|
تجربة تسلق الحبله في ابها ( صور)
السلام عليكم
هذي صور رحلة التسلق انا وخويي( بس ولو) للحبله كان الجو ضباب على كيفك وكان معنا مصور محترف ومدرب التسلق ( ترى الصور لي مهوب للمصور المحترف لانه عيا يصورن ومخلين اخر واحد ورا ) نبدء بالصوره الاولى يوم جينا ننزل مع التلفريك شوفو الصوره واحكمو http://www.almojazef.com/pic/habala01.jpg تراى هذا غيم نازل تحت بعد ما نزلنا رحنا لمكان لبس الأحزمه والحبال والخوذ والله ياهم ربطونا تربيط همن دخلنا لوسط الغابه الي تحت المنضر روعه http://www.almojazef.com/pic/habala02.jpg لين وصلنا محل التسلق وبدينا التشعمط http://www.almojazef.com/pic/habala03.jpg شف المصور فوق ويقولي لا ترفع راسك بس يبي يصور الخوذه لين وصلنا مكان شلق بالجبل :confused: http://www.almojazef.com/pic/habala04.jpg يوم ناضرت تحت واثرالارض بعيده امير اروح وطي يوم برقت :eek: امير اشوف بطايت البيت القديم الي تحت كتبة بريدة يوم اسفهليت وراح الخوف وصار الجبل قاع صفاقه : 12 والصوره هذي يوم وصلنا فوق http://www.almojazef.com/pic/habala05.jpg الصراحه الرحله روعه بس اصوع و روع بس الحمد لله جت سليمه عاد بقي الطيران الشراعي قريبا انشاء الله:D اترك عنك الجو تسنه صعافيق ايام الشتاء وطلعات ام دباب وقدات الرمث والغضى اخر صوره بعد ما طلعنا من الحبله لقين الجيب الحوض و اخذنا صوره حلوه http://www.almojazef.com/pic/habala06.jpg اسف على الاطاله |
مشكور
يالمجازف إبداع صور خيال |
المجازف ... اسم على مسمى ..
بس انتم خوذات وحبال ... منتم مثل اهل عسير ماشاء الله ... الواحد يرقى الجبل كنه راقي درجه .. ومن القهر وهو يرقى وياكل خبزه ... ماشاء الله متعودين مهوب مثلنا ... الله يخلف اذا قلت لوه خل نرقى الجبال ,,,, قالك مالله امر بالكسافه اقضب ارضك .. ليه متطنز بقرد انت .. سي يو .. |
ويزلق عليه
ويش هالصور هذي وين هي بوه عجلوا علينا والا ان صبرتو شوي طلعت رغوتي هذولا حقين شركة الكهرب بس وين يبون بين هالجبال شكلهم يدورون عداد يبي يفصلونوه ويزلق عليهم |
شكرا على الردود
الشجاع تصدق نصلح اخويا انا وانت عشان نوريك منهو اسرع يموت:) :)
مدحت شوقي بريدة وانت صادق صقط علينا واحد زامن تيس مع الحبله وبعدين الخوذ مهوب عشان الطيحه عشان الي المقاريد الي يحلتون حصا من فوق يعني انواع الصعارير:confused: :confused: الصابونه اشونك منتب معنا ولا كان انواع المصطات :eek: :eek: |
اعلمك يالمجازف
انواع الوناسه شكله وناااسه مررررررررره بس اشوا الي ماطحت من هالارتفع على العموم الحمد لله على السلامه ولا صراحه بغيت تروح وطي بس شكلكم كثيرين وشم هالي معك ؟؟؟؟ والحوض الي معكم للبيع تراي خابرله زبون اقول جت سااالفت القصيمي الي فصلوه من 905 الله يهنيكم ورحله سعيده |
شف يا المجازف أما من ناحية انك فنان أفـ هذي قاضين منه يا خلفهم أنت أمي وابوي <<<< والله الرجال بدا يحب :D أقول 8888888888888888 أنا أبعطيك نظرة تحليلية لهالي يمشون ذولا خوياك ولا احد يشك أني معهم والله مانب معهم <<<<=== كاد الدرو أن يقول خذوني خذوووووني معاكم هيلا هيلا ثم اطرحو بي على مرسا المحبين هيلا هيلا <<<<<== هيلا ولا فطيما :):):) ،، توكل أقول ألمهم ياحبي الي بالصورة الثانية الاول واضح انه بزوع ولا خرب الرحلة الا هو ... أي شيء تقولونه يقول لا يحب البزعات والي يمين دايم يسار واما الثاني هذا عجاز ولا يقدر الشلة ومن شينه يحب يقطع البصل بالغدا اجل حاطن تايد بدال الملح ،، الله مير يخلف الي ذا معكم اما الثالث هذا ذريقه ولا وش مخليه بالوسط فرقعين مير تدري ياحبيله أييييييييه جينا للرابع الرابع سلمك الله ما نقدر نقول به شيء هذا المدير وهذا الكل في الكل نقول شيء تكسر روسنا ،،، شفه لابس احمر متميز سلم لي عليه وقله يقول سعفة أدوخ عليك ياشيخ اما الخامس هذا متواضع لأنه قبل االاخير ودايم هو الي يصلي بكم صح انكم يالله بالعزر تقومون لصلاة الفجر بس عاد الشكوى لله تبون من يمردكم باقوى حيله عاد الي يصور كابونن مثلي <<<<<< :D:D:D:D:D أقول سلم لي على ابوخليجية الي عيونه موووووت وأمطخه بدالي قله يقول سعفة جب لي باغة برد وثلاثة كيلو مطر باللهي <<<=== صار ابو العز ما صار سلام :D:D :D:D :D:D :D:D /ـ/ـ/ــــــاااالااااام .....................@@@@@ |
ألف ألف الحمد لله على السلامة ....
