.~" رحلة ثلاثة صيادين صباح هذا اليوم + تعليقات + بزعات "~.

الجادي المدوف · 22-04-2010, 01:53 PM

[ للفاضيـن والذون يستمتعون بالقصص ]

بسم الله الرحمن الرحيم ،
السلام عليكم ورحمة الله وبركاته ،
الحمدلله الذي كفانا شر ذاك !!
والحمدلله الذي ساق لنا ذلك الدخَّل ويسر لنا اصطياده !
والحمدلله الذي جاب لنا ذاك اللي طلعنا !
والحمدلله الذي نجانا من تلك البزعة ! بل من تلك البزعآآت !

قبل لا أبدأ أبعلمكم رموز الموضوع :
(ي) يعني صديقي قائد المركبة

(ع) يعني صديقي الآخر اللي راكب ورى

بعد هذه المقدمة الطويلة أروي لكم قصة ثلاثة من الصيادين << ما فيه إلا واحد منهم يعرف يصيد لا ويرقل بعد مهنا ذاك الزود والبقية ينتفون الصيد

< من كثر الصيد كله دخلة وسووا سالفة

تلقيت اتصالً من صديقي (ي) في عصر يوم الأربعاء 7-5-1431 هـ، وأخبرني أن هناك كشتة صيد من الساعة 10 ليلاً إلى بكرا، قلت له خلاص مهب فاضي لك اللحين أنا مشغول أبدق عليك بعدين

ودقيت عليه عقب المغرب وسألته عن بعض التفاصيل وعلمن

وبعد صلاة العشـاء والدنيا تمطر قعدت أتصفح بريدة ستي ثم تلقيت اتصالاً من (ي) يقول لي تراي عند إشارة جدك شوي وأنا عندك

قلت له طيب ، وطلعت له بعد ما دق علي مرة ثانية لأني كنت مشغول بهالأنترنت

وطلعت له ورحنا نركب حقت الكنود اللي تجي 3 مشغلات، تركب به اللي يشحن الجوال وإن بغيت كنود ،
ومن ثم أمرته بالتوجه للرومانسية

قال إني متعشي ، قلت طيب ؟!
أنا مشتهي الرومانسية متعشي أنت ولا ما تعشيت شي راجع لك
قال أبشر يا خلفهم
يوم قربنا عند الرومانسية ويشطفنا أخوي

قلت لـ(ي) إلحقه خله يجيب مفتاح البيت حقي من البيت لأني طلعت والمفتاح بالبيت

وحاولنا نلحقه لكن الأخ كان مجلعد

قلت ديور بس للرومانسية، وندخل الرومانسية ونطلب نص دجاجة شواية ورز بشوار

و4 لبن و4 ماء وبصله

واخترنا جلسة رقم 33 الظاهر أو حوله

واحتريناو لمين جاب الطلب !
تأخر ولا جاب البصل والمكيف مطفى

وسمع الكلام وجاب بصل لكن المكيف طلعنا وهو ما اشتغل من القهر

كانت النية إننا نطلع لم الطوقي بالليل ونستانس لكن صديقي (ع) كان عنده عزيمة ولاهب جاي إلا بتالي الليل

توجهنا للملعب اللي بجنب مسجد إسماعيل

وشاي وسواليف حتى جت الساعة 12 مدرينا إلا تلك الكامري التي ماغطة (مسرعة)
ومشغل الفلشر وينطل يمين ويسار وكم عقدة ويروح
ويجيب شوط ثاني وأربع عقد

المهم بدينا نتدارك وضعنا نمشي ولالا ؟!!

وجلسنا شوي ومدرينا إلا الكامري بالشارع اللي قدامنا وصلنا

قلنا يا ولد الهجة لا يقلط معن هاللحين ونشغل ونمشي

والحمدلله الذي كفانا شره !
مشينا ودقينا على خوينا (ع) قال أنا بالبيت هاللحين
قلنا اطلع من الحماس

ومريناو وتوجهنا إلى الطوقي

ووقفنا عند محطة خزام فرأينا مواتر صافة

يوم ناظرنا أثر به تخميس

فنزل اثنان من أعضاء الرحلة وجابوا المتطلبات

وكملنا الطريق ووصلنا ولله الحمد

وجلسنا بالنفود وسواليف لمين أذن الفجر وأذنت أنا << يا سعدي

وصلينا الفجر، تبون أعلمكم وش قرأ الإمام ؟

وبعد الصلاة ضفينا عفشنا ومشينا ندور الطيور

وتوجهنا لإحدى الشعبان وقمنا بعملية الصيد وصدنا دخلة وحدة !

