 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
 |
|
|
أدوات الموضوع | طريقة العرض |
19-08-2003, 03:21 PM
|
#1 |
|
عـضـو
تاريخ التسجيل: Aug 2003
المشاركات: 8
|
تجربة تسلق الحبله في ابها ( صور)
السلام عليكم
هذي صور رحلة التسلق انا وخويي( بس ولو) للحبله كان الجو ضباب على كيفك وكان معنا مصور محترف ومدرب التسلق ( ترى الصور لي مهوب للمصور المحترف لانه عيا يصورن ومخلين اخر واحد ورا ) نبدء بالصوره الاولى يوم جينا ننزل مع التلفريك شوفو الصوره واحكمو  تراى هذا غيم نازل تحت بعد ما نزلنا رحنا لمكان لبس الأحزمه والحبال والخوذ والله ياهم ربطونا تربيط همن دخلنا لوسط الغابه الي تحت المنضر روعه  لين وصلنا محل التسلق وبدينا التشعمط  شف المصور فوق ويقولي لا ترفع راسك بس يبي يصور الخوذه لين وصلنا مكان شلق بالجبل   يوم ناضرت تحت واثرالارض بعيده امير اروح وطي يوم برقت  امير اشوف بطايت البيت القديم الي تحت كتبة بريدة يوم اسفهليت وراح الخوف وصار الجبل قاع صفاقه  والصوره هذي يوم وصلنا فوق  الصراحه الرحله روعه بس اصوع و روع بس الحمد لله جت سليمه عاد بقي الطيران الشراعي قريبا انشاء الله:D اترك عنك الجو تسنه صعافيق ايام الشتاء وطلعات ام دباب وقدات الرمث والغضى اخر صوره بعد ما طلعنا من الحبله لقين الجيب الحوض و اخذنا صوره حلوه  اسف على الاطاله |
|
|
19-08-2003, 04:00 PM
|
#2 |
|
عـضـو
تاريخ التسجيل: Sep 2002
المشاركات: 2,613
|
مشكور
يالمجازف إبداع صور خيال
__________________
هذا التوقيع إهداء من غندر - رحمه الله -  المــ O.EC @ HoTmAiL . COM ـاسنجر |
|
|
|
19-08-2003, 06:13 PM
|
#3 |
|
.. وللشطوب نكهة و نكهة ..
تاريخ التسجيل: Feb 2002
البلد: هناك
المشاركات: 16,085
|
المجازف ... اسم على مسمى ..
بس انتم خوذات وحبال ... منتم مثل اهل عسير ماشاء الله ... الواحد يرقى الجبل كنه راقي درجه .. ومن القهر وهو يرقى وياكل خبزه ... ماشاء الله متعودين مهوب مثلنا ... الله يخلف اذا قلت لوه خل نرقى الجبال ,,,, قالك مالله امر بالكسافه اقضب ارضك .. ليه متطنز بقرد انت .. سي يو ..
__________________
. . .  .. قلب البحطلة ينبض ..ينبض ينبض ينبض .. . |
|
|
|
19-08-2003, 07:09 PM
|
#4 |
|
عـضـو
تاريخ التسجيل: May 2003
المشاركات: 120
|
ويزلق عليه
ويش هالصور هذي وين هي بوه عجلوا علينا والا ان صبرتو شوي طلعت رغوتي هذولا حقين شركة الكهرب بس وين يبون بين هالجبال شكلهم يدورون عداد يبي يفصلونوه ويزلق عليهم
__________________
|
|
|
|
23-08-2003, 05:04 PM
|
#5 |
|
عـضـو
تاريخ التسجيل: Aug 2003
المشاركات: 8
|
شكرا على الردود
الشجاع تصدق نصلح اخويا انا وانت عشان نوريك منهو اسرع يموت
 مدحت شوقي بريدة وانت صادق صقط علينا واحد زامن تيس مع الحبله وبعدين الخوذ مهوب عشان الطيحه عشان الي المقاريد الي يحلتون حصا من فوق يعني انواع الصعارير الصابونه اشونك منتب معنا ولا كان انواع المصطات
|
|
|
|
25-08-2003, 02:24 AM
|
#6 |
|
عـضـو
تاريخ التسجيل: Mar 2003
البلد: جوار البحر وفوق اليابسه
المشاركات: 660
|
اعلمك يالمجازف
انواع الوناسه شكله وناااسه مررررررررره بس اشوا الي ماطحت من هالارتفع على العموم الحمد لله على السلامه ولا صراحه بغيت تروح وطي بس شكلكم كثيرين وشم هالي معك ؟؟؟؟ والحوض الي معكم للبيع تراي خابرله زبون اقول جت سااالفت القصيمي الي فصلوه من 905 الله يهنيكم ورحله سعيده
