ابغى رأي يرشدني...!! أناطبيعيه أوغير طبيعيه...؟؟
 

السلام عليكم
انا عندي مشكله تؤرقني مره مره ويجافيني النوم وابغى اشوف انا طبيعيه او لا...... أغلى ناسي(((أمي)))...فقدته قبل شهروعشرين يوم.....ومرارة الفقد ماعنه مسؤل....لكن الي مزعجني مره اني اذا طلعت من بيتي طريقنا من عند المقبره وبعدين اذا مرينا اتعب الى حد مااحد يتصوره لدرجة ان النفس يضعف من شد ماابكي لان يجين شعور اني مابيني اناوامي الاالشي البسيط ويطيري عقلي....لااحد يقول ماعندك عقل او ماعندك ايمان لا انالحمدلله عاقله وعارفه وماعندي اعتراض بس هذا يجين اذا مريت وكل هكى الليله انحاس.......وزجي الله يهديه من اركب وانااقوله تكفى غير الطريق احيانا يطيع بس يبدا بس يهوش علي مره مره ((يعني يخربه))...حدثوني بعقليتي (( امرأه ضعيفه وحساسه وحزينه ))..لاتتحدوا معي بعقولكم...ووش رايكم انا طبيعيه اولا اوفيه احد مثلي....

غاليتي أعلم كم هي صعبه مرارة الفراق،،،
ولكن حاولي قدر المستطاع نسيان ماحدث

أطلبي من زوجك الوقوف أمام المقبرة وابكي طويلاً حتى يتنفس الحزن فيك , فالهروب ليس حلاً , بل المواجهة هي الحل !

غفر الله لوالدتك , ستفرح حقاً في قبرها حينما تسعدين بحياتك دون هموم .

ياقلبي والله عليك ..

يسعدك ربي ويجلي عنك المولى هذا الحزن وبإذن الله أنك لمأجوره ..

حاولي في زوجك قبل ماتطلعون من البيت مو بالدرب إنه مايمر من عند المقبره ..

وحاولي تفهمينه إنت بنفسك والله إن شاء الله إنه بيتصور معك وبيراعي شعورك ويتفهم الأمر ..

والله يرحم والدتك ويجعل الجنه مثواها ولا تنسي الصدقه لها والدعاء فهي خير ماتقدمينه لها ويسعدها فقط ذلك منك ..

أختك / ورد

شاكره لكم المرور....اثابكم الله واحسن الله اليكم.....اناالحمدلله ماعندي اعتراض واحاول قد مااقدر اني اتصبر...لكن اذاركبت السياره يجين هالامر شي خيالي اذا مريت من عند المقبره عقلي يطير ولااقدر اسلم عليه مااقدر اذا تخيلت الموقف وانابالبيت اني مريت او ابمر اليوم او بكرا اقعد اصيح وتنحاس النفسيه...

أختي لا تنسي [ التمر ] فهو مفيد جدا للحزن ! بمعنى انه يذهب الحزن إذا اكلتيه بإذن الله

شعور طبيعي جداً ..
وجميع النساء مثل حالتك عند وفاة والديهم أو قريباً منهم يحصلهم مثل الشعور ..!

اللهم اغفر لوالدتك واسكنها فسيح جناته ..

كلها فتره وراح تنسي وتتذكري هذا البكاء ..!

واقترح عليك تغير البيت سنة أوسنتين وإن شاء الله راح ترجعي الى وضعك الطبيعي ..

وإذا كان البيت قريب للمقبره ومُلك .. أستأجري بمكان ثاني بعيد عن المقبرة ..

ولا تحزني يأختي .. فاوالدتك بحاجة للدعاء لا بحاجة للبكاء ..

نحنُ كارجال وقلوبنا قوية نشعر بالحزن والآلم لما نمر من عند
القبر ونتذكر قريباً لنا قد دفن وليس بيننا وبينه إلا خطوات ..!!

فكيف انتم يالنساء ..!

اللهم أرحم موتانا وموت جميع المسلمين ..

جزاكم الله خير.....اخي الوسام انا اتمنى قوه اننا نغير البيت لكن زوجي مايبي....لان مكانه مسبب لي معانات مره وهو دائم يهوشن يزود علي الي فيني يقول انتي غير طبيعيه وانااحس اني طبيعيه واكبردليل ان الرسول حرم دخول النساء للمقابر....

أختي الكريمة . .

أنت فتاة . .

ولا أستغرب من أن يحدث هذا الشيء . .

فالفتاة مشاعرها لا تقارن بمشاعر الرجل . .

فما بالك بي . .

و والدتي دفنت في هذه المقبرة منذ الأزل . .

و يعتريني ما يعتريك . .

لكنه بشكل أقل . .

لذا يا أخيه . . كل ما عليك . .

أن تحولي هذه المشاعر . .

إلى دعوات . . صادقة . .

تنفع روح أمك . .

و ترفع من مكانتها عند ربها . .

لا تمنعي دموعا . . تذرفها عيناك . .

لروح والدتك . . ولكن . .

لا تحرميها أيضا من صادق دعواتك . .

رحم الله والدتي . . و والدتك . .

و أسكنهما فسيح الجنان . .