المهم حنا أبعدنا عن السيارة وراح خوينا صاحب المركبة بيقربه

أثره تعلق ذيك العلقة اللي يحبه قلبك

ونحاول نحاول ولا طلعت ولا فكرت بنا

كأننا يأسنا قلنا محد جاينا بذا !
ودق على أخوي ولا يرد

وبعد عدة محاولات قلت عطونا العزبة وصلحت شاي

وأنا أصلح الشاي إلا وأرى ذاك الهدد

وانهبل من شدة الفرح ناديت صاحبي قلت (ي) هدد !

قال (ي ) أبوعلي فزعتكم

<< مدري منين جايب أبوعلي لكن الظاهر أخطأ من شدة الفرح

المهم وينتلنا الله يجزاو خير
وطلعنا الموتر لمكان آمن

وبدأنا بالتشاور نمشي نقعد ؟
وآخر شي صفت على إننا نمشي ومشينا

ومسكنا خط الرياض الساعة 8 ونصف تقريباً صباحاً

وحنا بطريق الطوقي راجعين معروف المسار واحد رايح جاي

جت قدامنا تريلة ! (ولست أنا سواقه)

فدخل قائدنا على المسار الأيسر !
وإذا بهايلكس مجلعد ووراو موتر آخر !!

ياللهول ماذا نفعل !!
الموت أمامنا إن لم نتصرف !

فقد نتصادم وجهاً لوجه

فقلت للقائد اصفط يساااار
ويدخل يسار
فماذا حصل ؟!!!
راعي الهايلكس انخب ومسك مساره !

ثم بعد أن تعديناهم صفطنا يمين ! وكملنا الطريق

فالحمدلله الذي نجانا من تلك البزعة
وطولنا المسير للرياض

وجدعنا كل واحد ببيته
يوم جاء بيجدعن وأتذكر إني ناسي المفتاح << ابلش

وأدق على البيت ولا رد أحد، وأدق على أخوي ويرد ويفتح لي

وكنت حاطن الشماغ فوق العقال ومتلطم وحالتي حالة

فقال لي أخوي : جاي تهريب ؟!

وقضت الرحلة

والحمدلله .

ختاماً : أتمنى إن الجميع استانس << والله ما أتوقع على هالتفاصيل

وترى الموضوع للوناسة فقط لاغير وللاستفادة من الخبرات << واثق

ولاعمركم تبزعون ترى البزعات مهب زينة

ومع السـلامة ..

GIVENCHY · 22-04-2010, 02:55 PM

محلوفن علييك تحط بكل سطر فيييس ..

المدلهم · 22-04-2010, 03:22 PM

الحمد لله الذي نجاك من كل هالبزعات أنت و ي و ع

.

أبو شهـــــد · 22-04-2010, 03:56 PM

من قل الرجال صرت رجل ..

تميز يا خلفهم ..

نـــــــــــــــواف · 22-04-2010, 04:03 PM

تميز على ايش

[ لــمّــآح ] · 22-04-2010, 05:15 PM

اقتباس


	توجهنا للملعب اللي بجنب مسجد إسماعيل

مسجد إسمآعيل والرومآنسية ..

الرومآنسية بالستين ..

؟!

الحمدلله على السلآمة ..

D7EEM-designer · 22-04-2010, 07:25 PM

ياخي وراه (ع) ماله حس

dr.weekend · 22-04-2010, 09:08 PM

اقتباس


	قال إني متعشي ، قلت طيب ؟!

إني متعشي أجل

..

الجادي المدوف · 22-04-2010, 09:52 PM

اقتباس

المشاركة الأساسية كتبها GIVENCHY


	محلوفن علييك تحط بكل سطر فيييس ..