__________________
الـمـعرفــه تـقــهـرالخــوف |
|
|
|
25-08-2003, 03:12 AM
|
#7 |
|
عـضـو
تاريخ التسجيل: Sep 2001
البلد: &^ ضراس المحتلة ^&
المشاركات: 3,476
|
شف يا المجازف أما من ناحية انك فنان أفـ هذي قاضين منه يا خلفهم أنت أمي وابوي <<<< والله الرجال بدا يحب :D أقول 8888888888888888 أنا أبعطيك نظرة تحليلية لهالي يمشون ذولا خوياك ولا احد يشك أني معهم والله مانب معهم <<<<=== كاد الدرو أن يقول خذوني خذوووووني معاكم هيلا هيلا ثم اطرحو بي على مرسا المحبين هيلا هيلا <<<<<== هيلا ولا فطيما ،، توكل أقول ألمهم ياحبي الي بالصورة الثانية الاول واضح انه بزوع ولا خرب الرحلة الا هو ... أي شيء تقولونه يقول لا يحب البزعات والي يمين دايم يسار واما الثاني هذا عجاز ولا يقدر الشلة ومن شينه يحب يقطع البصل بالغدا اجل حاطن تايد بدال الملح ،، الله مير يخلف الي ذا معكم اما الثالث هذا ذريقه ولا وش مخليه بالوسط فرقعين مير تدري ياحبيله أييييييييه جينا للرابع الرابع سلمك الله ما نقدر نقول به شيء هذا المدير وهذا الكل في الكل نقول شيء تكسر روسنا ،،، شفه لابس احمر متميز سلم لي عليه وقله يقول سعفة أدوخ عليك ياشيخ اما الخامس هذا متواضع لأنه قبل االاخير ودايم هو الي يصلي بكم صح انكم يالله بالعزر تقومون لصلاة الفجر بس عاد الشكوى لله تبون من يمردكم باقوى حيله عاد الي يصور كابونن مثلي <<<<<< :D:D:D:D:D أقول سلم لي على ابوخليجية الي عيونه موووووت وأمطخه بدالي قله يقول سعفة جب لي باغة برد وثلاثة كيلو مطر باللهي <<<=== صار ابو العز ما صار سلام :D:D :D:D :D:D :D:D /ـ/ـ/ــــــاااالااااام .....................@@@@@
__________________
 |
|
|
|
25-08-2003, 06:45 AM
|
#8 |
|
عـضـو
تاريخ التسجيل: Sep 2001
البلد: بريدة
المشاركات: 1,286
|
ألف ألف الحمد لله على السلامة ....
والله ولقينا مصور جديد في المنتدى حبيبي المجازف ,, عندي بعض الملاحظات والتساؤلات : 1- طريقة ترتيب الصور والموضوع غير منظمة , مره تلقى شرح الصوره فوقه ومره تلقاه تحته , ماترسي لك على بر ,,, إما حط الشرح فوق أو تحت علشان نمشي صح مع الصور ... 2- أي كلام زيادة بدون صور ياليت يكون بآخر الموضوع , علشان مايتشتت القارئ ويدور الصور  3- لو فصلت لنا طريقة الرحلة من البداية حتى النهاية , يعني كأنك تسولف وتدعم كلامك بالصور , أنا أشوف أنه بيكون أفضل لك ولقارئ الموضوع . الأسئلة : 1- نوع الكاميرا وإذا حصل معلومات تفصيلية عنه . هذا اللي عندي .... وبإنتظار موضوع الطيران الشراعي , وياليت تتكرم وتسوي ماطلبت منك بالملاحظات , راح يكون الموضوع رووووووووووعه لك تحياتي ::: أخوك : ذيبان :D
__________________
تسعدني زيارتكم لموقعي الشخصي
www.badr.cc |
|
|
|
25-08-2003, 11:10 AM
|
#9 |
|
عـضـو
تاريخ التسجيل: Aug 2002
البلد: جزيرة العرب( نجد)
المشاركات: 154
|
مجازف .......!!
لا ........تجازف بحياتك ! سيمر على الأمة ...........ايام عصيبة ...نحتاج فيها ......للشباب ! المغامرات ..........اسلوب غربي ...رخيص ! اذا انت مصمم على المغامرات .....هناك ....خارج الحدود.....ديرة ابو عدي محتاجة للشجعان !! على الأقل ....تأخذ كم علج معك !! هل تذكر الشاب الشهري الذي سقط بمظلته ....في ابها امام الناس وكان معه مدربه ( الفرنسي ) ؟؟ قبل اسابيع !! وأخيراً: اذكرك بالوعيد الشديد ....لتصوير ذوات الارواح ! الدنيا تبي ............والأخرة تبي !!
