وســــــــرق الكـــــــــراث !!!!!!!!!!!!!!!!!!!!!!! ................. :eek5
 

:eek5

وسرق الكراث ..

هذه العبارة ترددت على لساني منذ البارحة الساعة العاشرة والنصف ليلاً .. :oo

اتصل علي جاري الله يجزاوه خير وقال السلام عليكم يابو ربى ..
أنا .. وعليكم السلام هلا والله أبو تركي ..
قال .. أنت بالبيت ..؟
قلت وش بغيت بس شوي واصير بالبيت .. ؟؟
قال .. معي كراث جايبه من المزرعة وابيك تذوقه وتذوق الجيران
وتوزع على أهلك ..
قلت له .. ماله داعي الكلافه يابو تركي ..
قال لا والله ما هنا كلافة بس ودي تذوقون حق المزرعة .. :rolleyes:
قلت سم ابشر يابو تركي خلاص أنت حطه عند الباب وادق على عيالي
يفتحون الباب ويأخذونه ..
قال بس انتبه لا تخليه بالكيس على طول حطه بكرتون وإلا بخيشة وبالثلاجة
على طوووول ..
قلت سم ..
طوط طوط ... << سكر السماعة ..
اتصلت على عيالي بالجوال .. رن رن رن طننط طننط << انقطع الخط .. << هاه :eek: غريبة .. !
اتصلت على الثابت .. ترن ترن ترن << طوط طوط << انقطع الخط .. :confused:
غريبة مهب عاده الجوال يمكن بس الثابت ما توقع ربى وإلا خواته يبي يسمعن التلفون يرن
ولا يشلنه .. :) << قولوا الله يحفظهن . :)

اتصل أبو تركي ألو ..
هلا ابو تركي .. معليش ابو تركي دقيت على عيالي مايردون ..
قال طيب تراي حطيته عند الباب بسرعة لا تخليه بالكيس ..
قلت سم سم ابشر .. الله يجزاك خير أشغلناك ..
قال لا لا ما اشغلتنا ولا شي .. يالله مع السلامة ..مع السلامة ..

رحت للبيت وكانت المدة خلال خمس أو عشر دقائق فقط .. !!
وصلت البيت أناظر الباب مافيه شي .. هاه .. :confused:
إيييه يمكن عند الباب الثاني .. وأشوف هاه :confused:
مابه شي .. !!
إيه اكيد ابو تركي رن الجرس وفتحوا عيالي واخذوه .. :d

طيب ...

فتحت باب الكهرب .. دخلت .. فتحت باب البيت هاه غريبة ما قفلوه .. ؟؟
شانت النفس أبهوش عليهم :d وراهم ما قفلوا الباب وهم يبي ينامون .. :(

يا ولد يا بنت يا ............. هاه :i121

دخلن الماء .. :eek5
قلت الله يستر .. لا كراث ولا عيالي .. !! :d
رحت لم امي .. يا ولد يا ولد .. << ادخل ياوليدي .. :)
فتحت الباب .. واسمع صوت عيالي .. وتنهج الخشة :d
السلام عليكم ..
عليكم السلام ..
وراكم ما تردون على الجوال ولا على الثابت .. ؟ :(
إيه مخلينه بالبيت وجينا لم أمك نتونس معه ..
اهاااا .. طيب أخذتوا الكراث ..؟
وش كراثه ..؟
هاه .. الكراث اللي جابوه ابو تركي ... !!
ماشفنا شي .. !
هاه ... طيب اسألوا الشغالة يمكنه فتحت الباب واخذته يوم يرن الجرس أبو تركي .. !
( طبعاً الشغالة آجار ) وقلت يمكن ماتدري إنه ماعندنا شغالات يفتحن الباب :( .. بس قلت يمكن هذي ما علموه عيالي .. :)

سألنا الشغالة ..
هيني .. أنتِ فيه شيل كراث من باب برا ..؟
لا لا ماما أنا مافيه افتح باب .. !
هاه .. بسم الله وين راح الكراث .. ؟
طلعت اشوف وادور يمكن غلطان بالباب وحاطه عند باب أمي .. هاه مافيه شي .. !! غريبة ..
واناظر وإلا فيه رمل عند بابنا وإلا فيه سكة سيارة صغيرة ضافن الكراث .. :090:


فقلت سرقة الكراث ولا سرقة عيالي .. :)


نراكم على خير حبايبي ..