والله ولقينا مصور جديد في المنتدى :) حبيبي المجازف ,, عندي بعض الملاحظات والتساؤلات : 1- طريقة ترتيب الصور والموضوع غير منظمة , مره تلقى شرح الصوره فوقه ومره تلقاه تحته , ماترسي لك على بر ,,, إما حط الشرح فوق أو تحت علشان نمشي صح مع الصور ... 2- أي كلام زيادة بدون صور ياليت يكون بآخر الموضوع , علشان مايتشتت القارئ ويدور الصور ;) 3- لو فصلت لنا طريقة الرحلة من البداية حتى النهاية , يعني كأنك تسولف وتدعم كلامك بالصور , أنا أشوف أنه بيكون أفضل لك ولقارئ الموضوع . الأسئلة : 1- نوع الكاميرا وإذا حصل معلومات تفصيلية عنه . هذا اللي عندي .... وبإنتظار موضوع الطيران الشراعي , وياليت تتكرم وتسوي ماطلبت منك بالملاحظات , راح يكون الموضوع رووووووووووعه لك تحياتي ::: أخوك : ذيبان :D |
مجازف .......!!
لا ........تجازف بحياتك ! سيمر على الأمة ...........ايام عصيبة ...نحتاج فيها ......للشباب ! المغامرات ..........اسلوب غربي ...رخيص ! اذا انت مصمم على المغامرات .....هناك ....خارج الحدود.....ديرة ابو عدي محتاجة للشجعان !! على الأقل ....تأخذ كم علج معك !! هل تذكر الشاب الشهري الذي سقط بمظلته ....في ابها امام الناس وكان معه مدربه ( الفرنسي ) ؟؟ قبل اسابيع !! وأخيراً: اذكرك بالوعيد الشديد ....لتصوير ذوات الارواح ! الدنيا تبي ............والأخرة تبي !! |
مشكووووووووووووووووووووووووور
على الابداع في التصوير |
السلام عليكم : 12
السراحه كللللللللللللللللللللل............زززززززززززززززا ويتك بطرانه:41 بس شكلك تحب تنيذخ علينا تحسبنا مانعرف شي :confused: اصلك ماتدري ....... انا يوم انا .... ورع ,,,,,,,,,, بحدا خببت اندنوسيا رقيت فوق جبل واثرهم يتطببون بمضلاتهم ...... امير اخمطلي مضلة طارفه وانقز مع جال الجبل واطب معهم اثري لابسن المضله نكس وصارت تقل زبيل تمر , امير .......... ////اول مره اكتبلك وانملدت بالهرج اكملك بعدين علشان ماتقول قرقه ...ooo1 الحمدلله على السلامه |
السلام عليكم
ابشركم رجعت لقواعدي سالم ولله الحمد عاد ابفضيلكم هالحين .. بس حر حندكم بذا :i121 :i121 ولد على...... والله انه وناسه الحمد لله والطيحه انشاء الله بعيده مربطيننا مع كل محل. سعفه ..... وراك شرشحت هالي معي ترا مهوب ازينلك ... بس الوعد يوم ذاك وذاك اخليهم يتفاهمون معك ;) ;) ذيبان ..... الله يسلمك ياعم .... بس وراك هاجمن علي تحلف اني هذا الموضوع الألف لي تراي اول مره انزل موضوع يعني منب خبره زيك وبعدين انا منب اكتب بمندتى نيودلهي يعني الشباب لماحين ويعرفون الهرج للصوره الي فوق ولا تحت. وشكرا على الملاحضات لإني فعلا احتاج له بالذات من واحد محترف زيك. وبالنسبه لسؤالك عن نوع الكمره فهي CANON وهذي صورته http://www.canon.co.uk/Images/14_41223.gif اذا تبي زود عن هالكمرة ارعص هنا ناصر النجدي سيمر على الأمه يوم تحتاج الى شبابها...... عباره جميله من ما قرئت لك يا اخ ناصر انك درست او عملت في بلاد الغرب وعايشت الفساد والانحلال هناك ورجعت منها وانت تكرهها وصرت ترى اي شي انه اسلوب غربي واقول لك ان المغامره المدروسه مطلوبه من شبابنا فالسباحه وركوب الخيل تعتبر مغامره وحتى صعود الجبال ولعلمك ان تسلق الحبله بهذه الطريقه اسهل من صعود الدرج فهل تريد شباب قلوبهم قويه لمواجهه التحديات ام شباب يخافون من ضلالهم . وفعلا هناك شاب وقع من الطيران الشراعي الله يرحمه.. شكرا لك يا اخ ناصر جـــيــ2002ـــدا....شكرا لك وسيم الخب ...شوي شوي عجزت افهم وش تقول ما اسمعك :confused: :confused: |
اقول بلا مصر بلا بطيخ
أثرنا بنعمه (( أبهاء البهيه)) سناااااااااااااااااااااااااااااااااااااايدي |
الحمدلله على السلامه
اول شي الحمدلله على السلامه ....
ثانيا الله يعين عليك تبي تسولف علينا الى الصبح بس هذاي تارسن الصيدليه بندول وعسى الله يستر. |
| الساعة الآن +4: 07:10 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.