بريدة ستي - لا تفوتكم قوالب الكنافة يمي يمي

لا تفوتكم قوالب الكنافة الكذابة يمي يمي

http://www.alsaifonline.com/up2010/6fP53581.gif

سويت حلا وقلت خليني أكون بنت سنعة وأصور وأنزل أول موضوع لي بعالم أنثى

وأفيد بنات منتداي الحبيب (h)

واعذروني على الصور اللي مش ولابد لأنها من جوالي ولافيه فلاش :p

الحلا عبارة عن كنافة كذاابة بخبز التوست لكن غيرت عن الطريقة التقليدية اللي كل الناس تعرفها

وقلت خليني أدللها وأحطها بقوالب مربعة :044:

طبعا بالبداية ماصورت لأن فكرة تنزيل الموضوع ماجت على بالي إلا متأخرة

وبشرح لكم البداية من دون صور عاد هي بسيطة ولا يبغى لها ..

* المقادير اللي راح نحتاجها :

كيس خبز توست

زبدة أو زيت على حسب الرغبة

* مقادير الحشوة :

كاس ونصف ماء

ملعقتين حليب بودرة

4 ملاعق نشاء الذرة

علبة قشطة

* شيرة ( عاد هذي مايبغى لها مقادير أكيد كلكم طباخات وتعرفون لها ) :41

يالله نبدأ بالطريقة على بركة الله

أولا جبت خبز التوست وقصصت أطرافه وحطيته بخلاط ست البيت حتى تفتت تماما وبعدين أضفت عليه

الزبدة أو الزيت (الكمية اللي تشوفينها مناسبة بحيث يكون الخليط ممكن يتشكل معاك بس لا تكثرين مررة حتى ماتكون دسمة زيادة)

عاد بقول لكم الصراحة أنا استخدمت زيت مالي خلق أجيب زبدة وأذوبها وبعدين أضيفها، على طول زيت يالله من فضلك ولا يبغى له كلاافة :d

وبالفترة هذي طرت علي فكرة التصوير وتنزيل الموضوع :d

وهذي أول صورة

http://www.alsaifonline.com/up2010/BvW49498.gif

بعدها جبت قوالب الكب كيك المربعة >> إذا ماعندك عاادي جيبي الدائرية :01:

http://www.alsaifonline.com/up2010/i3S49775.gif

وبديت أحط شوي من العجينة على كل قالب وأفردها كويس على الحواف بحيث ماأخليها سميكة ولا رهيفة مررة

(طبعا نصف الكمية أو أكثر لأن الباقي راح أحتاجها بالتغطية )

وطلعتها من الجوانب حتى تتحمل الخلطة اللي راح أضيفها مثل ماتشوفون بالصورة

http://www.alsaifonline.com/up2010/fXk49775.gif

ولما فردت العجينة بالقوالب غطيتها وبديت أسوي الخلطة

أول شي جبت نشا الذرة وحطيت عليه تقريبا نصف فنجان ماء بارد حتى مايتكتل معاي وحركته حتى بدا يذوب وحطيته على جنب.

بعدها أخذت الحليب وأضفت له كاس ونصف ماء وحطيته على النار حتى وصل لمرحلة الغليان

وبعدين أضفت له خليط النشا بالماء البارد وحركته بسرعة حتى ما يتعقد ورفعته عن النار ومباشرة حطيت عليه علبة القشطة

وطلع لي هذا الخليط

http://www.alsaifonline.com/up2010/DtH49775.gif

بعدها رجعت للقوالب وأضفت تقريبا ملعقة صغيرة ونصف لكل قالب

ورجعت للعجين اللي رفعته بالبداية ووزعته فوق كل قالب بحذر ورفق حتى ما أضر الخليط الموجود

وأركز إنه مايكون فيه أي فراغ،

وهنا صورت لكم بعد ماغطيت نصف الصينية

http://www.alsaifonline.com/up2010/Qm549775.gif

وهنا كاملة

http://www.alsaifonline.com/up2010/HLq49775.gif

وبعدين دخلتها الفرن من تحت وبعد ماتحمرت فتحت عليها من فوق

( بس انتبهي مو أول ماتصير ذهبية من تحت تسكرين عنها، لا لا اصبري حتى تكون غامقة شوي بس مو تحترق لأنك

إذا قلبتيها بتكون أفتح )

http://www.alsaifonline.com/up2010/Dzt49974.gif

ولما خلصت وطلعتها مباشرة صبيت عليها شيرة تقريبا كل قالب ملعقة ونصف >> ماتلاحظون إني مركزة على ونصف حقت الاحتياط :d

وهذي صورتها

http://www.alsaifonline.com/up2010/Qh149974.gif

وخليتها حتى بردت وبعدين قلبتها وصفيتها بصحن التقديم وزينتها بالفستق

http://www.alsaifonline.com/up2010/OXj49974.gif

http://www.alsaifonline.com/up2010/KY849974.gif

عاد لاتتوحشون الطريقة سهلة بس أنا كثرت الشرح والقرق :rolleyes:

يالله عاد سووها وعليكم بالصحة والعافية وهذا الصحن لأول وحدة ترد علي

http://www.alsaifonline.com/up2010/1C149974.gif

وما أنسى أشكر حبيبتي توفي السعودية على مشاركتي في تعديل الصور

(h) (h) (h)