لا ما حلف علي

اقتباس

المشاركة الأساسية كتبها المدلهم


	الحمد لله الذي نجاك من كل هالبزعات أنت و ي و ع .

إيه والله يالله لك الحمد، ولا تخاف مسلسل البزعات لن ينتهي إذا كان (ي) أحد أعضاء الرحلة فأعتقد أن شعاره ابزع تؤجر

اقتباس

المشاركة الأساسية كتبها شلّقـــــــــــة


	من قل الرجال صرت رجل .. تميز يا خلفهم ..

تسلم والله يا أبا شهد

والقـادم أحلى يا حلو

اقتباس

المشاركة الأساسية كتبها نـــــــــــــــواف


	تميز على ايش

بعض الناس تقل مغصوبين يردون

اقتباس

المشاركة الأساسية كتبها [ لــمّــآح ]


	مسجد إسمآعيل والرومآنسية .. الرومآنسية بالستين .. ؟! الحمدلله على السلآمة ..

الله يسلمك

إيه الرومانسية اللي بالستين الله يخليه

اقتباس

المشاركة الأساسية كتبها D7EEM-designer


	ياخي وراه (ع) ماله حس

فرحن بجواله مغير يقلب بهالمقاطع

الجادي المدوف · 22-04-2010, 09:53 PM

اقتباس

المشاركة الأساسية كتبها dr.weekend


	إني متعشي أجل ..