هههههههههههههههههههههههههههههههه
الله يصلحلك عييلك يآرب :d
والله يخلف عليكم بكراثن أزين يآرب

شكله ذا واحدن مر مع الشارع يحسبكم حالتينه .. :)

على طاري السرقة عندي سالفة لا صليت أغدين أقوله :d

هههههههههههههههههههههههههه

ولد احرآآش بخمس دقآيق إجطلووهـ ذذ

الله يعوضكـ وإذآ تبين أجيب لك من كرآث المسيطير تررآآو وآلم ذذ

ابو ريان >> > ادري انك تمووت على ذا اللون :113:

الحمد لله انها صارت بالكراث .

ولكن
منهو ذا ابو تركي :09:
اهو جالس ببطن امه 9 اشهر زينا او جالس 4
مستعجل الله يهدية
كان جلس شوي وجغفك وعطاك الكراث .

يمكن من عجز الجيران خرمانه كراث ومبطي ما ذاقته

لاكن والله ان كان عجوز الي اخذته فهي عنده جهاز استشعاري قوي ينفع للانذار المبكر

الله يعوضك خير .... الكراث فقد مهب احسافه

والي اخذ الكراث شكله مثل ما قالوا يحسبه انكم ماتبونه .... الله يجعله بالف حل


سلملي على ابو تركي ........ شكله من عايلة السعوي

والله هالجار الي ياخذ بخاطر جيرانه ويهدي عليهم نادر هالوقت جزاه الله خير

موضوع فله قوهـــــ

تكفى شف وش صار من الي اخذه وعلمنا

نبت براسي انخله سكرية

*

قسم بالله مشاركة رائعة بالكش كول بداية موفقه ومهبولة وكل شي ولو اثرك مانتب سهل يابو ريان تنفع تكشكل علينا :)

والله يحفظ لك عيالك يارب والماما وإذا وصلته أمطخه مع راسه قل هذي من ليدر 20 http://forum.z7mh.com/images/fisat/51.gif



*

على طاري عدم السرقة :d
أمس بعد العشاء طالعين حنا وبعض الشباب بحديقةً حديقةٍ حديقةُ ما < إيقاله جاحد :113:
المهم معي غرض بالسياره يبي يجي واحد من الشباب يأخذه , دق علي قال انا عند الموتر قلت له هذا جايّك , جاين أبعطيه الغرض فتحت الموتر وخليت المفتاح على الباب وعطيته هالغرض وصكيت الباب ورحت جلست :d
طبعاً ناسين ان المفتاح على الموتر , جلسنا إلى الساعة 11 وقال حدا الشباب نبي نروح نذوق مطعم الفلاني أنه توّه فاتح , شمينا ورحنا نتعشى وووو , ورجعنا وحلتون على موتري يوم جيت عند الموتر شفت المفتاح كما هو !
ومايستفاد من هالقرقر الي من غير فايده إن المفتاح مابه لا سكة كفر كبيرة ولا صغيرة ولاهم يحزنون :113:
وأيضاااااااا , اننّا بدولة أبومتعب حفظة الله وشفاه !
يوجد به الأمن والأمان بعد الله سبحانه وتعالى :)

هماكم سالمين يابو ربى عقبها كل شي يهون يابعدي

لا تحرمنا من جديدك يالغالي

آمين الله يجزاك خير ..

إيه والله ... الله يخلف على الكراث بس .. :(

لا أهو ما يحسبنا مانبيه لكنه شكله شاف ابو تركي يحطه
قال أكيد إنه شيء ثمين :d

( اهو ) << ما يقلد أحد تراوه .. :)

يمنع تكثير المشاركات بهذه الطريقة حنا بدولة أبو متعب الله يحفظه .. :113:

إيه والله يمكنه خيره ..

شكلك دايم متفائل بالخيرة :)
مثل راعي العقيلات .. :)

لا وأتوقع لو أنا منداخل الكيس تسان شالن أنا وياوه .. :d

الله يجزاك خير لا والله منب راعي كراث لكن تخبر ماودنا نفشل جارنا العزيز أبو تركي .. :)