[أمين بريدة]

أتسائل عن دور البلدية في جنوب بريدة ارجو من لديه العلم بان يسعفني:
# في جنوب بريدة اي تحسينات لا تتم الا بالواسطة او بالشكاوي او بتوجيه من امير المنطقة...!!؟؟

# ميدان حي الخليج والعشوائية جنوب الميدان ..

# الحزام الداخلي الذي تم ترسيته قبل 24عام لا يزال تحت التنفيذ حتى الان بل ان اجزاء كبيرة منه والتي تعبر من خلال حي الموطأ الشمالي والجنوبي لم يدق مسمار واحد فيها والبركة في المقاول (صاحب الواسطات)..

# شارع الصباخ عدة سنوات دون ارصفة ودون اكتاف ودون مخارج سليمة...

# السالمية وكان فقر أهله يمنح البلدية الحق في ان تتركه يئن..!!

# طريق الناصرية الذي تجوبه آلاف السيارات والشاحنات ليل نهار والذي يعتبر شريان رئيسيي تم بهذلته وتفريقه والجزء الاكبر منه تحت الانشاء منذ اكثر من خمس سنوات والبركة في نفس المقاول صاحب الواسطات..

النماذج كثيرة ارجو من لديه الحل او الاجابة الشافية ان يسعفنا ماجوراً..

[ابـو محمد]

عساك سالم استاذ امين بريده الطاسه ضايعه

[دفا..]

سمعنا برقم 940 للبلاغات

[O X Y G E N]

أمين بريدة صحيح أن الطاسة ضايعه ولاني ادافع عنهم .. إلا أني اتشره عليك وش مسكنك في الجنوب ياخي اسكن شمال اذا تبحث عن المميزات ..

مشكلة حقين الجنوب يسكنك في مكان ويبعد عن الناس والخدمات بحجة أنه مايعجبه الشمال والزحمة / ويجلس يتذمر حطولي وسوولي ..

أي مكان في العالم معروف أن الشمال أكثر مميزات من الجنوب بحكم أنه جديد ..

فانا صراحة استبعد شي اسمه مقارنة ( ليش الشمال أحسن من الجنوب ) لأن هذي الحقيقة وراح تظل لسنوات طويلة قدام فجازلكم اهلا وسهلا ماجازلكم لاتطلبون المستحيل ، أصلا سببتو خلل في تطور المدينة .. لو تفتح بقالة شمال .. قلتو وحنا ؟؟

قضينا من عنيزة وبريدة جينا للشمال والجنوب ..

أنا الي أكلمك كنت من سكان المطأ جنوب وسكنت شمال .. وريحنا أنفسنا وارتحنا ، وعلى فكرة يوم كنا جنوب كنا مانتذمر لأننا متعودين وعارفين بيئتنا ومكاننا ومو شي كنا متعودين عليه وفجأة تغير ،

أنا عتبي الي يروح يحط له عمارة في جنوب بريدة في مكان مستحيل يكون فيه خدمات ويجلس يطالب في خدمات من وين نصنع لك برج جوال ونجيب لك مول جنب بيتك وبقالة ومغسلة ..

[A7md2013]

ههههههههههههههههه وش سالفه .. ؟!


المهم .. >> الي يقول ليه ماتسكن بالشمال .. انا اقولك .. > الشمال غالي متره وغاليه في الشقق والبيوت الجاهزه فرق عن الجنوب ..

> والمفروض مايكون بس التقدم في الشمال والباقي مسحوب عليه ..!

> والي يتكلم عليه صاحب الموضوع عن > الشوارع ... وماتوقع لها دخل بالتقدم ,,

[أمين بريدة]

اقتباس المشاركة الأساسية كتبها ابـو محمد عساك سالم استاذ امين بريده الطاسه ضايعه

مشكور ي ابو محمد ولا بد من البحث عن الطاسة.

[أمين بريدة]

اقتباس المشاركة الأساسية كتبها دفا.. سمعنا برقم 940 للبلاغات

الكثير سمع بالرقم يا دفا ولكن ليس من سمع كمن اتصل

[أمين بريدة]

اقتباس المشاركة الأساسية كتبها o x y g e n أمين بريدة صحيح أن الطاسة ضايعه ولاني ادافع عنهم .. إلا أني اتشره عليك وش مسكنك في الجنوب ياخي اسكن شمال اذا تبحث عن المميزات .. مشكلة حقين الجنوب يسكنك في مكان ويبعد عن الناس والخدمات بحجة أنه مايعجبه الشمال والزحمة / ويجلس يتذمر حطولي وسوولي .. أي مكان في العالم معروف أن الشمال أكثر مميزات من الجنوب بحكم أنه جديد .. فانا صراحة استبعد شي اسمه مقارنة ( ليش الشمال أحسن من الجنوب ) لأن هذي الحقيقة وراح تظل لسنوات طويلة قدام فجازلكم اهلا وسهلا ماجازلكم لاتطلبون المستحيل ، أصلا سببتو خلل في تطور المدينة .. لو تفتح بقالة شمال .. قلتو وحنا ؟؟ قضينا من عنيزة وبريدة جينا للشمال والجنوب .. أنا الي أكلمك كنت من سكان المطأ جنوب وسكنت شمال .. وريحنا أنفسنا وارتحنا ، وعلى فكرة يوم كنا جنوب كنا مانتذمر لأننا متعودين وعارفين بيئتنا ومكاننا ومو شي كنا متعودين عليه وفجأة تغير ، أنا عتبي الي يروح يحط له عمارة في جنوب بريدة في مكان مستحيل يكون فيه خدمات ويجلس يطالب في خدمات من وين نصنع لك برج جوال ونجيب لك مول جنب بيتك وبقالة ومغسلة ..