أوكلمة نحوها

البيضة · 22-04-2010, 11:10 PM

وش صار على القميرية(( الدخلة)) ههههههههههههههههههههه مطبوخة مع الشاهي #

قصمنجي بحت · 22-04-2010, 11:51 PM

قعدن تسولف على اخوانك الصغار

ابن الإسلام · 23-04-2010, 12:13 AM

ما يستفاد من القصه

يوم رحنا ويوم جينا وتعشينا وكامري يدور
وتعلقت السياره ونسيت المفتاح

شكرن كل القصة

عجيب!تذبحني همن عاد · 23-04-2010, 03:58 AM

ياسفابي يومن قريته

22-04-2010, 01:53 PM	#1
الجادي المدوف كاتب مميّز تاريخ التسجيل: Mar 2010 البلد: الرياض ~ بريدة المشاركات: 2,699	.~" رحلة ثلاثة صيادين صباح هذا اليوم + تعليقات + بزعات "~. [ للفاضيـن والذون يستمتعون بالقصص ] بسم الله الرحمن الرحيم ، السلام عليكم ورحمة الله وبركاته ، الحمدلله الذي كفانا شر ذاك !! والحمدلله الذي ساق لنا ذلك الدخَّل ويسر لنا اصطياده ! والحمدلله الذي جاب لنا ذاك اللي طلعنا ! والحمدلله الذي نجانا من تلك البزعة ! بل من تلك البزعآآت ! قبل لا أبدأ أبعلمكم رموز الموضوع : (ي) يعني صديقي قائد المركبة (ع) يعني صديقي الآخر اللي راكب ورى بعد هذه المقدمة الطويلة أروي لكم قصة ثلاثة من الصيادين << ما فيه إلا واحد منهم يعرف يصيد لا ويرقل بعد مهنا ذاك الزود والبقية ينتفون الصيد < من كثر الصيد كله دخلة وسووا سالفة تلقيت اتصالً من صديقي (ي) في عصر يوم الأربعاء 7-5-1431 هـ، وأخبرني أن هناك كشتة صيد من الساعة 10 ليلاً إلى بكرا، قلت له خلاص مهب فاضي لك اللحين أنا مشغول أبدق عليك بعدين ودقيت عليه عقب المغرب وسألته عن بعض التفاصيل وعلمن وبعد صلاة العشـاء والدنيا تمطر قعدت أتصفح بريدة ستي ثم تلقيت اتصالاً من (ي) يقول لي تراي عند إشارة جدك شوي وأنا عندك قلت له طيب ، وطلعت له بعد ما دق علي مرة ثانية لأني كنت مشغول بهالأنترنت وطلعت له ورحنا نركب حقت الكنود اللي تجي 3 مشغلات، تركب به اللي يشحن الجوال وإن بغيت كنود ، ومن ثم أمرته بالتوجه للرومانسية قال إني متعشي ، قلت طيب ؟! أنا مشتهي الرومانسية متعشي أنت ولا ما تعشيت شي راجع لك قال أبشر يا خلفهم يوم قربنا عند الرومانسية ويشطفنا أخوي قلت لـ(ي) إلحقه خله يجيب مفتاح البيت حقي من البيت لأني طلعت والمفتاح بالبيت وحاولنا نلحقه لكن الأخ كان مجلعد قلت ديور بس للرومانسية، وندخل الرومانسية ونطلب نص دجاجة شواية ورز بشوار و4 لبن و4 ماء وبصله واخترنا جلسة رقم 33 الظاهر أو حوله واحتريناو لمين جاب الطلب ! تأخر ولا جاب البصل والمكيف مطفى وسمع الكلام وجاب بصل لكن المكيف طلعنا وهو ما اشتغل من القهر كانت النية إننا نطلع لم الطوقي بالليل ونستانس لكن صديقي (ع) كان عنده عزيمة ولاهب جاي إلا بتالي الليل توجهنا للملعب اللي بجنب مسجد إسماعيل وشاي وسواليف حتى جت الساعة 12 مدرينا إلا تلك الكامري التي ماغطة (مسرعة) ومشغل الفلشر وينطل يمين ويسار وكم عقدة ويروح ويجيب شوط ثاني وأربع عقد المهم بدينا نتدارك وضعنا نمشي ولالا ؟!! وجلسنا شوي ومدرينا إلا الكامري بالشارع اللي قدامنا وصلنا قلنا يا ولد الهجة لا يقلط معن هاللحين ونشغل ونمشي والحمدلله الذي كفانا شره ! مشينا ودقينا على خوينا (ع) قال أنا بالبيت هاللحين قلنا اطلع من الحماس ومريناو وتوجهنا إلى الطوقي ووقفنا عند محطة خزام فرأينا مواتر صافة يوم ناظرنا أثر به تخميس فنزل اثنان من أعضاء الرحلة وجابوا المتطلبات وكملنا الطريق ووصلنا ولله الحمد وجلسنا بالنفود وسواليف لمين أذن الفجر وأذنت أنا << يا سعدي وصلينا الفجر، تبون أعلمكم وش قرأ الإمام ؟ وبعد الصلاة ضفينا عفشنا ومشينا ندور الطيور وتوجهنا لإحدى الشعبان وقمنا بعملية الصيد وصدنا دخلة وحدة ! المهم حنا أبعدنا عن السيارة وراح خوينا صاحب المركبة بيقربه أثره تعلق ذيك العلقة اللي يحبه قلبك ونحاول نحاول ولا طلعت ولا فكرت بنا كأننا يأسنا قلنا محد جاينا بذا ! ودق على أخوي ولا يرد وبعد عدة محاولات قلت عطونا العزبة وصلحت شاي وأنا أصلح الشاي إلا وأرى ذاك الهدد وانهبل من شدة الفرح ناديت صاحبي قلت (ي) هدد ! قال (ي ) أبوعلي فزعتكم << مدري منين جايب أبوعلي لكن الظاهر أخطأ من شدة الفرح المهم وينتلنا الله يجزاو خير وطلعنا الموتر لمكان آمن وبدأنا بالتشاور نمشي نقعد ؟ وآخر شي صفت على إننا نمشي ومشينا ومسكنا خط الرياض الساعة 8 ونصف تقريباً صباحاً وحنا بطريق الطوقي راجعين معروف المسار واحد رايح جاي جت قدامنا تريلة ! (ولست أنا سواقه) فدخل قائدنا على المسار الأيسر ! وإذا بهايلكس مجلعد ووراو موتر آخر !! ياللهول ماذا نفعل !! الموت أمامنا إن لم نتصرف ! فقد نتصادم وجهاً لوجه فقلت للقائد اصفط يساااار ويدخل يسار فماذا حصل ؟!!! راعي الهايلكس انخب ومسك مساره ! ثم بعد أن تعديناهم صفطنا يمين ! وكملنا الطريق فالحمدلله الذي نجانا من تلك البزعة وطولنا المسير للرياض وجدعنا كل واحد ببيته يوم جاء بيجدعن وأتذكر إني ناسي المفتاح << ابلش وأدق على البيت ولا رد أحد، وأدق على أخوي ويرد ويفتح لي وكنت حاطن الشماغ فوق العقال ومتلطم وحالتي حالة فقال لي أخوي : جاي تهريب ؟! وقضت الرحلة والحمدلله . ختاماً : أتمنى إن الجميع استانس << والله ما أتوقع على هالتفاصيل وترى الموضوع للوناسة فقط لاغير وللاستفادة من الخبرات << واثق ولاعمركم تبزعون ترى البزعات مهب زينة ومع السـلامة .. آخر من قام بالتعديل الجادي المدوف; بتاريخ 22-04-2010 الساعة 02:18 PM.

