فرح متكشخ ومتلبس متطيب .. وأطلع من سوق الحمام على طول للغسالة
مسكت الدائري الشرقي للجنوبي ويممنا شطر سوق الحمام .

طبعاً زحمة وقلق وكل ما تبي
وصلت لسوق الحمام .. لا أعاد الله أيامه

طبعاً خبركم وقفت سيارتي وبديت أتفرج أول شي وألقي نظرة .
إلا وأشوف حريم يبيعن الصراحة استغربت .. قلت حريم وبسوق الحمام .. ذولي شكلهن كانن مهددات بالإنقراض .

وقفت أشوف اللي معهن .. إلا يوم بديت أمشي وانا بمكاني .
يععععععععععع يبيعن ضبااااااااااااااااان

كرهت شي اسمه سوق .. ما يلزم شي اسمه طيور .
طلعت للجهة الثانية ولا أشوف إلا الله يكرمكم اتسلابه وطقتهن .
لكني شفت بسيسة مع بنت صغينونة ياحول من ضربة الشمس عليه متغير لونه غادتن لك شهباء .
الصراحة كسرت خاطري .. ولاني ماشي إلا أنا فاكها من حلقه .
قلت له : بكم؟!
قالت : بـ 300 .. طبعاً أخذتها منهم .

بس خبركم فيه ناس يسبحونها ويملحونه ويمكيجونه خليتها عندهم ورحت أدور طيور .
طبعاً لقيت بس يعني غاليات شوي .. لكن ماش لابد ناخذ طيور .. أنا جاي علشانهن مو علشان البسيسه .

وأخيراً وبعد عناء .. أخذت لي سبعة >>> يتربن بعزي إن شاء الله

المهم رحت وأخذتهن وشغلت لهن المكيف .. ورحت أجيب البسيسة .
ولاهـ ماشاء الله تقل الليله عرسها .. كلها ملح .

ركبته معي قدام وربطتها بحزام الأمان .. لأني أبجلعد ولاني فاضي كل شوي ماسكها إذا مسكت فرامل .. لأني قبل ما أربطها ضغطت فرامل وإلاهـ لزقة بالدرج .

المهم سلكنا الدائري عائدين .. الوقت هالحين حول أذان المغرب .
وأنا أمشي ما عندي من الشيطان طريق .. إلا ذاك المرور السري يشر من عند كل جهة ..

إنااااا لله اللي مهنا أكبر منه وش هالنشبه .

خبركم إذا بغيت توقف لازم تصفط فوق الرصيف .. وأنا ما أقدر أرقى الرصيف .. وهو ما غير يطنب يقول إرق .

المهم نزل فاتلٍ عضلاته وينفخ بعنف بعد
يقول: ليش ما رقيت أو على الأقل نزلت .
قلت : النظام أنت تنزل لكن ياخوي أنا معي طيور وأخاف البس اللي معي ياكلهن .
تدرون وش قال :
قال الحين أنت مسوي استهزاء بالأنظمة المرورية !!

قلت له : ليش عسى ما شر .
قال : لأنك رابط البسة بحزام الأمان وأنت ما ربطته .
قلت : أنا عضو بجميعة الرفق بالحيوان ( إقالي أبنكت معه ) .. إلا والله ويعطين قسيمة سرعة كبر جبهتي .

لا عادت على هالطيور وهالبساسة وسوق الحمام .

يالله عاد كل واحد يقضب فراشه وينام

.
.

[نبوغ الفكر]

اقتباس قال الحين أنت مسوي استهزاء بالأنظمة المرورية !! قلت له : ليش عسى ما شر . قال : لأنك رابط البسة بحزام الأمان وأنت ما ربطته .

شكل العسكري تووه جديد بالمرور



وأنت الله يهديك وراك تستهزئ بالأنظمة المرورية؟؟؟؟



تصدق: ودي أشوف البسة والحزام مربوط عليه >>>> قمة الرسامة


تبي الصدتز سالفة طيبة <<<< شكريات

.

[وحيد الخلان]

قسيمة و طيور و بساسة هلا بييييييييك
ألا سؤال
شلون جزمت تركب بسّة معك بالسيارة
تسيف اني ما أطيق هاك الكائن

[الخفاش]

اقتباس قالت : بـ 300 .. طبعاً أخذتها منهم .

أخس
أنا خابرن بيع و شراء القطط ما يجوز
الله يهديكـ بس


عساهـ أستانست أميمكـ بس

اقتباس [ طيور الحب ]

لكن تعال وشن طيور الحب ذولي >> تبلش بالقروي

[مستكة]

اقتباس قالت : بـ 300 .. طبعاً أخذتها منهم .

منسم أنت ,,

اشري بسه بـ300 ,, لو أطمع إن البسه تظني بيض ,, ماشريته ,,

جب لي 150 ,, وأملى لك خيشة كاملة من البساسه

,,
بساسه على كيف كيفك .,,
وغير شكل البساسه حقاتي ,, يشكلنـــه <<===يشكلنه.. يعني مثل قولتهم متمدنات

وبعد تراهن يرحبن ,, ويسولفن ,,وينقمن فصفص ,, وياكلن حلقوم ,,

يعني قطة بمكينة ببغاء ,,

ومن ناحية النظافة ,,

فالبساسه اللي أبجيب لك ,, يتنظفن لا أمطرت ,,

يعني باوقات الأمطار يزود سعرهن ,,

وبغير الأمطار يصير سعرهن بالحضيض,,

<<==== عاد وش رايك بالحضيض ذي ,, منب أصلح أحمد المنفلوطي

بمان الله ,,
















,,

[خوي السرور]

تسان علمتن أهدي لك >>>>>> يعلمكم أنه يربي طيور


شف ترا به محلات أقرب لك من سوق الطيور ونفس سعر السوق ..

بالملز .

[قاهر الروس]

اقتباس المشاركة الأساسية كتبها خوي السرور تسان علمتن أهدي لك >>>>>> يعلمكم أنه يربي طيور شف ترا به محلات أقرب لك من سوق الطيور ونفس سعر السوق .. بالملز .

رحت لواحة الحيوان بس ما عندهـ إلا ببغاء وشلته وتسلابه الله يكرمك وبساسة وثعابين .. لكن طيور الحب ما عندهـ .
وفيفا قيل لي إن ما عندهـ .

سمعت إنهن أصلاً ممنوعات .. يوجدن كثير بس بالأحساء .

مشكور ياقليبي وما قصرت .. اللي معي كأنهن منك

.
.