بريدة ستي - .~" رحلة ثلاثة صيادين صباح هذا اليوم + تعليقات + بزعات "~.

[ للفاضيـن والذون يستمتعون بالقصص ]

بسم الله الرحمن الرحيم ،
السلام عليكم ورحمة الله وبركاته ،
الحمدلله الذي كفانا شر ذاك !!
والحمدلله الذي ساق لنا ذلك الدخَّل ويسر لنا اصطياده !
والحمدلله الذي جاب لنا ذاك اللي طلعنا !
والحمدلله الذي نجانا من تلك البزعة ! بل من تلك البزعآآت !

قبل لا أبدأ أبعلمكم رموز الموضوع :
(ي) يعني صديقي قائد المركبة :d
(ع) يعني صديقي الآخر اللي راكب ورى :113:

بعد هذه المقدمة الطويلة أروي لكم قصة ثلاثة من الصيادين << ما فيه إلا واحد منهم يعرف يصيد لا ويرقل بعد مهنا ذاك الزود والبقية ينتفون الصيد :113: < من كثر الصيد كله دخلة وسووا سالفة :113:

تلقيت اتصالً من صديقي (ي) في عصر يوم الأربعاء 7-5-1431 هـ، وأخبرني أن هناك كشتة صيد من الساعة 10 ليلاً إلى بكرا، قلت له خلاص مهب فاضي لك اللحين أنا مشغول أبدق عليك بعدين :113:
ودقيت عليه عقب المغرب وسألته عن بعض التفاصيل وعلمن :113:

وبعد صلاة العشـاء والدنيا تمطر قعدت أتصفح بريدة ستي ثم تلقيت اتصالاً من (ي) يقول لي تراي عند إشارة جدك شوي وأنا عندك :113::113:
قلت له طيب ، وطلعت له بعد ما دق علي مرة ثانية لأني كنت مشغول بهالأنترنت :d
وطلعت له ورحنا نركب حقت الكنود اللي تجي 3 مشغلات، تركب به اللي يشحن الجوال وإن بغيت كنود ،
ومن ثم أمرته بالتوجه للرومانسية (h)(h)
قال إني متعشي ، قلت طيب ؟!
أنا مشتهي الرومانسية متعشي أنت ولا ما تعشيت شي راجع لك
قال أبشر يا خلفهم
يوم قربنا عند الرومانسية ويشطفنا أخوي :113:
قلت لـ(ي) إلحقه خله يجيب مفتاح البيت حقي من البيت لأني طلعت والمفتاح بالبيت :081:
وحاولنا نلحقه لكن الأخ كان مجلعد :d
قلت ديور بس للرومانسية، وندخل الرومانسية ونطلب نص دجاجة شواية ورز بشوار (h)
و4 لبن و4 ماء وبصله :113:
واخترنا جلسة رقم 33 الظاهر أو حوله :113:
واحتريناو لمين جاب الطلب !
تأخر ولا جاب البصل والمكيف مطفى :mad:
وسمع الكلام وجاب بصل لكن المكيف طلعنا وهو ما اشتغل من القهر :oo

كانت النية إننا نطلع لم الطوقي بالليل ونستانس لكن صديقي (ع) كان عنده عزيمة ولاهب جاي إلا بتالي الليل ;)
توجهنا للملعب اللي بجنب مسجد إسماعيل :d
وشاي وسواليف حتى جت الساعة 12 مدرينا إلا تلك الكامري التي ماغطة (مسرعة)
ومشغل الفلشر وينطل يمين ويسار وكم عقدة ويروح
ويجيب شوط ثاني وأربع عقد :d
المهم بدينا نتدارك وضعنا نمشي ولالا ؟!! :09:
وجلسنا شوي ومدرينا إلا الكامري بالشارع اللي قدامنا وصلنا :oo
قلنا يا ولد الهجة لا يقلط معن هاللحين ونشغل ونمشي :113:
والحمدلله الذي كفانا شره !
مشينا ودقينا على خوينا (ع) قال أنا بالبيت هاللحين
قلنا اطلع من الحماس :113:
ومريناو وتوجهنا إلى الطوقي :)
ووقفنا عند محطة خزام فرأينا مواتر صافة :i125
يوم ناظرنا أثر به تخميس :oo
فنزل اثنان من أعضاء الرحلة وجابوا المتطلبات :d
وكملنا الطريق ووصلنا ولله الحمد :)
وجلسنا بالنفود وسواليف لمين أذن الفجر وأذنت أنا << يا سعدي :d
وصلينا الفجر، تبون أعلمكم وش قرأ الإمام ؟ :09:
وبعد الصلاة ضفينا عفشنا ومشينا ندور الطيور :)
وتوجهنا لإحدى الشعبان وقمنا بعملية الصيد وصدنا دخلة وحدة ! :d
المهم حنا أبعدنا عن السيارة وراح خوينا صاحب المركبة بيقربه ;)
أثره تعلق ذيك العلقة اللي يحبه قلبك :d
ونحاول نحاول ولا طلعت ولا فكرت بنا :oo
كأننا يأسنا قلنا محد جاينا بذا !
ودق على أخوي ولا يرد :(
وبعد عدة محاولات قلت عطونا العزبة وصلحت شاي :d
وأنا أصلح الشاي إلا وأرى ذاك الهدد :i125
وانهبل من شدة الفرح ناديت صاحبي قلت (ي) هدد ! :d
قال (ي ) أبوعلي فزعتكم :113::113:
<< مدري منين جايب أبوعلي لكن الظاهر أخطأ من شدة الفرح :d
المهم وينتلنا الله يجزاو خير
وطلعنا الموتر لمكان آمن :)
وبدأنا بالتشاور نمشي نقعد ؟
وآخر شي صفت على إننا نمشي ومشينا :)
ومسكنا خط الرياض الساعة 8 ونصف تقريباً صباحاً :113:
وحنا بطريق الطوقي راجعين معروف المسار واحد رايح جاي :)
جت قدامنا تريلة ! (ولست أنا سواقه) :d
فدخل قائدنا على المسار الأيسر !
وإذا بهايلكس مجلعد ووراو موتر آخر !! :i125
ياللهول ماذا نفعل !!
الموت أمامنا إن لم نتصرف ! :bad
فقد نتصادم وجهاً لوجه :oo
فقلت للقائد اصفط يساااار
ويدخل يسار
فماذا حصل ؟!!!
راعي الهايلكس انخب ومسك مساره ! :d
ثم بعد أن تعديناهم صفطنا يمين ! وكملنا الطريق :)
فالحمدلله الذي نجانا من تلك البزعة
وطولنا المسير للرياض :)
وجدعنا كل واحد ببيته
يوم جاء بيجدعن وأتذكر إني ناسي المفتاح << ابلش :113:
وأدق على البيت ولا رد أحد، وأدق على أخوي ويرد ويفتح لي :)
وكنت حاطن الشماغ فوق العقال ومتلطم وحالتي حالة :d
فقال لي أخوي : جاي تهريب ؟! :113:
وقضت الرحلة :)
والحمدلله .

ختاماً : أتمنى إن الجميع استانس << والله ما أتوقع على هالتفاصيل :d
وترى الموضوع للوناسة فقط لاغير وللاستفادة من الخبرات << واثق :d
ولاعمركم تبزعون ترى البزعات مهب زينة :d

ومع السـلامة ..