22-04-2010, 02:55 PM	#2
GIVENCHY عـضـو تاريخ التسجيل: Aug 2007 البلد: حَيثُ أكُونْ .. ! المشاركات: 7,119	محلوفن علييك تحط بكل سطر فيييس .. __________________ http://www.buraydahcity.net/vb/member.php?u=25706 فَقْدُكَ مُوْجِعٌ يَ طيّب القلب : ( ! غفر لك يـ عبدالرحمن وأسكنك فسيح جناته .. : )

22-04-2010, 03:22 PM	#3
المدلهم عـضـو تاريخ التسجيل: Feb 2010 البلد: بريدة سيتي المشاركات: 532	الحمد لله الذي نجاك من كل هالبزعات أنت و ي و ع . __________________ . .. ... .... لاإلـــــه إلا الله .... ... .. .

22-04-2010, 03:56 PM	#4
أبو شهـــــد عـضـو تاريخ التسجيل: Nov 2008 البلد: الــريــاض المشاركات: 3,998	من قل الرجال صرت رجل .. تميز يا خلفهم .. __________________ قلت الوداع وجاوبـت دمعـة العيـن تجـرح بساتيـن الخـدود النديـه واغضت وشفت بعينهـا الحزن حزنيـن وصاحت على الفرقا انـا مـو قويـه وجاوبتها ارجـوك تكفيـن تكفيـن والله دمعك يشعـل النار فـيّـه وقالـت تعاهدني عـهـاد المحبـيـن الله يخـون اللـي يخـون بخويّـه

22-04-2010, 07:25 PM	#7
D7EEM-designer عـضـو تاريخ التسجيل: Apr 2010 البلد: القصيم المشاركات: 290	ياخي وراه (ع) ماله حس __________________ التوقيع مخالف

22-04-2010, 04:03 PM	#5
نـــــــــــــــواف Registered User تاريخ التسجيل: Apr 2010 البلد: فـيـ ربـيـع الـشـمـالــ skaka المشاركات: 390	تميز على ايش

22-04-2010, 11:10 PM	#11
البيضة عـضـو تاريخ التسجيل: Feb 2008 البلد: القصيم المشاركات: 1,435	وش صار على القميرية(( الدخلة)) ههههههههههههههههههههه مطبوخة مع الشاهي # __________________ [GLOW="99CC99"]ييض الصعو نسمع به ولا نشوفه !![/GLOW]

22-04-2010, 11:51 PM	#12
قصمنجي بحت Registered User تاريخ التسجيل: Jan 2010 البلد: يــحــول يــالـي مالـــه بــــريــــــدة المشاركات: 385	قعدن تسولف على اخوانك الصغار

23-04-2010, 12:13 AM	#13
ابن الإسلام عـضـو تاريخ التسجيل: Jan 2002 البلد: حيث أكون المشاركات: 2,585	ما يستفاد من القصه يوم رحنا ويوم جينا وتعشينا وكامري يدور وتعلقت السياره ونسيت المفتاح شكرن كل القصة

23-04-2010, 03:58 AM	#14
عجيب!تذبحني همن عاد عـضـو تاريخ التسجيل: Mar 2010 البلد: بريده المشاركات: 25	ياسفابي يومن قريته