|
بلدية بريدة واهمال نصف البلد
أتسائل عن دور البلدية في جنوب بريدة ارجو من لديه العلم بان يسعفني: # في جنوب بريدة اي تحسينات لا تتم الا بالواسطة او بالشكاوي او بتوجيه من امير المنطقة...!!؟؟ # ميدان حي الخليج والعشوائية جنوب الميدان .. # الحزام الداخلي الذي تم ترسيته قبل 24عام لا يزال تحت التنفيذ حتى الان بل ان اجزاء كبيرة منه والتي تعبر من خلال حي الموطأ الشمالي والجنوبي لم يدق مسمار واحد فيها والبركة في المقاول (صاحب الواسطات).. # شارع الصباخ عدة سنوات دون ارصفة ودون اكتاف ودون مخارج سليمة... # السالمية وكان فقر أهله يمنح البلدية الحق في ان تتركه يئن..!! # طريق الناصرية الذي تجوبه آلاف السيارات والشاحنات ليل نهار والذي يعتبر شريان رئيسيي تم بهذلته وتفريقه والجزء الاكبر منه تحت الانشاء منذ اكثر من خمس سنوات والبركة في نفس المقاول صاحب الواسطات.. النماذج كثيرة ارجو من لديه الحل او الاجابة الشافية ان يسعفنا ماجوراً.. |
عساك سالم استاذ امين بريده الطاسه ضايعه
|
سمعنا برقم 940 للبلاغات
|
أمين بريدة صحيح أن الطاسة ضايعه ولاني ادافع عنهم .. إلا أني اتشره عليك وش مسكنك في الجنوب ياخي اسكن شمال اذا تبحث عن المميزات ..
مشكلة حقين الجنوب يسكنك في مكان ويبعد عن الناس والخدمات بحجة أنه مايعجبه الشمال والزحمة / ويجلس يتذمر حطولي وسوولي .. أي مكان في العالم معروف أن الشمال أكثر مميزات من الجنوب بحكم أنه جديد .. فانا صراحة استبعد شي اسمه مقارنة ( ليش الشمال أحسن من الجنوب ) لأن هذي الحقيقة وراح تظل لسنوات طويلة قدام فجازلكم اهلا وسهلا ماجازلكم لاتطلبون المستحيل ، أصلا سببتو خلل في تطور المدينة .. لو تفتح بقالة شمال .. قلتو وحنا ؟؟ قضينا من عنيزة وبريدة جينا للشمال والجنوب .. أنا الي أكلمك كنت من سكان المطأ جنوب وسكنت شمال .. وريحنا أنفسنا وارتحنا ، وعلى فكرة يوم كنا جنوب كنا مانتذمر لأننا متعودين وعارفين بيئتنا ومكاننا ومو شي كنا متعودين عليه وفجأة تغير ، أنا عتبي الي يروح يحط له عمارة في جنوب بريدة في مكان مستحيل يكون فيه خدمات ويجلس يطالب في خدمات من وين نصنع لك برج جوال ونجيب لك مول جنب بيتك وبقالة ومغسلة .. |
ههههههههههههههههه وش سالفه .. ؟!
المهم .. >> الي يقول ليه ماتسكن بالشمال .. انا اقولك .. > الشمال غالي متره وغاليه في الشقق والبيوت الجاهزه فرق عن الجنوب .. > والمفروض مايكون بس التقدم في الشمال والباقي مسحوب عليه ..! > والي يتكلم عليه صاحب الموضوع عن > الشوارع ... وماتوقع لها دخل بالتقدم ,, |
اقتباس:
|
اقتباس:
|
اقتباس:
ثم من تكلم بالشمال نحن لم نستكثر على الاحياء الشمالية شيء بل بالعكس هي تحتاج اكثر ولكن نتكلم عن الاهمال الغير مبرر لاحياء مهمة يسكنها اعداد كبيرة من الناس.. لابد ان تعلم ان ميزانيات البلديات تعطى على حسب السكان يعني كل فرد له منها خدمة وليس فئة دون اخرى.. ثم انك تنصح اهل الاحياء المهملة بالجنوب والشرق والغرب بأن يتركوا املاكهم ويتبعوك الى الشمال كي تنحل مشاكلهم؟؟؟!!! بئس الحل هذا يا اخ اكسجين .. ارجو ان اكون اخطأت فهمك ولعله يكون لك عودة. واشكرك على المشاركة. |
اقتباس:
شاكرا حضورك، . |
خل يوخرون الدوارت وحنئ بخير
|
لا تتعب نفسك ترا اكثر المسئولين همه بطنه ومخبات تبي يفكربك ياعيني ولا يفكر في مصلحه الناس الله المستعان
|
اقتباس:
الحقوق لاتضيع عندما نطالب بها والعكس صحيح.. لايضيع حق وراءه مطالب.. المسؤول يجب ان يخاف من النقد ومن المحاسبة كي يكون همه العمل والاخلاص فيه. شاكرا مرورك ابا راكان،،،،، |
اقتباس:
|
اقتباس:
أما مسئلة تبي تحط مميزات الي بالشمال نفس الي بالجنوب ماتجي ، ولا راح تجي وهذي جرت العادة في العالم .. شف الرياض جنوبه يفرق عن شماله ، أي بلد كذا .. فلاتجلس تقارن .. يعني انا ماني مسؤول اجلس اسلك لك أنا اقولك اياها بصراحة .. هذا طبعا لاينكر أحد ان لك بالجنوب حقوق ولكن ليست كمثل حقوق الي بالشمال ، يعني لمبات طافية يسوون لها صيانة شارع تكسر انتهى يعيدون سفلتته ، أما تبي كل شي جديد يعني تبي تعيد بنية تحتية هذي ماتجي .. خيررر ههه لو على كذا كان أول من شراء بالجنوب أنا .. ولا وش مسكنا شمال ماشاء الله هالبحر الي يطل علينا ولا هالغابات الي حوالينا وجالسين نتبرد .. ماسكنا الا عشان الخدمات .. فياليت تبتعدون عن المقارنات هذي لان هذي الحقيقة ، رضيتو أهلا وسهلا مارضيتو أرخو الريال وحياكم ننتظركم .. |
| الساعة الآن +4: 09:43 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.