ليه يا اكسجين ليه التجاهل والانكار لاهل الجنوب؟؟؟
ثم من تكلم بالشمال نحن لم نستكثر على الاحياء الشمالية شيء بل بالعكس هي تحتاج اكثر ولكن نتكلم عن الاهمال الغير مبرر لاحياء مهمة يسكنها اعداد كبيرة من الناس.. لابد ان تعلم ان ميزانيات البلديات تعطى على حسب السكان يعني كل فرد له منها خدمة وليس فئة دون اخرى..
ثم انك تنصح اهل الاحياء المهملة بالجنوب والشرق والغرب بأن يتركوا املاكهم ويتبعوك الى الشمال كي تنحل مشاكلهم؟؟؟!!!
بئس الحل هذا يا اخ اكسجين ..
ارجو ان اكون اخطأت فهمك ولعله يكون لك عودة.
واشكرك على المشاركة.

[أمين بريدة]

اقتباس المشاركة الأساسية كتبها a7md2013 ههههههههههههههههه وش سالفه .. ؟! المهم .. >> الي يقول ليه ماتسكن بالشمال .. انا اقولك .. > الشمال غالي متره وغاليه في الشقق والبيوت الجاهزه فرق عن الجنوب .. > والمفروض مايكون بس التقدم في الشمال والباقي مسحوب عليه ..! > والي يتكلم عليه صاحب الموضوع عن > الشوارع ... وماتوقع لها دخل بالتقدم ,,

احسنت يا احمد لا دخل للخدمات العامة بحداثة الحي فالاسفلت والرصيف وخدمات المشاه وو.. كلها لادخل لها بأقدمية او حداثة الاحياء..
شاكرا حضورك،
.

[alii]

خل يوخرون الدوارت وحنئ بخير

[سليمان ابوراكان]

لا تتعب نفسك ترا اكثر المسئولين همه بطنه ومخبات تبي يفكربك ياعيني  ولا يفكر في مصلحه الناس الله المستعان

[أمين بريدة]

اقتباس المشاركة الأساسية كتبها سليمان ابوراكان لا تتعب نفسك ترا اكثر المسئولين همه بطنه ومخبات تبي يفكربك ياعيني  ولا يفكر في مصلحه الناس الله المستعان

هلا اخوي سليمان..
الحقوق لاتضيع عندما نطالب بها والعكس صحيح..

لايضيع حق وراءه مطالب..

المسؤول يجب ان يخاف من النقد ومن المحاسبة كي يكون همه العمل والاخلاص فيه.
شاكرا مرورك ابا راكان،،،،،

[O X Y G E N]

اقتباس ههههههههههههههههه وش سالفه .. ؟! المهم .. >> الي يقول ليه ماتسكن بالشمال .. انا اقولك .. > الشمال غالي متره وغاليه في الشقق والبيوت الجاهزه فرق عن الجنوب .. > والمفروض مايكون بس التقدم في الشمال والباقي مسحوب عليه ..! > والي يتكلم عليه صاحب الموضوع عن > الشوارع ... وماتوقع لها دخل بالتقدم ,,

هههههه اها غالية .. أجل كل شي له ضريبته .. انت جالس بالجنوب لانها رخيصة بسبب عدم وجود الخدمات والشوارع و و و .. بحثت عن الرخيص وجاك .. ولازم ترضى بخدماته ..

[O X Y G E N]

اقتباس ليه يا اكسجين ليه التجاهل والانكار لاهل الجنوب؟؟؟ ثم من تكلم بالشمال نحن لم نستكثر على الاحياء الشمالية شيء بل بالعكس هي تحتاج اكثر ولكن نتكلم عن الاهمال الغير مبرر لاحياء مهمة يسكنها اعداد كبيرة من الناس.. لابد ان تعلم ان ميزانيات البلديات تعطى على حسب السكان يعني كل فرد له منها خدمة وليس فئة دون اخرى.. ثم انك تنصح اهل الاحياء المهملة بالجنوب والشرق والغرب بأن يتركوا املاكهم ويتبعوك الى الشمال كي تنحل مشاكلهم؟؟؟!!! بئس الحل هذا يا اخ اكسجين .. ارجو ان اكون اخطأت فهمك ولعله يكون لك عودة. واشكرك على المشاركة.

هو ماهو تجاهل ولكن بالعقل ، أنت تدور الرخيص هذا الرخيص وهذي خدماته .. والناس دفعت عشان تروح شمال لاجل المميزات الي فيه ..

أما مسئلة تبي تحط مميزات الي بالشمال نفس الي بالجنوب ماتجي ، ولا راح تجي وهذي جرت العادة في العالم ..

شف الرياض جنوبه يفرق عن شماله ، أي بلد كذا .. فلاتجلس تقارن .. يعني انا ماني مسؤول اجلس اسلك لك أنا اقولك اياها بصراحة ..

هذا طبعا لاينكر أحد ان لك بالجنوب حقوق ولكن ليست كمثل حقوق الي بالشمال ، يعني لمبات طافية يسوون لها صيانة شارع تكسر انتهى يعيدون سفلتته ، أما تبي كل شي جديد يعني تبي تعيد بنية تحتية هذي ماتجي .. خيررر ههه لو على كذا كان أول من شراء بالجنوب أنا ..

ولا وش مسكنا شمال ماشاء الله هالبحر الي يطل علينا ولا هالغابات الي حوالينا وجالسين نتبرد .. ماسكنا الا عشان الخدمات ..

فياليت تبتعدون عن المقارنات هذي لان هذي الحقيقة ، رضيتو أهلا وسهلا مارضيتو أرخو الريال وحياكم ننتظركم ..