__________________
خير المتاع ....هذه الأيام ......زوجة ملتزمة!! |
|
|
|
25-08-2003, 12:06 PM
|
#10 |
|
عـضـو
تاريخ التسجيل: Jun 2002
البلد: وش دخلك
المشاركات: 486
|
مشكووووووووووووووووووووووووور
على الابداع في التصوير
__________________
|
|
|
|
25-08-2003, 09:38 PM
|
#11 |
|
عـضـو
تاريخ التسجيل: Aug 2003
المشاركات: 115
|
السلام عليكم
السراحه كللللللللللللللللللللل............زززززززززززززززا ويتك بطرانه  بس شكلك تحب تنيذخ علينا تحسبنا مانعرف شي اصلك ماتدري ....... انا يوم انا .... ورع ,,,,,,,,,, بحدا خببت اندنوسيا رقيت فوق جبل واثرهم يتطببون بمضلاتهم ...... امير اخمطلي مضلة طارفه وانقز مع جال الجبل واطب معهم اثري لابسن المضله نكس وصارت تقل زبيل تمر , امير .......... ////اول مره اكتبلك وانملدت بالهرج اكملك بعدين علشان ماتقول قرقه ...  الحمدلله على السلامه |
|
|
|
31-08-2003, 11:25 AM
|
#12 |
|
عـضـو
تاريخ التسجيل: Aug 2003
المشاركات: 8
|
السلام عليكم
ابشركم رجعت لقواعدي سالم ولله الحمد عاد ابفضيلكم هالحين .. بس حر حندكم بذا  ولد على...... والله انه وناسه الحمد لله والطيحه انشاء الله بعيده مربطيننا مع كل محل. سعفه ..... وراك شرشحت هالي معي ترا مهوب ازينلك ... بس الوعد يوم ذاك وذاك اخليهم يتفاهمون معك ذيبان ..... الله يسلمك ياعم .... بس وراك هاجمن علي تحلف اني هذا الموضوع الألف لي تراي اول مره انزل موضوع يعني منب خبره زيك وبعدين انا منب اكتب بمندتى نيودلهي يعني الشباب لماحين ويعرفون الهرج للصوره الي فوق ولا تحت. وشكرا على الملاحضات لإني فعلا احتاج له بالذات من واحد محترف زيك. وبالنسبه لسؤالك عن نوع الكمره فهي CANON وهذي صورته  اذا تبي زود عن هالكمرة ارعص هنا ناصر النجدي سيمر على الأمه يوم تحتاج الى شبابها...... عباره جميله من ما قرئت لك يا اخ ناصر انك درست او عملت في بلاد الغرب وعايشت الفساد والانحلال هناك ورجعت منها وانت تكرهها وصرت ترى اي شي انه اسلوب غربي واقول لك ان المغامره المدروسه مطلوبه من شبابنا فالسباحه وركوب الخيل تعتبر مغامره وحتى صعود الجبال ولعلمك ان تسلق الحبله بهذه الطريقه اسهل من صعود الدرج فهل تريد شباب قلوبهم قويه لمواجهه التحديات ام شباب يخافون من ضلالهم . وفعلا هناك شاب وقع من الطيران الشراعي الله يرحمه.. شكرا لك يا اخ ناصر جـــيــ2002ـــدا....شكرا لك وسيم الخب ...شوي شوي عجزت افهم وش تقول ما اسمعك
|
|
|
|
31-08-2003, 11:56 AM
|
#13 |
|
عـضـو
تاريخ التسجيل: Feb 2003
البلد: بريدة (به)
المشاركات: 423
|
اقول بلا مصر بلا بطيخ
أثرنا بنعمه (( أبهاء البهيه)) سناااااااااااااااااااااااااااااااااااااايدي
__________________
 للمرسلتي على الصفحه الخاصه:
 |
|
|
|
31-08-2003, 01:26 PM
|
#14 |
|
عـضـو
تاريخ التسجيل: Aug 2003
المشاركات: 115
|
الحمدلله على السلامه
اول شي الحمدلله على السلامه ....
ثانيا الله يعين عليك تبي تسولف علينا الى الصبح بس هذاي تارسن الصيدليه بندول وعسى الله يستر. |
|
|
|
| الإشارات المرجعية |
|
|
النمط المتتابع
